Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Kreu i Komunitetit Mysliman të Shqipërisë Bujar Spahiu, në ceremoninë e mbajtur për Kurban Bajramin ka dhënë një mesazh për të gjithë besimtarët. Ai kërkoi që secili prej qytetarëve të jetë më i dashur dhe të kthejë vëmendjen ndaj familjes.
Spahiu theksoi se një ndër kostot që njeriu i sotëm paguan duke rendur vetëm pas kësaj bote, është lënia pas dore edhe e familjes, ndaj kjo ditë është për të reflektuar dhe për të kthyer vëmendjen tek familja. Kreu i KMSH u shpreh më tej se rekordet e dhunës në familje po rriten, ashtu si divorcet, duke bërë thirrje për të marrë më shumë përgjegjësi, për t’u bërë më të ndjeshëm. “Ushqeni dashuri për hir të Zotit ndaj njëri-tjetrit!”, ishte apeli i tij.
Fjalimi i kryetarit të KMSH, Kurban Bajram 2021
Të dashur motra dhe vëllezër të pranishëm në këtë shesh, dhe të gjithë ju që na ndiqni përmes ekranit, sot jemi mbledhur për të festuar Kurban Bajramin.
Festën e cila simbolizon dashurinë e robit ndaj Zotit të gjithësisë.
Kjo festë, ashtu si çdo festë në fenë islame, mbart kuptim dhe vlera të larta.
Festat në islam nuk janë festa konsumi, janë adhurim dhe gëzim njëkohësisht.
Kurban Bajrami është festa që na kujton se sa i lartë duhet të jetë devocioni i njeriut ndaj Zotit.
Dhe këtë gjë ne e mësojmë nga vendosmëria e profetit Ibrahim (a.s.).
Nga Durimi i pashembullt i Ismailit a.s dhe qëndrimi heroik nga e nderuara nënë, nëna e Ismailit (as).
Zoti në Kuran e përshkruan ngjarjen me këto fjalë:
“Ne e gëzuam atë me një djalë që do të jetë i butë (i sjellshëm). Dhe kur arriti ai (djali) që së bashku me të (me Ibrahimin) të angazhohet në punë, ai (Ibrahimi) tha: “O djali im, unë kam parë (jam urdhëruar) në ëndërr të të ther ty. Shiko pra, çka mendon ti? Ai tha: “O babai im, punoje atë që urdhërohesh, e ti do të më gjesh mua, nëse do Allahu, prej të duruarve!
Në këtë ajet kuranor përveç përshkrimit të ngjarjes, neve na tregohet edhe mëshira e Allahut, Ai (xh.sh.) devotshmërinë e lartë e shpërblen në mënyrën më të lartë.
Të dashur besimtarë, jeta e njeriut është një rrugëkalim nga kjo botë për në botën e përtejme. Ky është ligji i Zotit.
Në shoqërinë e sotme moderne, jeta është shumë e vrullshme.
Ky vrull është nguti për të arritur sukses në gjërat materiale, edhe pse të gjithë e dimë se kjo botë nuk do t’i mbetet askujt.
Një ndër kostot që njeriu i sotëm paguan duke rendur vetëm pas kësaj bote, është lënia pas dore edhe e familjes.
Dua ta sjell në vëmendjen time dhe tuajën këtë gjë sot.
Pasi ditë si kjo e sotmja duhet të na shërbejnë për të reflektuar.
Ne të gjithë jemi dëshmitarë të problemeve të shumta që ndodhin përreth, sidomos ato me familjen.
Ne shohim se si çdo ditë rekordet e dhunës në familje rriten. Kjo është e papranueshme.
Statistika të reja që tregojnë se përqindja e divorceve është shtuar shumë.
Fjala “divorc” po kthehet në diçka normale për çiftet, sidomos ato me fëmijë.
Motra dhe vëllezër, sipas islamit por edhe çdo studimi sociologjik bashkëkohor dëmi që i shkaktohet fëmijës nga divorci i prindërve është i parikuperueshëm.
Merrni më shumë përgjegjësi, bëhuni më të ndjeshëm, për rehatinë tuaj mos prishni rehatinë e fëmijëve.
Një tjetër gjë shqetësuese është sjellja ndaj prindërve.
Mos i lini prindërit vetëm, kujdesuni për ta, trajtojini me dashuri e dhembshuri, ashtu sikurse ata janë kujdesur për ju kur ishit fëmijë.
Kështu na urdhëron edhe Zoti në Kuranin e madhërishëm.
Të gjitha këto fenomene që përmendëm dhe të tjera janë fenomene që po kërcënojnë dukshëm familjen, janë kambana alarmi të asaj që po vjen.
Ne duhet ta ndalim, e kemi detyrim ta ndalim!
