Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
ITALI– Ai beson se pandemia e Covid-19 është një “vend konvertimi”, një shans që nuk duhet ta lëmë të ikë. Dhe ai thotë se Kisha do të dalë nga kriza Covid-19 me të gjitha institucionet e saj sipas frymës së krishterimit të hershëm.
Papa ka folur në këtë intervist me gazetarin britanik në një intervistë të botuar ekskluzivisht nga Tableta dhe Commonweal.
Si po e jeton pandeminë e izolimin?
Zbatojmë rregullat e caktuara nga autoritetet shëndetësore. Për këtë arsye edhe për drekën kemi dy turne. Secili punon në zyrë e tij ose nga shtëpia. Të gjithë janë në punë. Askush më nuk po rri kot, duarkryq.
Si po e jetoj unë shpirtërisht?
Unë lutem shumë, sepse besoj se duhet ta bëj këtë. Mendoj edhe për njerëzit, sepse më shqetëson fati i tyre! Mendimi për njerëzit më ngushëllon, më bën mirë, më shkëput nga mendimet për vete. Të martën vjen rrëfyesi e atëhere i vë në rregull këto lloj mendimesh. Mendoj shumë edhe për përgjegjësitë e mia aktuale, për sot e për kohët që do të vijnë.
Unë kam një shqetësim shumë të madh, e ndjej fort sidomos gjatë lutjes, duhet gjetur një zgjidhje sesi duhet shoqëruar populli i Zotit e si mund t’i qëndroj sa më pranë. Këtë kuptim ka edhe Mesha e orës 7.00 të mëngjesit në live streaming, që ndiqet nga shumë njerëz, të cilët ndihen të shoqëruar, ashtu edhe disa nga fjalët e mia si dhe riti i 27 marsit në Sheshin e Shën Pjetrit. Është punë e vazhdueshme pranie, përmes Lëmoshtarisë Apostolike, për t’i shoqëruar njerëzit në këtë situatë të pazakontë. Po e jetoj me shumë paqartësi këtë çast. Çast, që kërkon frymë të veçantë krijuese!
Më pas në pyetjen e dytë gazetari i kujton romanin “Të Fejuarit” të Alessandro Manzonit, me ngjarje që i përkasin kohës së kolerës, në vitin 1630 në Milano, ku romani fliste për njerëzit e Kishës me qëndrime tejet të ndryshme.
Marrë shkas nga kjo, gazetari e pyet sesi e shikon Papa misionin e Kishës në këtë çast?
Kardinali Federigo është hero i vërtetë i kolerës së Milanos. Por, në njërin nga kapitujt tregohet sesi ai kalonte duke i përshëndetur njerëzit ndërkohë që ishte në izolim, ndoshta pas ndonjë dritareje, për t’u mbrojtur. Populli mbetet keq, sepse e donte atë sa më pranë e nuk i pëlqen ta shikojë duke e mbrojtur veten në tepri. Edhe sot populli ka të njëjtën nevojë mes krizës së koronavirusit. I krishteri duhet të jetë krijues, të hapë horizonte të reja, dritare të reja, rrugë të reja drejt Zotit e drejt njerëzve. E duhet të jetojë në një mënyrë të re edhe në shtëpi. Sepse nuk është e lehtë të mbyllesh brenda katër mureve. Kujtoj një varg të Eneides që në rrethanat e humbjes së betejës, i këshillon luftëtarët të mos i ulin krahët. Përgatituni, prandaj, për kohë më të mira, duke kujtuar gjërat që ndodhin sot! Kujdesuni që tani, për kohët që do të vijnë. E kur të vijnë, do t’ju bëjë mirë të kujtoni atë që ndodhi. Kini kujdes për të sotmen, por me vështrimin drejt ardhmërisë. Me frymë krijuese. Me krjimtari të thjeshtë, që shpik çdo ditë diçka të re. Në familje nuk është vështirë të krijosh, nuk duhet ikur, gjatë kësaj kohe nuk duhen kërkuar rrugë të tjera përveç qëndrimit në shtëpi.
