Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Sjellja e presidentit në largim të SHBA-së Donald Trump duke filluar që tani e deri në përurimin në janar të pasardhësit të tij, Joe Biden, ka të ngjarë të jetë po aq obstruktive sa kaotike ishte administrata e tij. Biden duhet të nxjerrë dy mësime nga një president i mëparshëm në detyrë i SHBA-së, i cili gjithashtu nuk e priti mirë humbjen e tij.
Tranzicionet presidenciale nuk janë kurrë të lehta, veçanërisht kur ato përfshijnë një president në detyrë të mundur në votime. Por këtë herë tranzicioni ndodh në mes të një krize të paprecedent. Presidenti aktual nuk pranon ta njohë votën si një refuzim të politikave të tij dhe ka një mospëlqim të madh për presidentin e zgjedhur, të cilin ai e akuzon për pandershmëri dhe e cilëson si shumë të dobët për të marrë postin. Ai e akuzon pasardhësin e tij si një socialist, një mbrojtës i politikave që do ta fusin vendin në rrugën e shkatërrimit.
Ishte viti 1932 dhe kalimi i presidencës nga Horbert Hoover te Franklin D.Roosevelt ndodhi në mes të një depresioni të pashembullt ekonomik dhe krize bankare. Presidenti në largim, Hoover, kishte një neveri të madhe ndaj pasardhësit të tij. Atë nuk e shqetësonte mungesa e mprehtësisë së tij mendore, por më tepër paralizimi i pjesshëm i Roosevelt. Ai e quajti Roosevelt-in një njeri që do të bënte dhe thoshte gjithçka vetëm që të zgjidhej. Gjatë fushatës së tij dhe më pas, Hoover bëri me dije se tendencat socialiste të Roosevelt do ta vendosnin vendin në një “marshim drejt Moskës”.
Atëherë, kalimi i detyrës zgjati katër muaj, periudhë gjatë së cilës presidenti dhe Kongresi bënë pak ose aspak për të adresuar krizën në vazhdim. Tërheqjet masive të depozitave nga bankat dhe paniku vazhdonte të përhapej në mënyrë ngjitëse, duke detyruar një guvernator shtetëror pas tjetrit të mbyllte sistemet e tyre bankare. Por Hoover nuk pranoi të deklaronte në mënyrë të njëanshme pushim për bankat. Në kohën kur Roosevelt u përurua në mars të vitit 1933, sistemi bankar dhe e gjithë ekonomia ishin praktikisht në një ngërç.
Hoover ishte i vetëdijshëm për krizën. Por ai ishte ideologjikisht kundër ndërhyrjes së qeverisë federale. Dhe ai ishte i bindur për pikëpamjet e tij.
Tani mund të presim sjellje të ngjashme nga presidenti i Amerikës, Donald Trump. Nga ideologjia dhe pakënaqësia, ai duket se ka të ngjarë të refuzojë të bëjë ndonjë gjë në lidhje me pandeminë e koronavirusit. Pyetja është se sa larg do të shkojë ai për të penguar përpjekjet e presidentit të zgjedhur Joe Biden për ta adresuar këtë problem kur të marrë detyrën. A do t’i ndalojë Trump anëtarët e task forcës së tij që merren me adresimin e pandemisë së koronavirusit dhe të emëruarit e tjerë që të informojnë ekipin e tranzicionit? A do të mbajë ai informacione në lidhje me përpjekjen e qeverisë për të prodhuar një vaksinë për COVID-19?
Hoover, duke mos parë nevojë për politika të reja, bëri gjithçka që ishte në fuqinë e tij për të kufizuar opsionet e presidentit në ardhje. Një besimtar në shenjtërinë e standardeve të arta, ai i kërkoi Franklin Roosevelt të bënte një deklaratë që mbështeste mbështetjen e tij financiare si një mënyrë për të forcuar besimin. Ai e inkurajoi presidentin e zgjedhur që të mbështeste, madje inkurajonte, anëtarët e delegacionit amerikan të emëruar nga Hoover në konferencën ndërkombëtare të planifikuar për të diskutuar borxhet europiane të luftës dhe për të rivendosur standardin e artë në mbarë botën.
Roosevelt e kuptoi rrezikun e kësaj dhe refuzoi të angazhohej para se të merrte detyrën. Kur presidenti i zgjedhur e kundërshtoi atë, Hoover publikoi i zemëruar kopje të komunikimeve të tyre, duke irrituar opinionin publik.
