Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Sipas ministres zgjerimi i Tiranë -Durrës do të marrë nga një korsi në secilën anë plus korsinë e emergjencës.
TIRANË- Qeveria synon që para hapjes së sezonit veror 2024 të hapë dy akse të rëndësishëm që lehtësojnë qarkullimin e turistëve. Gjatë një analize të përgjithshme të Ministrisë së Infrastrukturës dhe Energjisë, kreu i këtij institucioni Belinda Balluku tha se viti 2024 do të jetë një vit i rëndësishëm për infrastrukturën dhe transportin në gjithë dimensionet e tij nga ajo rrugore tek ajo e aviacionit.
“Viti 2024 do shënojë dy momente të rëndësishme për infrastrukturën rrugore fillimisht me dorëzimin e Tunelit të Llogarasë që ka nisur atëherë kur duhej në nëntor 2021 dhe do të përfundojë siç kemi premtuar në fillim të sezonit veror 2024. Segmenti tjetër Thumanë-Kashar një nga akset e rëndësishme të Korridorit Blu edhe për shkak të volumeve të trafikut nga ngarkesa që ndodh në Fushë Kruje apo nyjën e Rinasit ka bërë që të ndjejmë kompleksitetin për ta zgjidhur. Është kërkuar që të vijohet sa më parë dhe të dorëzohet para afatit dhe para sezonit veror 2024.
Nga ana tjetër një kalvar i gjatë mbaron në 2024 tani mund ta garantojmë duke qenë se në datë 26 dhjetor kemi arritur të përfundojmë gërmimet në tunelin e rrugës së Arbrit. Është qëndruar në të njëjtën buxhet pavarësisht vonesave. Në dhjetor 2024 është kërkuar që kompania ta përfundojë. Në dhjetor 2024 përfundon edhe një tjetër aks kombëtar që është Unaza e Madhe e Tiranës që do të jetë e disponueshme për gjithë trafikun nga autostradat e Jugut, Veriut dhe Lindjes.
Fazat e para të Elbasan Qafë-Thanë do përfundojnë këtë vit. Edhe Orikum-Dukat një aks që lidhet me Tunelin e Llogarasë. Palasë- Dhërmi është thuajse e përfunduar, mbeten disa detaje. Nga ana tjetër mbaron edhe rruga Korçë-Ersekë. Maliq-Lozhan po shkon siç duhet. Qafa e Buallit-Martanesh do dorëzohet, rruga që lidh aeroportin e Vlorës me Fier Vlorë do të përfundojë gjithashtu. Në vitin 2024 nis pjesa e kolaudimit për aeroportin e Vlorës për t’iu kthyer fluturimet e rregullta në vitin 2025” nënvizoi ministrja.
Një tjetër element që u nënvizua gjatë analizës ishte rëndësia e Qendra së Monitorimit të Trafikut që është në proces ndërtimi. Sipas ministres shtimi i akseve e bën të rëndësishme që të ketë skuadra monitorimi.
“Do të përbëhen jo vetëm nga ARRSH por edhe Ugjenca dhe Emergjenca Civile, Policia e Shtetit që do të jenë në gatishmëri të plotë. Nga ana tjetër qendra e monitorimit të trafikut do të kryejë një rol tjetër që ka të bëjë me akset që do të vendosen në sistemin e pagesë siç është rasti i Tunelit i Llogorasë dhe Korridori Blu” tha Balluku.
Zgjerimi i Tiranë-Durrës
Kreu i Autoritetit Rrugor Shqiptar Evis Berberi nënvizoi gjatë fjalës së tij se një nga akset e rëndësishme që do të zërë vend në investimet e institucionit këtë vit është autostrada Tiranë-Durrës. Sipas tij k aks i ndërtuar në një pjesë të mirë para viteve 2000 ka tejkaluar kapacitetin që fillimisht ka qenë i programuar për 30 mijë mjete teksa matjet tregojnë trefishim të këtij volume në pik.
“Brenda vitit 2024 parashikojmë të hapim fazën e parë dhe ndoshta të dytë të zgjerimit që shkon nga Tirana në Vorë. E para është Tiranë-Kthesa e Rinasit dhe e dyta nga kthesa Rinas-Vorë” tha Berberi.
Sipas ministres zgjerimi i Tiranë -Durrës do të marrë nga një korsi në secilën anë plus korsinë e emergjencës.
