Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
SHKODËR– Kanë dëshmuar personat e arrestuar në kuadër të operacionit “Maranaj” si pjesë e grupit të fajdexhinjve në Shkodër, të cilët dyshohen për dhënie fajdesh ndaj djemve dhe vetë ish prefektit të Shkodrës Paulin Radovani. Dosja.al mëson se prokuroria në Shkodër ka nisur që të tërhiqet nga akuzat e rënda për pothuajse të gjithë të arrestuarit.
Mësohet se të gjithë të dyshuarit dhe avokatët mbrojtës të tyre kanë kërkuar që për ta gjykata të vendos masën lehtësuese të sigurisë “detyrim paraqitje” dhe të hetohen të lirë sepse s’janë persona të rrezikshëm.
Pas seancës që u zhvillua prej 4 orësh ditën e sotme në në gjykatën e apelit në Shkodër prokurori i apelit Brahim Dragjoshi, lehtësoi masën e sigurisë “arrest me burg”, për shtetasit, Naim Ahmeti, Adri Bala dhe Lulzim Sylja.
Për 9 të tjerët i qëndroi kërkesës për “arrest me burg”. Gjykata e apelit shtyu vendimin përfundimtar më 3 prill në orën 14:50.
I arrestuari Bërhan Alija u përfaqësua nga avokati i tij, i cili mohoi se klienti i tij i ka dhënë para me fajde ish prefektit apo dy djemve të tij. Avokati i Alijas pranoi vetëm blerjen e një makine. Avokati mbrojtës tha se në mënyrë të padrejtë dhe të jashtëligjshme janë sekuestruar të gjitha makinat që ndodheshin tek servisi që Alija posedon në hyrje të qytetit.
Avokati mbrojtës i ish-kancelarit të gjykatës Artan Dragani u shpreh se klienti i tij duke patur lidhje miqësore me djemtë e ish prefektit i ka dhënë një shumë parash për t’i ndihmuar në situatën e vështirë ekonomike por jo me shtesë ose siç quhen me fajde.
Edi Memçaj në dëshminë ë tij nuk pranoi të ketë dhënë para me fajde kundrejt djemve të ish prefektit Paulin Radovani.
“Jam munduar të shtoj bizneset sepse më ka lënë pasuri babai dhe i kam trashëguar dhe jo si Paulin Radovani që i çon djemtë te droga, kumari apo i përdor paratë për blerje votash. Sa borxhe ka ish prefekti nuk e nxë as burgu i Shën Kollit dhe s’do ketë burg që e nxë. Unë nuk e di me kë jam në grup se nga të ndaluarit veç dy tre kam një njohje dhe asgjë më shumë. Paratë i kam kaluar me banka dhe jo si Paulini që i ka fshehur. E dini ju se ka futur një djalë jetim të marrë në emrin e tij 250 mijë euro kredi në bankë. Janë fotot e djemve të ish prefektit duke marrë drogë, duke luajtur kumar, çfarë faji kam unë se i kam blerë pronat,”– mësohet të jetë shprehur Memçaj.
Avokati mbrojtës i Marjan Bregut, e quajti skemë piramidale atë që ka bërë ish-prefekti radovani.
“Marjan Bregu, mësues në shkollën e mesme “Jordan Misja”, peshëngritës i Vllaznisë i ka patur shokë djemtë e ish prefektit dhe sot është i arrestuar dhe ata që kanë mashtruar janë të lirë. Duke patur lidhje shoqërore i ka ndihmuar duke i dhënë para borgj por asnjëherë me fajde. Përgjimet ambjentale të pretenduar janë të jashtëligjshme sepse ish prefekti herë e ka mbajtue ndezur regjistruesin herë e ka fikur sipas dëshirës,”- tha avokati mbrojtës.
Avokari i të arrestuarit Lulzim Sylja pranoi se klienti i tij ka dhënë një borxh prej 120 mijë euro.
“Është e pavërtetë që Lulzim Sylja ka kërcënuar ish-prefektin siç pretendohet. Pasi Lulzim Sylja i ka kërkuar lekët e borxhit ish-prefekti i ka ofruar një tokë të një ish-fabrike në Pukë për t’ia shitur duke marrë parasysh edhe shlyerjen e borxhit. Lulzim Sylja ka thirrur një mik të tijin, shtetasin Naim Ahmeti duke i treguar për këtë rast dhe ky i fundit ka rënë dakord për ta blerë atë tokë.
Pasi është bërë kontrata në drejtorinë e tatimeve ka rezultuar një shumë prej 45 milion lekësh të vjetër tatim-taksa që duhej paguar. Ish prefekti s’ka pranuar ta paguaj atë shumë që i detyrohej shtetit dhe kështu marrëveshja mes tyre është prishur për shtijen e tokës duke i mbetur sërish borxh prej 120 mijë euro,”- deklaroi avokati i Syljas.
Ilir Sokoli, ish drejtori i patentave në Shkodër është shprehur nëpërmjet avokatit të tij se ka qenë shumë mik me djemtë e Radovanit. Avokati mbrojtës u shpreh se është qesharake që prokuroria ngre këto akuza me qëllim që të justifikojë masat e sigurisë, një histori që përsëritet prej 30 vitesh.
