Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIARANË- 6 muajsh pas shpërthimit të pandemisë së Covid-19, situata në qendrat shëndetësore është e vështirë. Një infermiere ka denoncuar në redaksinë e emisionit “Stop”, faktin se ajo dhe një kolege tjetër janë përzgjedhur për t’u bërë injeksionet në shtëpi pacientëve me koronavirus.
Por personeli shëndetësor nuk ka pajisje mbrojtëse. Përveç dorezave që ua jep qendra, maskat i blejnë vetë. Ndërsa për veshjet speciale mbrojtëse, as që bëhet fjalë.
Infermierja thotë, se është konfliktuar me drejtoreshën, për këtë arsye, por ajo e ka detyruar të shkojë në shtëpitë e pacientëve.
Je infermiere?
Infermierja: Po! Ne nuk kemi as edhe një lloj mbrojtjeje nga Covid. Na japin urdhra për të shkuar nëpër shtëpia, po ne nuk kemi asnjë lloj veshjeje mbrojtëse.
Çfarë nuk keni?
Infermierja: Maskat i blejmë vetë. Vetëm dorezat kemi edhe kaq! E ke me detyrim, do shkosh patjetër! Të jap urdhër unë! E ke parasysh? Në mënyrë arrogante, derisa u zura dhe bëra debat, edhe në fund më dhanë vërejtje.
Çfarë vërejtje konkretisht?
Infermierja: “Moszbatim urdhri.”
Nuk është se po refuzoje punën, ti më jep një masë mbrojtëse…
Infermierja: I thashë, i thashë! Atë i thashë, edhe më tha në këto kushte punoj, tha. Tha (drejtoresha) do shkosh patjetër, se të jap urdhër unë! Nuk shkoj i thashë! Më gjej ti mua i thashë unë, mbrojtje.
Çfarë bëre ti vajte?
Infermierja: Jo me, pse të shkoj? Jo!
Si ke punuar gjatë kësaj kohe. Ke vajtur te banesa e të sëmurve me Covid?
Infermierja: Po,kam vajt po!
Sa infermierë jeni që shkoni bëni vizita?
Infermierja: 60 si personel.
Juve që merreni konretisht me pacientët me covid, që jeni në front të parë?
Infermierja: 2 jemi.
Për 2 veta bëhet gjithë ky diskutim. Kaq shumë i kushtonka shëndetësisë për dy veshje?
Infermierja: Unë, po s’pata uniformë, nuk iki,- i thashë atje,- se rrezikoj i thashë. Unë jam me tension, jam me zemër. Si më çon ti mua atje, ku është burrë e grua, ato të dy janë me Covid,-i thashë, dhe të më thuash shko tek shtëpia? Do shkosh tha! Patjetër, tha! Moj zonjë,- i thashë,- unë jam e sëmurë! Në qoftë se je e sëmurë, merr raport, rri në shtëpi,- tha. Nxirr “KML-në”, që je e paaftë,- tha. Debat, deri sa në fund tha, mirë e paskam bërë tha, që të paskam bërë vërejtje, biles do ta çoj tek operatori. Më nxorri mua “Kodin e Punës së Infermierit”, që ai është bërë që në 2019-ën, në kohën, që atëherë s’ka pas pandemi, që unë duhet të shkoja edhe në shtëpi, të bëja shërbim. Dakord! Kemi qenë. Kemi qenë me Covid e pa Covid.
Situatë tjetër, jo si tani…
Infermierja: Moj zonjë,- thashë,- kjo është koha para pandemisë,- i thashë.
Çfarë kërkon?
Infermierja: Kërkoj të drejtën time!
E dini që ekziston një institucion që quhet Urdhri i Infermierëve të Shqipërisë?
Infermierja: Nuk ngrihen! Çfarë t’u thuash! Kanë frikë! Kanë frikë, pikë muhabeti!
Gazetarja e “Stop” bëri një vëzhgim në qendrat shëndetësore dhe para kamerës, mjekë e infermierë shprehen, se gjithçka është në rregull.
Tek kjo qendra juaj ka veshje speciale për infermierët?
Mjeku: Me drejtorin, me titullarin!
Më është përcjellë një shqetësim nga disa infermierë. Infermierët tuaj, kryesisht ata që merren me injeksionet e Covid-it, kanë maska, kanë veshje speciale?
Drejtoresha e Qendrës Shëndetësore nr. 4: Shkojnë me veshje përkatëse. Vetëm për ato të dyja që shkojnë kemi veshje.
Na ka ardhur ankesë që nuk ka veshje speciale për Covid
Infermierja: Ne, veshjet tona i kemi!
Mund të na i tregoni?
Infermierja: Patjetër!
Ju çfarë pozicioni keni?
Infermierja: Unë jam infermiere.
Kjo është veshja?
Infermierja: Po!
I ke veshur ndonjëherë?
Infermierja: Po!
Maskën e ke blerë vetë apo ta kanë dhënë?
Infermierja: Ma kanë dhënë këto lart.
Për sa e ke? Për gjithë javën besoj?
Infermierja: Për gjithë javën!
A kanë masa mbrojtëse?
Drejtori: Po, patjetër!
I bleni si institucion apo vetë?
Drejtori: I blejnë maskat vetë? Mund të ndodhi vetëm një ditë. I kemi dhënë vetë institucioni me përkushtimin më të madh. Mund të jenë vonuar një ditë, se sa ka ardhur tenderi apo furnizimi.
Infermierja: Për gjithë javën!
Ndërsa më kamera të fshehtë, personeli shëndetësor thotë, se nuk ka maska, doreza dhe veshje mbrojtëse.
