6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
GLASGOW – Sot është dita e dhjetë e konferencës së Kombeve të Bashkuara për klimën në Glasgow të Skocisë dhe fokusi i samitit është transporti. Gjithashtu është publikuar edhe një draft-marrëveshje përmbledhëse e Cop26 për të cilën vendet do diskutojnë dhe do bien dakord ose jo.
Si pjesë e Marrëveshjes së Parisit , vendet kanë rënë dakord të përpiqen të kufizojnë ngrohjen globale në 2 C, idealisht në 1.5 C, për të frenuar shkatërrimin e klimës dhe të paraqesin planet e tyre të veprimit se si do ta arrijë këtë secili.
Në ditën e saj të dhjetë agjencia e OKB-së për klimën ka publikuar një draft të parë të vendimit politik që vendet do të nxjerrin në fund të samitit COP26 për të kufizuar ngrohjen globale në 1.5C. Negociatorët nga afro 200 vende tani do të punojnë për të arritur një marrëveshje përfundimtare përpara se samiti të përfundojë të premten. Draft-marrëveshja prej shtatë faqesh, e publikuar gjashtë orë më vonë se sa pritej, fokusohet në përshtatjen e vendeve në zhvillim ndaj ndryshimeve klimatike dhe çështjet e diskutueshme të financimit pasi vendet më të varfra pretenduan se kombet më të pasura nuk po kontribuonin sa duhet.
Dokumenti thotë se përmbushja e qëllimit për të kufizuar ngrohjen globale në 1.5 C, të cilin vendet u zotuan të përpiqen ta ndjekin sipas marrëveshjes së Parisit për klimën, ka nevojë për veprim kuptimplotë dhe efektiv në “këtë dekadë kritike” , por eko-aktivistët e kanë akuzuar tashmë marrëveshjen se po e shtyn problemin deri në vitin e ardhshëm. Dokumenti u bën thirrje vendeve që të përshpejtojnë fazën e largimit nga qymyri dhe subvencioneve për lëndët djegëse fosile, por nuk ka data apo objektiva të përcaktuara për këtë çështje.
Në ditën e transportit, protestuesit kanë kërkuar një transport publik më të mirë dhe me një fokus më të madh në mënyrat e transportit të “qëndrueshëm”, pa dëmtuar ambjentin, si çiklizmi dhe ecja, të cilat janë anashkaluar kryesisht nga zyrtarët. Sindikatat hekurudhore të Mbretërisë së Bashkuar kanë bërë thirrje për një rritje masive të shpenzimeve për shërbimet dhe infrastrukturën hekurudhore, dhe shkurtime të thella të tarifave, në një përpjekje për të zhvendosur njerëzit nga makinat e tyre në trenat me zero karbon.
Boris Johnson mbajti një konferencë për shtyp nga samiti i ndryshimeve klimatike Cop26 në Glasgow këtë pasdite. Kryeministri i Mbretërisë së Bashkuar u kthye në Skoci me tren, pasi kritikua për fluturimin me avion në shtëpi nga samiti i klimës. Kryeministri mbërriti në Stacionin Qendror të Glasgow ndërsa u kthye në qytet për takime në mbledhjen globale për mjedisin. Johnson tha gjatë fjalimit të tij se krerët e shteteve në Cop26 duhet të jenë më ambiciozë pasi liderëve botërorë u kishin mbetur vetëm 48 deri në 52 orë për të finalizuar një marrëveshje. Ai dha një ultimatum duke thënë se tashmë gjithkush duhet të bënte një zgjedhje. Shtetet ose do qëndrojnë në rrugën e arritjes së një marrëveshjeje për klimën ose do të bllokonin rrugën duke u bërë pengesë në këtë sfidë. Johnson tha se ky është një shqetësim më i madh se çdo vend i vetëm dhe është koha që kombet të lënë mënjanë dallimet dhe të bashkohen për “planetin tonë” dhe “njerëzit tanë”.
“Ne duhet t’i tërheqim të gjitha pengesat nëse do të mbajmë 1.5 gradë Celsius në duart tona”, tha ai.
Më herët, ministra e parë e Skocisë Nicola Sturgeon tha se kryeministri duhet të qëndrojë në Glasgow deri në fund të samitit dhe t’u bëjë thirrje vendeve që nuk po bëjnë mjaftueshëm.
“Mos u ktheni në shtëpi pas disa orësh: qëndroni!”, tha ajo.
Një tjetër konferencë për shtyp u mbajt nga Xie Zhenhua, zëdhënësi i Kinës për klimën. Kina dhe Shtetet e Bashkuara njoftuan një iniciativë të përbashkët për të ofruar veprime të zgjeruara klimatike sipas të dërguarit të Pekinit për klimën në samitin COP26. Xie tha se plani do të përfshinte plane konkrete për veprime të zgjeruara këtë dekadë dhe se si SHBA ashtu edhe Kina do të punonin në finalizimin e librit të rregullave të Marrëveshjes së Parisit në samitin e OKB-së për klimën në Glasgow. Xie u tha gazetarëve se Kina do të forconte objektivat e saj për uljen e emetimeve dhe synonte të zhvillonte një plan kombëtar për metanin. Ai tha gjithashtu se të dy vendet donin të bënin më shumë për të ndaluar shpyllëzimin.
“Të dyja palët pranojnë se ka një hendek midis përpjekjeve aktuale dhe qëllimeve të Marrëveshjes së Parisit, kështu që ne do të forcojmë së bashku veprimet klimatike,” u tha Xie Zhenhua gazetarëve në një njoftim të befasishëm.
