"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
KOSOVË- Kosova ndodhet në prag të krizës së re politike, që mund të çojë në zgjedhje të jashtëzakonshme.
Lëvizja Vetëvendosje në pushtet nuk siguroi numrin e mjaftueshëm të votave për të miratuar në procedurë të përshpejtuar ndryshimin e ligjit për Zgjedhjet e Përgjithshme, kërkesë që u hodh papritmas ditën e sotme, duke nxitur shumë reagime e pakënaqësi të opozitës.
Kërkësa u hodh në një seancë të jashtëzakonshme në orët e mbrëmjes por nuk kaloi meqë opozita votoi kundër.
Sipas VV-së, ndryshimi i ligjit për zgjedhjet është një detyrim elektoral për t’i mundësuar diasporës votimin nëpër ambasada. Në zgjedhjet e 14 shkurtit Vetëvendosje mori 75 për qind të votave të mërgimtarëve të hedhura nëpërmjet postës.
Kërkesa e lëvizjes Vetëvendosje u kritikua ashpër nga partitë opozitare dhe organizatat për vëzhgimin e zgjedhjeve, që e cilësuan si nismë të ngutshme dhe përpjekje për shantazh ndaj partive tjera politike para votimit për presidentin.
Më herët gjatë së premtes kryeministri Albin Kurti tha se vendi ka nevojë që së pari të përmbyllë procesin e formimit të institucioneve duke zgjedhur presidentin e ri.
“Është e domosdoshme që ta përmbyllim hapin e tretë të konstituimit të institucioneve në mënyrë që ta kemi mandatin katër vjeçar. Përndryshe, shkojmë në zgjedhje”, tha kryeministri Kurti, partia e të cilit mbështet kanidaturën e zonjës Vjosa Osmani për këtë post.
Kryetari i Lidhjes Demokratike, Lumir Abdixhiku, i cili ishe zotuar se do të marrë pjesë në votimin për presidentin, i bëri thirrje kryeministrit Kurti që të tërheqë nismën për ndryshimin e ligjit për zgjedhjet e përgjithshme, duke nënvizuar që kjo nuk ndodhë, atëherë kryeministri Kurti, qëllimshëm do ta çojë vendin në zgjedhje të reja.
“Shantazhi i sotëm lë të kuptohet se Kurti ose nuk dëshiron të zgjidhë ketë çështje ose dëshiron të krijojë destabilitet politik për të fshehur paaftësinë e tij për t’u përballur me probleme të mëdha të cilat ka premtuar se do t’i zgjidhë dhe për të cilat e kanë votuar qytetarët”, tha zoti Abdixhiku.
Kundër nismës u deklaruan edhe Partia Demokratike dhe Aleanca për Ardhmërinë e Kosovës.
Abelard Tahiri, nga Partia Demokratike tha se “ky është një akt i turpshëm dhe kjo është një drame e turpshme që ju sonte po e bëni, mirëpo fatmirësisht na shohin qytetarët e Kosovës që iniciativa e parë e këtij kryeministri që ende dy javë nuk i ka bërë nuk është as për pandeminë, nuk është as për ekonominë, as për shëndetësinë, mirëpo është për zgjedhje dhe e pamë me kujdes se ja kishte mundësuar vetës edhe ndryshimin që ky në zgjedhjet të cilat po i planifikon të mbahen të mund të kandidojë”.
Një grup organizatash të shoqërisë civile thanë se “Përkundër nevojës që vendi të ketë reformim të legjislacionit zgjedhor, kjo nuk e arsyeton urgjencën me të cilën po tentohet të ndryshohet Ligjit për Zgjedhjet e Përgjithshme. Një proces kaq i rëndësishëm për demokracinë në vend, duhet të jetë gjithëpërfshirës, me pjesëmarrje të opozitës dhe konsultim të gjerë me organizatat e shoqërisë civile, publikun dhe të fund të kërkohej edhe opinioni i Komisionit të Venedikut”, thuhet në një deklaratë të këtyre organizatave, duke bërë thirrje për tërheqjen e kërkesës së lëvizjes Vetëvendosje.
Ushtruesja e detyrës së shefes së Grupit Parlamentar të kësaj lëvizjeje, Mimoza Kusari Lila, tha se ndryshimet e ligjit janë përmbushje e premtimit elektoral.
