Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Në dinamikën e zhvillimit të hetimeve ka rezultuar se gjatë komunikimeve telefonike të shtetasit R. H., ky i fundit ka kontakte telefonike me përdoruesin e numrit celular xxx141, i cili thirrej me emrin “Gazi” (i identifikuar si shtetasi Gazmir Nezaj).
Nga komunikimet mes këtyre dy shtetasve kanë dalë të dhëna për dyshime të një rasti për korrupsion në drejtësi. Konkretisht, shtetasi Gazmir Nezaj ka bërë takime dhe interesohej për të liruar nga burgu vëllanë e tij, shtetasin Gentjan Nezaj, i cili është arrestuar dhe më pas dënuar për “Prodhim dhe shpërndarje narkotikësh”, pasi është kapur në vitin 2016 me rreth 31 kg marijuanë në makinë, në Kamzë.
Shtetasi Gentjan Neza po vuante dënimin në IEVP Fushë-Krujë. Referuar këqyrjes së faqes së internetit të Gjykatës së Rrethit Gjyqësor Krujë rezulton se në këtë Gjykatë është regjistruar më datë 05.06.2020 një kërkesë e të dënuarit Gentjan Nezaj me objekt “Aplikim dënimi alternativ/ qëndrim në shtëpi”. Gjyqtare e çështjes rezulton të jetë gjyqtarja e Gjykatës së Rrethit Gjyqësor Krujë, Enkeleida Hoxha. Në dosjen e SPAK-ut janë zbardhur përgjime mes vëllait të të dënuarit dhe kryesekretares së Gjykatës së Krujës, Manuela Mallkuçi, e cila i tregon se kërkesa e të vëllait i shkon në dorë gjyqtares së “preferuar”. I dënuari Gentian Nezaj ishte kujdesur që edhe kjo kërkesë t’i bjerë gjyqtares së preferuar Enkeleida Hoxha, lidhje e avokatit Aldo Tabaku, nga i cili kishte marrë garancinë se kërkesa do të pranohej falë marrëdhënies që ai kishte me gjyqtaren.
PJESE NGA PERGJIMET NE DOSJEN E SPAK
Më date 22.06.2020, ora 12:00, Isuf Tanuzi komunikon me shtetasin Gazmir Nezaj, si më poshtë:
Isuf Tanuzi: Alo!
Gazmir Nezaj: Alo eee, ku je? Unë në Fushë-Krujë jam qitash.
Isuf Tanuzi: Ku të dush ti, takohemi.
Gazmir Nezaj: Unë po shkoj edhe po e pres atë shokun atje, qysh e ka…
Isuf Tanuzi: Ku?
Gazmir Nezaj: Teee parku, ku isha atë ditë me Gjergjin, se aty e kam lënë me ta unë, a je ka kupton?
Isuf Tanuzi: Mirë, kur të jesh atje, më thirr.
Gazmir Nezaj: Po, po.
Isuf Tanuzi: Unë afër jam, afër “Nord Parkut” jam.
Gazmir Nezaj: A je ndal kund ti?
Isuf Tanuzi: Po.
Gazmir Nezaj: Ndaç vi unë.
Isuf Tanuzi: Jo, se jam ndal me ca njerëz, do të vij me italianët te ti.
Më 22.06.2020, ora 12:26, numri xxx777, që i përket një shtetasi të paidentifikuar, komunikon me shtetasin Gazmir Nezaj dhe biseda ka këtë përmbajtje:
777: A mos je ka Sauki?
Gazmir Nezaj: Jo, jam ke ai lokali ku hëngrëm drekë, te “Nord Park”-u, Fushë-Krujë, sa u ktheva prej Kruje.
777: Hë ç’a u bë?
Gazmir Nezaj: Hiç, hala, s’e qemë tërheq na atë ditë. U desh me e marrë letrën ene me e çu andej, dy herë e bana Fushë-Krujë – Krujë.
777: Pse u tërhoq?
Gazmir Nezaj: Qashtu tha avokati burrë, ku po di…
777: E tash?
Gazmir Nezaj: E tash, sot do qesin ata shortin edhe javën tjetër fillon gjyqi prapë.
