Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Një zëdhënës i ministrisë ruse të mbrotjes u tha gazetarëve se 694 ushtarë ishin dorëzuar gjatë 24 orëve të fundit.
RUSI- Ministria ruse e mbrojtjes tha të mërkurën se 959 ushtarë ukrainas janë dorëzuar këtë javë në bastionin e fundit të qytetit të rrethuar të Mariupolit. Një zëdhënës i ministrisë ruse të mbrotjes u tha gazetarëve se 694 ushtarë ishin dorëzuar gjatë 24 orëve të fundit.
Zyrtarët ukrainas nuk i kanë konfirmuar shifrat. Zëvendësministrja ukrainase e mbrojtjes, Anna Malyar, tha të hënën se më shumë se 260 luftëtarë kishin lënë rrënojat e fabrikës së çelikut, “Azovstal”, dhe ishin dorëzuar tek forcat ruse, që ishte në përputhje me shifrat e dhëna nga Rusia.
Rusia e quajti këtë një dorëzim masiv. Ndërsa ukrainasit thanë se garnizoni i tyre e kishte përfunduar misionin e tij.
“Qëllimi ishte që djemtë tanë, të cilët mbrojtën me heroizëm qytetin dhe frenuan armikun në Mariupol, të mos lejonin kalimin e trupave ruse nëpër Mariupol”, i tha kryetari i bashkisë së Mariupolit Vadym Boychenko Shërbimit në gjuhën ukrainase të Zërit të Amerikës. "Ata shpëtuan kombin, ata lejuan Forcat e Armatosura të Ukrainës të përgatiteshin dhe qytetet e tjera të përgatiteshin më shumë për këtë luftë të tmerrshme që tashmë kishte përfshirë Ukrainën", shtoi ai.
Nuk është e qartë se çfarë do të ndodhë me luftëtarët e dorëzuar ukrainas. Një zyrtar rus hodhi dyshime mbi mundësinë e një shkëmbimi në shkallë të gjërë të të burgosurve.
Pushtimi i Mariupolit, një qytet përgjatë bregut verior të Detit Azov që para luftës kishte 430,000 banorë, do të ishte suksesi më i madh i Moskës në ofensivën e saj gati tre-mujore kundër Ukrainës.
Por, Rusia po lufton për të pushtuar më shumë territor në Ukrainën lindore dhe nuk ka arritur ta rrëzojë qeverinë e presidentit Volodymyr Zelenskyy, ose të marrë kryeqytetin e vendit, Kievin.
Ukraina vlerëson se 20,000 civilë janë vrarë nga bombardimet që e kanë kthyer në gërmadhë pjesën më të madhe qytetit të Mariupolit. Ajo që ka mbetur prej tij ndodhet midis territorit rus dhe gadishullit të Krimesë, të cilin Rusia e aneksoi nga Ukraina në vitin 2014.
Zëdhënësi i Pentagonit, John Kirby, u tha gazetarëve të martën se është "e vështirë të dihet" se çfarë nënkupton ndërprerja e operacioneve luftarake në Mariupol.
"Ne kemi folur gjatë për rëndësinë e Mariupolit si një port i madh ekonomik në Detin Azov dhe për rëndësinë e tij gjeografike për luftimet në lindje", tha zoti Kirby.
Ai shtoi se Rusia ka një qëllim të qartë "për të rrethuar dhe pushtuar Donbasin dhe pjesën lindore të vendit", por se "ata nuk e kanë arritur qëllimin e tyre".
Suedia dhe Finlanda paraqitën kërkesat e tyre për t'u anëtarësuar në NATO të mërkurën në Bruksel, ku ambasadorët e të dyja vendeve u takuan me Sekretarin e Përgjithshëm të NATO-s, Jens Stoltenberg.
“Kjo është një ditë e mirë në një moment kritik për sigurinë tonë”, u tha Stoltenberg gazetarëve. “Faleminderit shumë për dorëzimin e kërkesave të Finlandës dhe Suedisë për anëtarësim në NATO. Çdo vend ka të drejtë të zgjedhë rrugën e tij. Ju të dy keni bërë zgjedhjen tuaj pas proceseve të plota demokratike dhe unë mirëpres ngrohtësisht kërkesat e Finlandës dhe Suedisë për t'u anëtarësuar në NATO”.
Ky është një reagim ndaj sulmit rus në Ukrainë dhe përbën ndryshim të madh si për Suedinë ashtu edhe për Finlandën, të cilat kanë qëndruar për një kohë të gjatë jashtë aleancave të tilla.
Kërkesat e tyre duhet të miratohen nga 30 vendet anëtare të NATO-s. Turqia, vend anëtar i NATO-s, ka shprehur kundërshtimin e saj ndaj anëtarësimit të këtyre dy vendeve në aleancën ushtarake perëndimore. Presidentit Rexhep Tajip Erdogan ka akuzuar Suedinë dhe Finlandën për strehim të "terroristëve" dhe vendosje të sanksioneve ndaj Turqisë.
Diskutimi i qëndrimit të Turqisë do të vazhdojë të mërkurën ndërsa Sekretari amerikan i Shtetit Antony Blinken pret në një takim Nju Jork ministrin e Jashtëm turk Mevlut Çavusoglu.
Zëdhënësi i Departamentit të Shtetit, Ned Price u tha gazetarëve të martën se pas bisedimeve me aleatët e NATO-s ka "konsensus të fortë" për pranimin e Suedisë dhe Finlandës dhe se "ne jemi të sigurt se do të jemi në gjendje ta ruajmë këtë konsensus".
Marrë nga VOA
Jake Sullivan dhe Albin Kurti SHBA- Agresioni rus në Ukrainë dhe qëndrueshmëria e Ballkanit Perëndimor ishin pjesë e diskutim...
Ibrahim Kalin TURQI- Përparimi në ofertat e anëtarësimit të Finlandës dhe Suedisë në NATO do të jetë i mu...
RT RUSI- Transmetuesi kanadez CBC ka njoftuar se Rusia mbylli zyrën e kompanisë në Moskë dhe ua hoqi vizat dhe akreditimin gazetarë...
Ciarán Cuffe BRUKSEL- Eurodeputeti Ciarán Cuffe teksa ka folur në Parlamentin Evropian ka veshur bluzen kombëtare shqiptare t&...
Aleksander Vucic GREQI- Media greke “Kathimerini” ka botuar një shkrim për marrëdhënieve të komplikuara të jav&eu...
Pamje nga aksidenti ne Itali ITALI- Një aksident tragjik ka ndodhur në L'Aquila të Italisë, ku një makinë goditi gjasht&...
Ibrahim Kalin TURQI-Zëdhënësi i presidentit turk Rexhep Tajip Erdogan, Ibrahim Kalin, zhvilloi biseda telefonike me homologët e tij nga...
Pamje nga vendngjarja KOSOVË- 3 persona janë vënë në prangat e policisë së Kosovës pas të shtëna...
Joe Biden SHBA- Shtetet e Bashkuara do të punojnë së bashku me Finlandën dhe Suedinë në rast të “kërcëni...
Patriarku Porfirio dhe Aleksander Vucic SERBI- Presidenti i Serbisë, Aleksandër Vuçiç, ka deklaruar sot se vendi ësht&eum...
