"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Ndryshe nga shqetësimet për tërheqje të mundshme të SHBA nga NATO, Sekretari amerikan i Shtetit, Marco Rubio u shpreh se SHBA i mbetet besnik NATO-s.
BRUKSEL- Fillimi i takimit dy ditor të ministrave të Jashtëm të NATO-s, u la në hije nga tarifat e importit të vendosura nga Uashingtoni për mallrat dër të tjera edhe nga Evropa, të mërkurën. Ministri i Jashtëm i Luksemburgut Xavier Bettel foli për një "moment të së vërtetës" që do të tregonte se nëse SHBA do të donte kishte të bënte më me Evropën.
Në këtë kontekst, Ministrja e Jashtme gjermane në detyrë, Annalena Baerbock (Të Gjelbrit) e bëri të qartë rëndësinë e sigurisë ekonomike për aftësinë mbrojtëse. Siguria ekonomike është "pjesë e sigurisë sonë të përgjithshme", theksoi ajo në Bruksel.
Në muajt e fundit, Trump kishte vënë vazhdimisht në pikëpyetje detyrimin e ndihmës së SHBA brenda NATO-s dhe kërkonte që partnerët e NATO-s të rrisin buxhetet e tyre të mbrojtjes në pesë për qind të PBB-së së tyre përkatëse. Deklaratat nga Uashingtoni nxitën frikën në mesin e diplomatëve të NATO-s në Bruksel se SHBA-të mund të tërhiqet të paktën pjesërisht nga NATO.
"Ne do të mbetemi në NATO"
Sipas Sekretarit të Shtetit Marco Rubio, SHBA janë të përkushtuara ndaj NATO-s. Kjo nuk ka ndryshuar, tha Rubio në Bruksel në para takimit dy ditor me krerët e departamenteve nga 32 vendet anëtare që filloi të enjten.
Presidenti amerikan Donald Trump e ka bërë të qartë se ai mbështet NATO-n. "Ne do të mbetemi në NATO," tha Rubio në Bruksel të enjten. Sipas Rubios, Shtetet e Bashkuara janë edhe "më aktive se kurrë" në NATO. "Histeria dhe ekzagjerimi” që keni parë në mediat ndërkombëtare dhe në disa media amerikane për këtë çështje janë të pajustifikuara. "Por ne duam që NATO të jetë më e fortë."
Në të njëjtën kohë, ai theksoi se NATO duhet të forcojë aftësitë e saj për t'u përgatitur për kërcënimet ekzistuese. Për këtë qëllim, ai konsideron të përshtatshme shpenzime të mbrojtjes në pesë përqind të prodhimit të brendshëm bruto. Rubio pranoi se SHBA nuk e kanë arritur ende këtë objektiv.
E vetmja mënyrë për ta bërë këtë është "që partnerët tanë (...) të kenë më shumë aftësi", "Ne duam që NATO të jetë më e fortë. Ne duam që NATO të jetë më efikase. Dhe e vetmja mënyrë që NATO të jetë më e fortë dhe më efektive është që partnerët tanë (...) të kenë më shumë aftësi," tha Rubio.
Investimet në sigurinë kombëtare ndoshta jo popullore
Rubio tha se e kupton se, pas dekadash të ndërtimit të sistemeve gjithëpërfshirëse të sigurimeve shoqërore, mund të jetë jopopullore të devijosh prej tyre dhe të investosh më shumë në sigurinë kombëtare. Por ngjarjet e viteve të fundit, duke përfshirë luftën aktuale në zemër të Evropës, janë një kujtesë se një fuqi e fortë mbetet e nevojshme si pengesë.
Sekretari i Përgjithshëm i NATO-s, Mark Rutte, ka hedhur poshtë frikën për një tërheqje të shpejtë të trupave amerikane nga Evropa. Nuk ka plane për këtë, tha ai në Bruksel. Ai vazhdon t'i konsiderojë SHBA një partner të besueshëm. Muajt e fundit, Presidenti i SHBA Donald Trump e ka vënë vazhdimisht në pikëpyetje klauzolën e mbrojtjes reciproke të NATO-s, parimin e mbrojtjes kolektive dhe ka kërkuar që partnerët të rrisin buxhetet e tyre të mbrojtjes.
Tema të tjera në takimin dy ditor në Bruksel lidhen me situatën në Ukrainë dhe negociatat për armëpushimin që Uashingtoni po zhvillon aktualisht me Moskën dhe Kiyvin. Përveç anëtarëve të NATO-s, në takim marrin pjesë edhe shefja e politikës së jashtme të BE-së, Kaja Kallas, ministri i Jashtëm ukrainas Andrij Sybiha dhe përfaqësues të Japonisë, Koresë së Jugut, Australisë dhe Zelandës së Re./ DW
Donald Trump SHBA- Presidenti amerikan Donald Trump ka vendosur një tarifë 10% për mallrat nga shumica e vendeve që importohen në...
SHBA - Një zbulim emocionues ka ndodhur nga shkencëtarët e Universitetit të Teksasit në Austin, të cilët kanë identifi...
Policia franceze FRANCË - Një ish-punonjëse çerdhe në Lion, Francë, Miriam Zaouen, është dënuar me 25 vjet b...
donald trump SHBA- Presidenti amerikan Donald Trump shfaqi dje nga kopshtet e Shtëpisë së Bardhë tabelat me tarifat që synojn...
Foto ilustruese SHBA- Shtetet e Bashkuara janë tërhequr nga një ekip ndërkombëtar përgjegjës për mbledhjen e p...
foto ilustruese SHBA- Familja mesatare amerikane do të paguajë 2,100 dollarë më shumë në vit për mallra për shkak t...
Kryeministrja italiane, Giorgia Meloni ITALI - Kryeministrja italiane, Giorgia Meloni ka shprehur angazhimin e vendit të saj për të kër...
Dodik GJERMANI- Lideri i serbëve të Bosnjës, Millorad Dodik dhe dy bashkëpunëtorët e tij të ngushtë, do ta kenë...
Foto ilustruese SHBA- Sipas një studimi nga Shkolla e Shëndetit Publik të Universitetit Brown në SHBA amerikanët ka...
Kryeministrja italiane, Giorgia Meloni ITALI - Kryeministrja italiane, Giorgia Meloni, ka reaguar ndaj tarifave të reja të vendosura nga administ...
