Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË– Drejtuesi i Lëvizjes Vetëvendosje në Shqipëri, Boiken Abazi, ka reaguar ndaj zv. kryeministrit të Shqipërisë, Erion Braçe, pasi ky i fundit ka kritikuar kreun e LVV-së, Albin Kurti, për shkak të qëndrimit të tij ndaj protestës për Klodian Rashën, duke fajësuar instuticionet lidhur me vrasjen e të riut.
Braçe iu kundërvu Kurtit, duke kujtuar periudhat e udhëheqjes së Shqipërisë nga Sali Berisha dhe vrasjet që kanë ndodhur gjatë asaj periudhe, që sipas Braçes, nuk ka pasur drejtësi.
Nga ana tjetër, Boiken Abazi i ka kujtuar Braçes “21 janarin” kur u vranë protestuesit në Tiranë, duke i thënë se as për ata asnjëherë nuk pati drejtësi edhe pse Partia Socialiste është prej 7 vitesh në pushtet.
Ai shkruan se LVV-ja është në krah të kauzës së drejtë të protestuesve “Drejtësi për Klodianin” por jo pro shkatërrimit të qytetit.
Shkrimi i plotë i Bojken Abazit:
“Pas statusit të gjatë të zv. kryeministrit, Erion Braçe, mbi Lëvizjen VETËVENDOSJE! dhe Albin Kurtin, ia rikujtojmë z. Braçe se shumë aktivistë të Lëvizjes VETËVENDOSJE!, unë përfshirë, ishim aty më “21 Janar”, kur u vranë protestuesit në Tiranë, kur u rrahën nga policia e kur na hidhnin gaz lotsjellës. Ishim aty dhe kemi kërkuar drejtësi edhe në vitet që ndoqën. Mirëpo, të gjithë e dimë se për “21 Janarin” nuk u vendos kurrë drejtësi, edhe pse Partia Socialiste është prej 7 vitesh në pushtet!
Në protestat e nisura prej 9 dhjetorit me thirrjen “Drejtësi për Klodianin” kemi qenë sërish aty, në krah të protestuesëve që janë rrahur para dhe pas arrestimit. Nuk jemi pajtuar me shkatërrimet që i kanë ndodhur selisë së Partisë Socialiste as në Shkodër e as në Tiranë, dhe këtë e kemi bërë të qartë me deklarata publike ku i kemi kërkuar distancim protestuesëve prej këtyre akteve. Gjithashtu, u kemi uruar publikisht shërim të shpejtë e të plotë protestuesëve dhe efektivëve të policisë që janë lënduar në këto protesta. Por jemi shumë të vetëdijshëm që edhe pse ka ndërruar pushteti në Shqipëri, thjesht janë ndërruar rolet, por jo edhe lloji i regjimit. Dhuna në Shqipëri është sistemike, dhe e strukturuar nga lart-poshtë, është indirekte dhe direkte, është dhunë e përditshme ne shtetin e kapur.
Edi Rama iku nga protesta e “21 Janarit” duke i lënë protestuesit në rrugë, pa e mbyllur protestën ku qytetarët rriheshin në mënyrë të shfrenuar nga policia. Këtë e mbaj mend mirë unë dhe gjithë shqiptarët. Gati 10 vite më vonë, në protestat ku po kërkohet “Drejtësi për Klodianin”, sërish populli është i indinjuar me pozitën, i dhunuar nga policia dhe i braktisur nga opozita, që nuk i doli për zot këtyre protestave për drejtësi. Kemi qenë aty më “21 Janar”, jemi aty edhe sot, për të kërkuar drejtësi, sepse ne nuk kemi ndryshuar.
