Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Pozicioni i qytetarëve gjermanë nuk është i qartë kur bëhet fjalë për ligjet që mund të miratohen vetëm me ndihmën e votave të AfD-së. Për 49 për qind e të anketuarve kjo nuk është e pranueshme, ndërsa për 44 për qind do të ishte e pranueshme.
GJERMANI- Pavarësisht protestave të ashpra në Gjermani, CDU/CSU nuk janë dëmtuar nga pranimi i votave të AfD në Bundestag, tregon sondazhi i fundit i opinionit. E kundërta ndodhi.
Zgjedhjet parlamentare të 23 shkurtit po afrojnë dhe tensioni politik në Gjermanipo rritet. Toni mes partive është bërë dukshëm më i ashpër, sepse kandidatët po luftojnë për çdo votë dhe nuk po kursejnë njëri-tjetrin.
Atmosfera është bërë edhe më e tensionuar pasi Unioni CDU/CSU votoi në Bundestag në fund të janarit së bashku me AfD për shtrëngimin e politikave të imigracionit dhe azilit. Duke mos rënë dakord më parë me socialdemokratët (SPD) dhe të Gjelbërit për një qasje të përbashkët ndaj politikës së migracionit, ata pranuan mbështetjen e Alternativës për Gjermaninë (AfD) pjesërisht të ekstremit të djathtë për të siguruar një shumicë për propozimet e tyre.
Pas kësaj, kancelari Olaf Scholz (SPD) akuzon kandidatin e Unionit për kancelar Friedrich Merz, për shkelje të konsensusit që kishte ekzistuar deri më tani në demokracinë gjermane të pasluftës. "Nuk ka bashkëpunim me ekstremin e djathtë”. "Ishte një shkelje serioze e tabuve," tha Scholz, kandidati i SPD për kancelar, për agjencinë e lajmeve Reuters.
Çfarë thonë qytetarët?
Si i vlerësojnë gjermanët veprimet e javës së kaluar nga kristiandemokratët e Merz në lidhje me kufizimin e migracionit? Kjo pyetje është bërë në sondazhin e fundit të opinionit publik"Trendi Gjerman" (Deutschlandtrend), i cili kryhet rregullisht nga Instituti Infratest dimap për shërbimin publik ARD. Në sondazhin e zhvilluar nga data 3 deri më 5 shkurt kanë marrë pjesë 1302 shtetas gjermanë me të drejtë vote.
Siç pritej, mbështetja e lartë prej 86 për qind e simpatizantëve të AfD-së nuk është befasuese. Por edhe në mesin e mbështetësve tëCDU-së, 62 për qind besojnë se veprimet e tyre janë të duhura.
Në total, 43 për qind e të anketuarve besojnë se veprimet e kristiandemokratëve në Bundestag janë të sakta, por gjysma e qytetarëve gjermanë distancohen: pothuajse një në katër janë dakord në parim me nismën CDU/CSU për të kufizuar migrimin, por jo me pranimin e votave të AfD-së. Një e katërta e qytetarëve mendojnë se veprimet e kristiandemokratëve në Bundestag janë të gabuara. Ky grup përfshin shumicën e mbështetësve të SPD, të Gjelbërve dhe të Majtës.
A duhet të bashkëpunohet me AfD?
Pozicioni i qytetarëve gjermanë nuk është i qartë kur bëhet fjalë për ligjet që mund të miratohen vetëm me ndihmën e votave të AfD-së. Për 49 për qind e të anketuarve kjo nuk është e pranueshme, ndërsa për 44 për qind do të ishte e pranueshme. Gjithashtu, 56 për qind e të anketuarve e konsiderojnë të papranueshme që një parti të paraqesë propozime ligjore në Bundestag së bashku me AfD-në. Formimi i një qeverie të përbashkët koalicioni me AfD-në është hedhur poshtë nga rreth 66 për qind e të anketuarve.
"Unë përjashtoj çdo koalicion, çdo tolerim nga AfD dhe çdo formë bashkëpunimi me AfD-në”, përsërit vazhdimisht Friedrich Merz. Së fundmi këtë e tha në një intervistë për grupin mediatik Funke. Ky premtim, thotë ai, është "i përhershëm". Demokristianët nuk do të bashkëpunojnë me një parti që dëshiron të largohet nga NATO, Eurozona dhe Bashkimi Evropian, thekson Merz, duke shtuar se për këtë ka një "vendim të qartë”. Për këtë qëndron ai, siç thotë Merz, "personalisht”. Por a kanë ende besim qytetarët tek ai?
Sondazhi i fundit nuk tregon asnjë efekt negativ ndaj Merzit, pas votimit me AfD, ndonëse ka pasur kritika të mëdha në opinion. Në perceptimin e votuesve për Merzin, as në pikëpamjet e tyre për qeverinë e udhëhequr nga CDU/CSU nuk ka rënë mbështetja.
