Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Emri i saj është Kathryn, një grua amerikane, e cila ngriti pretendimet se Christiano Ronaldo e ka përdhunuar atë në një hotel në Las Vegas. Vite më parë, ylli i futbollit e pagoi atë për të heshtur, por tani gruaja ka folur për herë të parë publikisht dhe është ankuar për Ronaldon. Ajo posedon një dokument që mund të jetë jashtëzakonisht i rrezikshëm për të.
Ky rast ishte menduar të mbahej i fshehtë, askush nuk do të mësonte kurrë për atë natë në Las Vegas në vitin 2009, veçanërisht jo versionin e saj të ngjarjes. Ajo madje nënshkroi një marrëveshje zgjidhjeje dhe mori një shumë parash në këmbim që ajo të mos hapte kurrë gojë. Ajo thotë se nënshkroi nga frika, pafuqia dhe paaftësia për t’i qëndruar përballë. Gjithashtu nga shpresa se ajo më në fund mund ta linte pas incidentin që i kishte ndodhur me yllin e futbollit. “Por kurrë nuk munda ta fshi këtë kapitull”, u shpreh Kathryn Mayorga.
Deri vonë Mayorga punoi në një shkollë fillore, por u largua pasi siç thotë ajo kishte nevojë për të mbledhur forcat. Ajo ka nevojë të mbledhë forcat për t’i bërë ballë burrit të cilin e akuzon se e ka dhunuar nëntë vite më parë, akuza që ai i mohon. Ai nuk është një njeri i thjeshtë, ai është Christiano Ronaldo, padyshim futbollisti më i mirë në botë, që ka korrur shumë sukses dhe që adhurohet nga tifozët. Ronaldo dhe Kathryn Mayorga janë takuar në 12 qershor 2009 në një klub nate në Las Vegas. Ronaldo ishte aty me pushime me kunatin dhe kushëririn e tij. Ishte koha kur ylli i futbollit ishte 24 vjeç dhe do të transferohej nga Manchester United në Real Madrid për një shumë prej 94 milionë eurosh.
Kathryn Mayorga, 25 vjeçe ishte një modele në lindje dhe një nga punët e saj ishte të rrinte me vajzat e tjera të reja, të bukura para hekurave për të joshur mysafirët. Fotot e shkrepura nga Paparazzi tregonin Mayorgan duke qëndruar pranë Ronaldos dhe duke biseduar. Ai kishte veshur një këmishë të bardhë me një kravatë të zezë, ndërsa ajo e veshur me një fustan gri të lehtë. Brenda disa orëve këto foto u shpërndanë në rrjet dhe të gjithë përpiqeshin të kuptonin se kush ishte “brunja misterioze” që ndodhej në krah të Ronaldos në hotelin Palms Place. Vetëm dy njerëz e dinë çfarë ndodhi atë natë atje; Kathryn Mayorga dhe Christiano Ronaldo. Diçka është shumë e qartë, që ylli i futbollit i pagoi Mayorgas 375.000 dollarë, në këmbim vajza nënshkroi një marrëveshje për të mos folur kurrë për akuzat e saj që Christiano Ronaldo e kishte përdhunuar.
Një akuzë e përsosur
I pari që raportoi rreth kësaj marrëveshjeje të firmosur ishte “Der Spiegel”. Dokumentet që i përkisnin marrëveshjes u vunë në dispozicion të gazetës nga platforma e “Football Leaks”. Në atë artikull, “Der Spiegel” kontaktoi Mayorgan, e cila shfaqet me pseudonimin Susan K. “Jo koment” , ishte përgjigja e saj asokohe. Kur u shfaq artikulli i parë, agjensia e Ronaldos “Gestifute” në një deklaratë tha, “artikulli nuk është gjë tjetër veçse një pjesë e trillimeve gazetareske”. Deklarata vazhdoi: “Gazeta e ka mbështetur tërë narrativën e tyre në dokumente që nuk janë nënshkruar dhe ku palët nuk identifikohen”.
Ky portretizim është i pasaktë.
Dokumentet e shumta që dispononte “Der Spiegel” dëshmonin aq shumë në lidhje me këtë ngjarje. Ata dispononin gjithashtu disa dokumente ku kishte nënshkruar vetë Ronaldo. Ekzistenca e këtyre dokumenteve mund të ndihmojë në shpjegimin pse ai nuk ka ndjekur këcënimet e tij për të çuar në gjykatë “Der Spiegelin”. Në deklaratën e saj të fundit, agjensia e Ronaldos diskretitoi viktimën duke thënë se nuk pranon të paraqitet dhe të konfirmojë vërtetësinë e akuzës. Mbi të gjitha elementi kryesor i zgjidhjes jashtë gjykatës ishte që Mayorga nuk lejohej të komentonte incidentin, nëse ajo e bënte këtë sipas marrëveshjes do të duhej të paguante paratë që Ronaldo i kishte dhënë.
