Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Por a janë vlerësuar risqet, a do t’ia dalin të vegjlit të ruajnë distancat, të ndekin rregullat me përpikmëri, të mos ndikojnë në përhapjen e Coronavirus në vend dhe të mos bëhen shkak për infektimin e familjarëve të tyre të sëmurë apo në moshë? Këto përgjigje do të merren me atë që situata në terren do të tregojë, ndërkohë që nga ana tjetër mbi Minstrinë e Arsimit peshon përgjegjësia e faturës së rriskut dhe të një vit tjetër të “humbur” apo të çalë nëse do të vendosej që të mos hapeshin shkollat.
Udhëzimi për hapjen e shkollave
Ministria e Shëndetësisë ka bënë pubik udhëzuesin për hapjen e shkollave në kushte pandemie në Shqipëri për vitin e ri shkollor. Udhëzuesi i miratuar nga Komiteti Teknik i Ekspertëve, do të shërbejë për nxënësit, mësuesit, drejtuesit e shkollave dhe kopshteve si dhe për prindërit. Sipas drafit, do të ketë grafik nga shkollat për hyrjen e nxënësve me orare dhe nën monitorimin e mësuesve kujdestarë.
Nxënësit duhet të mbajnë maska, duhet të paraqiten me përpikmëri dhe kur hyjnë të mbajnë radhë 2 metra nga njëri- tjetri. Kush shfaqin simptoma, kanë detyrim të lajmërojnë mësuesin kujdestar që me mjekun e shkollës apo familjes verifikon nëse ka COVID-19 apo jo. Po ashtu pas futjes së të gjithë nxënësve, dera e shkollës mbyllet dhe nuk hapet më deri në përfundim e mësimit..
Në rast se nxënësi del nga shkolla nuk lejohet të hyjë më, dhe lëvizja e nxënësve lejohet vetëm brenda territorit të shkollës. Në draft thuhet se nuk do të lejohet dalja nga klasa e nxënësve përjashtuar ato për nevojat personale Në korridore ata duhet të mbajnë distancë 1.5 metra teksa nuk lejohen aktivitetet me më shumë se 10 veta në ambientet jashtë. Këto janë disa nga pikat që përmban udhëzuesi ndërkohë që bëhët e qartë se të gjithë nxënësit që thyejnë masat ndaj COVID-19 brenda institucioneve arsimore parauniversitare do të ndëshkohen me masë disiplinore.
OBSH: Mësimi online si zgjedhje për nxënësit
Ministria e Arsimit ka marrë vendimin për hapjen e shkollave në 14 Shtator për nxënësit e arsimit parauniversitar, pa përcaktuar ende protokollet e sigurisë për frenimin e përhapjes së Coronavirus, ndërsa fillimisht ka lançuar vetëm faktin se do të ketë mësim me turne për të minimizuar klasat.
Por cilat janë kushtet që duhet të plotësojnë shkollat për t’u quajtur të sigurta? Sipas një raporti të publikuar nga Organizata Botërore e Shëndetësisë, vendimmarrësit duhet të marrin parasysh kur vendosnin të hapin shkollat: transmetimin dhe ashpërsinë e COVID-19 te fëmijët; situatën lokale dhe epidemiologjike të COVID-19 ku ndodhen shkollat; vlerësimin e tyre dhe aftësinë për të mbajtur masat e parandalimit dhe kontrollit të COVID-19.
Po ashtu, OBSH sugjeron se që të rihapen shkollat, duhet të kenë të garantuar infrastrukturën për kontrollin e COVID-19, duke marrë në konsideratë nëse kanë kushte për të ruajtur higjenën e duarve, të frymarrjes, distancimin e duhur, a janë të pajisura me materiale dhe furnizime për të ndihmuar në parandalimin e transmetimit, të tilla i çezmat e larjes së duarve; A është e mundur të zvogëlohen përmasat e klasës, dhe a janë të pajisur me një infermiere për të lehtësuar kujdesin e fëmijëve të sëmurë. OBSH sugjeron se krahas vendimit të qeverive për rihapjen e shkollave duhet të vijohet me mësimin on line.
“Vijimi i mësimit on line, me metoda të përziera aty ku është e nevojshme dhe e mundur (p.sh. disa grupe nxënësish mund të marrin mësime on line, të mësojnë nga shtëpia përmes detyrave të shtëpisë, në blogje, dhe të angazhohen në aktivitete fizike në shtëpi në shtëpi). Nëse mësimi në shkollë nuk është i mundur, ftojini nxënësit të marrin libra shkollorë në shtëpi ose të organizojnë detyra. Konsideroni transmetimet televizive të mësimeve apo në radio, rregulloni një sistem shoqëror për detyrat e shtëpisë me motrat dhe vllezërit më të mëdhnj në shtëpi, ose me miqtë me telefon”, thuhet në raport.