A do të ishte Merz një kancelar i mirë?
Rreth një e treta e të anketuarve janë në favor të kristiandemokratëve që të udhëheqin qeverinë e ardhshme gjermane. Kjo është katër për qind më shumë se në sondazhin e fundit. 17 për qind e të anketuarve thanë se do të mbështesnin një qeveri të re të udhëhequr nga SPD. Në të njëjtën kohë, 33 për qind e qytetarëve (pesë për qind më shumë se në fund të vitit të kaluar) besojnë se Friedrich Merz mund të jetë një kancelar i mirë.
Një qëndrim kritik ndaj Friedrich Merz-it ende mbizotëron, sepse 62 për qind e të anketuarve nuk janë të kënaqur me punën e tij. Por konkurrentët e tij qëndrojnë edhe më keq. 67 për qind e të anketuarve janë të pakënaqur me performancën e Robert Habeck, kandidatit të të Gjelbërve për kancelar. Zgjedhja e Alice Weidel, kandidate e AfD-së për kancelare, refuzohet nga 69 për qind e të anketuarve, ndërsa 74 për qind e të anketuarve nuk janë të kënaqur me punën e kancelarit dhe kandidatit të SPD, Olaf Scholz.
SPD shkon drejt dështimit elektoral
Nëse zgjedhjet parlamentare do të mbaheshin këtë të dielë, SPD do të fitonte vetëm 15 për qind të votave, dhjetë pikë përqindje më pak se në zgjedhjet e fundit federale në 2021.
CDU/CSU nuk janë dëmtuar nga votimi me AfD në Bundestag, sepse në sondazhin e fundit ata kanë shënuar një rritje të vogël. Për këto parti do të votonin 31 për qind e votuesve, që është 1% më shumë se në sondazhin e fundit. E njëjta vlen edhe për AfD-në, e cila arrin tani 21 për qind mbështetje (më parë kishte 20%).
Të Gjelbrit shënuan një rënie të lehtë, duke arritur në 14 për qind (-1%). E Majta mbetet në pesë për qind, ndërsa Aleanca Sara Wagenknecht (BSW) dhe liberalët (FDP) nuk do të hyjnë në Bundestag me nga katër për qind mbështetje secila (pragu për të hyrë në parlamentin gjerman është pesë për qind).
Çfarë koalicionesh janë të mundshme?
Edhe nëse Friedrich Merz deri më tani ka përjashtuar një koalicion të tillë, thjesht matematikisht, CDU/CSU dhe AfD së bashku mund të kenë shumicën e duhur për koalicion. Përveç kësaj, ekziston edhe mundësia që qeveria të formohet nga CDU/CSU dhe SPD ose CDU/CSU dhe të Gjelbrit, por me një shumicë më të vogël.
Në këtë sondazh thuhet se SPD është ende partneri më i dëshirueshëm i koalicionit për kristiandemokratët me 31 për qind (-1%). Për 19 për qind (+1%), AfD do të ishte një opsion më i mirë, ndërsa 14 për qind (-2%) do të preferonin të shihnin një koalicion me të Gjelbërit. 13 për qind (+1%) mendojnë se koalicioni më i mirë do të ishte me FDP, por kjo parti rrezikon të mos futet në Bundestag./ DW
Protesta në Sllovaki SLLOVAKI- Nën moton "Sllovakia është Europë!" sërish dhjetra mijëra vetë kanë protestuar ...
Benjamin Netanyahu IZRAEL- Kryeministri izraelit Benjamin Netanyahu ka sugjeruar se palestinezët duhet të krijojnë shtetin e tyre n&eu...
Vatikan VATIKAN- Një burrë me origjinë rumune hyri dje në Bazilikën e Shën Pjetrit dhe ka hedhur gjithsej gjas...
Volodymyr Zelenskyy dhe Donald Trump SHBA- Presidenti i Shteteve të Bashkuara, Donald Trump, ka thënë të premten se ka gjasa të ta...
Trump SHBA- Shtetet e Bashkuara nuk do të ofrojnë më ndihmë për Afrikën e Jugut, njoftoi të premten Presidenti amerikan&...
Justin Trudeau dhe Donald Trump KANADA- Kryeministri kanadez Justin Trudeau ka shprehur shqetësimin në prapaskenë se presidenti amerikan Don...
Foto SANTORINI- Toka vazhdon të dridhet në zonën midis Santorinit dhe Amorgos, ndërsa shkencëtarët do të takoh...
fotot ilustruese GUANTANAMO- Përdorimi i bazës detare të Marinës së Shteteve të Bashkuara në Gjirin e Guantanamos në...
Foto ilustruese SHBA- Administrata e Presidentit Donald Trump ra dakord të premten që të mos bëjë publik emrat e agjentëve t&...
pamje nga vendngjarja ALASK- Një avion i vogël pasagjerësh që u rrëzua në pjesën perëndimore të Alaskës ...
