Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Ditën e sotme në Prishtinë po mbahet “Samiti i Ballkanit Perëndimor 2022”, organizim i The Economist, në bashkëpunim me zyrën e kryeministrit të Kosovës, Albin Kurtit. •Temat e diskutimit janë pushtimi rus i Ukrainës, mungesa e energjisë dhe mallrave dhe rritja e çmimeve po e çojnë botën drejt një krize të shumanshme. • Kryeministri i Kosovës Albin Kurti gjatë fjalës së tij në Samitin e Ballkanit Perëndimor, që po mbahet sot në Prishtinë, ka thënë se kohës së korrupsionit dhe pandëshkueshmërisë në Kosovë është duke i ardhur fundi.• Ish-presidenti i Parlamentit Evropian, Martin Schulz, është shprehur se Bashkimi Evropian në këtë moment, kur situata gjeopolitike në botë ka ndryshuar pas pushtimit rus në Ukrainë, është e përçarë dhe kjo është katastrofale. • Ish-kryeministri i Greqisë, George Papandreou, është shprehur se vendet e Ballkanit Perëndimor kanë si synim që të vijojnë rrugën e tyre drejt Bashkimit Europian. • I dërguari i Britanisë së Madhe për Ballkanin Perëndimor, Sir Stuart Peach, ka shprehur mbështetjen e tij për anëtarësimin e Kosovës në Këshillin e Europës.
5 artikuj për këtë temë.
KOSOVË- I dërguari i Britanisë së Madhe për Ballkanin Perëndimor, Sir Stuart Peach, ka shprehur mbështetjen e tij për anëtarësimin e Kosovës në Këshillin e Europës.
Në fjalën e tij në Samitin e Ballkanit Perëndimor që po mbahet në Kosovë, Peach u shpreh se është pro integrimit të Kosovës në shumë fusha jo vetëm në ato politike.
“Duhet sa më shumë që Kosovën ta inkurajojmë në rrugën euroatlantike. Britania e Madhe e mbështet çdo gjë që përmban unitet”, ka thënë Peach.
Peach shtoi se duhet të jemi shumë të kujdesshëm të mos lejojmë problemet politike që të bëhen çështje superiore, duke theksuar se mbështesim procesin e atlantikut për këtë rajon si dhe procesin e Berlinit.
KOSOVË- Ambasadori i Shteteve të Bashkuara të Amerikës në Kosovë, Jeffrey Hovenier, është shprehur se prioriteti i SHBA dhe i tij si përfaqësues i politikave të saj është paqja, siguria dhe prosperiteti në Ballkanin Perëndimor.
Në fjalën e tij në Samitin e Ballkanit Perëndimor që po mbahet në Kosovë, Hovenier tha se këto janë elementet që SHBA i konsideron si primare dhe e njëjta gjë duhet të jetë dhe për shtetet e Bashkimit Europian.
“Duam që t’i mbështesim dhe t’i shtyjmë përpara vendet e Ballkanit Perëndimor drejtë integrimeve evropiane. Duhet të punojmë që ta dërgojmë para këtë rajon edhe në integrimin më të madh ekonomik”, ka thënë Hovenier.
Në fund ambasadori amerikan ka bërë thirrje që të përfundojnë edhe proceset drejt NATO-s për këto shtete.
Ditën e sotme në Prishtinë po mbahet “Samiti i Ballkanit Perëndimor 2022”, organizim i The Economist, në bashkëpunim me zyrën e kryeministrit të Kosovës, Albin Kurtit. Temat e diskutimit do të jenë pushtimi rus i Ukrainës, mungesa e energjisë dhe mallrave dhe rritja e çmimeve po e çojnë botën drejt një krize të shumanshme. Në këtë samit do të marrin pjesë krerët e shteteve nga rajoni, liderët e biznesit dhe financave dhe akademikët të cilët do të ndajnë njohuritë e tyre mbi strategjitë e reja për të trajtuar krizën aktuale dhe për të rritur stabilitetin dhe bashkëpunimin në rajon dhe më gjerë.
KOSOVË- Ish-kryeministri i Greqisë, George Papandreou, është shprehur se vendet e Ballkanit Perëndimor kanë si synim që të vijojnë rrugën e tyre drejt Bashkimit Europian.
Në fjalën e tij në Samitit e Ballkanit Perëndimor që po mbahet në Kosovë, Papandreu tha se askush nuk dëshiron që tv ketv probleme apo konflikte në rajon.
“Ëndrra perëndimore që kemi në Ballkanin Perëndimor na përfshin të gjithëve, kjo nuk është thjeshtë një ëndërr e rritjes së prosperitetit, por është ajo e një bashkëjetese në paqe, ku dëshirojmë të shohim diçka të mirë dhe jo të rrezikshme”,-tha Papandreou.
Papandreou ka folur dhe për situatën e Europës në tërësi pas nisjes së luftës në Ukrainë ku u shpreh se ka një dilemë se në çfarë drejtimi duhet të shkojë ajo.
“Natyrisht se tani Evropa e ka parë se procesi i qasjes është më se i rëndësishëm, pas fillimit të luftës në Ukrainë, definitivisht duhet të krijojmë një momentum nga kjo. Sa i përket Evropës, në fakt është një pyetje e ekzistimit në Evropë, se në çfarë drejtimi dëshiron të shkojë Evropa. Kemi rivalitet gjeopolitik edhe Evropa duhet të luajë një rol të rëndësishëm dhe kjo do të thotë që ne duhet të shohim si të punojmë më shumë bashkërisht, kapaciteti është më i madh, jemi më të fuqishëm kur jemi bashkë”, shtoi Papandreou.
