Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Bashkimi Evropian kapërceu relativisht mirë krizat e shkaktuara nga pandemia dhe pushtimi rus i Ukrainës, duke filluar me përdorimin e energjisë si një armë ndaj kontinentit nga ana e Moskës. Por duket se tani e ka humbur busullën e tij, duke harruar qasjen e shkëlqyer të Jean Monnet, babait themelues të një Evrope të bashkuar, për t’i shndërruar krizat në një mundësi për integrim më të madh.
Nga Nathalie Tocci “Huffington Post italia”
Gjysma e dytë e vitit 2023 solli rrënimin e ambicieve “gjeopolitike” të Bashkimit Evropian, të shpallura me aq shumë bujë nga presidentja e Komisionit Evropian, Ursula von der Leyen, në fillim të mandatit të saj 4 vite më parë.
Bashkimi Evropian kapërceu relativisht mirë krizat e shkaktuara nga pandemia dhe pushtimi rus i Ukrainës, duke filluar me përdorimin e energjisë si një armë ndaj kontinentit nga ana e Moskës. Por duket se tani e ka humbur busullën e tij, duke harruar qasjen e shkëlqyer të Jean Monnet, babait themelues të një Evrope të bashkuar, për t’i shndërruar krizat në një mundësi për integrim më të madh.
Brenda unionit, po bëhen më të forta forcat nacional-populiste që punojnë aktivisht kundër Marrëveshjes së Gjelbër Evropiane, duke argumentuar se tranzicioni i energjisë nuk është gjë tjetër veçse një recetë që kërkon shumë sakrifica. Me pak fjalë, jemi ende larg rrugës për një Evropë më të qëndrueshme, më të begatë dhe të drejtë.
Po ashtu me vendimin për të eliminuar burimet e reja të financimit të destinuara për këto qëllime nga rishikimi i mundshëm i buxhetit evropian (me kushtin që këtë muaj Victor Orbán të ndryshojë sjellje), është dobësuar edhe ecja drejt një politike industriale evropiane.
Në fakt rreziku është e kundërta: pa një financim të përbashkët dhe me përdorimin e vazhdueshëm të ndihmës shtetërore (nga shtetet anëtare që nuk mund ta përballojnë dot atë), ekziston kërcënimi konkret i dobësimit të tregut të përbashkët evropian, dhe nga kjo nuk do të përfitojë industria evropiane.
Jashtë BE-së situata është edhe më kritike. Ndërsa për shkak të luftës në Ukrainë, Rusia është ristrukturuar në një ekonomi lufte, e vendosur për të zhvilluar një përplasje të përhershme kundër Perëndimit (sot në Ukrainë, dhe nesër kushedi se ku), fuqitë perëndimore po ndërgjegjësohen vetëm tani mbi faktin se ka marrë fund strategjia e tyre, që synon të mos e lërë Kievin të humbasë luftën, por nga ana tjetër të mos e lërë të fitojë.
Pak e shumë tani po vetëdijësohemi edhe për faktin se nuk ka asnjë botë magjike negociatash me Moskën si rezultat i një “ngërçi”, por që kjo është një luftë që ose humbet ose fitohet. Nëse do ta humbisnim si pasojë e “lodhjes”, viktima nuk do të ishin vetëm ukrainasit, por të gjithë evropianët.
Evropa e di se Ukraina është tani pjesë integrale e sigurisë evropiane dhe se fillimi i negociatave me Kievin dhe Kishinau për anëtarësimin në BE, edhe pse vetëm fillimi i një rrugëtimi të gjatë, janë një dëshmi për këtë.
E megjithatë, ne jemi ende larg nga të vepruarit në përputhje me rrethanat, veçanërisht në çështjet që kanë të bëjnë me mbrojtjen. Përtej kontinentit evropian, pozicioni i Bashkimit është edhe më i dobët. Lufta në Ukrainë ka nxjerrë në pah rëndësinë e opinioneve dhe qëndrimeve të Jugut Global, por edhe reputacionin më pak se pozitiv të Evropës në shumë pjesë të botës.
