Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Rreth 170 afganë dhe 13 veta nga personeli ushtarak amerikan u vranë në sulm, që ishte njëri nga më vdekjeprurësit në të gjithë luftën 19-vjeçare, të udhëhequr nga Shtetet e Bashkuara, në Afganistan. Qindra të tjerë si Samsori u plagosën.
AFGANISTAN- Ngjarjet e tmerrshme të 26 gushtit të vitit 2021 janë ngulitur në kujtesën e Shafiullah Samsorit. Njëzetedyvjeçari i atëhershëm ishte në mesin e mijëra afganëve të dëshpëruar, që ishin grumbulluar jashtë Aeroportit të Kabulit, me shpresën se do të transportoheshin jashtë vendit nga ushtria amerikane.
Vetëm disa ditë më parë, talibanët morën kontrollin e kryeqytetit të Afganistanit, duke shkaktuar panik në mesin e 5 milionë banorëve të qytetit.
Mes skenave kaotike jashtë aeroportit, i cili ende kontrollohej nga forcat amerikane që po largoheshin, një kamikaz shpërtheu jelekun e tij të mbushur me eksploziv.
“Papritur, ndodhi një shpërthim i fuqishëm, i cili më hodhi në tokë”, kujton Samsori.
“Kishte klithma, njerëzit filluan të vraponin gjithandej. Më kujtohet gjaku dhe pluhuri rreth meje përpara se t’i humbja ndjenjat”, shton ai.
Samsori, student në universitet atëkohë, u dërgua me urgjencë në spital, ku qëndroi në komë për katër ditë. Kur u zgjua, mjekët e njoftuan se shtylla kurrizore i ishte thyer në katër vende.
Rreth 170 afganë dhe 13 veta nga personeli ushtarak amerikan u vranë në sulm, që ishte njëri nga më vdekjeprurësit në të gjithë luftën 19-vjeçare, të udhëhequr nga Shtetet e Bashkuara, në Afganistan. Qindra të tjerë si Samsori u plagosën.
Sulmi - përgjegjësinë për të cilën e mori grupi ekstremist Shteti Islamik Khorasan - u bë simbol i tërheqjes kaotike dhe vdekjeprurëse të ushtrisë amerikane nga Afganistani, e cila përfundoi më 31 gusht.
Tre vjet më vonë, të mbijetuarit janë ende të tronditur nga efektet psikologjike dhe fizike të sulmit.
Samsori nuk u kthye kurrë në universitet për t’i përfunduar studimet në letërsinë angleze.
Ai nuk mund të punojë dhe mezi mund të ecë edhe me ndihmën e patericave.
Ai dhe pesë motrat dhe nëna e tij varen nga remitancat që ua dërgon vëllai i tij më i madh, i cili punon në Iranin fqinj.
Familja e Samsorit i shpenzoi të gjitha kursimet e saj dhe shiti një pjesë toke dhe makinën për të financuar trajtimin e tij.
“Shpresoj se Allahu do t’i ndëshkojë ata që janë përgjegjës për shkatërrimin e jetës sime dhe të shumë të tjerëve”, thotë Samsori.
Bashkëvendasi i tij, Meisam Ahmadi, humbi dy vëllezër në sulm.
Alireza Ahmadi, gazetar, dhe Mujtaba Ahmadi, fotoreporter, i ishin bashkuar turmës jashtë portës Abbey në Aeroportin e Kabulit, pasi një mik u tha se forcat amerikane po i lejonin të hynin në aeroport.
“Fatkeqësisht, atje ndodhi shpërthimi dhe të dy humbën jetën”, thotë Ahmadi.
Të mbijetuarit dhe familjet e viktimave të sulmit janë ende në kërkim të përgjigjeve për atë që ka ndodhur.
Dy hetime që kreu Pentagoni, arritën në përfundimin se të gjitha viktimat u shkaktuan nga një kamikaz i vetëm.
Por, një hetim i CNN-it, i bazuar në video-prova të reja dhe i publikuar në prill, sugjeroi se dhjetëra njerëz mund të jenë qëlluar për vdekje nga ushtarët amerikanë.
Tri ditë pas sulmit në portën Abbey, ushtria amerikane kreu një sulm me dron, duke shënjestruar, siç tha, një kompleks të Shtetit Islamik Khorasan në Kabul.
Por, sulmi vrau një punonjës afgan të ndihmave dhe nëntë njerëz nga familja e tij e gjerë. Pentagoni e cilësoi atë si “gabim tragjik”.
Michael Semple, ekspert për Afganistanin në Universitetin Queen’s në Belfast, thotë se sulmi i tmerrshëm në Aeroportin e Kabulit nxori në pah adresimin e keq të krizës nga Uashingtoni.
“Ishte koha që SHBA-ja të largohej nga Afganistani, por skenat e trazirave që pamë, të shoqëruara nga masakra që ndodhi në portën Abbey, tregojnë se kriza u adresua keq”, thotë Semple.
Në vitin 2020, Shtetet e Bashkuara dhe talibanët nënshkruan një marrëveshje për tërheqjen në faza të të gjitha trupave të huaja nga Afganistani. Por, një ofensivë ushtarake e talibanëve në verën e vitit 2021 çoi në rënien e Qeverisë afgane, të mbështetur nga Perëndimi, përpara se forcat ndërkombëtare të largoheshin nga vendi. Forcat e udhëhequra nga SHBA-ja mbajtën kontrollin e Aeroportit të Kabulit dy javë pas marrjes së pushtetit nga talibanët, duke evakuuar dhjetëra mijëra shtetas të huaj, si dhe afganë të rrezikuar./REL
UKRAINË- Autoriteti shtetëror i energjisë i Ukrainës njoftoi se po aplikon ndërprerje emergjente të energjisë pas një ...
Olaf Scholz SOLINGEN- Kancelari gjerman, Olaf Scholz, tha të hënën se dëshiron të rrisë deportimet e migrantëve të ...
RUSI- Një gjykatë në Moskë lëshoi një urdhër arresti më 26 gusht për Aleksandra Frolova, një anëtare q&...
SHBA- Plakja ndodh ngadalë e në mënyrë të qëndrueshme por jo vetëm kështu, thotë një studim i ri. Në t&...
Zelensky dhe Erdogan Të krijosh shanse negociimi - ky përmendet gjithnjë si qëllim i mundshëm i Ukrainës, prandaj edhe u...
Leksione RUMANI- Ishin gjashtë muaj të ngarkuar për ambasadorin e Kinës, Han Chunlin, në Rumani. Mes institucioneve që vizito...
Pakistan PAKISTAN- Persona të armatosur qëlluan për vdekje 23 pasagjerë pasi i identifikuan dhe i nxorën nga autobusët, autom...
Gaza GAZA- Bisedimet për armëpushimin dhe shkëmbimin të pengjeve në luftën në mes Izraelit dhe grupit palestinez Ha...
Foto ilustruese LINDJE E MESME- Shefi i Pentagonit urdhëroi që dy aeroplanmbajtëse luftarake të vazhdojnë të qëndrojn&eu...
Butch Wilmore dhe Suni Williams në Stacionin Ndërkombëtar të Hapërsirës SHBA- NASA vendosi të mos i kthejë në...
