Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Në fjalimin që mbajti në qytetin e tij të lindjes Nju Jork, ish-Presidenti përsëriti temën e tij se amerikanët do të jenë në gjendje më të mirë nëse ai fiton.
SHBA- Republikani Donald Trump mbajti të dielën fjalimin përmbyllës të fushatës së tij kundër rivales demokrate Kamala Harris, në një mbrëmje që u shoqërua me fyerje dhe gjuhë të ashpër ndaj saj dhe grupimeve të ndryshme.
Në fjalimin që mbajti në qytetin e tij të lindjes Nju Jork, ish-Presidenti përsëriti temën e tij se amerikanët do të jenë në gjendje më të mirë nëse ai fiton. Nënpresidentja Harris e mban fjalimin e saj përmbyllës të martën, një javë para zgjedhjeve të 5 nëntorit.
Kandidati republikan për president e mbajti fjalimin në Madison Square Garden, një nga arenat më të njohura të vendit. Ai tha se një presidencë e tij do të rikthente ëndrrën amerikane.
“Por që kjo të ndodhë, ne duhet të mposhtim Kamala Harrisin dhe të ndalojmë një axhendë radikale të majtë me një fitore dërrmuese që nuk do të mund të manipulohej”.
Zoti Trump ka pretenduar pa prova gjatë fushatës se demokratët po bëhen gati t’i manipulojnë zgjedhjet.
Ai përdori retorikën e tij të zakonshme lidhur me politikën e jashtme dhe imigracionin, duke kërkuar dënimin me vdekje për çdo migrant që vret një shtetas amerikan.
“Për vite kemi shpenzuar për vende të huaja, i jemi kushtuar mbrojtjes së kufijve të huaj dhe territoreve të huaja, por tani më në fund do të ndërtojmë vendin tonë, do të mbrojmë kufijtë tanë dhe do të mbrojmë qytetarët tanë. Quhet ‘Amerika e Para’ dhe do të ndodhë në nivele të papara”, tha ai.
Ish-Presidenti Trump e vuri theksin tek ekonomia, që ka qenë edhe çështja kryesore e fushatës.
“Nëse Kamala Harris merr edhe katër vite të tjera, ekonomia jonë nuk do të mund të rimëkëmbet kurrë. Nëse fitoj unë, ne do të ndërtojmë me shpejtësi ekonominë më të madhe në historinë e botës – që është ajo që kishim në mandatin tonë të fundit.”
Ai shtoi një propozim të ri që synon të bëjë për vete të moshuarit dhe klasën e mesme, duke sugjeruar një lehtësim taksash për ata që kujdesen për të afërmit e moshuar.
Propozimi i tij vjen pas atij të demokrates Harris e cila ka propozuar fonde federale për të mbuluar kostot e kujdesit shtëpiak për amerikanët e moshuar.
Mbrëmja u shoqërua me tone fyese dhe të papërshtatshëm nga folësit që mbështesin zotin Trump ndaj zonjës Harris dhe grupeve të ndryshme etnike. Sulmet personale ndaj zonjës Harris kanë qenë të vazhdueshme gjatë fushatës së zotit Trump.
Ndërkohë vetë zonja Harris bëri të dielën fushatë në Filadelfia, një bastion i rëndësishëm i demokratëve.
"Nuk duhet të zgjohemi ditën pas zgjedhjeve dhe të pendohemi për atë që mund të kishim bërë në nëntë ditët e ardhshme. Pra, le të bëjmë gjithçka që mundemi këto nëntë ditë", tha ajo.
Ishte një përpjekje për të moblizuar demokratët që të dalin të votojnë, si kundërpeshë ndaj zonave rurale që anojnë më shumë nga zoti Trump në shtetin e Pensilvanisë që pritet të jetë vendimtar për rezultatin e zgjedhjeve. Zonja Harris përcolli një mesazh bashkimi.
"Që në fillim, synimi i fushatës sonë ka qenë të ndërtojmë koalicione, të forcojmë komunitetin. Duhet ta kuptojmë se të gjithë kemi më shumë gjëra që na bashkojnë se sa gjëra që na ndajnë”.
Dy kandidatët janë në një garë shumë të ngushtë dhe në ditët e fundit po përpiqen si të bëjnë për vete ata që mund të jenë ende të pavendosur, ashtu edhe për të mobilizuar pjesëmarrjen në votime të bazës së tyre.
Zonja Harris do ta mbajë fjalimin përmbyllës të martën, një javë para zgjedhjeve, përpara Shtëpisë së Bardhë, një zgjedhje mesa duket simbolike, pasi është pikërisht vendi ku foli ish-Presidenti Donald Trump më 6 janar para sulmit ndaj Kapitolit./VOA
Volkswagen GJERMANI- Volkswagen i ka njoftuar përfaqësuesit e punëtorëve se dëshiron t’i mbyllë të paktën tr...
Pekin KINË- Pesë persona, duke përfshirë tre fëmijë, u plagosën në një sulm me thikë në Pe...
Joe Biden SHBA-Shtëpia e Bardhë ka noftuar se Joe Biden do të hedhë votën e tij të parakohshme në zgjedhje. Si...
Serwer KOSOVË- Profesori amerikan në universitetin John Hopkins, Daniel Serwer ka zhvilluar së fundmi një intervistë për "Dan...
Mark Rutte RUSI- Shefi i ri i NATO-s konfirmoi se Pheniani ka vendosur trupa në rajonin kufitar rus, duke e quajtur atë një shenjë t&eu...
Takimi KOSOVË- Zëvendëskryeministri i Kosovës, Besnik Bislimi, ka pritur në takim Kryesuesen e Divizionit për Ballkanin Per&e...
Melania Trump, Donald trump SHBA- Melania Trump prezantoi bashkëshortin e saj në ndalesën e fushatës së mbrëmshme në Mad...
Shigeru Ishiba JAPONI- Kryeministri konservator i Japonisë Shigeru Ishiba përballet me një të ardhme të pasigurt pasi ko...
foto ilustruese GAZA- Më shumë se 43.000 palestinezë, mbi gjysma gra dhe fëmijë, janë vrarë deri tani në luftë...
Foto ilustruese SHBA- Përpjekjet globale për t’i luftuar ndryshimet klimatike nuk janë në ritmin e duhur, kanë thën&eum...