Ne e dimë dhe duhet ta pranojmë që familja shqiptare po kalon një krizë të thellë.
Por nuk ka asnjë mjet tjetër shpëtimi për shëndoshjen e shoqërisë, përveç kthimit të vëmendjes te familja e shëndoshë.
Ne si komb, ndihemi ende superiorë dhe të suksesshëm për sa i përket familjes.
Ta ruajmë me fanatizëm këtë gjë.
Kurbani është përkushtim ndaj Zotit, është përkujtim dhe forcim i lidhjeve familjare e farefisnore.
Motra dhe vëllezër, familja është bërthama e shoqërisë njerëzore, të gjithë e pranojmë këtë, por çuditërisht, forca tërheqëse e kësaj dynjaje është shumë e madhe, dhe dashur pa dashur, secili nga ne ka shumë për të korrigjuar në këtë drejtim.
Të kalosh më shumë kohë me bashkëshorten/bashkëshortin, me fëmijët, të përkushtohesh më shumë në edukimin e tyre, janë nga gjërat që duhet të reflektojmë.
Kurbani është një mundësi që ky reflektim të materializohet dhe të bëhet normë.
Zoti thotë në Kuran:
“Tek Allahu nuk arrin as mishi e as gjaku i tyre (kurbanëve), por tek Ai arrin devotshmëria juaj. Kështu që mishi i kurbaneve u dha në shërbimin tuaj, që të njihni madhështinë e Allahut pasi iu tregoi rrugën e duhur. Sihariq atyre që bëjnë mirësi”.
Pra, siç shihet Kurbani është devotshmëri ndaj Zotit, përkushtim ndaj familjes.
Kurbani është braktisje e punëve të padobishme dhe aksioneve të kota.
Qëndroni pranë principeve të larta hyjnore, qëndroni pranë vlerave të familjes, rrisni përkushtimin dhe kontributin për një shoqëri të drejtë, mos iu ndani të vërtetës.
Ushqeni dashuri për hir të Zotit ndaj njëri-tjetrit.
T’i lutemi Zotit të na forcojë në rrugën e drejtë.
T’i lutemi që t’i bekojë familjet tona.
O Zot, pranoji kurbanet tona, pranoi lutjet tona, zbuti zemrat tona, na i bëj fëmijët tanë të hajrit!
O Zot, shëroi të sëmurët ndihmoi ata që jetojnë në skamje!
O Zot, bekoje vendin tonë me paqe, qetësi e prosperitet!
Amin, Amin, Amin!
Ju uroj të gjithëve Gëzuar Kurban Bajramin!
(a.b)/dosja.al
Iftar dhe politikë, a u prek Muaji i Ramazanit nga politikanët?
TIRANË– Dosja.al ju sjell lajmet më kryesore të ditës në portalet në vend. Dosja.al ka në faqe të parë festën e Kurban Bajramit, po të njëjtin informacion ...
TIRANË– Një arrestim ka ndodhur brenda autobusit të Kombinatit në Tiranë. Lajmi është bërë me dije nga një qytetar, i cili ka treguar se hajduti u kap men...
BERAT– Besimtarët myslimanë në qytetin e Beratit kanë falur sot Kurban Bajramin. Falja e madhe është kryer në Pedonalen “Republika”, ku besimtarët janë falur pë...
TIRANË– Një video e gazetares Ervina Shehaj në Borsh e cila shihet duke debatuar me personat me emrat Ilir Allushi ,Tarabosh Zeneli dhe Brunilda Veizaj, ës...
TIRANË-Besimtarët myslimanë në Shqipëri, sot kremtojnë festën e Kurban Bajramit. Si çdo vit, në sheshin kryesor të Tiranës, sheshin “Skënderbej” bes...
TIRANË– Reshjet e shiut do të jenë prezente për pak orë në territorin e Shqipërisë. Sipas MeteoAlb: Vendi ynë vijon me alternime kthjellimesh dhe vranësira...
GREQI– Dy shqiptarë janë arrestuar në Greqi, pasi ishin pjesë e një bande që kryente vjedhje dyqanesh në zona të ndryshme të Atikës.Dy shqiptarë kishin kryer vj...
TIRANË–Besimtarët myslimanë në të gjithë vendin kremtojnë sot festën e Kurban Bajramit. Qindra besimtarë kanë falur Namazin mëngjesin e sotëm në sheshin ‘S...
GJERMANI- Lulzim Hajdaraj bashkë me vëllanë e tij Gëzimin, udhëtuan nga Këlni, drejt qytetit Bad Neunar të Gjermanisë, për t’iu dalë në ndihmë personave që u dë...
SHKODËR– Arrestohet për armëmbajtje pa leje, biznesmeni Isuf Isufi. Ky i fundit është kontrolluar gjatë një operacioni blic, ku me vete i është gjetu...
