Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Duke folur me gazetarët në një takim online të organizuar nga Presidenca, Zelensky tha se të tri palët ishin konstruktive sa i përket aspektit ushtarak të bisedimeve.
UKRAINË- Presidenti ukrainas, Volodymyr Zelensky, tha se bisedimet dyditore me Rusinë, të ndërmjetësuara nga Shtetet e Bashkuara, prodhuan rezultate të përziera, duke theksuar se është arritur përparim në aspektet ushtarake, por “çështje të brendshme” vazhdojnë të jenë të pazgjidhura sa i përket aspektit politik.
Ndaras, zëdhënësi i Kremlinit, Dmitry Peskov, tha se është shumë herët të jepet një vlerësim për rezultatet e bisedimeve që u mbajtën në Gjenevë të Zvicrës. Ende nuk ka ndonjë reagim nga zyrtarët amerikanë. Duke folur me gazetarët në një takim online të organizuar nga Presidenca, Zelensky tha se të tri palët ishin konstruktive sa i përket aspektit ushtarak të bisedimeve.
“Ushtria e kupton se si të monitorojë një armëpushim dhe përfundimin e luftës, nëse ka vullnet politik. Ata në thelb janë pajtuar për pothuajse gjithçka në këtë aspekt. Monitorimi patjetër do të përfshijë palën amerikane. Sa i përket aspektit politik, ka pasur dialog janë pajtuar që të ecet përpara dhe të vazhdohet. Nuk kam dëgjuar për të njëjtin nivel përparimi si në aspektin ushtarak. Por… grupi im më tha se nuk mund të më raportojë gjithçka në telefon”, tha Zelensky.
Dita e dytë e bisedimeve mes Rusisë dhe Ukrainës përfundoi pas pothuajse dy orësh. Një ditë më parë, i dërguari kryesor i Shtëpisë së Bardhë për bisedimet në Gjenevë, Steve Wikoff, deklaroi e kishte “përparim domethënës”. Witkoff tha përmes një postimi në X se “të dyja palët u pajtuan të informojnë udhëheqësit e tyre dhe të vazhdojnë të punojnë drejt një marrëveshjeje”.
Bisedimet më 17-18 shkurt në Gjenevë - rundi i tretë i bisedimeve trepalëshe të mbajtura në muajin e fundit - janë përqendruar në dy pengesa kyç për ndaljen e luftës: pretendimet territoriale dhe garancitë e sigurisë.
Takimet në Gjenevë vijnë një javë para përvjetorit të katërt të luftës të Rusisë kundër Ukrainës, një konflikt që ka vrarë ose plagosur rreth 2 milionë njerëz në të dyja palët.
Përpjekjet e udhëhequra nga SHBA-ja për zgjidhjen e konfliktit kanë avancuar që nga përpjekjet e para në muajt e parë të luftës, që nisi më 24 shkurt 2022. Megjithatë, Rusia ka treguar pak gatishmëri për t’u tërhequr nga kërkesat e saj, të cilat përfshijnë edhe që Kievi të heqë dorë nga territore që ende i kontrollon në rajonin lindor të Donbasit. Ndërkaq, Ukraina i ka bërë presion Uashingtonit dhe aleatëve evropianë për garanci të forta sigurie, që do ta ndihmonin atë mbronte veten nga ndonjë agresion i mundshëm rus në të ardhmen.
Para nisjes së bisedimeve, Rusia kreu një valë të re sulmesh me dronë dhe raketa. Presidenti Zelensky, këmbënguli se veprimet e Rusisë nuk duhet të anashkalohen në Gjenevë. Negociatorët e Ukrainës “duhet patjetër të bëjnë pyetje për këto sulme ajrore – pyetje kryesisht ndaj palës amerikane, e cila na sugjeroi si neve ashtu edhe Rusisë të përmbaheshim nga sulmet”, tha ai në adresimin e përditshëm në rrjetet sociale një ditë më parë.
Si Ukraina ashtu edhe Rusia i kanë përshkruar rundet e mëparshme të bisedimeve, të përqendruara në çështje të sigurisë, si pozitive. Megjithatë, delegacioni rus që mori pjesë në bisedimet e reja përfshin Vladimir Medinskyn, një historian revizionist dhe ish-ministër i Kulturës, pikëpamjet e të cilit Ukraina i ka cilësuar si “pseudo-historike”.
Para bisedimeve, kreu i delegacionit ukrainas, Kyrylo Budanov, duket se e ironizoi Medinskyn, duke thënë: “Ne do t’i diskutojmë mësimet e historisë sonë me kolegët tanë dhe do të kërkojmë që të arrijmë në konkluzionet e duhura”.
Dy personat e ngarkuar me udhëheqjen e përpjekjeve amerikane janë i dërguari i posaçëm, Steve Witkoff, dhe dhëndri i presidentit Donald Trump, Jared Kushner. Në prag të bisedimeve, Trump, i cili është shprehur i zhgënjyer nga pamundësia që ta zgjidhë konfliktin, duket se ushtroi presion ndaj udhëheqësit ukrainas, Volodymyr Zelensky.
“Kemi bisedime të mëdha. Do të jetë shumë e lehtë. Ukraina bën mirë të vijë shpejt në tryezë. Kaq po ju them”, u tha ai gazetarëve.
Si në fushëbetejë ashtu edhe në negociata, Rusia duket se beson se ka epërsinë. Teksa forcat ruse kanë avancuar me ritëm shumë të ngadalshëm përgjatë vijës së frontit, Moska ka shkatërruar infrastrukturën energjetike të Ukrainës. Miliona njerëz janë përballur me vështirësi gjatë dimrit të acartë, duke mbetur pa ngrohje apo energji elektrike.
KOSOVË- Sekuestrimi i pesë tonëve marihuanë në fshatin Konjuh, afër Krushevcit në Serbi, ishte - sipas ministrit të Br...
bullgari BULLGARI- Presidentja Iliana Yotova, njoftoi se Bullgaria do të mbajë zgjedhje të parakohshme parlamentare më 19 prill. S...
Foto ilustruse Ekonomia më e madhe e Europës përballet me rënie demografike më të thellë se sa ishte vlerësuar m&eu...
foto ilustruese KANADA- Kanadaja nisi dje programin e saj multimiliardë dollarësh për të forcuar ushtrinë&nbs...
Papa Leo XIV VATIKAN- Papa Leo XIV ka refuzuar ftesën e Donald Trump për tu bashkuar në "Bordin e Paqes". Kardinali Piet...
Steve Witkoff I dërguari i posaçëm i Shteteve të Bashkuara, Steve Witkoff, tha se dita e parë e rundit të fundit të bi...
Aleksandar Vuçiq Vendimi i presidentit të Serbisë, Aleksandar Vuçiç, për të nënshkruar ndryshimet në lig...
Jeffrey epstein SHBA- Si ia doli Jeffrey Epstein, një person që kishte braktisur kolegjin dhe që filloi të jepte mësim ...
Jeffrey Epstein BRITANI E MADHE- Policia britanike konfirmoi se po hetonte akuzat që dolën nga dosjet Epstein, sipas të cilave fi...
Kriza ekonomike godet rëndë industrinë gjermane. Si pasojë industria gjermane ka shkurtuar vende pune në shkallë të gjer&eu...