6 kritere për rihapjen e shkollave
Përpara një vendimi për rihapjen e shkollave në vend, duhet të merren parasysh gjashtë kritere kyçe për të vlerësuar gjendjen e tyre të gatishmërisë dhe për të ndihmuar me planifikimin. Në këtë konkluzion del raporti me temë “Korniza për rihapjen e shkollave” i përgatitur një një sërë aktorësh si Banka Botërore, Unicef, Organizata e Kombeve të Bashkuara për Arsimin, etj. Sipas raporit, elementët kyç që duhen analizuar janë politikat, financimi, funksionimi i sigurt, të nxënit, arritja deri te fëmijët më të margjinalizuar dhe mirëqenia/mbrojtja.
Sipas raportit, “Kontekstualizimi dhe përshtatja do të jenë parësore për t’iu përgjigjur nevojave dhe kushteve vendase, veçanërisht për kontekstet ku ekzistojnë një sërë kufizimesh (si në rastin e zonave me popullsi të dendur, me kushte jo të mira të furnizimit me ujë, ato në konflikt, etj.). Analiza duhet të krahasojë kushtet para pandemisë, duke marrë në konsideratë kufizimet ekzistuese në kontekstet me burime të pakta, gjithashtu dhe synimet aktuale.
Dokumenti sugjeron se përpara rihapjes së shkollave, duhen përgatitur procedurat dhe planet kryesore të financimit që nevojiten për përmirësimin e të mësuarit, duke i kushtuar vëmendje funksionimit të sigurt, duke përfshirë përmirësimin e praktikave të mësimit në distance. Konkretisht sugjerohet, që të shqyrtohet financimi lidhur me reagimin dhe rikuperimin për investime të menjëhershme në furnizimin me ujë, kanalizimet dhe higjienën në shkollë. Kërkohet t’u jepet përparësi kostove të produkteve dhe shërbimeve për pastrimin dhe dezinfektimin e plotë të shkollave dhe për planet e kontigjencës dhe rezervat.
Po ashtu, sugjeërohet që të përqendrohet financim për arsimin te shkollat që janë më të prekura nga kriza, për shembull nëpërmjet financimit të bazuar në formulën që u jep përparësi fëmijëve më të margjinalizuar. Për sa u përket mekanizmave, kërkohet të merren në konsideratë grantet fikse dhe transfertat në para (të kushtëzuara ose të pakushtëzuara) për nxënësit. Ndërsa, si pjesë e procesit të rihapjes duhet të ndiqet një qasje proaktive për të integruar sërish fëmijët e margjinalizuar dhe ata që nuk ndjekin shkollën.
Sugjerohet investim në furnizimin me ujë, kanalizimet dhe higjienën për të zbutur rreziqet dhe arsimin kompensues për të plotësuar kohën mësimore të humbur. Ndërsa për shkollat e rihapura kërkohet monitorim në mënyrë aktive i treguesve shëndetësorë, duke i kushtuar vëmendje mirëqenies dhe mbrojtjes. Raporti thekson se duhet përmirësuar pedagogjia, të përshtatet arsimi në distancë, për të kombinuar mësimdhënien me të nxënit, duke përfshirë njohuritë mbi përhapjen dhe parandalimin e infektimit. Dëri më tani qeveria nuk ka marrë masa konkrete apo të ketë akorduar fondet e nevojshme për të “imunizuar’ fëmijët ndaj përhapjes së Coronavirus, ndërsa nuk ka një studim të detajuar mbi gjendjen aktuale të shkollave.
Rihapja e shkollave, pa studim
Nxënësit e sistemit parauniversitar do të kthehen në bankat shkollore më 14 Shtator, në kushte jo normale, kur vendi është në përballje të përditshme me pandeminë COVID-19. Qendra për Mbrojtjen e të Drejtave të Fëmijëve në Shqipëri CRCA Albania, shpreh shqetësimin se Ministria e Arsimit nuk ka ndarë asnjë studim të detajuar se cili do të jetë ndikimi që do të ketë Covid-19 tek fëmijët, si mund të ndikojë hapja e shkollave në përhapjen akoma edhe më gjerë të virusit në popullatë dhe, cilat janë masat praktike dhe strategjike që ka ndërmarrë për të eleminuar ekspozimin e fëmijëve në një virus.
Ndërsa thekson se asnjë prej mësuesve të arsimit parauniversitar, nuk është trajnuar për t’u përballuar me Covid apo distanciminn social, një pjesë e mire e shkollave tona të arsimit parauniversitar publik janë thuajse jashtë çdo standarti të kujdesit minimal ndaj fëmijëve, përfshi edhe higjenën personale të tyre. Për këtë arsye, CRCA bën apel për hartimin e një studimi të mirëfilltë të ndikimit dhe përhapjes së Covid tek fëmijët dhe për shkak të fëmijëve tek familjet në Shqipëri.