Lufta në Lindjen e Mesme, mbi të cilën Evropa është e ndarë dhe e dobët, e nxitur nga një Shtëpi e Bardhë që është shumë e dërrmuar nga forcat e brendshme politike, dhe e diktuar nga kokëfortësia e një presidenti 81-vjeçar, jo vetëm që po gjeneron një masakër të paprecedentë të palestinezëve, por mundet vetëm ta dobësojë sigurinë e Izraelit në planin afatmesëm dhe atë afatgjatë.
Bota na shikon, duke qenë gjithnjë e më shumë e bindur mbi dobësinë dhe hipokrizinë tonë. Vetëm kjo do të përbënte tashmë një problem shumë serioz për ne. Megjithatë viti që sapo ka filluar rrezikon që të shtojë akoma më shumë në menynë e sfidave.
Duke filluar nga zgjedhjet për në Parlamentin Evropian, ku pritet të ketë një revansh të forcave të djathta nacional-populiste. Për të mos përmendur Shtetet e Bashkuara, ku rizgjedhja e Donald Trump president është ende e mundshme.
Por edhe nëse nuk do të ndodhë asgjë nga këto këtë vit të ri, vetë probabiliteti i ndodhjes së tyre do ta ndërlikojë shumë axhendën politike në gjysmën e parë të 2024-ës, duke rritur rrezikun e një ngërçi në axhendën e klimës.
Po ashtu duke i dhënë mbështetje kryeministrit hungarez Victor Orban në përpjekjen e tij
për të sabotuar punën e BE-së, duke reduktuar ambiciet dhe fokusin ndaj Ukrainës dhe reformave të brendshme brenda Bashkimit, teksa mbetemi të pafuqishëm në lidhje me një luftë në Lindjen e Mesme, e cila është në prag të zgjerimit të mëtejshëm dhe të rajonalizimit. Në rast se gjithçka shkon mirë, 2024-a do të jetë një vit i vështirë në të cilin Evropa do
të mbetet në skenë, por jo më shumë sesa kaq. Një kusht sigurisht i nevojshëm, por jo i mjaftueshëm për të ri-zbuluar qasjen dikur mjeshtërore të Jean Monnet ndaj krizave me të cilat përballej Komuniteti Evropian.
Shënim:Nathalie Tocci, drejtoreshë e Institutit për Çështje Ndërkombëtare, Itali.
anila basha Vetëvrasja me helmin fostoksinë e Bedrie Lokës, gruas, nënës se 4 fëmijëve që u denigrua si femër ...
Bajram Fezollari Pogradec – Pothuajse çdo mbrëmje gjatë verës së vitit 1975, babai i Bajram Fezollarit, Feridoni...
Sonila Meco Vetëm tragjeditë na zgjojnë, na mbajnë syçelët për tre ditë dhe në të katërtën ni...
Xhemal Loka dhe Bedrie Loka Vetëvrasja ose vrasja e Bedrie Lokës mëngjesin e 2 janarit në Durrës, është dështimi i ...
Ura e Zogut Në emisionin qëndror të lajmeve të datës 24 Dhjetor 2023 më në fund, një televizion kombëtar i ku...
Enkeleda Memisha dhe Grigorina Boce TIRANË- Turizmi është kthyer në sektorin prioritar të ekonomisë gjatë viteve të...
marine le pen dhe vladimir putin Nga Mikhail Zygar “Foreign Affairs” Në mars të këtij viti, Rusia do të mbajë zgjedhj...
nato Nga Yanis Varoufakis “Unherd” Ishte fillim-shtatori i vitit 1971. Nëna më çoi me taksi në një hotel në n...
foto ilustruese Nga Tatyana Kekic “The Spectator’ Presidenti i Serbisë, Aleksandar Vucic, ka kopjuar këtë javë Vladimir Pu...
foto ilustruese Nga Jennifer Cassidy “TRT World” Në peizazhin e sotëm të politikës globale, termi “politikë e j...
