Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
TIRANË- Dorian Teliti, shefi i kabinetit të Lulzim Bashës ka denoncuar se kosoja e 1 kliometri rrugë në aksin Milot-Fier do të kushtojë 20 milionë euro. Nëpërmjet një deklatare për mediet ai theksoi se ky koncesion është një vjedhje e pastër e qeverisë Rama.
“Kjo bën që kostoja reale e 1 kilometri të jetë deri në 20 milionë euro. Kjo është një vjedhje skandaloze dhe e papranueshme. Këtu rruga ekziston në formën e saj më të mirë, që prej vitit 2013, megjithëse qeveria nuk e mirëmbajti asnjëherë, siç nuk ka mirëmbajtur rrugë të tjera që i gjeti gati në çdo cep të vendit.”, shprehet ai ndër të tjera.
Më tej Teliti nënvizoi se çdo automjet që do kalojë në këtë rrugë, do të paguajë 17.4 euro për një udhëtim vatje-ardhje.
“Kjo është vjedhja më e madhe e qeverisë në ikje. Edi Rama dhe Belinda Balluku i kanë shumëfishuar kostot për të rritur çmimin e kalimit të udhëtarëve. Çdo automjet që kalon në këtë rrugë, do të paguajë të paktën 17.4 euro për një udhëtim vajtje-ardhje, duke e bërë këtë një rrugë të florinjtë.”, theksoi ai më tej.
Deklarata e plotë:
Ndodhem sot pranë rrethrrotullimit të Thumanës për t’u treguar qytetarëve se qeveria po planifikon një vjedhje të tmerrshme me një koncesion të ri. Qeveria ka lajmëruar se do të ndërtojë me koncesion rrugën Milot-Fier, pjesë e të cilës është dhe ky segment. Në pamje të parë, duket se kostoja shkon 10 milionë euro për kilometër, por, si ky, janë 62 kilometra nga 115 që parashikohet të jetë e gjithë rruga. Kjo bën që kostoja reale e 1 kilometri të jetë deri në 20 milionë euro. Kjo është një vjedhje skandaloze dhe e papranueshme. Këtu rruga ekziston në formën e saj më të mirë, që prej vitit 2013, megjithëse qeveria nuk e mirëmbajti asnjëherë, siç nuk ka mirëmbajtur rrugë të tjera që i gjeti gati në çdo cep të vendit.
Partia Demokratike nuk është kundër zhvillimit të infrastrukturës, pasi ne kemi investuar më shumë se çdo qeveri tjetër që shqiptarët të lidhen me rrugë moderne dhe të shpejta nga veriu në jug, nga lindja në perëndim.
7 vjet më parë ne siguruam fonde nga Banka Europiane për Rindërtim dhe Zhvillim për një rrugë të ngjashme, ndërtimin e bypass-it të Fierit me një kosto prej 1.8 milionë euro për kilometër. Ndërsa qeveria në ikje kërkon ta tenderojë rruigën me 20 milionë euro kilometri.
Kjo është vjedhja më e madhe e qeverisë në ikje. Edi Rama dhe Belinda Balluku i kanë shumëfishuar kostot për të rritur çmimin e kalimit të udhëtarëve. Çdo automjet që kalon në këtë rrugë, do të paguajë të paktën 17.4 euro për një udhëtim vajtje-ardhje, duke e bërë këtë një rrugë të florinjtë.
Në vend të heshtjes, Edi Rama dhe Belinda balluku duhet të flasin dhe t’u shpjegojnë shqiptarëve çfarë i detyron të ndërtojnë 1 kilometër rrugë 20 milionë euro? Pse nuk kanë shpallur akoma tenderin, siç premtuan 1 javë më parë? Nuk kanë letrat gati? U kanë shkuar keq llogaritë?
Në fakt, do t’u shkojnë edhe më keq, nëse i shkojnë deri në fund këtij projekti korruptiv. Kush ka ndërmend të bëhet bashkëpunëtor me Edi Ramën në këtë vendim antikombëtar, që vjedh qytetarët në mënyrë skandaloze, ka akoma kohë të tërhiqet.
Partia Demokratike e ka bërë të qartë: Ne nuk do të njohim asnjë vendim të marrë nga kjo qeveri 12 muaj para zgjedhjeve, pa iu nënshtruar më parë ligjshmërisë së vendimit. Në rastin e Milot-Fier gjithçka vjen era korrupsion!
Qeveria shpalli dhënien me koncesion kundrejt pagesës të aksit të qendrës, Milot-Kashar -Fier (Lekaj), pjesë e autostradës Adriatiko- Joniane. Vlera e këtij investit do të jetë 1.2 miliardë euro për 53 km të reja dhe 62 km rrugë ekzistuese. Kjo kosto totale e rrugës Milot-Fier është sa 44 për qind e vlerës totale të ndërtimit të autostradës Adriatiko -Joniane.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANW-Ministrja e Infrastrukturës dhe Energjisë, Belinda Balluku i ka kthyer përgjigje opozitës, për akuzat për projektin rrugës Milot-Fier. Referuar 4 pyetjev...
TIRANË– Deputetët e opozitës, Zef Shtjefni dhe Kujtim Gjuzi janë ankuar sërish për minutazhin që kanë pasur në dispozicion për t’i bërë pyetje Avokates së ...
TIRANË-Ministrja e Arsimit, Besa Shahini i është përgjigjur kritikave të deputetit Artur Roshi, i cili tha se nga tekstet shkollore janë hequr figura të rë...
TIRANË-Avokatja e Popullit, Erinda Ballanca prezantoi sot në Kuvend raportin vjetor të institucionit që ajo drejton. Ajo u shpreh se mungesa e një sistemi ...
TIRANË- Kryetari i Bashkisë, Erion Veliaj ishte gjithashtu pjesëmarrës në ceremoninë e inagurimit të memorialit të holokaustit tek liqeni Artificial. Veli...
TIRANË- Presidenti i vendit, Ilir Meta ka deklaruar se në Shqipëri është krijuar një tension artificial dhe ende nuk ka një datë për zgjedhjet. Ky reagim i...
TIRANË- Nis seanca plenare. Ministrja e Arsimit Besa Shahini deklaroi se është shqetësuse që 30-vjeçarin e fundit nuk e trajtojmë në librat e hist...
TIRANË -Deputeti Artur Roshi, i cili kërkoi interpleancë me ministren e Arsimit, listoi nga foltorja e Kuvendit pyetjet për Shahinin. Roshi kërkoi llogari ...
TIRANË -Seanca parlamentare e ditës së sotme, nisi me një replikë midis kreut të Koservatorëve, Kujtim Gjuzi dhe kreut të Kuvendit, Gramoz Ruçi. Shk...