Në mënyrë të ngjashme, ne mund të presim që Biden të refuzojë përgjërimet e Trump – nëse ka ndonjë të tillë – dhe të shmangë angazhimet që ia kufizojnë hapësirën për manovrim të politikave. Por Trump tashmë e ka detyruar atë në mënyra të tjera. Në veçanti, të emëruarit gjyqësorë të Trump do të sfidojnë përpjekjen e presidentit të ri për të bërë politikë përmes urdhrit ekzekutiv dhe direktivës rregullatore. Ndërkohë, përpjekjet për të avancuar legjislacionin dhe për të konfirmuar të emëruarit në pozicione administrative ka të ngjarë të pengohen Kreu i Shumicës së Senatit Mitch McConnell, duke supozuar se nuk do të ketë surpriza të mëtejshme elektorale nga Xhorxha (një shtet që Biden duket se e ka fituar dhe ku në janar do të mbahen zgjedhjet e balotazhit për dy vende në Senat).
Kalimi nga Hoover në Roosevelt ndodhi në një kohë të rrezikshme. Mobilizimet spontane politike të të gjitha llojeve ishin në rritje. Një Ushtri Bonus me më shumë se 43,000 veteranë të Luftës së Parë Botërore dhe familjet e tyre kishin zbritur në Uashington në mes të vitit 1932, duke kërkuar pagimin e certifikatave të tyre prek veterani. Ata u shpërndanë me dhunë, me humbje jete, nga policia e Uashingtonit dhe Ushtria Amerikane nën drejtimin e gjeneralit Douglas MacArthur. Ky episod luajti një rol të konsiderueshëm në humbjen elektorale të Hoover (një rezultat që mund të ketë shërbyer si paralajmërim për Trump, i cili në mënyrë të ngjashme nxori në rrugë ushtrinë për të shpërndarë demonstruesit).
Përveç kësaj, kishte protesta, disa prej tyre të dhunshme, kundër ankandeve të përmbarimit që ndodhnin në shkallët e gjykatave në të gjithë vendin. Kishte një mbështetje në rritje të popullit për politikanët ekstremistë siç ishte Huey Long i Luizianës. Vështirësia, papunësia dhe problemet ekonomike formuan sfondin në të cilin Giuseppe Zangara, një murator i papunë me probleme fizike, mendore dhe pikëpamje ekstreme anti-sistem, u përpoq të vriste Roosevelt-in 17 ditë para përurimit të tij.
Këtu ka dy leksione. Presidenti i zgjedhur dhe ata përreth tij duhet të marrin masa shtesë për sigurinë e tyre personale, duke pasur parasysh klimën e ndezur politike dhe përpjekjet e vazhdueshme të Trump për t’i hedhur benzinë zjarrit. Dhe Biden tani, si Roosevelt atëherë, duhet të përsërisë mesazhin e tij të shpresës dhe unitetit si një antidot ndaj koronavirusit dhe përçarjes politike. Në vitin 1933, amerikanët u desh të kapërcenin vetë frikën. Sot, kur është frika nga njëri-tjetri ajo që amerikanët duhet të kapërcejnë, pohimi i Biden se nuk ka “shtete të kuqe apo shtet blu, por vetëm Shtete të Bashkuara” është një fillim i mirë.
Marrë nga: Reporter.al
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
HOLLANDË- Avokati mbrojtës i Kadri Veselit, Ben Emmerson është shprehur se avokati i tij duhet që të lirohet sa më parë nga paraburgimi. Ai ka thënë se Ves...
GJERMANI– Me përparime të vogla në fushën e bashkëpunimt ekonomik përfundoi samiti i sivjetshëm i Sofjes në Berlin. Angela Merkel lajmëroi se samiti i ard...
RUSI- Presidenti i Rusisë, Vladimir Putin u shpreh se vaksinat ruse anti-Covid janë të gjitha efektive. Gjatë një samiti të Organizatës së Bashkëpunimit të Shan...
HOLANDË– Ish-kryeparlamentari i Kosovës, Kadri Veseli ka dalë para togave të zeza të Gjykatës Speciale në Hagë. Edhe Veseli, njësoj si Hashim Thaçi ...
INDI- Pas fitores së zëvendës presidentes së zgjedhur në Amerikë, në fshatin ku u rrit gjyshi nga nëna e Kamala Harris, kanë organizuar një festë për fitoren e ...
KOSOVË- Autoritetet Shëndetësore në Kosovë bëjnë me dije se 24 orët e fundit ka humbur jetën 5 persona nga koronavirusi ndërsa janë infektuar 596 të tjerë....
PARISË-Presidenti francez Emmanuel Macron do të presë kancelarin austriak Sebastian Kurz për bisedime ditën e sotme, përpara një samiti onile që do të z...
GREQI– Prej disa javësh në fshatin Tavroniti të Kretës kanë filluar mësimet në klasën e gjuhës shqipe. Në klasë janë mbi 30 fëmijë të cilët janë të gjithë të pa...
GREQI- Përmbytje masive kanë ndodhur ditën e sotme në Kretë. Sipas mediave greke si pasojë e motit të keq, lumenjt kanë vërshuar në rrugë, duke shkaktuar dëme m...