Tani ajo ka vendosur të flasë gjithsesi duke rrëfyer për herë të parë historinë e saj. Pse? Çfarë e bëri atë të ndryshonte mendje? Në thelb ekzistojnë tre arsye. Së pari ajo ka një avokat të ri, një i cili është edhe me përvojë. Ai beson se marrëveshja e moszbulimit nuk është juridikisht detyruese dhe ai ka ngritur një ankesë civile kundër Ronaldos në emrin e Kathryn Mayorga. Kjo ankesë mbështetet nga një dokument prej 27 faqesh që mund të ketë pasoja të shumta për yllin e futbollit. Dokumenti përmban një version të mënyrës se si e përjetoi Ronaldo atë natë, duke përfshirë edhe citatin e mëposhtëm; “Ajo tha jo dhe ndaloi disa herë”. Së dyti, bota ka ndryshuar për gratë që pretendojnë se kanë qenë viktima të sulmit seksual. Një vit më parë, akuzat kundër prodhuesit amerikan të filmit Harvey Weinstein u bënë publike. Sipas atyre pretendimeve, ai kaloi me dekada duke ngacmuar apo edhe përdhunuar gra. Weinstein mohon akuzat.
Paraja, Fuqia dhe Fama
Pasi skandali u bë publik, aktorja amerikane Alyssa Milano inkurajoi gratë që kanë përjetuar ngacmime seksuale të dalin në publik nën hashtagun #MeToo. Dhjetëra mijëra gra vepruan kështu, duke ndryshuar klimën shoqërore në proces. Që atëherë është bërë shumë më e vështirë për politikanët, avokatët dhe publikun e gjerë të injorojnë dhe të ushtrojnë dhunë seksuale ndaj grave, veçanërisht në rastet kur kryesi i dyshuar posedon para, fuqi dhe famë. Lëvizja #MeToo gjithashtu u ka dhënë shumë viktimave më shumë guxim dhe vetëbesim. Mayorga është një prej tyre. Ajo thotë se ka kaluar shumë orë para kompjuterit të saj duke lexuar tregimet e grave të tjera. Arsyeja e tretë është se ajo e sheh atë si mundësinë e vetme për të mësuar nëse ka gra të tjera atje që thonë se janë abuzuar seksualisht nga Ronaldo. “Është diçka për të cilën kam menduar gjithmonë”, thotë ajo.
Disa javë më parë në Las Vegas, Kathryn Mayorga është ulur në një tryezë të gjatë dhe të errët konference me avokatin, nënën dhe terapistin e saj. Kathryn ka veshur pantallona të gjera të zeza dhe vathë të gjatë, bruz. Pavarësisht se ajo është munduar të kurohet me kujdes, sërish bie në sy lodhja në sytë e saj. Ajo duket e rraskapitur, por gjithashtu është tejet nervoze. Sytë e saj kërcejnë nëpër dhomë ndërsa ajo vazhdimisht luan me flokët.
Mayorga merr frymë thellë. Së pari, ajo dëshiron të flasë për frikën e saj, ndërsa ajo ndërmerr hapin tjetër dhe fjalët fillojnë të dalin me vështirësi prej saj. “Është një djalë mjaft i famshëm. Kështu që unë jam e tmerruar. Kam frikë”, thotë ajo. Mayorga është e shqetësuar se dikush mund t’i bëjë diçka asaj, që media dhe tifozët e Ronaldos nuk do ta lënë atë rehat. “Arsyeja pse kam nënshkruar kontratën në radhë të parë ishte sepse nuk doja emrin tim atje”, vijon më tej ajo. Ajo fillon të qajë, rrotullohet përsëri në karrigen e saj të rëndë lëkure dhe mbulon fytyrën me duar. Terapisti i saj është i shqetësuar dhe ata tërhiqen në një dhomë fqinje për gjysmë ore.