“Sqarojmë që nga gjithë studimi që kemi bërë nuk prekim rrugët dytësore dhe bizneset dhe nuk do të ketë shpronësime masive. Mund të jenë disa zona që afrohen më afër me shtratin e rrugës. Në të ardhmen përdorimi i këtij aksi do të jetë më i pakët. Shumica e Tiranës kur do të aksesojë Fierin kalon nga Elbasani në Lekaj ose rrethrrotulli i i Rrogozhinës. Flukset e trafikut do të jenë të mirërregulluar pasi këtë vit nis Kashar-Lekaj është aks i ri që kalon në Arbanë, Ndroq dhe Rrogozhinë. Gjithë rregullimin do ta bëjë Bypasi i Tirasnës që është një projekt i miratuar dhe kemi fituar dhe grantin dhe po koordinojmë dhe me donatoret dhe brenda këtij viti nis gara” tha ministrja.
Sa i takon rrjetit hekurudhor Balluku nënvizoi se tashmë janë disa projekte që ndodhe në faza të ndryshme.
Lidhur me portet ministrja u ndal tek projekti në Porto Romeno të cilin e cilësoi një projekt me rëndësi rajonale. “Në tremujorin e parë të vitit 2024 ne planifikojmë hapjen e garës për Porto Romanon. Ka përfunduar dizajni i detajuar dhe kemi hapur një panel konsultimi me NATO sa i takon bazës që synojmë të ndërtojmë në të njëjtin lokacion..
Lidhur me aviacionin civil dhe aeroportet ministrja tha se në Aeroportin e Tiranës si rrjedhojë e fluksit të madh po bëhen investime të vazhdueshme ndërkohë që zhvillimi më i rëndësishëm këtë vit do të jetë përfundimi i punimeve në aeroportin e Vlorës.
“Jemi duke pritur përfundimin e Vlorës, një aeroport që është në 32 për qind të totalit të punimeve por ato pjesë që janë më të rëndësishme dhe mbajnë volumin më të madh kanë ecuri shumë më të lartë se ecuria e përgjithshme. Ne synojmë në dhjetor 2024 ta kemi dorëzuar aeroportin e Vlorës duke i dhënë mundësi Autoritetit të Aviacionit, konceisonarit dhe operatorit që është aeroporti i Mynihut të nisin operimet në hije për të kolauduar çdo procedure dhe pajisje të navigimit me shpresë që në pranverë 2025 të kemi fluturimet e para nga Vlora që nuk është aeroport sezonal por ndërkombëtar” tha ministrja.
Sa i takon aeroportit të Jugut që fillimisht u mendua të ishte në Sarandë duket se tashmë ka një rishikim të tij duke e zhvendosur në Gjirokastër.
“Kemi pasur një proces për Aeroportin e Jugut dhe zona ka pasur shumë ndryshime sa i takon investimeve në hoteleri. Na është dashur të rishikojmë planet sa i takon efikasitetit. Duke qenë se kemi një air fild(fushë ajrore) në Gjirokastër, infrastrukturë të ndërtuar dhe duke pasur që në Shqipëri s’po zhvillohet vetëm turizmi bregdetar, aeroporti i Jugut është menduar në zonën e Gjirokastrës dhe ti shërbejë gjithë zonës së Jugut dhe Sarandës dhe Ksamilit” nënvizoi ministrja.
Marrë nga Monitor.al
Foto Ilustruese TIRANË- Shqiptarët janë pesimistë për gjendjen e ekonomisë së tyre familjare gjatë vitit 2024. Sipa...
Foto Ilustruese TIRANË- Autoriteti i Konkurrencës ka hedhur për konsultim një projektligj që propozon një sërë ndry...
Foto Ilustruese TIRANË- Dy në pesë punëtorë shqiptarë ngrenë ose mbajnë sende të rënda, ndërsa nj&eu...
Covid-19 TIRANË- Këtë fillimviti, edhe në Shqipëri janë rikthyer rastet e infektimeve me Covid-19, ashtu siç po ndodh ...
Fasoneri TIRANË- Sektori i industrisë ka hyrë në një cikël krize të gjatë me rënie të prodhimit dhe shitj...
Aeroporti i Tiranës TIRANË- Për të dytin vit radhazi tarifat në Aeroportin Ndërkombëtar të Tiranës dhe atë...
Ndertimet TIRANË- Në të gjithë Europën e rajonin ndërtohet, por në asnjë vend ky sektor nuk po lulëzon si n&eu...
foto ilustruese TIRANË- Sezoni festiv ka nisur tashmë dhe bashkë me të, edhe disa tradita të qëndrueshme europiane: tregjet e...
foto ilustruese TIRANË- Norma e shfrytëzimit të kapaciteteve u rrit në tremujorin e fundit të vitit në sektorët e nd&eum...
foto ilustruese TIRANË- Teksa ekonomia e vendit u zgjerua dhe buxheti arkëtoi më shumë të ardhura, shpenzimet publike për sek...