Qytetari: Kam hallën me c3, c4 bën “Voltaren” në darkë. Por ajo infermierja, që na e kanë dhënë në shtëpi, e zuri Covidi dhe na e zuri dhe hallën. Duam një infermiere me veshje, ose kështu…s’keni veshje ju?
Infermierja: Jo, nuk kemi!
Qytetari: Po si mund të gjej një infermiere me veshje, të paktën?
Infermierja: Jo!
Qytetari: Ti s’ke veshje vetë ë?
Infermierja: Jo, nuk kemi as ne!
Qytetari: Po si ka mundësi, në shtet ju, pa veshje?
Infermierja: Ne s’kemi doreza, ti thua….maskat i blejmë vetë. A jetojmë në Shqipëri?
Qytetari: Normale, po thashë mos gjeja në spital, a më kupton?
Infermierja: (Qesh) Absolutisht, jo!
Qytetari: Jo me, s’keni veshje ju?
Infermierja: Po ça të them unë? Jo fare!
Qytetari: Po pse s’keni?
Infermierja: Po pse? Se…unë nuk vij dot! Ja, hë të vendosësh veten ti, vete ti t’ia bësh? Jo!
Qytetari: Po mendova, se mos kishit veshje, se kjo…
Infermierja: Fare,fare, fare! Ja këto kam unë tani dhe…
Infermierja: Punoj me pacientë dhe infektoj pacientët e tjerë.
Qytetari: Po s’keni veshje ju?
Infermierja: Jo!
Qytetari: Po si ka mundësi, që s’ju kanë dhënë veshje juve?
Infermierja: Po unë po të them realitetin, si është tani!
Qytetari: Keni veshje ju, për shembull, që vini atje, se ajo s’vjen!
Infermierja: Jo, po më vjen keq tani nuk vij dot të bëj ato, dhe vij t’ju bëj ato të tjerëve. Unë jam infermiere për të gjithë popullatën, përgjegjëse unë dhe të vij t’i bëj asaj, të vij t’ju bëj edhe të tjerëve unë. E di, që ke hall, por më kupton?
Infermierja: Siç na sheh ne nuk kemi
E keni përcjellë si shqetësim?
Infermierja: Nuk duhet të flas unë, por të gjithë.
Maskën ta ka dhënë qendra shëndetësore apo vetë?
Infermierja: Ma kanë dhënë, por 1 për 1 javë. Do na merrni në qafë pash Zotin se…
Blerina Duka, presidente e Urdhrit të Infermierëve, thotë, se nuk ka qenë në dijeni të këtij problemi, por tani do të verë dijeni Ministrinë e Shëndetësisë dhe Autoritetin e Qendrave Shëndetësore.
Sekretarja UISH: Do vini në një moment, që është edhe titullarja!
Presidentja Blerina Duka: Unë nuk jam në dijeni të kësaj problematike, gjithsesi më lejoni, që të merrem me institucionin dhe infermierët, të mbledh të gjithë informacionin e nevojshëm dhe t’jua vë juve në dispozicion.
Madje ditën e djeshme për këta personat që kanë ngritur kokat dhe kanë kërkuar të drejtat e tyre, në fund të fundit gjënë më minimale për të qenë sa më të mbrojtur, iu është tërhequr vëmendja me shkrim. Ju lutem zonjë në cilësinë e kryetares së UISH…
Presidentja Blerina Duka: Patjetër, unë do të merrem! Patjetër, do ta ndjekim me vëmendje. Do të merrem, do të shkoj edhe patjetër do ta ndjekim dhe në Ministri, do të shkoj edhe në “Zyrën e Autoritetit”, e cila merret me Qendrat Shëndetësore.
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Përfaqësuesi i Partisë Demokratike në Këshillin Politik, Oerd Bylykbashi ka shpjeguar gjatë një lidhjeje në emisionin “Opinion” propozimin e...
BERLIN– Dhjetëra shqiptarë në Berlin po presin me orë të tëra para zyrës së emigracionit në Berlin të Gjermanisë. Burime për Dosja.al bëjnë me dije se edh...
TIRANË– Enti Rregullator i Ujit, institucioni përgjegjës për mbikëqyrjen e sektorit të ujësjellësve dhe kanalizimeve, i cili përcakton çmimet ...
VLORË– Një 60-vjeçar me inicialet M.K., ka ndërruar jetë pasditen e sotme. Mësohet se i ndjeri, banues në fshatin Skrofotinë, Vlorë ka pësuar një ak...
ITALI– Një grup shqiptarësh që ishin kthyer në ‘tmerrin’ e kompanive dhe shtëpive private në Piemonte dhe në provincat e afërta të Lombardisë, javë vënë n...
GREQI– Vrasja avokatit grek nga banda shqiptare është kthyer sërish në qendër të vëmendje të meidiave greke, të cilat së fundmi ia kanë kushtuar edhe një ...
TIRANË– Erion Alibej, i arrestuari për vrasjet e dy miqve në Elbasan, Emiljano Ramazani dhe Regis Runaj, ka paguar 100 mijë euro për ‘kokën’ e tyre. ...
TIRANË– Maratonomaku shkodran, Irfan Domnori, i cili është arrestuar nga autoritet malazeze se mbante flamurin kombëtar shqiptar në dorë është shpreh...
TIRANË– Gjykata e Posaçme e Apelit la në fuqi masën e sigurisë “arrest shtepie” për gjyqtaren e Apelit të Korçës, Mimoza Margjeka me ak...
ZVICËR– Tradhtia e burrit e ka bërë një grua shqiptare që të helmojë bashkëshortin dhe pastaj t’i lidhë kabllon në fyt. Ngjarja e rëndë ka ndodhur në Cyrih...
