Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Një ditë më parë emisioni “Stop” transmetoi rastin e pedagogut të urgjencës kirurgjikale, Besnik Faskaj, i cili i mori një studenteje 150 euro për t’ia bërë notën e provimit nga 4 në 8. Ndërkohë sot autoritetet kanë sekuestruar pamjet filmike për hetimet.
Një studente denoncoi në emisionin “Stop” rastin e pedagogut Faskaj. Ajo pretendonte se në provimin e tij kishte shkruar për notën 7 ose 8, por profesori e ka ngelur qëllimisht që të marrë paratë.
“Jam një studente e Universitetit të Mjekësisë, Fakulteti i Shkencave Mjekësore Teknike. Mes shumë provimesh që kam pasur këto dy vjet, vitin e parë kam pasur një provim me profesor Besnik Faskaj, lënda “Urgjencë kirurgjikale”, në vit të parë të Masterit Shkencor. Pasi kam shkruar tek ky provim për notën 7 ose 8, profesori më ka vlerësuar me notën 4. Kisha dëgjuar nga shumë studentë që për të marrë notën në këtë lëndë me këtë profesor duhej të paguaje një shumë lekësh prej 150 Eurosh. Gjithsesi kur shkova vetë të takoja profesorin për t’i kërkuar tezën për një rivlerësim të notës, ai më konfirmoi të njëjtën gjë. Që domethënë se më kërkoi 150 Euro për një notë kaluese. Unë e dhashë përsëri këtë provim në vjeshtë dhe përsëri profesori më vlerësoi me të njëjtën notë”, u shprehte një natë më parë studentja.
Menjëherë, ajo u vu në kontakt me pedagogun Faskaj. Kamera e fshehtë e “Stop” filmoi edhe momentin kur profesori merr 150 Euro.
Studentja: Gjithsesi profesor, unë e kam këtu, që më është bërë ferr ky provimi. E kupton? Më është bërë shumë ferr edhe…A, i paskam këtu (për lekët).
Pedagogu Besnik Faskaj: Aman o ti, si e kanë bërë të tjerët. Ata kanë kopjuar, i kanë bërë, s’i kanë bërë etj.
(I jep 150 Euro)
Pedagogu Besnik Faskaj: Sa e vret mendjen ti.
Studentja: Jemi në rregull bashkë?
Pedagogu Besnik Faskaj: Mbetet… ja t’i them asaj.
Studentja: Profesor, unë kam edhe këtë pjesën, që kam mesatare edhe e kupton? E dua një farë note!
Pedagogu Besnik Faskaj: Do ta shohim atë ne!
Studentja: Në qoftë se s’prish punë, ma thuaj!
Pedagogu Besnik Faskaj: E di ku është…Ajo sforco më e madhe, është të bëj ndryshimin. E ke parasysh? Nuk ka rëndësi nota. Të bëj ndryshimin atje, që mos të kem konflikte.
Studentja: Ishalla bëhet, po gjithsesi më telefono dhe më thuaj!
Pedagogu Besnik Faskaj: Gjithsesi do të njoftoj!
Në sistem studentes i ishte hedhur nota 4, por pas marrjes së parave, profesori Faskaj ndërhyn dhe e ndryshon duke e çuar në 8. Sot Prokuroria e Posaçme Antikorrupsion (SPAK) sekuestroi pamjet filmike dhe materialet shkresore, për të nisur hetimet për rastin në fjalë.
“Kjo është shumë institucionale dhe e thashë që jo më larg se sot, SPAK, institucioni më i ri i drejtësisë në vend erdhi dhe tërhoqi materialet. Nuk ka nevojë për pamje filmike për shkak të hetimit që po ndodh. Kam përshtypjen dhe bindjen që gjërat po shkojnë në vendin e duhur. Faleminderit SPAK”, tha drejtuesi i emisionit Saimir Kodra.
Nga ana tjetër zëvendësdekani Gentian Stroni tha pas mbledhjes së dekanatit, se është bërë pezullimi i pedagogut Faskaj, pasi kjo është kompetenca maksimale e dekanatit.
