E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
Të enjten, Prokurori i Përgjithshëm amerikan emëroi një prokuror të posaçëm për të hetuar këtë çështje.
SHBA- Avokati i Joe Bidenit tha të enjten se dokumente të tjera të klasifikuara janë gjetur në shtëpinë e presidentit në Delauer. Në fillim të javës, u njoftua se dokumente sekrete nga administrata Obama-Biden ishin gjetur në nëntor në një institut kërkimor në Uashington, të cilin zoti Biden e kishte përdorur si zyrë pasi shërbeu si nënpresident.
Të enjten, Prokurori i Përgjithshëm amerikan emëroi një prokuror të posaçëm për të hetuar këtë çështje.
Shtëpia e Bardhë nuk pati një javë të lehtë, pas publikimit të lajmit se në nëntor janë gjetur dokumente të klasifikuara në zyrat e një instituti kërkimor në Uashington, ku Presidenti Joe Biden kishte një zyrë pasi mbaroi mandatin si nënpresident.
Një ditë më parë Shtëpia e Bardhë njoftoi se dokumente të tjera janë gjetur në rezidencën e zotit Biden në Delauer.
Presidenti demokrat tha në një konferencë se ishin vetë avokatët e tij që i kishin gjetur dhe dorëzuar dokumentet sekrete.
“Siç thashë në fillim të javës, njerëzit e dinë se unë i marr seriozisht dokumentet e klasifikuara dhe siç thashë gjithashtu, ne po bashkëpunojmë plotësisht me hetimin e Departamentit të Drejtësisë”, tha zoti Biden.
Reagimet e udhëheqësve republikanë ishin të menjëhershme. Ata thanë se demokratët reaguan ashpër ndaj ish-presidentit Donald Trump, ndërsa FBI po kontrollonte shtëpinë e tij “Mar-a-Lago” në Florida dhe po merrte dokumentet e klasifikuara prej saj… kjo ndodhi pas largimit të zotit Trump nga presidenca.
Kryetari i sapozgjedhur republikan i Dhomës së Përfaqësuesve, Kevin McCarthy tha se:
“Kemi dikë që është në detyrë për më shumë se 40 vite. Kemi dikë që thoshte në emisione televizive se ishte shumë i shqetësuar për dokumentet që kishte mbajtur Presidenti Trump, ndërsa tani ne e kuptojmë se ai si nënpresident mbajti dokumente për vite dhe në vende të ndryshme”, tha zoti McCarthy.
Prokurori i Përgjithshëm amerikan, Merrick Garland emëroi një prokuror të posaçëm për të hetuar këtë çështje.
“Emërimi tregon përkushtimin e departamentit të drejtësisë për pavarësinë dhe përgjegjshmërinë ,veçanërisht në çështje të ndjeshme dhe për marrjen e vendimeve bazuar vetëm në fakte dhe ligj”, tha ai.
Gazetari i Agjencisë së lajmeve Associated Press, Eric Tucker thotë se ky është një zhvillim i jashtëzakonshëm, meqenëse Departamenti i Drejtësisë po kryen gjithashtu një hetim mbi dokumentet e klasifikuara që janë gjetur në pronën e ish-presidentit Trump.
"Departamenti i Drejtësisë po heton prej muajsh krimet e mundshme që përfshijnë mbajtjen e afërsisht 300 dokumenteve të klasifikuara në shtëpinë e ish-presidentit Trump. Hetimet po vazhdojnë. Një juri e madhe në Uashington po dëgjon dëshmitë ndërsa ne flasim”, tha ai.
Gazetari gjithashtu vuri në dukje dallimet në hetimet ndaj presidentit aktual dhe ish-presidentit, përfshirë faktin se avokatët personalë të Presidentit Biden i dorëzuan dokumentet tek Departamenti i Drejtësisë, ndërsa dokumentet në rezidencën e zotit Trump u zbuluan nga autoritetet.
Ish-presidenti Trump po hetohet edhe për mundësinë e kryerjes së një vepre penale duke mos dorëzuar materialet e klasifikuara, veçanërisht pas kërkesave të përsëritura të Arkivit Kombëtar dhe një thirrjeje për të dëshmuar nga Departamenti i Drejtësisë.
“Departamenti i Drejtësisë në rastin e zotit Trump thotë se po heton pengimin e mundshëm të drejtësisë. Ne nuk kemi dëgjuar që të ketë pretendime të ngjashme lidhur me Shtëpinë e Bardhë dhe Joe Bidenin”, thotë ai.
Ligji amerikan thotë se dokumentet e klafisikuara nga presidenca duhet të mbahen në Arkivin Kombëtar dhe jo diku tjetër.
Marrë nga VOA
Soledar RUSI- Rusia bëri të ditur sot (e premte), se prej të enjtes vonë në mbrëmje, ka nën kontroll qytetin e Soledarit...
Kripto SERBI- Një operacion blic i zhvilluar nga Europol në bashkëpunim të autoriteteve në Serbi, Qipro dhe Gjermani kanë &cc...
Emigrantë SHBA- Në vitin 2022, sipas përllogaritjeve paraprake, rreth 330 000 kalime të parregullta kufitare u zbuluan në kufirin ...
Alexei Navalny GJERMANI- Gjermania të premten kërkoi kujdes të shpejtë mjekësor për kritikun e burgosur të Kremlinit, Al...
Ulf Kristerson SUEDI- Kryeministri i Suedisë, Ulf Kristersson, ka dënuar protestën e organizuar nga kurdët në qendër të ...
Sarande SARANDË- Ardit Buqi është arretuar sot nga policia në Sarandë pasi është kapur duke qarkulluar me armë me v...
Francë FRANCË- Një ngjarje e rëndëështë shënuar në Paris. Një vajzë tre vjeçare ka ndërr...
Derek Chollet SERBI- Në fund të vizitës në Beograd Chollet deklaroi se ishte sekretari i shtetit Blinken që i kërkoi ati...
SHBA SHBA- Qeveria amerikane po shqyrton 510 raporte për UFO-t, mbi trefishin e numrit në dosjen e saj të vitit 2021, dhe ndërsa shum&e...
Donald Trump dhe Joe Biden Prokurori i Përgjithshëm, Merrick Garland, ka emëruar dy këshilltarë të posaçëm, p&eum...