“Organi i akuzës s’ka bërë hetim,”-tha avokati i Ilir Sokolit dhe tregoi se 25 mijë euro ia ka dhënë borxh për të paguar pagat e punëtorëve të fabrikës. Vetë ish drejtori Sokoli dëshmoi se përveç faktit se i ka patur miq Robbert dhe Elton Radovanin tregoi se e ka takuar ish-prefektin duke i thënë se çfarë do që të bëjë me ata që familja Radovani i ka borxhe.
Ilir Sokoli tregoi se ka qenë vetë ish-prefekti që i ka kërkuar të futet si ndërmjetës tek shtetasi Vinko Nikprelaj në mënyrë që ky i fundit të blente një tokë që kishte familja Radovani tek fabrika e tyre. Ai vijoi më tej duke thënë se e ka ditur se është në përgjim ndërsa edhe pas dy muajsh e ka mbajtur po të njëjtin nummër celulari sepse s’ka patur arsye ta ndërrojë, pasi ishin miq.
Shtetasi Vinko Nikprelaj nëpërmjet avokatit të tij mbrojtës ka treguar se sipas tij përgjimet ambjentale të ish prefektit janë të paligjshme dhe u shpreh se në fabrikën e tij ku janë regjistruar të ndaluarit kanë shkuar edhe deputetë për ta takuar, edhe Presidenti aktual i Republikës dhe shumë personazhe të tjerë.
Avokati i Nikprelaj tha se klienti i tij i ka blerë një tokë prej 140 mijë euro dhe paratë ia ka kaluar me bankë dy ditë para se të ndalohej. “Është i pavërtetë pretendimi i ish prefektit se në aktshitje është shkruar 140 mijë euro dhe jo 240 mijë euro sepse 100 mijë të tjera kanë qenë fajde në favor të Nikprelaj,”- u shpreh avokati që theksoi më tej se klienti i tij ka marrë kredi për të shlyer këtë shumë me të cilën ka blerë tokën.
Vetë Nikprelaj dëshmoi se është takuar disa herë me ish prefektin dhe se ky i fundit e ka marrë disa në telefon.
“Më merrte disa herë në telefon duke më.pyetur a doli kredia. Kushti në kontratë ka qenë që në momentin që do më aprovohej kredia toka të ishte e imja. Kur u miratua kredia i kam kaluar paratë. Një ditë para arrestimit isha me të tek noteri teksa bëmë procedurën e fundit. Me mua nuk ekziston asnjëherë fjala fajde, thjeshtë i kam blerë tokën sepse kam bërë kontrata qeraja me kompanitë e sigurimeve duke qenë se përballë asaj toke pritej të vinte drejtoria e transporteve,”- tha Nikprelaj.
Adri Bala është një tjetër i ndaluar. Avokati i tij, Eduart Fusha pranoi se klienti i tij i ka dhënë borxh djemve të ish-prefektit por jo me fajde, thjesht për t’i ndihmuar për shkak të lidhjeve shoqërore që kanë patur.
Edhe për shtetasin Elidon Qerimaj avokati mbrojtës pranoi se i ka dhënë djemve të ish prefektit Radovani, fillimisht 18 mijë euro Robertit dhe më pas 5 mijë euro Eltonit por për t’i ndihmuar për shkak të lidhjeve shoqërore.
Nga ana tjetër, i arrestuari Pashko Vuksanelaj, nëpërmjet avokatit të tij mbrojtës tregoi se borxhin ia ka dhënë me 3 përqind në vit duke qenë se këtë hua e njeh ligji. Sipas avokatit të Vuksanelaj nga janari i këtij viti dhe deri në fillim të marsit ish prefekti Radovani rezulton se ka marrë vetëm në një muaj e gjysëm 1 milion e 400 mijë euro vetëm borxhe, këtyre të ndaluarve por edhe personave tjerë që s’janë fare pjesë e këtij procesi.
“Ai vendim në shkallë e parë është dhënë nën presion politik. Gabimet duhen pranuar. Dy ditë përpara ishte në Shkodër kryeprokurorja kurse një ditë para Kryeministri përgëzoi policinë në një kur ky kryeministër ka fyer të gjitha institucionet dhe i ka kërcënuar. Paulin Radovani në vitin 1997 kur pati probleme tek fabrika pasi iu dogj shkoi në Malin e Zi tek disa njerëz të mi.
Kur u kthye dhe rinisi punën në fabrikë më thirri mua dhe njerëzit e mi dhe na dha një drekë, aty e njoha. Në korrik 2018 më merr në telefon por unë isha në spital. Pasi dola më mori prap. Shkova dhe e takova dhe më çoi tek një tokë afër fabrikës. Më tha që i kishte premtuar Edi Rama se në tokën e tij do të sjellte drejtorinë e transporteve ose targat siç i themi por më tha se i duheshin 50 mijë dollar se ishte në vështirësi. I thashë se do e ndihmoj dhe kur ia dërgova kishte përgatitur një deklsratë jo në prezencën time dhe nga besimi që kisha ia dhashë paratë dhe e firmosa. Pas pak kohësh më mori prap dhe më tha jam në dorën tënde se po falimentoj.