“Qysh dje pas transmetimit të rastit në emisionin tuaj, sigurisht që u bë një komunikim midis rektoratit dhe dekanatit dhe u la që sot të bëhej një mbledhje në dekanat ku të jepej mendimi për rastin konkret. Doli në një vendim që “distancohemi totalisht nga veprime të tilla” dhe në të njëjtën kohë bëmë një pezullim të këtij pedagogu për dhënien e mësimit deri në momentin kur të sqarohet kjo si situatë”, tha Stroni.
Ai ka shpjeguar edhe sesi funksionon procedura e hedhjes së notave të provimeve dhe kush ka akses në sistem.
Gentian Stroni: Çdo pedagog ka një “User ID” ose përdoruesin dhe kodin e tij. Secili prej nesh ka një kod personal, ku asnjëri përveç meje nuk mundet të ndryshojë notën. Në momentin kur pedagogu ka vendosur notën përfundimtare dhe ka printuar këtë procesverbal, i cili ka notën përfundimtare, nga ky çast as pedagogu nuk e ndryshon dot, por edhe asnjë tjetër nuk e ndryshon dot këtë lloj note.
Gazetarja: Flasim konkretisht për rastin e djeshëm, kur pedagogu, Besnik Faskaj, ka përmendur emrin e sekretares që ai e kishte shumë të vështirë që ta ndryshonte pasi notat kishin kaluar te Margi, që është kryesekretarja.
Gentian Stroni: Mendoj që është një artificë dhe nuk është e saktë. Sistemi nuk ta lejon.
Gazetarja: Afati kohor i ndryshimit të notës ka qenë 11 Shtator me 16 Nëntor. Si ka mundësi të ndodhë kjo?
Gentian Stroni: Sistemi hapet në periudhë sezoni. Sipas rregullores një pedagog do të duhet që të mund të hedhë notat jo më shumë se një periudhë 2-javore. Por këtë nuk e pengon dot sistemi. Kjo është në rregulloren e pedagogut, por jo të sistemit, sepse sistemi e ka hapësirën më të gjatë se u jep mundësi të gjithë pedagogëve.
Marrë nga: Tv Klan
(a.s/ dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Gazetarja Dorjana Bezat ka folur lidhur me prostitucionin në Tiranë, duke sjellë edhe një histori të një punonjëse seksi që ajo e kishte takuar per...
TIRANË– Efektivi i Polciisë Rrugore Mariglen Mestani është ndarë nga jeta në moshën 27-vjeçare. Pas 12 orëve lufte të vështirë me vdekje, Mestani nu...
SHQIPËRI– Shqipëria i dha azilin politik Hiteshkumar Patel, një i kërkuar nga autoritetet indiane për mashtrim me shuma të mëdha ndaj një banke në Delhi, p...
RRËSHEN- Dosja.al siguron videon ekskluzive të vrasjes së biznesmenit Kastriot Reçi, ngjarje e ndodhur paraditen e djeshme, në orën 10:55 minuta në ...
SHQIPËRI– Britania e Madhe ka përfshirë prokurorinë shqiptare në një sërë veprimesh hetimore sa i takon një dosjeje për trafik armësh, të hapur nga zyra e ...
TIRANË– Ambasada Gjermane në Tiranë ka publikuar një njoftim të rëndësishëm për të gjithë ata shtetas shqiptarë që janë të interesuar të pajisen me vizë pu...
TEPELENË– Një automjet i llojit ‘Ford” ka marrë flakë dhe është djegur plotëissht. Dosja.al mëson se ngjarja ka ndodhur në qytetin e Tepelenës në lagjen “S...
FIER– Tre të rinjtë e arrestuar për vrasjen dhe masakrimin e 50-vjeçares Drita Salaj në fshatin Gjerbë të Mallakastrës kanë pranuar krimin në Polici.Pas ...
Ishte sulmi më i drejtpërdrejtë i Iranit ndaj SHBA që nga marrja e Ambasadës amerikane në Teheran në vitin 1979. Bombardimi me raketa balistike i bazave ajrore ...
TIRANË– Një 60-vjeçar ka ndërruar jetë si pasojë e nëj aksidenti automobilistik në aksin rrugor Tiranë- Durrës. Sipas njoftimit zyrtar, i ndjeri po ...