“Kjo në fakt është një domosdoshmëri e kohës për të siguruar që në rast se, nuk është dëshirë as vullnet i yni, nuk është aspak as shantazh, në fakt është një rikujtim për të gjithë ne se kemi nevojë për një proces zgjedhor në të cilën vullneti i qytetarëve të Republikës së Kosovës nuk mohohet pa marr parasysh ku jetojnë ata dhe në rastin më të keq në dështimin e zgjedhjes së presidentit është e pashmangshme, edhe nuk do të jetë vullnet i yni. por është e pashmangshme shkuarja në zgjedhje nacionale”, tha zonja Kusari Lila.
Tash për tash është e paqartë se kur mund të mbahet seanca për zgjedhjen e presidentit të ri, një proces që duhet të përfundojë brenda pak ditësh.
Zonja Kusari Lila tha më herët gjatë ditës se janë paraqitur dy kandidatura për postin e presidentit, Vjosa Osmani dhe Nasuf Bejta, që kishte kandiduar në zgjedhjet e 14 shkurtit në listën e lëvizjes Vetëvendosje. Pjesëmarrja në votim e dy e më shumë kandidatëve, është e domosdoshme në mënyrë që të mund të fillojë procedura për zgjedhjen e presidentit.
Sipas Kushtetutës, zgjedhja e presidentit kërkon në dy raundet e para të votimit dy të tretat e votave, ndërsa në raundin e tretë, mund të zgjidhet me shumicën e thjeshtë prej 61 deputetësh, por në votim duhet të marrin pjesë të paktën 80 deputetë.
Partia Demokratike dhe Aleanca për Ardhmërinë e Kosovës kanë hedhur poshtë mundësinë që të votojnë kandidaten e lëvizjes Vetëvendosje për këtë post, Vjosa Osmani, ndërsa Lidhja Demokratike, është zotuar se do të marrë pjesë në votimet për presidentin e ri, por të premten mbrëma kjo u vu në pikëpyetje. Dështimi për të zgjedhur presidentin e vendit, e çon vendin në zgjedhje të jashtëzakonshme.
MARRË NGA VOA
Rama është propozuar për president nga disa deputetë socialiste, mendoni se:
GREQI- Ditën e sotme në Greqi janë regjistruar 3,058 raste me Covid-19, ndërsa 72 qytetarë e kanë humbur jetën si pasojë e Covid-19.Me shtimin e shifrave të dit...
ITALI- Italia është një ndër vendet më të goditura nga koronavirusi, ku ndryshe është quajtuar edhe si epiqendra e Covid-19 në Europë.Në 24 orët e fundit në të ...
SHBA- Një person përplasi një makinë në një barrikadë pranë Kapitolit të Shteteve të Bashkuara të premten pasdite, duke plagosur dy oficerë të Policisë së Kapit...
SHBA– Policia e Kapitolit të SHBA-së ka identifikuar oficerin që u vra në sulm këtë pasdite si William “Billy” Evans.“Me trishtim të the...
KOSOVË- Ligji për Zgjedhjet në Kosovë nuk ka kaluar në Kuvend me proçedurë të përshpejtuar. Ligji nuk mori votat e nevojshme nga deputetet e Kuvendi...
KOSVOË- Kreu i AAK-së, Ramush Haradinaj i ka bërë një pyetje Vetëvendosjes në lidhje me ndryshimin e Ligjit për Zgjedhjet. Në fjalën e tij, Haradinaj ka th...
SHBA- Zbulohet identiteti i personit që sulmoi sot dy oficer policie në Kapitol të SHBA-së.Katër zyrtarë të lartë të zbatimit të ligjit informuan se i dyshuari ...
KOSOVË– Kryesia e Kuvendit të Kosovës ka mbajtur sot mbledhjen e rradhës.Në këtë mbledhje rend dite ishte nisma legjislative “Projektligji për ndryshimin d...
KOSOVË– Me gjashtë vota pro, Komisioni për Legjislacion ka miratuar projektligjin për ndryshimin e Ligjit për Zgjedhje të Përgjithshme.Ky projektligj i ësh...
KOSOVË– Mimoza Kusari-Lila, ushtruese e detyrës së shefes së Grupit Parlamentar të Lëvizjes Vetëvendosjes, ka bërë me dije se seanca e thirrur në orën 21:3...
