Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Rezultatet e 25 Prillit habitën të gjithë madje edhe vetë socialistët që fituan. Në vecanti habija bie në sy, gjatë daljes në media, tek ata që kanë fituar mandatet, ku më entuziast ishin gjatë fushatës, se sa tashmë që kanë fitoren në dorë. Nuk është çudi që numri i madh i votave të marra nga disa kandidatë të ketë habitur edhe vetë ata, duke u ngjarë si diçka e rënë nga qielli.
Nën moton – “vullneti i popullit”,fshihet gjithçka. Por shifrat flasin vetë për të kundërtën. Në fakt s’kishte si të ndodhte ndryshe në një vend ku është instaluar një sistem totalitar që kontrollon jetën e çdokujt, nëpermjet maskarenjve dhe horrave në pushtet apo atyre me pushtet të nëndheshëm ; të kërcënon me vendin e punës që ta mbyllësh gojën dhe po nuk e mbylle ta merr edhe vendin e punës.
Nuk i plas se mban apo punëson “diplomat” false. Më e keqja se nuk të lë ta kërkosh të drejtën tek drejtësia nëpëmjet falangave të tij dhe kapjes së sistemit të drejtësisë. Për pjesën që nënshtrohet,friksohet apo joshet me privilegje,ndere,përfitime të ndryshme,kjo ndoshta nuk quhet diktaturë, por lë të themi – diktaturë “ledhatuese”, pasi të ledhaton duke të dhënë dicka dhe të merr lirinë e fjalës, të kthen në rob të pushtetit.
Pikërisht me këtë diktaturë “ledhatuese” e cila prodhoi votat u rifitua ky pushtet, ose thënë ndryshe – u rrembye dhe më pas të tall duke thënë: – “Vetë na e dhe votën, me vullnetin tënd”. Jemi mësuar të reagojnë për zgjedhjet politikanët, analistët dhe kjo është e pritshme si detyrim ndaj publikut.
Por harrojmë se edhe ne qytetarët kemi të drejtë dhe detyrë të reagojmë ndaj çdo gjëje të mbrapsht në vend; brenda kësaj edhe ndaj këtyre zgjedhjeve në respekt të votës së hedhur,fati i së cilës një Zot e di cili ka qenë (!); është numëruar aty ku e ke shënuar “ti “, si votues ,apo ka shkuar në grumbullin e votave të pavlefshme gjersa të tilla kanë rezultuar aq shumë.
Në këtë kontekst, sot po reagoj, ndaj fitores qesharake të partisë në pushtet si një qytetare e Republikës së Shqipërisë që “patronazhistët ” i ka patur pas, çdo ditë në këto 8-të vite (kur një pjesë e mirë e popullatës u indinjuan se i patën pas patronazhistët vetëm në fushatë ). Po pse vallë ?!
Sepse thoja të vërtetat me argumenta e prova! Reagoj, si person me profesion mësuese që bëri thirrje opozitës për vëmendje të madhe e kujdesin se mos i reshtojnë mësuesit për ti votuar, ashtu siç kanë vepruar për çdo gjë këto 8- vite qeverisje,duke i trajtuar “si dele “. Reagoj, më së shumti, në emër të asaj, të qenit një “opozitë” në arsim, këto 8 -vite (me ngritjen e problematikat në shtyp ) duke marrë me vete riskun e goditjes në vijueshmëri dhe në fund ndëshkimin nga ky pushtet diktatorial – “gojëmbyllës” si askush më parë, ku me teknikën gojëmbyllëse e joshëse arritën në ketë fitore.
Reagoj, në emër të përjashtimit nga çdo e drejtë dhe përbuzjes deri në termat “…kjo e PD -së”,e për rrjedhojë edhe familjarët e mij. Reagoj,edhe ndaj humbjes të së djathtës, si një e djathtë – gjithnjë me shpirt demokrati, me parimin tim udhëheqës – ” të qenit e drejtë”. Reagimi im – indinjatë është, që brezi i të rinjve mbetet nën prangat e një pushteti friksues e poshtërues.
Reagoj, se si opozita në veçanti PD – ja, nuk gjeti një strategji për të ndryshuar gjëndjen e mos ia lënë pushtetin një diktature, ku mbi shpinë do ta vuaj populli jo politikanët opozitarë.Aq më tepër kur kuptohej që populli ishte i lodhur nga kjo qeverisje. Shpesh rëndësinë e fitores dhe mos fitores së një force politike ia dedikojmë vetëm mënyrës së bërit fushatë.
Padyshim edhe kjo ka rëndësinë e vet. Por,unë mendoj që,për të fituar një parti duhet të punojë pak nga pak,përgjatë 4 -vjeçarit, duke qenë në koherencë me zhvillimet në vend. Flitet për makinacione në funksion të votës gjatë fushatës ( blerjes së votës), gjatë procesit zgjedhor dhe provë për këtë janë vet rezultatet.
Por,ky pushtet gjatë këtij 4- vjecari (dhe jo vetëm ) ,nuk ka punuar për popullin – për t’ia ndryshuar jetën. Vëmendja është fokusuar në joshjen e popullatës në forma të ndryshme – duke u bëre ndere, punësime, privilegje, tolerancë të tejskajshme – deri në rrumpallë në punë, gjeji një gabim punonjësve dhe kërcënoi,shantazhoi.Të gjitha këto, vetëm e vetëm për të marrë vota për të siguruar edhe këtë mandat.