Njerëz të thjeshtë
Me “ne” ajo nënkupton të gjithë familjen Mayorga. Babai i saj, 64 vjeç dhe vëllai i saj 37 vjeç përshkruajnë se si atë mbrëmje të 9 viteve më parë Kathryn ndryshoi rrënjësisht. Ajo lindi dhe u rrit në Las Vegas. Babai i saj, i cili tani është në pension, punoi si zjarrfikës për 32 vjet ndërsa nëna e saj kaloi pjesën më të madhe të kohës duke u kujdesur për fëmijët. “Ne jemi thjesht njerëz të thjeshtë”, thotë Cheryl. Kathryn luajti softball dhe futboll dhe ishte një anëtare i “Girl Scout”. Por, thotë nëna e saj, ajo vuan nga mungesa e vëmendjes dhe ka një paaftësi mësimore. Dera hapet dhe Kathryn Mayorga kthehet në sallën e konferencave. Ajo duket se ka rimarrë veten dhe nis konferencën.
“Kam luftuar shumë gjatë rritjes, është e vështirë për mua të mësoj në klasë. Unë kam dokumentuar aftësi të kufizuara dhe më është dhënë një kohë shtesë”, është shprehur ajo.
Mayorga është diplomuar për gazetari në Universitetin Nevada, Las Vegas. Menjëherë pas diplomimit në 2008, ajo u martua me të dashurin e saj, një bankier nga një familje shqiptare. Rreth një vit pas dasmës së tyre, çifti u nda dhe Mayorga u zhvendos përsëri me prindërit e saj, shtëpia e së cilës është në një nga lagjet më të mira të Las Vegasit, e kompletuar me një oborr të rregulluar, një garazh të madh, një pishinë të bukur dhe një pamje e bukur mbi qytet. “Unë me të vërtetë po shijoja veten. Unë punoja çdo ditë, haja ushqim vegan … bëra shumë gjëra të mira me modelimin”. Ajo thotë se gjithashtu udhëtoi shumë gjatë asaj periudhe, diçka e bërë e mundur nga puna e saj.
Nata që i ndryshoi jetën
“Ata u përpoqën të më diskretitojnë”, thotë ajo, duke iu referuar ekipit juridik të Ronaldos. “Ata u përpoqën të thoshin: ‘Epo, puna që ju keni nuk është punë e” vajzës së mirë”, thotë ajo, duke shtuar se ishte një punë normale. Mayorga fillon të tregojë historinë e asaj nate, natë për të cilën thotë se i shkatërroi jetën. “Isha duke punuar atë natë, pasi mbarova shkova për të bërë qejf me shoqërinë. Kisha shampanjë në ofertë. Pastaj mora një mesazh nga shoqja ime. U takuam në shi dhe më pas shkuam tek zona VIP. Ronaldo erdhi tek unë, më kapi krahun dhe më tha; “Ti! Eja me mua!. Unë i thashë; “po bën shaka?”. Njerëzit po flisnin për të, oh ai është i famshëm, ai është këtu”, tha ajo. “Biseduam për pak dhe më pas ai më kërkoi numrin e telefonit. Unë i dhashë numrin tim dhe ai thjesht u largua. ‘sa cool’ mendova unë me veten time.”
Mayorga thotë se më pas shkoi të kërkonte për shoqen e saj, të cilën e gjeti jashtë me dy miq. Në atë moment ajo thotë se në telefonin e shoqes së saj kishte ardhur një mesazh nga Ronaldo, i cili shkruante; “Hej, sillni miqtë tuaj. Ejani në këtë festë”. Ajo dhe shoqja e saj vendosën të pranonin ftesën e Ronaldos në Palms Place, hoteli në vendin fqinj. Ronaldo dhe rrethi i tij, thotë Mayorga, ishin duke pritur në holl, ku u thanë vajzave që festa tashmë kishte përfunduar. Pasi arritën në suitë, kujton Kathryn, të gjithë papritmas u hodhën në pishinë, ndërsa Jordan u ul. Ajo shton: “Nuk kam dashur të futem në ujë, sepse s’doja të prishja veshjen time”.
Ajo thotë se më pas shkoi në banjë, ashtu siç ishte duke qëndruar atje vetëm në të brëndshme, Ronaldo papritmas u fut brenda, penisi i tij qëndronte i varur nga pantallonat e shkurtra. “Në thelb ai … ai më luti të prekja penisin e tij për 30 sekonda.”. “Kur nuk do ta prekja, ai më lutej ta thithja. Si një idiot! (…) Unë isha duke qeshur me të sepse mendova:” A është kjo shaka? ” Ky djalë që është kaq i famshëm dhe aq i nxehtë … ai është një humbës i frustruar”. Ai më tha, thotë Mayorga; “Unë do të ju lejoj të shkoni nëse më jepni një puthje’. Unë i thashë: ‘Në rregull, do të të puth por nuk do të prek penisin tënd “. Mayorga thotë se ajo vetëm e puthi dhe nuk bëri asnjë gjë tjetër.
