Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Dëshmitari ka thënë se ka jetuar jashtë Kosovës dhe për ngjarjet rreth babait të tij ka mësuar nga familja.
KOSOVË- Dëgjimi i dëshmitarit të katërt në gjykimin kundër Pjetër Shalës në Hagë ka përfunduar. para trupit gjykues ishte paraqitur edhe një person i cili pretendon se babai i tij u rrëmbye në Shqipëri dhe u keqtrajtua pastaj për disa ditë në Kukës. Me këtë dëshmitar ka përfunduar edhe seanca, ndërsa gjykimi do të vazhdojë nga data 1 maj.
Sipas dëshmitarit, babai i tij e kishte njohur Pjetër Shalën vetëm gjatë kohës që sipas tij ishte rrëmbyer dhe jo si rezultat i punës që bënte deri në vitin 1997 si polic. Dëshmitari ka thënë se ka jetuar jashtë Kosovës dhe për ngjarjet rreth babait të tij ka mësuar nga familja.
Avokati: Babai yt, a e ka njohur Pjetër Shalën si rezultat i punës që ka bërë si oficer policie?
Dëshmitari: Asnjëherë më parë.
Avokati: Çfarë informatash keni marrë kur keni pyetur se çka ishte ky komandant Ujku?
Dëshmitari: Disa më thanë që ishte aty, gjithsesi, në katundin ku kanë jetuar familja ime ishte, njëri tha që ka ardhur nga Kroacia këtu.
Avokati: A të ka treguar ndonjëherë babai lidhur me një shtëpi të verdhë?
Dëshmitari: Asnjëherë.
Avokati: Kur të ka treguar për incidentin dhe për atë që ka ndodhur në Shqipëri, babai, për rrëmbimin e tij, a ka përmendur një Mercedes të verdhë?
Dëshmitari: Jo, asnjëherë.
Ndër të tjera, dëshmitari ka thënë se babanë e tij nuk e ka takuar deri në nëntor të vitit 1999. Derisa është përgjigjur në pyetjet e prokurorisë, ai ka thënë se mbajtja e babait të tij në Kukës ka ndikuar negativisht në jetën e gjithë familjes më pas.
“Ndikoi shumë në jetën tonë, sepse nuk e kam besuar që një ditë do të keqpërdoren në atë mënyrë, sepse familja asnjëherë nuk e ka fituar atë, nëse kontribut për Kosovën kemi japur ndoshta më shumë sesa disa aty në kampin e Kukësit. Ajo ne na ka rënduar shumë”, ka thënë ai.
Ai ka thënë familja e tij ka dashur të bëhet pjesë e UÇK-së por sipas tij kjo ka qenë e pamundur për shkak se babai i tij kishte punuar polic deri në vitin 1997.
“Këta persona janë të një rrethi shumë të largët, sepse në atë rreth ku ne kemi qenë ka pasur luftëtarë lirie, ka edhe heronj, dhe i nderojmë ata. Kemi pasur dëshirë me qenë pjesë e tyre por në rastin e babait nuk kemi mundur me u kyç në radhët e tyre, dhe e dinë të gjithë në rreth ku kemi jetuar”, ka thënë ai.
E derisa është përgjigjur në pyetjet e mbrojtësit të viktimave, dëshmitari ka thënë se babai i tij ishte i ngarkuar sa i përket anës psikike, sipas tij për shkak të keqtrajtimit në Kukës. Ndërsa në fund të seancës, gjykatësi Zhilber Biti ka pasur disa pyetje sqaruese por seanca është transmetuar me përmbajte të redaktuar.
Në gjykimin kundër Pjetër Shalës deri tani janë dëgjuar katër dëshmitarë të Zyrës së Prokurorit të Specializuar, identiteti i të cilëve nuk është bërë i ditur për publikun. Për katër ditë me radhë dëshmitarët kanë rrëfyer për pranverën e vitit 1998 kur sipas tyre një grup personash me uniformë të UÇK-së kishin shkuar në shtëpinë e tyre me kërkesën për dorëzimin e armëve.
Pas këtij rasti, dëshmitarët kanë thënë se familja e tyre është larguar nga ai fshat, ndërsa një vit më vonë, në kohën e bombardimeve të NATO-s ishin larguar për në Shqipëri. Atje, sipas tyre, babai i tyre ishte rrëmbyer dhe mbajtur pastaj për gati dy javë në një fabrikë metali në Kukës.
Dëshmitarët kanë thënë se ishte i përfshirë Pjetër Shala, i cili aktualisht ndodhet në bankën e të akuzuarve. Ai po qëndron në Hagë prej marsit të vitit 2021.
Sipas Speciales “Krimet për të cilat akuzohet z.Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletë-arrestit dhe urdhrit për transferim lëshuar nga Dhomat e Specializuara të Kosovës./ Kosovapress
Papa Françesku ITALI- Kardinali Xhovani Batista Re, prefekt emeritus i kongregatës për Ipeshkvij dhe dekan i Kolegjit t&e...
Deputetët austriak të ekstremit të djathtë largohen nga fjalimi i Zelenskyy në parlament AUSTRI- Ligjvënësit austri...
Foto Ilustruese KOSOVË- Bordi i Zyrës së Rregullatorit për Energji ka miratuar sot tarifat e reja të energjisë elektrike, q&e...
Arrestimi i Evan Gershkovich SHBA- Me kapuç në kokë duke shmangur kamerat, ku është momenti kur gazetari i 'Wall Street Journal...
Presidentja e Komisionit Evropian Ursula von der Leyen Presidentja e Komisionit Evropian, Ursula von der Leyen paralajmëroi Kinën se qasja e saj ...
Rexhep Taip Erdogan dhe Vladimir Putin TURQI- Presidenti i Turqisë Rexhep Tajip Erdogan njoftoi se homologu i tij rus Vladimir Putin mund të...
Gazeta SHBA- Wall Street Journal "mohon me forcë" akuzat për spiunazh kundër gazetarit të tyre, Evan Gershkovich, i...
Foto ilustruese KINË- Ministria kineze e Mbrojtjes ka deklaruar se ushtria e Kinës është e gatshme të punonte së bashku me us...
Foto ilustruese TURQI- Turqia pritet sot të miratojë anëtarësimin e Finlandës në NATO. Mediat e huaja raportojn&eum...
Turma GJERMANI- Mbreti Charles ndodhet ne Gjermani në vizitën e tij të parë zyrtare shtetërore që kur mori fronin. Pas ceremo...