Këto i bazoj me bëmat në arsim,e pakta. Madje në ndonjë shkollë është abuzuar edhe me projektet që shkonin si ndihmesë për mësimdhënien,ShQK, apo ato në ndihmesë për fëmijët Romë, duke i përdorur për të “ndihmuar” mësues e prindër të përzgjedhur. Por, më së shumti kanë shërbyer komandimet disa vjeçare të shumë drejtuesve të shkollës, apo dhe drejtues arsimi, ku roli i tyre ishte zbato urdhërat – josh dhe ndëshko,sipas orjentimit.
Përpos ne kuptojmë, dëgjojmë e shohim se si janë ndihmuar të njohur tanë apo fqinjët (gjitonët) këto vite për këtë votë ,natyrisht. Që do të thotë ashtu sikurse patronazhistët na njihkan mirë ne popullin, edhe ne populli i njohin ata si janë “llastuar” nga pushteti.Në fakt patronazhistët kanë ndihmuar partinë, paçka formës së ndihmës.Por më e keqja janë ata që qëndrojnë mbrapa tyre – të kollarisurit e partisë dhe pushtetit.
Kësisoj, opozita në veçanti PD-ja,duhet të kishte qëndruar vigjilente përherë nëpërmjet strukturave në bazë. Këto struktura duhet të ruheshin përherë “të gjalla” në funksionet e tyre dhe jo shpesh inekzistente aty – këtu.Në këtë formë do të ishin denoncuar me kohë makinacionet e dukshme dhe të padukshme në funksion të votës.Dhe këto jo vetëm në media por edhe tek ndërkombëtarët duke mos i lënë të vazhdon më tej.
Madje,opozitarizmi i fortë,të qëndruarit më afër mbështetësve, halleve e probleme e të tyre, tërheqja e të pakënaqurve, do të kishte sjell edhe më shumë mbështetës .Në këtë mënyrë forca e opozitarizmit do të kushte qenë mbështetëse e padrejtësive të pushtetit ,ndaj qytetarëve.Por, edhe do të kishte bindur votuesit duke mos i lënë mundësi blerjes masive të votës.
Që PS -ja e kishte siguruar fitoren dukej.Kjo pasi,takonin qytetarët e Tiranës edhe në rrugicat gropa – gropa, ku jo ne por dhe ata vetë mund të “thynin kokën” duke ecur dhe nuk u bënte përshtypje sepse e dinin që askush nuk do të guxonte t’ia thoshte.Edhe këtë fakt opozita duhet ta kishte shfytëzuar duke ia hapur më shumë sytë qytetarëve. Gjithsesi, me vota të blera apo të bëra të pavlefshme, ata fituan dhe do të qeverisin.Unë mendoj që, nëse opozita merr shpejt frenat e një “opozite të fortë” dhe vigjilente,kjo lloj qeverisje s’do të jetë jetëgjatë. Këto 8-të vite këta (pushtetarët) u morrën me kundështarët e tyre të kudo ndodhur.
Tashmë, mbetet të merren me “vota blerësit” apo militantët e tyre dhe atëhere ata do ta kuptojnë peshën e kësaj diktature. Gjithsesi, unë do të dëshiroja që në këtë mandat të mos goditen ata që punojnë dhe guxojnë të flasin por, ka mjaft abuzues – gati të kthyer në bandit, në institucionet shtetërore të të gjitha niveleve,apo “të strehuar” nga partia, që i duhet treguar vendi. Këto tipa krekosen me fuqiplotësinë e gjithëanshme,sipas tyre, si të ishin mbi vetë kryeministrin. Nuk duhen lënë jashtë kontrollit edhe firmat apo zyrat private. Kjo mbetet për tu parë edhe pse shpresat për ndryshim janë të pakta.Sfida i takon Kryeministrit ! Në të kundërt,kjo kategori ka për ta rrëzuar./ Dosja.al
Rama është propozuar për president nga disa deputetë socialiste, mendoni se:
Sllovenia ra katër vende më poshtë në indeksin e lirisë së shtypit të Reporterëve pa Kufij për vitin e kaluar. “Politikanë të njohur vazhdojnë të godasin ...
Nga Neritan Ceka*Kur Juli Xhokaxhi më ftoi për të folur mbi rezultatin e zgjedhjeve të 25 prillit, i thashë se nuk mund të vija, për shkak të angazhimit tim në ...
Shet votën dhe menjëherë niset në Francë dhe kërkon azil.Më thotë se këtu nuk jetohet, pastaj voton për Ramën.Më thotë se ky qytet është fjetore, por voton për ...
DURRES– Shumëkush u habit nga fitorja e thellë e Partisë Socialiste në Durrës, atje ku rezultati u nda në 8 mandate për PS, 6 mandate për Partinë Demokratike. P...
Zëri i folësit tingëllonte në shesh, në këtë shesh të vogël të një fshati të humbur në male, si shumë fshatra të tjerë, dhe Hasinto Tumanjana po pyeste veten se...
Po marr përsipër të shkruaj vetëm për t’i dhënë përgjigje të shkurtër një pyetje të thjeshtë – Si e trajton e drejta evropiane fenomenin e sistemit të të dhënav...
Sot ka ndodhur një ngjarje e rrallë, një nga ato që mbahen shënim në historinë e drejtësisë dhe mediave të një vendi. Gjykata Europiane e të Drejtave të Njeriut...
Në një publikim të bërë sot nga gazetari i njohur i kronikës, Artan Hoxha, dëgjohej Drejtori i Agjencisë Shtetërore të Kadastrës, Artan Lame, të thoshte:“Ë...
Rama është propozuar për president nga disa deputetë socialiste, mendoni se:View Results...
Kryeministri Rama na mallkoi dje: “Të ua merrni të keqen patronazhistëve, ata ju njohin mirë”.Dmth nuk qenka një rrjet normal hamendësimi por një shërbim i fshe...