Ai u pasua nga John Kerry, i dërguari i SHBA-së për klimën, i cili tha se SHBA dhe Kina kanë shumë dallime me njëra-tjetrën, por kur vjen puna tek klima, bashkëpunimi është e vetmja mënyrë për ta kryer atë.
“Kjo nuk është një gjë diskrete, sinqerisht, kjo është shkencë, është matematika dhe fizika që diktojnë rrugën ku duhet të udhëtojmë. Dhe ne nuk mund t’i arrijmë qëllimet tona nëse të gjithë ne nuk punojmë së bashku”, tha ai.
U ranë dakord për hapa të përbashkët për një sërë çështjesh, duke përfshirë emetimet e metanit, kalimin në energji të pastër dhe dekarbonizimin. Kina dhe SHBA janë dy emetuesit më të mëdhenj në botë dhe së bashku përbëjnë gati 40 për qind të të gjithë ndotjes së karbonit. Kombet do të krijojnë një grup pune për të rritur veprimet në vitet 2020, i cili do të takohet në gjysmën e parë të vitit të ardhshëm.
Shkencëtarët thonë se për të arritur objektivin 1.5C duhet që emetimet globale të reduktohen me 45 për qind deri në vitin 2030 dhe të shkojnë në zero deri në mesin e shekullit. Një rritje mesatare e temperaturës globale prej vetëm 2 gradë Celsius mund të nënkuptojë se një miliard njerëz do të preken nga nxehtësia dhe lagështia fatale. Ky parashikim vjen pasi analizat tregojnë se bota është në rrugën e duhur drejt ngrohjes 2.4 gradë Celsius bazuar në premtimet aktuale për veprim deri në vitin 2030.
Në ditën e djeshme, pra ditën e nëntë fokusi ishte gjinia, shkenca dhe inovacioni. Në fokus ka qënë edhe disa nga shembujt më të mirë të barazisë gjinore në veprimin klimatik. Sipas një deklarate të lëshuar nga organizatorët, samiti do të tregonte disa nga shembujt më të mirë dhe më të ndritshëm të barazisë gjinore në veprimin klimatik, duke dërguar një mesazh se koha për zbatimin e përgjegjshëm gjinor është tani. Gjithashtu u shpallën nismat e reja të mbështetura nga koalicionet globale të kombeve, bizneseve dhe shkencëtarëve. Këshilltari kryesor shkencor i qeverisë, Sir Patrick Vallance, nënvizoi rolin kritik të shkencës dhe inovacionit për t’i mundësuar çdo vendi të aksesojë mjetet që i nevojiten për të reduktuar menjëherë emetimet në përputhje me objektivat e marrëveshjes së Parisit dhe për t’iu përshtatur efekteve të ndryshimeve klimatike që po shikojmë. Alok Sharma dhe Anne-Marie Trevelyan mbajtën veprimtarinë plenare të Ditës Gjinore të shoqëruar nga Little Amal, kukulla 3.5 metra që udhëtoi 8,000 km në mbështetje të refugjatëve. Nancy Pelosi, ishte në mesin e folësve të tjerë të profilit të lartë që foli në këtë ngjarje.
ZHVILLIMET ORË PAS ORE:
John Kerry në Cop26: Kemi rrugë të gjatë para, marrëveshja me Kinën e nevojshme
COP26/Kina dhe SHBA “gjejnë” gjuhën e përbashkët për ndryshimet klimatike
Ultimatumi i Johnson në Cop26: Do na ndihmoni me këtë gjë apo do na zini rrugën
Ministrja e Skocisë: Boris Johnson të qëndrojë deri sa të arrihet marrëveshja
(m.k/doja.al)
Cila mendoni se është alternativa më e mirë:
GLASGOW- I dërguari i SHBA për klimën, John Kerry, foli pas deklaratës së homologut të tij kinez se SHBA dhe Kina kanë arritur një marrëveshje për klimën.Sipas ...
Glasgow – Një tjetër konferencë për shtyp nisi në COP26 dhe ka qënë zëdhënësi i Kinës për klimën Xie Zhenhua, i cili ka njoftuar një deklaratë të përbash...
GLASGOW – Duke folur në fillim të një konference për shtyp ndërsa bënte vizitën e tij të dytë në Glasgow, Kryeministri i Mbretërisë së Bashkuar Boris John...
VJENË – Një bordello në Vjenë ka ofruar një zgjidhje interesante për shifrat e ulëta të vaksinimit në vend.Sipas Daily star, bordelloja “Fun Pa...
SHBA – Përafërsisht tre të katërtat e të rriturve në Amerikë besojnë se Facebook po e përkeqëson shoqërinë atje, sipas një sondazhi të ri të CNN ku gjysma...
BRUKSEL – Kosova dhe Serbia do të zhvillojnë raundin e radhës të negociatave në nëntor. Lajmi u konfirmua nga zëdhënësi i BE-së Peter Stano. Takimi do të ...
SERBI –Milorad Dodik, anëtar serb i presidencës trepalëshe të Bosnje dhe Hercegovinës, vizitoi presidentin turk Rexhep Tajip Erdogan në Ankara të martën p...
KINË – Përpara një takimi të pritshëm virtual me Presidentin amerikan Joe Biden , presidenti kinez Xi Jinping tha se vendi është i gatshëm të punojë...
GLASGOW – Ministrja e parë e Skocisë, Nicola Sturgeon, i ka kërkuar Kryeminstrit britanik Boris Johnson të qëndrojë në samitin e COP 26 për aq kohë sa du...
GREQI- Një ngjarje e rëndë ka ndodhur në Kolonaki ku një pushues brazilian transseksual është dhunuar dhe grabitur në banesën e tij. Mediat e huaja raportojnë s...
