LIVE UPDATES
Bota

Parlamenti turk voton pro anëtarësimit të Suedisë në NATO

Suedia shpalli në maj 2022, në vazhdën e pushtimit rus të Ukrainës, kandidaturën e saj për t'u anëtarësuar në NATO, në të njëjtën kohë me Finlandën, e cila në prill u bë anëtarja e 31-të e Aleancës Atlantike .

23 Janar 2024, 21:21 Nga r.ll
Parlamenti turk voton pro anëtarësimit të Suedisë në
parlamenti turk

TURQI- Pas shumë muajsh konsultimesh, Parlamenti turk ka miratuar sot protokollin për anëtarësimin e Suedisë në NATO. Hungaria është tani e vetmja pengesë për zgjerimin e aleancës së mbrojtjes. Asambleja e Përgjithshme Kombëtare e Turqisë votoi me 287 vota pro, 55 kundër dhe 4 abstenime.

Seanca plenare e Asamblesë Kombëtare në Ankara votoi për të pranuar kërkesën e Suedisë , duke ia dërguar dokumentin Presidentit Rexhep Tajip Erdogan për nënshkrim përfundimtar përpara se të depozitohej në Departamentin e Shtetit të SHBA në Uashington, shkruajnë mediat e huaja.

Suedia shpalli në maj 2022, në vazhdën e pushtimit rus të Ukrainës, kandidaturën e saj për t'u anëtarësuar në NATO, në të njëjtën kohë me Finlandën, e cila në prill u bë anëtarja e 31-të e Aleancës Atlantike .

Për të përmbushur kërkesat e Ankarasë, Suedia, nga ana e saj, amendoi kushtetutën e saj dhe miratoi një ligj të ri kundër terrorizmit, pasi Ankaraja akuzoi Stokholmin se strehoi luftëtarët kurdë që ishin strehuar në tokën e saj, disa prej të cilëve konsiderohen terroristë nga Turqia. Kjo e fundit dhe Hungaria janë të vetmet vende që kundërshtuan kërkesën e Suedisë për t'u anëtarësuar në Aleancë.

Aleati kryesor i Presidentit Recep Tayyip Erdogan, Devlet Bakhceli, i cili ndihmoi kreun e shtetit të fitonte shumicën në Asamblenë Kombëtare në zgjedhjet e fundit, kishte siguruar se deputetët e tij do të votonin për pranimin e Suedisë, duke parashikuar një rezultat të favorshëm.

turqi suedi nato

Sondazh

Poll

"Marksist-leninist i vogël'! Përplasje e ashpër mes Strazimirit e Muçit:

"Marksist-leninist i vogël'! Përplasje e ashpër mes Strazimirit e Muçit:

Ngjarja e rëndë në Maliq/ Autori transportohet drejt Tiranës, familjarët: Çfarë i bëre?!

Deleted video