Politikat që po ndërmarrin qeveritë në përgjigje të krizës së virusit
Në Evropë sot kur filloni të dëgjoni fjalime populiste ose vendime politike selektive, nuk është e vështirë të kujtoni fjalimet e Hitlerit në 1933, pak a shumë të njëjtën gjë që bëjnë disa politikanë sot. Kjo është një kohë kohezioni. Ose jemi të qëndrueshëm ose humbasim gjithçka. Megjithatw disa qeveri morën masa shembullore, me detyra të dorës së parë të mirëmenduara, për ta mbrojtur sa më shumë e më mirë popullsinë. Pavarësisht nëse na pëlqen apo jo, gjithçka po rrotullohet rreth ekonomisë. Mund të thuhet se në botën financiare të sakrifikosh duket si gjë krejt normale. Prej kreut, deri në fund! E kështu edhe kultura e eutanazisë, legale apo e fshehtë qoftë, ajo që të moshuarëve ua jep ilaçet deri me limit. Mendoj për enciklikën e Palit VI, për Humanae Vitae. Kur flitej për pilulën, e Pali VI paralajmëronte valën e neomaltuzianizmit, që sot e shikojmë në seleksionimin e njerëzve, sipas mundësisë për të prodhuar. Të pastrehët mbeten të pastrehë! I pashë këto ditë në një fotografi, në Las Vegas të cilët ishin në një karantinë në mes të një parku. Sepse i pastrehi nuk mund të shkojë në hotel. Edhe kur hotelet janë bosh! E këtu shihet qartë teoria e hedhurinës!”.
Si mund të jetohen këto Kreshmë e këto Pashkë kaq të jashtëzakonshme. Cili është mesazhi që ke për pleqtë e izoluar, të rinjtë e mbyllur në shtëpi e për të gjithë ata, që vijojnë të varfërohen për shkak të krizës
Ju po më flisni për pleqtë e izoluar. Jetojnë në vetmi e distancë. Sa pleq kanë fëmijë, që nuk shkojnë t’i shikojnë as në kohë normale! Më kujtohet, në Buenos Ajres, kur vizitoja shtëpitë e pleqve e pyesja si shkonin punët në familje. Ah, mirë, mirë fort. Po vjen kush t’ju vizitojë?. Vijnë, vijnë, gjithnjë. Pastaj infermierja më thoshte se kishin kaluar gjashtë muaj nga koha kur fëmijët e tyre kishin qenë për herë të fundit në këtë vend, ku i kishin mbyllur prindërit e tyre. Në vetmi, braktisje, larg nga gjithkush e nga gjithçka dëshironin. E kjo, edhe pse të moshuarit vijojnë të jenë rrënjët e të rinjve. E i riu ka gjithnjë nevojë për rrënjë, edhe kur është plot me gjethe të gjelbërta. Po rrënjët i duhen. Ndryshe nuk mund të japë fryte. Njerëzit, që u varfëruan nga kriza, janë të mashtruarit e sotëm, që u shtohen të “zhveshurve” të përhershëm. Ç’kuptim ka sot humbja e gjithçkaje, parë në dritën e Ungjillit? Ungjilli na kujton se duhet të hyjmë në botën e tyre, ta kuptojmë atë, që deri dje kishte, e sot nuk ka më asgjë. Këtë u kërkoj njerëzve: të kujdesen për pleqtë e të rinjtë. Të përgjigjen për këta njerëz, që nuk kanë tjetër gjë, veç shpirtit.
Kjo është ajo që të gjithë duhet të bëjmë tani, sot të kujtojmë traditat tona dhe të kemi mall për të dashurit tanë.
Burimi: thetablet.co.uk
A.C/Dosja.al
1 vit nga zgjedhjet e 25 prillit si e shikoni gjendjen e vendit:
SHBA– Vlerësimet e reja të COVID-19 zbulojnë se, midis kombeve evropiane, kulmi ditor i vdekjes nga pandemia do të ndodhë gjatë javës së tretë të muajit Prill, ...
Turqi- Ditën e sotme është nisur nga Turqia drejt Ballkanit një avion ushtarak turk, në të cilin ka ndihma mjekësore për të luftuar COVID-19. Ndihmat mjekësore...
FRANCË– Industrialistët dhe studiuesit njoftojnë prodhimin e një maskë që mund të ripërdoret plot 100 herë. Maska do të ketë një çmim të përgj...
SHBA– Presidenti amerikan Donald Trump ka fajësuar Organizatën Botërore të Shëndetit për rekomandimet e gabuara që ka dhënë në “çdo aspekt” të pandemis...
Shkalla e divorcit në Kinë është rritur qëkur mbyllja e koronavirusit u qetësua. Por, a do të shohë Amerika një rritje të niveleve të divorcit? Çfarë po ...
SHBA– Nga raportet e publikuara për New York-un, New Jersey-in dhe Connecticut mësohet se janë 1,034 të vdekur, duke kaluar për herë të parë numrin 1,000 brenda...
GREQI– Kreu i Departamentit të Mikrobiologjisë në Institutin grek Paster, dr. Andreas Mentis, ka deklaruar se nëse brenda verës nuk prodhohet vaksina kundër kor...
BRITANI– Një infermiere e re në vijën e parë të COVID-19 është shprehur se tashmë ka shkruar testamentin e saj sepse ka frikë se mund të vdesë nga virusi vdekje...
