Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË- Kryetarja e Lëvizjes Socialiste për Integrim, Monika Kryemadhi i ka dërguar një letër Prokurorisë së Posaçme, SPAK, kryeprokurorit të Përgjithshëm Olsian Cela dhe Avokatit të Popullit, Erinda Ballanc, ku kërkon hetimi dhe gjetje të përgjegjësve për grevën e naftëtarëve në Ballsh. Në një letër që është bërë publike në media, Kryemadhi thotë se grevistët janë prej kohësh, ndonëse gjykata ka dhënë një vendim që do të detyronte përmbarimin të ekzekutonte pagesat tek kompania.
Teksa akuzon qeverinë se nuk ka marrë asnjë masë dhe se nuk ka ndërhyrë për të zgjidhur situatën, Kryemadhi kërkon nga këto organe, hetim dhe një imponim të fortë tek qeveria dhe te kompania private për të zgjidhur situatën e krijuar, që sipas saj, nëse nuk zgjidhet, atëherë do të sjellë pasoja fatale.
LETRA E PLOTË E KRYEMADHIT:
Të nderuar, Jam e detyruar t’ju drejtohem lidhur me situatën kritike në të cilën gjenden punojësit e kompanisë së naftës A.R.M.O. sh.a., dhe përkatësisht punojësit sipas njësive KPTHN Ballsh, UPN Fier, Flekt Vlorë. Këtyre punojësve nuk u është paguar për një kohë shumë të gjatë paga dhe ata vazhdojnë të mos paguhen edhe sot e kësaj ditë. Punojësit gjenden prej më shumë se tre javësh në grevë urie për të fituar të drejtat e mohuara dhe të grabitura në mënyrë të njëanshme prej pronarëve dhe administratorëve të A.R.M.O. Situata paraqitet edhe më e rëndë duke pasur parasysh që prej ditësh janë ngujuar punojëset gra, të cilat kanë punuar për vite me radhë në atë ndërmarrje. Nga pikëpamja ligjore situata është vërtetë skandaloze pasi, të drejtën e marrjes së këtyre pagave, punojësit e kanë fituar me vendim gjykate. Është e patolerueshme që qeveria nuk ka ndërmarrë asnjë veprim, nuk ka monitoruar situatën, nuk ka imponuar gjetjen e zgjidhjeve për punëtorët, ndonëse shteti rezultonte pjesmarrës me 15% në këtë ndërmarrje, dhe kjo pjesmarrje ka patur si detyrim kryesor funksionimin e rregullt dhe në përputhje me ligjin, ku themelore dhe mbi të gjitha mbetet garantimi i të drejtave të punojësve. Qeveria me ndërgjegje të plotë ka mbyllur sytë përpara shkeljes për një kohë shumë të gjatë, të të drejtave të punojësve, gjë që ka krijuar këtë tensionim ekstrem social, të natyrshëm të punojësve, që ka ardhur nga kjo grabitje e mundit dhe e djersës së tyre. Punojësit i kanë kërkuar me insistim dhe në mënyrë korrekte këto të drejta të ligjshme të tyre, si dhe kanë organizuar edhe një tjetër grevë urie muaj më parë, në shkurtin e vitit 2020, e cila u mbyll pas kryerjes së një pagese minimale dhe me premtimin nga ana e pronarëve dhe qeverisë për likujdimin e plotë të të gjithë pagave të prapambetura. Është shumë e qartë të nderuar zotërinj që shkelja e të drejtave të punojësve ka ardhur si pasojë e shkeljeve shumë të rënda të ligjit dhe kjo situatë paligjshmërie ekstreme është pasuar nga reagimi plotësisht legjitim i punojësve, të cilët për shkak të papunësisë së imponuar nga veprimet e njëanëshme të pronarëve, janë zhytur në një varfëri ekstreme. Realisht, përgjegjshmëria ligjore e punojësve dhe korrektesa e tyre, është vendosur përballë dhunimit të ligjit dhe papërgjegjshmërisë e neglizhencës esktreme të qeverisë e cila