“Mendova se gjithçka kishte mbaruar”. Por nuk ishte ashtu, pretendon ajo. “Ai më tërheq në dhomë. Unë ende kisha frikë. Po mendoja sa njeri, i padurueshëm ky djalë”. Unë i shpjegoj: ‘Dëgjo njeri, kjo nuk do të ndodhë.’ ”
‘Jo jo jo’
“Unë u largova. Ai u përpoq të hiqte të brëndshmet e mia. Unë u largova prej tij. Kur ai u hodh mbi mua unë thashë “jo, jo, jo, jo”. “Pasi ai më sulmoi, ai nuk do të më linte të iki përsëri. Ai nuk do të më linte të ikja. Dhe ai po më thërriste “baby baby”. Ai më dha këtë vështrim fajtor. Pothuajse ai u ndje keq. Unë nuk mbaj mend, por jam shumë e sigurtë që ai tha ‘më vjen keq’ ose ‘A jeni lënduar?’.
“Ndodhi kaq shpejt. Unë vërtet nuk e dija se çfarë ndodhi. Unë u ndjeva sikur isha duke notuar pothuajse. Unë mendova se kisha ndonjë sëmundje. Mendova se ai kishte AIDS-in. Duhet të më thuash nëse kam ndonjë sëmundje. A kam ndonjë sëmundje?’, i thashë unë. Ai më tha: Jo, jo. Unë jam një atlet profesionist dhe provohem çdo tre muaj. Nuk mund ta luaj lojën time me një sëmundje.”
Kathryn Mayorga fillon të flasë përsëri. “Unë thashë se askush nuk do të dijë për këtë”. Ai mund të më ketë kërkuar që të isha e qetë kur dola jashtë. Megjithatë nuk mbaj mend”.
Pasi Kathryn Mayorga denoncoi rastin, mjekët morën mostra ADN-je prej saj. The Sun raportoi se ADN-ja e Ronaldos është krahasuar me ADN-në e marrë nga trupi i Mayorgas. Përfundimi? ADN-të përputheshin plotësisht!/ marrë nga Der Spiegel
(E.S. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
RUSI– Një ushtar 37-vjeçar ka ndërruar jetë 9 ditë pasi është sulmuar nga një ari. Ngjarja e rëndë ndodhi në ishujt Kuril, teksa i riu Alexey Ivanovski u...
KOSOVË- Ka përfunduar numërimi i votave me kusht në Kosovë, ndërkohë pritet edhe numërimi i një pjese të votave të ardhura nga Diaspora. Në përfundim të nu...
SERBI- Presidenti i Serbisë, Aleksandar Vuçiç ka shprehur falenderime dhe mirënjohje të madhe për Federatën Ruse dhe presidentin e saj Vladimir Pu...
Një grua ka humbur të gjitha shpresat se burri i saj, i cili ishte një nga 39 personat që u gjetën të vdekur në Essex rrugës duke ikur si emigrant në Angli të j...
BELGJIKË- Festa e 18-vjetorit është shumë e rëndësishme për shumë adoleshent. Në shumicën e rasteve ky përvjetor festohet me miq dhe alkool. Por Princesha...
RUSI- Ky moment i shfaqur në video është një nga ato momentet kur të bën të të pushojë zemra. Një vogëlushe teksa ecën bie në pusetë, pamje këto të cilat kanë t...
Reperi më i njohur i 2 dekadave të fundit, Eminem, frymëzues i miliona adoleshentëve në të gjithë botën është marrë në pyetje nga agjentët e Shërbimit Sekret Am...
GREQI- “Rrjeti i Solidaritetit të Burgosurve” ka bërë public një njoftim, ku me anën e një fotografie të një të burgosuri, i cili ka një në pjesën e barkut ka n...
ANGLI– Një çift, burrë e grua kanë rënë në pranga, pasi dyshohet të kenë lidhje me vdekjen e 39 personave, trupat e të cilëve u gjetën në një kamion-frig...
KOSOVË- Xhemile Dehari, nëna e Astrit Deharit, të riut që humbi jetën në paraburgimin e Prizrenit, ka lëshuar akuza të forta në adresë të presidentit të Ko...
