Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË- Arben Isaraj, ish-Drejtor i Përgjithshëm i Patentave, i cili dha dorëheqje disa muaj më herët, njëhershë ish-zv.dekan i Fakultetit të Drejtësisë, ka reaguar pas shfuqizimit të dekretit të Presidentit për zgjedhjet e 30 qershorit.
Me anë të një komenti në rrjetet sociale, Israj shprehet se vendimi i Presidentit ka karakter administrativ, dhe mund të ankimohet si i tillë në Gjykatën Administrative, duke rikthyer në vëmendje qëndrimin e shumë juristëve lidhur me këtë vendim.
“Natyrën juridike administrative të dekreteve të kësaj natyre, e përcakton edhe fakti se ato janë të ankimueshme në gjykatën administrative” , – shkruan ndër të tjera Isaraj.
Izaraj e ka quajtur Presidentin si një ‘budalla politik’ që sipas tij i ka thënë “ligjërisht mendjes ik p*rdhu”.
“A ka fuqi kushtetuese revokimi i mendjes presidenciale ?
Thonë se në botë ka dy “superfuqi”, Arma dhe Mendja. Për momentin, s’ka ende asnjë fuqi që të matet me Mendjen. Po çtë bësh , kur një budalla politik që i ka thënë ligjërisht mendjes pirdhu, hedh një gur në lumë dhe 100 konstitucionalistë “të mençur” s’e nxjerrin dot”, shprehet Isaraj.
Postimi i plotë:
A ka fuqi kushtetuese revokimi i mendjes presidenciale ?
Thonë se në botë ka dy “superfuqi”, Arma dhe Mendja. Për momentin, s’ka ende asnjë fuqi që të matet me Mendjen. Po çtë bësh , kur një budalla politik që i ka thënë ligjërisht mendjes pirdhu, hedh një gur në lumë dhe 100 konstitucionalistë “të mençur” s’e nxjerrin dot.
Sipas Kushtetutës dhe ligjit procedurial administrativ, Presidenti i Republikës, në veprimtarinë e tij nxjerr akte administrative. Në bazë të Kushtetutës, ligjit themeltar të shtetit, Presidenti i Republikës është kryetari i shtetit dhe përfaqëson unitetin e të gjithë kombit.
Presidenti është organi që veprimtarinë e tij e ka të ndërthurur me të tri pushtetet, legjislativ, ekzekutiv dhe gjyqësor. Pajisja e këtij organi me një numër të konsiderueshëm kompetencash, që për nga natyra e tyre juridike, afrojnë më shumë me veprimtarinë ekzekutive urdhërdhënëse të administratës shtetërore, i japin veprimtarisë së tij dhe aktit juridik që ai nxjerr një fizionomi të natyrës administrative.
Sipas nenit 92 të Kushtetutës,
Presidenti ushtron edhe këto kompetenca:
a) i drejton mesazhe Kuvendit; b) ushtron të drejtën e faljes sipas ligjit; c) jep shtetësinë shqiptare dhe lejon lënien e saj sipas ligjit; ç) jep dekorata e tituj nderi sipas ligjit;
d) jep gradat më të larta ushtarake sipas ligjit; dh) me propozim të Kryeministrit, emëron dhe liron përfaqësuesit e plotfuqishëm të Republikës së Shqipërisë në shtetet e tjera dhe në organizatat ndërkombëtare;
e) pranon letrat kredenciale dhe tërheqjen e përfaqësuesve diplomatikë të shteteve të tjera dhe të organizatave ndërkombëtare të akredituara në Republikën e Shqipërisë; ë) lidh marrëveshje ndërkombëtare sipas ligjit; f) me propozim të Kryeministrit, emëron drejtorin e shërbimit informativ të shtetit; g) emëron Kryetarin e Akademisë së Shkencave dhe rektorët e universiteteve sipas ligjit; gj) cakton datën e zgjedhjeve për Kuvendin, për organet e pushtetit vendor dhe për zhvillimin e referendumeve; h) kërkon mendim dhe të dhëna me shkrim nga drejtuesit e institucioneve shtetërore për çështje që kanë të bëjnë me detyrat e tyre.
Këto kompetenca kushtetuese por dhe të tjera të dhëna me ligj, meqenëse rregullojnë marrëdhënie të caktuara të natyrës administrative, i japin pushtetit të tij një karakter ekzekutiv në ushtrimin e funksioneve.
