Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Ish-deputetja Rudina Hajdari ishte e ftuar këtë të shtunë në emisionin “Kjo Javë”, të gazetares Nisida Tufa.
Ajo tha se tashmë është rikthyer në PD dhe shprehu hapur dëshirën që në të ardhmen të jetë në krye të partisë. Hajdari theksoi se Berisha është më i favorizuar për të fituar garën për kryetarin e ri të PD, për vetë atë që përfaqëson në atë parti.
Por u shpreh se sipas saj duhet kaluar në një tjetër zgjedhje dhe një frymë e re. Hajdari nënvizoi se duhet një kryetar partie që përfaqëson një model të tjetër nga ai i këtyre 31 viteve.
Pjesë nga biseda në studio:
Hajdari: PD s’është aty ku duhet të ishte. Kjo ka ardhur si një pasojë e mënyrës se si janë organizuar dhe trajtuar anëtarësia, demokratët. Nëse ka pasur disfata në zgjedhjet duhet patjetër që kryetari i partisë të hapte krahun dhe të bëheshin zgjedhje të ndershme. Nuk duhet lejuar servilizmi sepse ajo sjell dëm të madh. Kjo bëhet në mënyrë të rëndomtë.
Pyetje: Sa e barabartë do të jetë gara duke pasur parasysh mbështetjen që ai ka te demokratët.
Hajdari: Do të jetë e vështirë. Ka një procedurë. Ende s’kam parë se kush ka depozituar kërkesën. Nuk mund të them se si do të shkojë procesi. Le t’i japim kohë për të parë se kush do të jenë kandidaturat. Përballë zotit Berisha do të jetë e vështirë për të pasur rivalë. Do të jetë e vështirë. Zoti Berisha ka një rol të rëndësishëm brenda PD dhe ndikimi i tij është i madh. PD i duhet një ofertë e re dhe duhet të apelojnë jo vetëm demokratët. Partia nuk duhet të bazohet te një individ. Duhet të krijojmë një ekip, të kemi disa njerëz. Aftësitë që janë aty brenda mund ta bëjnë këtë. Duhet një besim i ndërsjelltë nga të gjithë funksionarët brenda PD. Duke ia lënë në dorë votës dhe duke zbatuar statutin mund të arrihen te këto ide, duke i qëndruar parimeve dhe jo mënyrën se si mund të zgjidhen disa çështje brenda PD. Kushdo që ka dëshirë të sfidojë zotin Berisha duhet ta bëjë këtë gjë sepse anëtarësia në të ardhmen do të përqafojë një figurë të re. Nga ’91 deri në 2022 ka kaluar mjaftueshëm kohë që me zotin Berisha Shqipëria ka arritur shumë. Tani është koha të kemi një alternativë tjetër. Mendimi im personal, e kam thënë dhe e rithem. Unë vazhdoj të mendoj që cikli i Berishës ka mbaruar, por kush jam unë të vendos në pikëpyetje dëshirën e demokratëve.
Pyetje: Figurë që e drejtonte denjësisht PD?
Hajdari: Nuk mund të fsheh faktin që kam patur ambicie të ecë përpara në PD. Nuk mendoj që tani është momenti për të qenë kryetare e PD. Në të ardhmen do e shihja si opsion, kjo do të ndodhë në mënyrë të natyrshme. Unë sot e shoh veten si anëtare e Këshillit Kombëtar, ose më saktë si kandidate. Më tutje do të shohim mënyrën se si ata do të më besojnë. Dëshira ime është që parimet që kam t’i zbërthej në parim. Shkëputja ime nga PD në këto 2 vite ka dhënë efektet e veta. Ky është një hap i rëndësishëm në angazhimin tim brenda PD.
Marrëdhënia me Berishën?
Hajdari: Shumë të mira. S’i kemi shkëputur asnjëherë. Janë korrekte. Nuk ka asgjë për të fshehur. Zotin Berisha e njohim prej kohësh dhe i kemi ruajtur raportet.
E mbështesni Berishën në garë?
Hajdari: Personalisht jo. Mendoj që zoti Berisha s’do të ishte zgjedhja e duhur për të ardhur në pushtet nesër. Berisha është i rëndësishëm brenda PD, por për të ecur përpara si parti, duhet të zgjdhim dikë tjetër që nuk është i njëjti me atë që kemi patur 31 vite. Është e rëndësishme plaga e rëndë që ka ndodhur në këto vite. Zoti Basha ndërtoi një kult individi ku shumë prej anëtarëve të PD janë ndier të braktisur. Mendoj që Basha ka funksionuar me emërime, jo me zgjedhje. Unë mendoj që zoti Basha duhet të jetë brenda PD. Është deputet, ka kohë të gjatë brenda PD. Unë kam rezerva për mënyrën e lidershipit që ai zgjodhi të ketë.