777: Pse u tërhek gjyqtaren eee… (nuk kuptohet mirë)
Gazmir Nezaj: Aaaa nuk e di, gjoja janë konë ka përgjojnë edhe seç ka fol ai aty mrena eee… duhet me u terheq.
777: Është tërheq ajo, se ajo e ka bythën keq ajo, se ti e di historinë e saj.
Gazmir Nezaj: Po pra po, po bie prapë ajo, po vetëm atë ditë se tha ky…
777: Me kë je?
Gazmir Nezaj: Me babën vetëm. Mori në telefon Beni, ka vjen këtu. Ka bij me të taku.
777: Unë jam në Sauk, këtu tashti ka i futin një tub me i nxjerrë.
Edhe në këtë bisedë Gazmiri i komunikon bashkëbiseduesit se ata do të hiqnin dorë nga kërkesa pasi gjyqtarja kishte frikë, por nga ana tjetër, e informon se do ta ribënin kërkesën dhe se ajo do t’i binte sërish së njëjtës gjyqtare.
Siç ishte planifikuar, vetëm pas pak ditësh, më 01.07.2020, i dënuari Gentian Nezaj ka depozituar në sekretarinë e Gjykatës së Rrethit Gjyqësor Krujë të njëjtën kërkesë, me të njëjtin subjekt: “Aplikim dënimi alternativ”. Shtetasi Gentian Nezaj kujdeset që edhe kjo kërkesë t’i bie gjyqtares së preferuar, Enkeleida Hoxhës, lidhje e avokatit Aldo Tabaku, nga i cili kishte marrë garancinë se kërkesa do të pranohej falë marrëdhënies që ai kishte me gjyqtaren. Me qëllim që çështja t’i kalonte gjyqtares Hoxha, shtetasi Gazmir Nezaj kontakton sërish kryesekretaren e Gjykatës, Manuela Mallkuçin.
Më 01.07.2020, ora 11:14, Gazmir Nezaj Komunikon me Manuela Mallkuçin dhe nga përgjimi është përftuar kjo bisedë:
Gazmir Nezaj: … Hiç, n’punë apo n’shpi?
Manuela Mallkuçi: Jo, jo, jam pak te “Hygeja” për mamin.
Gazmir Nezaj: Eee?
Manuela Mallkuçi: Te spitali jam.
Gazmir Nezaj: E po pse?
Manuela Mallkuçi: Kam sjellë pak mamin.
Gazmir Nezaj: E po si e ke?
Manuela Mallkuçi: Po kështu më mirë e kam më mirë. T’shohim tani se do ta fus për koronaren.
Gazmir Nezaj: Ee.
Manuela Mallkuçi: T’shohim ç’a do m’dali.
Gazmir Nezaj: E hajde se për gjithçka po t’marr prapë n’telefon.
Manuela Mallkuçi: Faleminderit, po dëgjo tani dëgjo, meqë më more.
Gazmir Nezaj: Hë…
Manuela Mallkuçi: Ajo nesër i shkon asaj n’dorë, ajo kërkesa…
Kjo bisedë është shumë e rëndësishme pasi shtetasja Manuela Mallkuçi e siguron Gazmirin se kërkesa do t’i shkonte asaj në dorë, gjyqtares Enkeleida Hoxha. Shumë domethënëse është se kjo bisedë zhvillohet ditën që është regjistruar kërkesa nga Gentian Nezaj në sekretari.
Më 02.07.2020, ora 09:55, Gazmir Nezaj komunikon me shtetasen Manuela Mallkuçi, ku përftohet ky komunikim:
Gazmir Nezaj: Si, si?
Manuela Mallkuçi: Kërkesë Gentianit?
Gazmir Nezaj: Po.
Manuela Mallkuçi: Nesër i shkon gjyqtares n’dorë, e kam regjistruar…
Gazmir Nezaj: E ke regjistruar? I shkon nesër gjyqtares?
Manuela Mallkuçi: Po… po…
Gazmir Nezaj: I bi këtij, t’njëjtit?
Manuela Mallkuçi: Po… po.
Gazmir Nezaj: Ok, ok…
Manuela Mallkuçi: Prandaj, pa merak…
Gazmir Nezaj: Ok, t’rujt Zoti i madh. A po t’marr edhe një herë pasasdite, tregomë ça po bahet me nënën edhe po shihemi atëherë…
Manuela Mallkuçi: Faleminderit!
