"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Partia Demokratike me anë të Sekretarit të Pargjithshëm, Gazment Bardhit, ka reaguar në lidhje me zhvendosjen e hetimit për dosjen 184 nga Krimet e Rënda tek Prokuroria e Dibrës.
Gazment Bardhi u shpreh se kalimi i dosjes nr.184 në Prokurorinë e Dibrës është praktikisht mënyra për varrosjen e hetimeve për vjedhjen e zgjedhjeve. Po ashtu ia sulmoi dhe kryeministrin Edi Rama duke thënë se ai mbron organizatat kriminale.
“Mbyllja e dosjes 184 duke e varrosur atë në Dibër, larg vëmendjes publike, nuk ka për ta shpëtuar Edi Ramën nga përgjegjësia e tij direkte për vjedhjen e zgjedhjeve”, u shpreh Bardhi.
REAGIM I PLOTË
Prokuroria e Krimeve të Rënda ka pushuar së ekzistuari si e tillë dhe me urdhër të Edi Ramës, është shndërruar në një prokurori private që nuk ndëshkon krimin e vjedhjes së zgjedhjeve, por e mbron atë. Sot, media zbuloi vendimin skandaloz për të varrosur dosjen 184 të vjedhjes së zgjedhjeve në Dibër.
Pasi bllokoi për 3 vjet hetimin e dosjes 184, Prokuroria e Krimeve të Rënda ka hequr dorë nga hetimi i saj, duke vendosur në fshehtësi moskompetencën. Pasi u dështoi plani i mbylljes së hetimeve në heshtje dhe pa transparencë, kalimi i dosjes në Prokurorinë e Dibrës është praktikisht mënyra për varrosjen e hetimeve për vjedhjen e zgjedhjeve.
Publikimi i përgjimeve nga gazeta prestigjoze gjermane BILD u faktoi shqiptarëve se në vjedhjen e zgjedhjeve në Dibër, partia në pushtet kishte vepruar si një organizatë e mirëfilltë kriminale. Shqiptarët dëgjuan më zë sesi në krye të organizatës kriminale të vjedhjes së zgjedhjeve ishte personalisht Edi Rama.
Heqja dorë nga hetimi prej Prokurorisë së Krimeve të Rënda është skenari që i siguron paprekshmëri Edi Ramës, Damian Gjiknurit, Pjerin Nderut, Ulsi Manjës, Arben Keshit, Dionis Imerajt, Valbona Sakos dhe të gjithë bandës së partisë në pushtet, të kapur në flagrancë me përgjime të ligjshme të vetë prokurorisë.
Heqja dorë nga hetimi dhe kalimi i dosjes në Prokurorinë e Dibrës, me urgjencë dhe në fshehtësi, në prag të ngritjes së SPAKU-t, është qartazi shmangie e kalimit të kësaj dosje tek SPAK-u. Heqja dorë nga hetimi i Prokurorisë së Krimeve të Rënda është provë sesi hajdutët e zgjedhjeve nuk ndëshkohen, por mbrohen nga prokuroria e kontrolluar tërësisht nga Edi Rama.
Duke marrë në mbrojtje organizatën kriminale të vjedhjes së zgjedhjeve në Dibër, njëlloj siç po merren në mbrojtje edhe bandat e vjedhjes së zgjedhjeve në Durrës, Lezhë, Tiranë dhe Elbasan, provohet se përsa kohë Edi Rama është në Qeveri, në Shqipëri nuk ka për të patur kurrë zgjedhje të lira dhe të ndershme.
Mbyllja e dosjes 184 duke e varrosur atë në Dibër, larg vëmendjes publike, nuk ka për ta shpëtuar Edi Ramën nga përgjegjësia e tij direkte për vjedhjen e zgjedhjeve. Edi Rama mund të ketë hequr qafe për pak kohë SPAK-un, por ai nuk mund të heqë dot qafe shqiptarët, shumica e të cilëve kërkojnë largimin e tij.
Prokuroria e Krimeve të Rënda ka shpallur moskompetencë për dosjen e famshme të përgjimeve në diber, 184. Ky vendim i Krimeve të Rënda është bërë publik sot dhe mësohet se tashme do jetë akuza e Dibrës ajo që do kryej hetimet.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
SHKODËR- Teksa ishte duke inspektuar një nga investimet e Bashkisë Shkodër, kryetarja e kësja Bashkie Voltana Ademi, i është përgjigjur ministirsë së Finan...
TIRANË- Kreu i Partisë Demokratike, Lulzim Basha ka reaguar pas publikimit të procesverbalit të mbledhjes së PS në Shkodër, ku shumë prej pjesëmarrësve kis...
TEPELENË- Kreu i Bashkisë Tepelenë, Termet Peçi në një reagim në mediat sociale ka sqaruar një deklaratë të tij, të bërë në një emision televiziv.Në...
TIRANË- Minisitria e Financave i është përgjigur Bashkisë Shkdoër në lidhje me bllokimin e buxhetit të kësaj të fundit. Në një reagim për mediat nga minist...
SHKODËR- Partia Demokratike Dega Shkodër, ka reaguar në lidhje bllokimin e buxhetit të Bashkisë Shkodër, nga Ministrja e Financave, Anila Denaj.Në një dekl...
TIRANË- Në një ceremoni të veçantë zhvilluar në mjediset e Presidëncës, Ilir Meta dekoroi Ambasadoren e Republikës Helenike, Eleni Sourani, me Titul...
TIRANË- “Një realitet i deformuar, njerëz pa vlera, të pasuruar në mënyrë të paligjshme që blejnë gjithçka, vendimmarrjen në gjykatë, gjuhën dhe hel...
TIRANË- Presidenti Ilir Meta ka zhvilluar sot në një takim lamtumire Ambasadorin e Jashtëzakonshëm dhe Fuqiplotë të Mbretërisë së Suedisë në Shqipëri, Joha...
SHKODËR– Arbis Vjerdha, anëtar i Këshillit Bashkiak të Shkodrës dhe një socialist i thekur prej vitesh ka dalë sot kundër partisë së tij. Ish- kampioni i n...
SHKODËR– Ish-deputeti Bardh Spahia ka reaguar pas Ministria e Financave ka bllokuar buxhetin për Bashkinë e Shkodrës. Në një status në rrjetet social...