Në fund të fjalës së tij ai ka bërë thirrje që shtetet e Ballkanit Perëndimor të bashkëpunojnë më shumë mes tyre për integrime më të shpejta drejtë BE-së, si dhe zhvillimeve të tyre.
Ditën e sotme në Prishtinë po mbahet “Samiti i Ballkanit Perëndimor 2022”, organizim i The Economist, në bashkëpunim me zyrën e kryeministrit të Kosovës, Albin Kurtit. Temat e diskutimit do të jenë pushtimi rus i Ukrainës, mungesa e energjisë dhe mallrave dhe rritja e çmimeve po e çojnë botën drejt një krize të shumanshme. Në këtë samit do të marrin pjesë krerët e shteteve nga rajoni, liderët e biznesit dhe financave dhe akademikët të cilët do të ndajnë njohuritë e tyre mbi strategjitë e reja për të trajtuar krizën aktuale dhe për të rritur stabilitetin dhe bashkëpunimin në rajon dhe më gjerë.
KOSOVË- Ish-presidenti i Parlamentit Evropian, Martin Schulz, është shprehur se Bashkimi Evropian në këtë moment, kur situata gjeopolitike në botë ka ndryshuar pas pushtimit rus në Ukrainë, është e përçarë dhe kjo është katastrofale.
Në fjalën e tij në Samitin e Ballkanit Perëndimor që po mbahet në Prishtinë, Schulz tha se BE po dështon ndaj sfidave që po kalon bota kohët e fundit.
“Është e qartë që Evropa duhet t’i jap përgjigje rolit të saj. BE-ja kurrë më shumë nuk ka pasur nevojë për një udhërrëfyes, por nuk e ka. Shtetet e BE-së janë të përçarë. BE-ja po dështon ndaj sfidave nga të cilat po kalojmë”, ka thënë Schulz.
Schulz gjatë fjalimit të tij është treguar kritik edhe ndaj qasjes së Serbisë në raport me BE-në sidomos me mospjesëmarrjen e Beogradit në harmonizimin e politikës së tij të jashtme me BE-në në raport me sanksionet ndaj Rusisë.
“Nuk mund të kërkosh anëtarësim ne BE e t’i shkelësh parimet e BE siç po bën Beogradi”.-shtoi Schulz.
Ditën e sotme në Prishtinë po mbahet “Samiti i Ballkanit Perëndimor 2022”, organizim i The Economist, në bashkëpunim me zyrën e kryeministrit të Kosovës, Albin Kurtit. Temat e diskutimit do të jenë pushtimi rus i Ukrainës, mungesa e energjisë dhe mallrave dhe rritja e çmimeve po e çojnë botën drejt një krize të shumanshme. Në këtë samit do të marrin pjesë krerët e shteteve nga rajoni, liderët e biznesit dhe financave dhe akademikët të cilët do të ndajnë njohuritë e tyre mbi strategjitë e reja për të trajtuar krizën aktuale dhe për të rritur stabilitetin dhe bashkëpunimin në rajon dhe më gjerë.
KOSOVË- Kryeministri i Kosovës Albin Kurti gjatë fjalës së tij në Samitin e Ballkanit Perëndimor, që po mbahet sot në Prishtinë, ka thënë se kohës së korrupsionit dhe pandëshkueshmërisë në Kosovë është duke i ardhur fundi.
Në fjalën e tij Kurti ka folur dhe për punën e qeverisë së tij gjatë një viti e gjysëm ku ndër arritjet e saj përmendi luftën kundër korrupsionit.
“Me demokraci nënkuptojmë krijimin e shteteve funksionale. Qeveria jonë e ka marr mandatin para dy vitesh dhe esenciale për demokracinë është sundimi i rendit dhe ligjit. Me Qeverinë tonë Republika ka bërë përparime shumë, jemi ngritur në indeksin e luftës kundër korrupsionit”, tha Kurti.
Si shembull ai mori aksionin "Brezovica", ku sipas tij lista e pronarëve të vilave të sekuestruaranë Brezovicë ishte tronditëse, por jo befasuese.
“Autoritetet ligj zbatuese kanë ndërmarrë 800 operacione policore ndaj krimit dhe korrupsionit dhe kanë arrestuar mbi 2000 njerëz duke përfshirë afërsisht 300 zyrtarë publikë e shtetërorë. Kanë shkatërruar 68 banda kriminale dhe kanë konfiskuar mbi 1.8 milionë drogë, 75 villa të sekuestruara për shkak të ndërtimit të paligjshëm dhe lista e pronarëve ishte tronditëse por jo befasuese – gjyqtarë të nivelit të lartë, biznesmenë të pasur, politikanë dhe të afërmit e tyre”, shtoi Kurti.
Ditën e sotme në Prishtinë po mbahet “Samiti i Ballkanit Perëndimor 2022”, organizim i The Economist, në bashkëpunim me zyrën e kryeministrit të Kosovës, Albin Kurtit. Temat e diskutimit do të jenë pushtimi rus i Ukrainës, mungesa e energjisë dhe mallrave dhe rritja e çmimeve po e çojnë botën drejt një krize të shumanshme. Në këtë samit do të marrin pjesë krerët e shteteve nga rajoni, liderët e biznesit dhe financave dhe akademikët të cilët do të ndajnë njohuritë e tyre mbi strategjitë e reja për të trajtuar krizën aktuale dhe për të rritur stabilitetin dhe bashkëpunimin në rajon dhe më gjerë.