Gazmir Nezaj: Hajde t’rujt Zoti, t’fala!
Edhe kjo bisedë paraqet vlerë prove, pasi tregon se shtetasja Manuela Mallkuçi ka mundësuar që kërkesën e bërë nga ana e Gentian Nezajt t’ia kalojë gjyqtares së preferuar të kërkuesit, Enkeleida Hoxhës.
Më 03.07.2020, ora 16:24, Gazmir Nezaj komunikon me shtetasin Isuf Tanuzi, ku përftohet kjo bisedë:
Isuf Tanizu: Ajo më tha e ka çu dje për gjykim çështjen.
Gazmir Nezaj: Po.
Isuf Tanizu: Edhe nga java tjetër marrim vesh datën kur e kemi.
Gazmir Nezaj: Eee ok. E këtij po i them unë që nuk e di ti se sa kështu… se unë du me ik deri në një shtet tjetër prej Prishtine, në qoftë se ky vjen deri aty me të taku ty, veç për me…, nuk i intereson se nuk është e mirë, se ky e çon në një vend tjetër, a je ka kupton?
Isuf Tanizu: Po ta shohim.
Më 06.07.2020, ora 14:04, Gazmir Nezaj komunikon me numrin telefonik xxx021, që i përket një institucioni riedukimi, dyshohet se është Gentian Nezaj (vëllai i Gazmirit). Nga përgjimi përftohet biseda me përmbajtje si më poshtë:
Gazmiri: Fola me atë unë, fola me atë n’telefon.
Gentiani: E di.
Gazmiri: Unë fola me atë tani, po ai, unë s’di se ça, se ça halli ka.
Gentiani: S’e di shok, s’e di si janë këto gjana vari lesht, s’merret vesh.
Gazmiri: Sot se e mori n’telefon ai kur isha unë me të, i tha unë ka bie qitash n’Fushë-Krujë, i tha n’telefon.
Gentiani: Po pra po, këtu erdh mor burrë.
Gazmiri: Eee.
Gentiani: Këtu erdh e i takoi, s’po di. Ky ani e ndan shoku, s’e di, s’e di ça me t’thanë.
Gazmiri: Folni me atë.
Gentiani: Nejse se s’po di. Ça thotë ky tjetri, a mund t’gjehet? Avokatin e merr njeri s’po di ça me t’than. Qitash ky tha s’muj unë.
Gazmiri: Jo tha ky, me këqyr me marr dikë tjetër, ai baba këtij, a ndoni njerëz të tij.
Gentiani: Po ti a e takove vetë?
Gazmiri: E takova, po ai m’tha mu, unë me të nejta, duhet me ia qit nja 5-6 birra këtyre.
Gentiani: Ba me e taku, a qe edhe Isufi, ee?
Gazmiri: Qe çuni Çezarit ky, ai si e ka ai…
Gentiani: Po mirë tash ky thotë a mundem unë o vëlla a jo, si përfundim jo thotë, ee?
Gazmiri: Atë tha, gjoja ti tha, atë njërin e atij tha dhe kam folur unë me atë tha, i gjashtëshe.
Gentiani: Po mirë mo ti thuj o vllam, t’i merrje krejt përsipër dhe punën e këtij.
Gazmiri: I thash unë dhe atij, jo se e kanë shyti n’kryq atë, se e kanë përgju, ka thënë vetë ky i çështjes.
Gentiani: Nejse.
Gazmiri: T’kanë përgju gjoja ty atje?
Gentiani: Mos mor, është ba krejt lëmsh, s’po di fort, s’po di, duhet me i dhanë drejtim shoku, s’ka kohë a i the?
Gazmiri: I thashë, ti këtë javë do ta kesh ditën.
Gentiani: Po pra duhet me e taku këtë javë, është caktu, s’po di ça me t’thënë. Këtij dikush duhet me i bërtit, se ky është legen.
Gazmiri: Ça legen, u s’di ça avokati është ai.
Gentiani: Ani tash si përfundim ky thotë duhet me marr diku, po a i the, fole ti me caktu këtë javë t’paktën?
Gazmiri: Jo atë folni ju, lidhuni ju me atë.