ka mbajtur një qëndrim refraktar ndaj kërkesave të tyre, duke u vënë haptas në krah dhe në mbështetje të shkeljes së ligjit. Përshkallëzimi i situatës jo vetëm do të sjellë pasoja të rënda për shëndetin dhe jetën e grave greviste, por do të tensionojë akoma më shumë një situatë sociale që praktikisht është në kufijtë ekstrem të varfërisë dhe për pasojë do të krijonte premisat për një përplasje e cila është plotësisht e evitueshme duke zbatuar ligjin dhe duke likuijduar të gjitha detyrimet e pagave të papaguara, që punojësve në mënyrë të ligjshme u takojnë. Kërkoj nga ju që të hetoni deri në fund të gjithë këtë problematikë, nxjerrjen e përgjegjësive ligjore dhe imponimin e fortë ndaj qeverisë dhe pronarëve për zgjidhjen e menjëhershme të problemit, pasi pasojat dhe përgjegjësitë për çdo tensionim të mëtejshëm të situatës, në një zonë ku familje në ekstremin e varfërisë kanë mbetur pa asnjë të ardhur, do të binin vetëm mbi qeverinë dhe pronarët e ndërmarrjes. Kërkoj gjithashtu edhe verifikimin dhe zbardhjen e të gjitha veprimeve dhe mosveprimeve dhe përgjegjësitë penale që rrjedhin prej tyre, të ministrive përkatëse dhe vënien e tyre përpara përgjegjësisë ligjore.
Naftëtarët e uzinës në Ballsh kanë hyrë në një grevë urie prej 22 ditësh, ndërsa prej 5 ditësh atyre iu janë bashkuar edhe gratë e tyre. Grevistët kërkojnë marrjen e masave urgjente nga qeveria për të siguruar pagesën e 9 muajve rrogë që e kanë fituar në gjykatë, rinisjen e punës dhe njohjen e librezave të punës ku shënohen sigurimet shoqërore dhe vitet e punës. Gjendja e tyre sa vete dhe rëndohet, ndërsa ata refuzuan edhe thirrjen e kryeministrit Edi Rama, i cili kërkoi ndërprerjen e grevës dhe nisjen e dialogut me qeverinë, por pa zgjidhje konkrete.
(F.G/Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Një telefonatë e bërë nga banorë të zonës së Teleferikut në Dajt të Tiranës, ka ngritur në këmbë forcat “Shqiponja” dhe efektivët e komisariatit të...
VLORE– Policia e Vlorës ka ndalur një 46-vjeçar pasi ka kryer veprime të turpshme ndaj djalit të tij.Ngjarja ka ndodhur në lagjen ‘Pavarësia ...
TIRANË– 7200 gjoba që u vendosën gjatë periudhës së karantinës, por dhe më tej janë falur. Vendimi është marrë gjatë ditës së sotme, në mbledhjen e K...
BALLSH– Greva e naftëtarëve në Ballsh është përfshirë në vorbullën e “përplasjeve politike”. Disa ditë më parë, kryetarja e LSI-së, Monika Kryemadhi shkoi pranë...
KRUJË- Banorët e Krujës, banesat e të cilëve u dëmtuan nga tërmeti i 26 nëntorit të vitit të kaluar, kanë dalë ditën e sotme në protestë. Banorët duan të d...
TIRANE–Arrestohet një shtetas në Kaninë pasi ka djegur makinën e një 54 vjeçari.45-vjeçari ka djegur makinën në datën 17 tetor në lagjen ‘Hajro Ca...
TIRANE- Policia Rrugore ka vendosur 29 masa për përdorim të celularit gjatë drejtimit të mjetit, 8 masa për mosvendosje të maskës për pasagjerët në automjet që ...
GREQI- Zhduket një vajzë shqiptare në Greqi. Mësohet se 19-vjeçarja Artemis Vasilis, 3 ditë më parë doli nga shtëpia për të shkuar në një intervistë pune...
TIRANE- Harta e mësuesve të prekur me koronavirus në shkollat e vendit sa shkon edhe zgjerohet. Pas Tiranës, Elbasanit dhe Durrësit, situata paraqitet problemat...