Nuk mund të ketë drejtësi për Klodianin me Policinë e Shtetit të drejtuar nga kryepolici Ardi Veliu, që tentoi të manipulonte e mashtronte opinionin publik në orët e para pas vrasjes së Klodianit. Nuk mund të ketë drejtësi për Klodianin pa një hetim të plotë të zinxhirit komandues të Policisë së Shtetit për këtë rast dhe për dhunën shproporcionale ndaj protestuesëve. Në vend që z. Braçe të merret me Lëvizjen VETËVENDOSJE!, ai do ishte më i dobishëm po të ishte i sinqertë e t’i tregonte publikisht Edi Ramës pse është i drejtë shkarkimi dhe hetimi i Ardi Veliut, pse ky akt është minimumi i domosdoshëm për të treguar reflektim të vërtetë institucional dhe pse Edi Rama është i vonuar në përmbushjen e kësaj kërkese legjitime të protestuesëve, të cilën Lëvizja VETËVENDOSJE! në Shqipëri e ka mbështetur prej fillimit.
Shqipëria nuk ka një forcë socialdemokrate në pushtet. Krerët e Partisë Socialiste e kanë përshpejtuar brutalitetin e sistemit ekonomiko-politik neoliberal, duke vazhduar shitjen e shkatërrimin e pasurive kombëtare, duke rrënuar shëndetësinë dhe arsimin, e duke i çuar pabarazitë ekonomike në ekstrem. Brutaliteti i këtij sistemi nuk mirëmbahet dot ndryshe përveç se me dhunë të ushtruar ndaj qytetarëve, përmes instalimit të shtetit policor. Që të çrrënjoset shteti policor, nevojiet ndryshimi njëherë e mirë i modelit ekonomiko-politik, drejt socialdemokracisë. Nga njëra anë lufta ndaj pabarazisë, e nga ana tjetër nacionalizmi progresiv shqiptar, ky është kombinimi emancipues për ne si shoqëri e si komb.
Në vijm një fragment i shkëputur nga komunikata e Lëvizjes VETËVENDOSJE! mbi “21 Janarin”, që është aktuale edhe sot:
“Në institucionet e shtetit shqiptar zakonisht i shohim partitë pa popull kurse sot e pamë popullin pa parti, të zemëruar me pozitën dhe të braktisur nga opozita. Kjo demonstratë tregoi hendekun midis qytetarëve të pakënaqur dhe qeveritarëve të vetëkënaqur, por edhe konfirmoi hendekun tjetër midis popullit dhe opozitës.”
(kle.mu./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Presidenti Ilir Meta u është përgjigjur akuzave të kryeministrit Edi Rama lidhur me protestat e zhvilluara në vend për vrasjen e Klodian Rash...
TIRANË- Presidentja e Kosovës, Vjosa Osmani ka folur në lidhje me zgjedhjet dhe presidetin e Kosovës. Në një konferencë për shtyp së bashku me Predidentin ...
TIRANË – Presidentja e Kosovës, Vjosa Osmani, në një konferencë për shtyp me homologun Ilir Meta, është shprehur se nesër në takimin me kryeministrin...
TIRANË– Presidenti Ilir Meta ka komentuar propozimin e kryeministrit Edi Rama që Bledi Çuçi të jetë ministri i Brendshëm, pas dorëheqje...
TIRANË- Në konferencën për shtyp, që është zhvilluar ditën e sotme mes Presidentit Ilir Meta dhe homologen e tij kosovare Vjosa Osmani është përmendur gjen...
TIRANË- Bledi Çuçi, minstri i Bujqësisë që është emëruar Ministër i Brendshëm nga Kryeministri dhe pret dekretin e Presidentit dhe votimin në...
TIRANË– Presidentja e Kosovës, Vjosa Osmani ka kërkuar që Shqipëria të miratojë në Kuvend rezolutën për të dënuar gjenocidin serb. Pasi Kosova ka bërë të n...
TIRANË– Prsidenti i Shiqpërisë, Ilir Meta ka thënë që është e rëndësishme që mes Shqipërisë dhe Kosovës të thelohet bashkëpunimi.Në një konferencë p...
TIRANË– Kryetarja e Lëvizjes Socialiste për Integrim, Monika Kryemadhi ka folur lidhur me marrëdhënien e saj me kryedemokratin Lulzim Basha. E ftuar ...
TIRANË– Kryetarja e Lëvizjës Socialiste për Integrim, Monika Kryemadhi ka komentuar thirrjen e Stresit, ku i kërkonte presidentit që të ngrinte popul...