Gentiani: Tjetër ëhë.
Gazmiri: Me atë tjetrën edhe ai shko dikush tjetër.
Gentiani: A e gjen ky atë tjetrin, a duhet me e gjet ti thuaj?
Gazmiri: E gjej, e gjej vetë.
Gentiani: A e gjen ai tha?
Gazmiri: Jo o shok e gjejmë ne vetë një tjetër.
Gentiani: Ani pra s’po di, a duhet me u caktu ai shoku një herë?
Gazmiri: Po, po. T’shohim ça po thotë djali njerëzve atij, se fola unë me të, ça po m’thotë ky a mos e ka bo këtë punë ky, ka fol me atë tonin, se ky tha këto janë fjalët që ka thënë ai, mos i ka thënë këto fjalë janë… i tha ky t’fala bëji Fatmirit. I tha ky. E di, e di, tha.
Gentiani: E për të dy tha kaq ky, ee?
Gazmiri: Po njëri aq edhe…
Gentiani: Po tani unë s’po di cila, si me e nda me të?
Gazmiri: Po ti shok t’paktën me e nda me të.
Gentiani: Po pra, po ti a i the: “Vëlla merru dhe me atë”. Unë s’po merrem me kërrkënd, po s’i the, hajt shnet.
Gazmiri: Jo unë, mua m’kanë n’shënjestër, se kanë përgjuar ata. E dimë, e din që kemi pagu për me qit atë. Gentiani: Jo thotë, ku di gjë.
Gazmiri: S’kena pagu kërrkënd, i thashë s’jena marrë me atë punë, thashë ndihmesa më e madhe ka qenë thash, se kam marrë zarfin ke burgu, me vulë t’drejtorit, e kam çu te posta.
Gentiani: Shnet.
Gazmiri: Ça fol, ça këna me lyp?
Gentiani: Ato do t’fillojnë thuaj se s’ka kohë, se ti aq duhej me i thënë, kaq, me pat bo ndonjë telefon atij, ku a s’ka nevojë me e mor ma aj, ee?
Marre nga Panorama
1 vit nga zgjedhjet e 25 prillit si e shikoni gjendjen e vendit:
TIRANË– Emri i mjekut Edvin Prifti duket se ka qarkulluar në ambientet e Prokurorisë së Posaçme (SPAK) që prej gushtit të vitit të shkuar. Qendra Sp...
DIBËR- E moshuara që humbi jetën teksa po transportohej për në spitalin Rajonal të Dibër një ditë më parë, mësohet se është nëna e ish deputetit të PD Sali...
TIRANË– Gjyqtarja e Krujës, Enkelejda Hoxha është nxjerrë nga qelia e paraburgimit për t’u marrë në pyetje nga hetuesit e Prokurorisë së Posaçme kun...
TIRANË– Kryeparlamentari Gramoz Ruçi është përplasur me kreun e Partisë “Balli Kombëtar”, Adriatik Alimadhi. Deputeti i opozitës u indinjuar pasi pa...
TIRANË– Një qytetar ka kërkuar nga spitali Infektiv nxjerrjen e personit të afërm që ka të shtruar për shkak të Covid. Për mediat ai është shprehur se ësht...
DURRËS– Prej disa ditësh vendi është pushtuar nga temperaturat e ulëta dhe moti i keq, i cili ka shkaktuar problematika në bllokimin e akseve dhe ndërprerj...
TIRANË– Infektime me koronavirus janë konfirmuar në institucionet shqiptare të drejtësisë. Kështu me Covid rezulton gjyqtarja e Gjykatës së Posaçme ...
KORÇË– Fshati malor i Dardhës në Korçës është ‘zgjuar’ i mbuluar nga dëbora. Në videon e siguruar nga ‘Dosja.al shihet se e gjithë rruga ësht...
TIRANË– Ministrja e Arsimit, Evis Kushi është infektuar nga pandemia e koronavirusi. Lajmin e ka konfirmuar ajo vetë me anë të një postimi në rrjetet...
TIRANË– Detaje të reja kanë dalë në dritë për zhdukjen e biznesmenit Davide Pecorelli.Në fillim ishin dy pista kryesore: ajo e vrasjes dhe ajo e vetëvrasje...