Më duhen më tha edhe 50 mijë dollar për ta paguar tatim taksat e punëtorëve të fabrikës. Ia dhashë. Më mori herën e tretë dhe më tha se më duhen edhe 50 mijë të tjera duke më treguar se deri në fund të 2018 ai do të përfitonte 1 milion e gjysëm euro duke qenë se tek toka e tij priste t’i shkonte drejtoria e transporteve. Ia dhashë sërish edhe herën e tretë dhe u bënë 150 mijë dollar në total.
Këto ia kam dhënë me 3 përqind në vit. Në fund të vitit duhej të mi kthente por s’ma ktheu borxhin. Shkoj ta takoj dhe më thotë se kishte takuar në Tiranë zëvendësdrejtorin e përgjithshëm të policisë Gjovalin Loka duke i treguar për kërcënime dhe problemet. Mua më tha se ia kanë vrarë djemtë dhe se nuk e di ku i kishte, e inskenoi vrasjen e djemve sepse ata ishin gjallë dhe thjeshtë kishin ikut nga Shqipëria.
Në fillim të vitit kam dashur ta takoj disa herë por nuk përgjigjej në telefon. Një ditë e takova poshtë pallatit të tij dhe më çoi në kafe. Më tha kështu e ka puna ime, lekët t’i kam borxh por për momentin si kam ndërsa më tregoi sërish bisedat e tij me Edi Ramën për 1 milion e gjysëm euro që priste ende të përfitonte. Pra unë jam mashtruar nga Paulin Radovani,”- u shpreh Vuksanelaj.
Një operacion i policisë së Shkodrës u finalizua me arrestimin e 12 personave, mes tyre edhe Ilir Sokolin, një ish-drejtor i LSI. Policia sekuestroi 20 makina, qindra mijëra euro, 50 celularë dhe dokumente që sipas njoftimit zyrtar, grupi iu kishte marrë borxhlinjve.
Të përfshirë në këtë grup ishin edhe dy djemtë e ish-prefektit të Shkodrës, Paulin Radovani, Eltoni dhe Roberti. Dy djemtë e tij, një prej të cilëve anëtar në këshillin aktual të bashkisë Shkodër Elton Radovani, kishin marrë hua shuma të mëdha parash tek persona të ndryshëm në Shkodër të cilët ia lëshonin me një përqindje që varion nga 3-20%, siç bën të ditur Prokuroria e Shkodrës.
Kështu që ish-prefekti i Shkodrës, Paulin Radovani, u detyrua të shkojë në dyert e policisë, atëherë kur çdo ditë borxhdhënësi i vinte në biznesin e tij dhe i kërkonte shumat e dhëna kundrejt dy djemve të tij, Robertit dhe Eltonit.
Paulin Radovani ishte për shumë vite një biznesmen i njohur në Shkodër dhe sipërmarrës në fushën e fasonerisë.(Lexo këtu)
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ish-shefi i Antidrogës Dritan Zagani, ka reaguar lidhur me përgjimet e publikuara nga opozita nga dosja “Babale”.Ndërsa ndodhet për strehim politik...
ITALI- Një shqiptar në Gjermani ka rënë prangat e Policisë, pasi cilësohet nga mediat si bosi i trafikut të kokainës. Bëhet fjalë për shtetasin, Artan Seferi 32...
Dogjën mandatet, por kjo nuk do të thotë se heqin dorë nga benefitet që gëzojnë prej statusit të deputetit.Top Channel ka mësuar se 11 deputetë të opozitës kanë...
TIRANË- Albert Nushi, duket se është sërish në telashe. Pas shkarkimit, nga posti i Drejtorit të Policisë së Fierit dhe përfshirjes në dosjen “Babale”, Nu...
TIRANË- Banorët e “Astirit” vijojnë protestat e tyre kundër shembjes së banesave dhe bizneseve që preken nga projekti i “Unazës së Madhe”.Pasditen e sotme ...
CËRRIK– Një qytetar ka debatuar me Albert Nushin, nëndrejtorin e policisë në Elbasan. Në videon e mëposhtme qytëetari dëgjohet teksa i thotë nushit se s’ka...
LUSHNJË- Ish-kryeministri Sali Berisha, ka vijuar me publikimin e denoncimeve të mbërritura në adresën e tij.Me anë të një postimi në rrjetet Berisha ka pu...
CËRRIK– Kryeministri Edi Rama është pritur me protesta në fshatin Linas në Cërrik. Qytetarët tentuan t’i bllokonin rrugën eskortës së Kryeministrit dhe për...
CËRRIK– Ish-deputeti i PD-së në qarkun e Elbasanit, Luçiano Boçi është shoqruar në polici pas përplasjeve që policia pati me protestuesit në ...
Deputeti i Partisë Socialiste Spartak Braho ka kërkuar shkarkimin e Agron Tufës nga posti i Drejtorit të Institutit për Krimet dhe Pasojat e Komunizmit.Kërkesa ...