Ndërsa sugjeron se hapja e shkollave duhet bërë vetëm nëpërmjet një plani kombëtar të mirë-studiuar, të konsultuar me prindërit dhe publikun, që merr në konsideratë shëndetin e fëmijëve, shkallën e përhapjes së virusit në Shqipëri, mundësitë e sistemit pediatrik që të përballet me rritjen e mundësisë që covid-19 do të prekë edhe fëmijët më të varfër dhe më të ekspozuar ndaj sëmundjeve aspiratore, diabetit, mungesës së ushqimit të shëndetshëm etj. Sipas kësaj organizate, ky plan duhet ndër të tjera të përfshijë edhe hapa të qartë të arsimimit në distancë të fëmijëve.
Kosova, lë pas Shqipërinë
Në prag të nisjes së vitit të ri shkollor, ndryshe nga Shqipëria, Ministria e Arsimit të Kosvës ka miratuar, një udhëzues të detajuar se si do të organizohet mësimi në kushtet e pandemisë COVID-19. Dokumenti është hartuar me ndihmën e një sërë aktorësh si Unicef, Fondacioni Friedrich Ebert, Kosova që duam, Koperacioni Gjerman, dhe Giz. Ministria e Arsimit të Kosovës vë në dispozicion tre skenare për zhvillimin e procesit mësimor, i cili mundëson organizimin e mësimit sipas kushteve epidemiologjike në vend duke përfshirë edhe kushtet e rihapjes së institucioneve edukativo arsimore me masa të shtuara për shëndetin publik, kushte të mbylljes së pjesshme apo kushte të mbylljes së plotë për shkak të rrezikshmërisë së shëndetit nga pandemia COVID-19.
Konkretisht, sipas udhëzimit, skenari A i përgjigjet një niveli rrezikshmëri të ulët dhe parashikohet rikthimi në institucionin parashkollor dhe shkollë me masa për siguri dhe shëndet, protokoll për COVID- 19 dhe raportim të rregullt të mungesave të raportuara të ndëridhura me COVID-19. Skenari B i përgjigjet një niveli rrezikshmërie mesatar, dhe synon rikthim të pjesshëm në klasa, duke parë si mundësi mësimdhënien e kombinuar me prezencë dhe në distancë. Ndërsa skenari C do të aplikohet në rast se rrezikshmëria është e lartë, dhe parashikon që mësimi të zhvillohet vetëm në distancë, përmes leksioneve në television dhe mësimit on line.
Marrë nga Scan
1 vit nga zgjedhjet e 25 prillit si e shikoni gjendjen e vendit:
TIRANË– Ndërmarrja e Ujësjellës Kanalizimeve Tiranë ka vendosur të shpenzojë plot 100 milionë lekë të vjetra për të “brand”-uar, degët e UKT-së nëpër...
TIRANË- Dosja.al u informua disa ditë më parë se në mbledhjen e datës 2 shtator 2020, qeveria kishte vendosur rihapjen e disa kazinove në Tiranë. Informaci...
TIRANË- Kryetarja e Lëvizjes Socialiste për Integrim, Monika Kryemadhi i ka kthyer përgjigje kryeministrit Edi Rama, i cili e përmendi sot në Kuvend teksa ...
Përtej entuziamit, 3 aktorë me legjitimitet të diskutueshëm prodhuan një marrëveshje pa marrëveshje që bën pak me mirë dhe lehtësisht mund të injorohet në disa ...
Prej disa javësh është duke u folur për mundësinë e ofrimit të vaksinës për gripin e stinës falas për gjithë popullatën. Ndërsa kjo masë do të ndihmojë për të u...
Siç informuan mediet në gjuhën shqipe, eurodeputeti grek i “Demokracisë së Re”, Manolis Kefalogiannis, ka ngritur në Komisionin Europian çështjen ...
Delegacionet e Serbisë dhe të Kosovës shkojnë në Uashington në takimet e organizuara nga administrata amerikane. Presidenti i Serbisë Aleksandar Vuçi&cce...
TIRANË- Mbretëria Shqiptare 1 shtator 1928-7 prill 1939. 92 vite më parë më 1 shtator 1928 Asambleja Kushtetuse e dalë nga zgjedhjet e 17 gushtit 1928,vend...
Vizita e Aleksei Navalnit në Siberi javën e kaluar, shkoi si shumica e udhëtimeve të tjera që ai ka ndërmarrë në mbarë vendin, për të nxitur zemërimin popullor ...