Prandaj dhe roli i Presidentit në këto raste paraqitet tepër i afërt me pushtetin ekzekutiv. Në këtë aspekt edhe dekreti që nxjerr Presidenti i Republikës është një akt i karakterit administrativ. Natyrën juridike administrative të dekreteve të kësaj natyre e përcakton edhe fakti se ato janë të ankimueshme në gjykatën administrative.
Si akt administrativ, Dekreti presidencial, duhet të dalë në formën dhe procedurën e kërkuar nga ligji. Mungesa e formës dhe e procedurës e kërkuar nga Ligji, si dhe qënia në kundërshtim të hapur dhe flagrant me legjislacionin në fuqi, e bën Dekretin presidencial si akt administrativ, absolutisht të pavlefshëm. Akti administrativ absolutisht i pavlefshëm, sipas ligjit, nuk prodhon pasoja ligjore pavarësisht nga fakti nëse është deklaruar ose jo si të tillë nga gjykata.
Një akt i tillë – thotë ligji, konsiderohet se nuk egziston. Kushtetuta nuk ia njeh Presidentit as pushtetin diskrecial (diskrecioni) të administratës publike, si e drejta e kësaj të fundit që të ushtrojë autoritet publik për realizimin e një qëllimi të ligjshëm, qoftë edhe pa autorizim të shprehur të ligjit.
Pushtetin diskrecial të administratës publike, në demokracitë parlamentare dhe sipas Kushtetutës e ka Këshilli i Ministrave si autoritet publik. Duke munguar fuqia kushtetuese e ligjore e revokimit të mendjes presidenciale, as më shumë e as me pak, dita e zgjedhjeve vendore, me Kushtetute e ligj mbetet, data 30 qershor 2019.
Shënim:
Imagjinoni çfarë do të ndodhte me institucionet në Shqipëri, sikur Presidenti të revokonte/anullonte/shfuqizonte në këtë mënyrë, dekretet e emërimit të ministrave, ambasadorëve, rektorëve, Shefit të Shtabit të Përgjithshëm, drejtorit të Shërbimit Informativ Shtetëror etj.
Shtet jo …. LSI po.
Kujtojmë se një ditë më parë Presidenti i Republikës shfuqizoi dekretin për zgjedhjet e 30 qershorit. Ky vendim u publikua pak para se të fillonte protesta e opozitës, për të cilën thuhej se do të ishte e dhunshme. Vendimi i Metës u kundërshtua nga Kryeministri Edi Rama, i cili thotë se zgjedhejt do të mbahen më 30 qershor.
(B.B/ Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Deputeti Kujtim Gjuzi që është bërë i njohur për stilin e tij të veçantë dhe batutat që bën në Kuvend, ka treguar sot se ai është një ...
GJERMANI- Nën kryetari i Grupit Parlamentar CDU/CSU në Bundestag, Johann Wadephul, ka reaguar pas vendimit të Ilir Metës për anulimin e datës 30 qershor.Në një ...
TIRANË– Ish-kryetari i grupit parlamentar të LSI-së, Petrit Vasili Ka regauar në lidhje me vendimin e marrë nga Presdenti Ilir Meta për anulimin e zg...
TIRANË– Presidenti Ilir Meta do të mbajë mëngjesin e të hënës një konferencë të jashtëzakonshme. Komnferenca do të zhvillohet në orën 08:00, dhe prit...
TIRANË– Ish-deputetja Mesila Doda mbajti një deklaratë për mediat ku theksoi mbështetjen e saj kundrejt vendimit të Presidentit Ilir Meta në lidhje me shty...
TIRANË- Ish- kryeministri Sali Berisha ka publikuar një foto në facebook, ku kujton 20 vjetorin e kapitullimit të Sllobodan Milosheviç pas sulmeve s...
TIRANË- Ish-ministri i Drejtësisë Ylli Manjani ka reaguar në Facebook, lidhur me deklaratat e Veliaj, i cili tha sot nga Baldushku se nuk ka asnjë dyshim ...
TIRANË– Avokati Spartak Ngjela ka reaguar në lidhje me vendimin e marrë nga presidenti Ilir Meta për shtyrjen e zgjedhjeve.Në një status në rrjetet s...
TIRANË- Kryebashkiaku i Tiranës Erion Veliaj, ka zhvilluar një takim ditën e sotme me sipmatizantët e Partisë Socialiste në Baldushk. Ashtu si edhe kryemin...
TIRANË- Deputeti Lefter Maliqi ka reaguar lidhur me deklaratën e Ramës, i cili tha sot nga Burreli se Ilir Meta nuk duhet të qëndrojë më në atë zyrë.Në në ...