Si iu duk platforma e propozuar nga Alibeaj?
Hajdari: E lexova platformën. Platforma në momentin që vjen nga deputetët ka vlerën e saj. Nuk kuptova se sa realisht anëtarët e PD e mbështesin. Duhet bërë një referendum nëse ka mbështetje në bazë. Zgjidhja duhet mbështetur edhe nga ata. Unë jam që krizën ta zgjidhim një herë e mirë.
Pyetje: Statusi non grata i Berishës, a do të ndikojë në marrëdhënien që PD do të ketë me SHBA?
Hajdari: Sa i përket statusit non grata të PD është problem i tij dhe të mos kthehet në kalë beteje për PD. Zoti Berisha duhet ta izolojë këtë problem dhe të merret me të në mënyrë individuale. Kjo çështje duhet të jetë e izoluar nga pjesa tjetër e PD. Është çështje personale. Nuk duhet ndikuar marrëdhëniet mes PD dhe SHBA-së. Nëse kjo ndodh do të jetë situatë e vështirë, por jo e pamundur. Zoti Berisha faktorizoi rolin e tij brenda PD, te ata që s’e besonin më. U pa qartë që zoti Berisha ka ende një peshë të madhe brenda partisë.
Si duhet zgjedhur Presidenti i ri?
Hajdari: Unë mendoj që Presidenti të vijë nga vota e popullit. Në 2022 duhet zgjedhur Presidenti nëpërmjet votës së qytetarëve, por ne s’i kemi kushtet. Tani Presidenti mund të zgjidhet nga një forcë politike, nëse ke votat në PD.
Roli i Metës?
Hajdari: Mendoj që zoti Meta ka pasur një pozitë të vështirë në këto vite. Opozita u largua nga parlamenti. Ai duhet shprehur më parë për djegien e mandateve. Ai e kuptoi që Kuvendi në atë kohë funksiononte në mënyrë të limituar. Unë mendoj që ai post duhet të jetë mbi palët, por që në kushtet që ishte zoti Meta me ndodhitë që ndodhën, ishin atipike.
Marrë nga BalkanWeb
Aksidenti i rëndë në Tiranë, si mund të shmangen ngjarje të tilla?
TIRANE- Komisioni Qendror i Numërimit të Kuvendit Kombëtar të PD njofton që për shkak se procesi i votimit sapo ka përfunduar, dhe një pjesë e komisionerëve në ...
TIRANË– Ish-kryeministri Sali Berisha ka premtuar se vetë ai dhe mbështetësit e tij nuk do të marrin asnjë masë ndëshkuese për deputetët e PD-së që n...
TIRANË– 35 deputetët munguan në Kuvendin e thirrur nga Sali Berisha pavarësisht se ai u kishte bërë ftesë. Megjithatë sipas ish-kryeministrit Sali Be...
TIRANË- Ish-Kryeministri Sali Berisha ka deklaruar se Kuvendi i sotëm i PD-së, ka vendosur një elitë të re në. Pas përfundimit të votimit për anëtarësinë e...
TIRANE- Momentet pikante nuk munguan sot në Kuvendin Kombëtar të Partisë Demokratike që u thirr nga “Rithemelimi”.Sigurisht që rrëzimi i ish-kryemin...
TIRANE- Rrëzimi i ish-kryeministrit Sali Berisha në momentin që do të merrte fjalën në Kuvendin Kombëtar të Partisë Demokratike, thirrur nga “Rithemelimi&...
TIRANË- Fotot e mëposhtme janë nga votimi në Kuvendin Kombëtar të Partisë Demokratike. Në këto momente ka votuar ish-kryeministri Sali Berisha për anëtarët...
TIRANË– Deputeti i Partisë Demokratike, Belind Këlliçi ka bërë me dije detaje lidhur me procesin e votimit në Kuvendin Kombëtar të PD-së. Në f...
TIRANË- Ish-deputeti, Gent Strazimiri ka deklaruar se Kuvendi i PD-së tregoi se shqiptarët kanë një pikë ku mblidhen dhe bashkohen në emër të opozitarizmit...
TIRANË– Kryetari i Bashkisë së Tiranës Erion Veliaj ka hedhur idenë e mbajtjes së autobusit të aksidentuar pasditen e djeshme mbi Lanë, si një shenjë...
