Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
TIRANË- Shkrimtarja Flutura Açka është shprehur se në Shqipëri nuk respektohen masat për COVID-19 dhe prandaj jemi në këtë gjendje. Nëpërmjet një shkrimi, ajo thekson se edhe institucionet shtetërore nuk e bëjnë detyrën siç duhet, me kontrollet që duhet të kryejnë në terren. Teksa tregon raste nga përvoja e saj personale, ajo nënvizon se vrasësi më i madh mes nesh është shkujdesja. Sipas shkrimtares, nëse dikujt i thua pse nuk ke vendosur maskë, ai të shikon si UFO.
“ Duhet të zhvishemi nga gjithë këto komplekse që të mund ta zgjasim jetën tonë, që të mund t’ia shkurtojmë jetën Covid-19. Na duhet vetëm disa muaj që të sillemi ndryshe. Unë sillem ndryshe, por shpesh ata përballë meje nuk sillen ndryshe, duke më detyruar t’ua kujtoj se duhet patjetër të sillen ndryshe. Duhet t’i japim fund shkujdesjes sonë “tipike shqiptare”, shprehet ndër të tjera.
SHKRIMI I PLOTË:
Cili Covid-19 po i vret vërtet shqiptarët?
Kisha disa ditë që lëkundesha, në duhet t’i hidhja këto shënime, por disa humbje të rëndësishme të ditëve të fundit, më shtynë t’i shkruaj. Prej disa javësh në Shqipëri, edhe pse e ekspozuar shumë për shkak të disa lëvizjeve rrotull, jam përpjekur të zbatoj në ekstrem të gjithë protokollin që kërkon mbrojtja nga ky virus. Por kam vënë re një shkujdesje të dukshme, të frikshme, kërcënuese dhe të pakulturuar tonën. Një shkujdesje tipike shqiptare. Ku dorëzanë na bëhen, për fat të keq, shpesh edhe institucionet shtetëtore. Ato NUK po e bëjnë detyrën e tyre siç duhet. Po e jap me shembuj, dhe foto:
1. Në Shqipëri mbërrita me një linjat e para pas hapjes së përbotshme të qiejve. Pas një udhëtimi të mundimshëm me maska e gjithfarë pajisjesh mbrojtëse, mbërritëm në Rinas. Por ç’ndodhi në të vërtetë? Ashtu me atë padurimin për të dalë, një pjesë e udhëtarëve u ngritën dhe madje i hoqën maskat. Por u zumë në grackën e asaj kutie metali e fati për rreth 20 minuta, pasi qeverisë dhe atyre që drejtojnë Rinasin u ishte kujtuar se duhej të bënin një ceremoni mirëseardhjeje. Zot i madh! Njëzet minuta të mbyllur, mbi njeqind e pesëdhjetë vetë. Jam e bindur se disa prej të sëmurëve të statistikave tona, në mos edhe ndonjë i vdekur, janë të asaj dite, të atij show të panevojshëm, që nuk i lypet askujt. Kush mban përgjegjësi për të sëmurët e asaj dite? Me mua në atë udhëtim ishte edhe një gazetar holandez, i cili u zhvidhos nga trutë prej kësaj hipokrizie, edhe shtetërore. Shihni fotot!
2. Jam përpjekur disa herë të hyj te Posta Shqiptare, por gjithnjë gjej një turmë të pakujdeshme, askush nuk mban distancë dhe nuk e di kush duhet të mbajë përgjegjësi për këtë. Sa njerëz na infektohen në ditë nga kjo shkujdesje, a e ka llogaritur kush? Shihni fotot!
3. Nga disa udhëtimet e mia veri e jug, në shumë pak, thuajse në shumë pak restorante e bare, kamerierët dhe mbikëqyrësit mbajnë maska. Kur shpesh u kam bërë vërejtje, u është dukur se po u flet ndonjë UFO. Këtë përvojë besoj e ka secili prej nesh. Në këtë pikë jam me shtetin dhe të gjitha gjobat që vënë institucionet nga kjo shkujdesje. Çështja është: A po kontrollohet sa duhet?
4. Të premten e shkuar më ra rruga me makinë të kaloj para xhamisë së Rrugës së Durrës pikërisht në minutat e faljes së të premes. Nuk po flas për X5 e gjithfarë makinash të shtrenjta që kishin zënë trafikun me drita të ndezura, sepse nuk arrij ta kuptoj se si mund të shkosh te ai Zoti që i falem edhe unë, e që di aq të përkorë, me aq shumë luks. Por kjo është një çështje tjetër. Mbipopullimi që ishte aty, ishte i frikshëm, as largësi fizike, as maska. Dhe kështu mund të jetë në të gjitha kultet fetare, dhe nuk e di a kontrollon kush?U trishtova shumë, por nuk bëra foto në respekt të kultit dhe të atyre njerëzve të thjeshtë, të cilëve nuk u është thënë se duhet të rrinë larg, shumë larg nga njëri-tjetri. Kush e vë në dyshim këtë që po them, le të kalojë nesër andjepari.
5. Vrasësi më i madh mes nesh është padyshim shkujdesja, që vjen edhe nga njëfarë turpërimi, a ndjesia e çnderimit, a humbjes së respektit po të mos ia hedhim duart në qafë mikut që ndeshim në rrugë, mikut që takojmë në kafe, a të afërmit tonë. Duhet të zhvishemi nga gjithë këto komplekse që të mund ta zgjasim jetën tonë, që të mund t’ia shkurtojmë jetën Covid-19. Na duhet vetëm disa muaj që të sillemi ndryshe. Unë sillem ndryshe, por shpesh ata përballë meje nuk sillen ndryshe, duke më detyruar t’ua kujtoj se duhet patjetër të sillen ndryshe. Duhet t’i japim fund shkujdesjes sonë “tipike shqiptare”. Rri larg! Laj duart! Mbaj maskë! Mendo për qindra mjekë, infermierë dhe punonjës shëndetësorë që janë në kufijtë e rraskapitjes së tyre për të mbrojtur jetët tona!
Ky reagim i shkrimtares vjen, pasi në Shqipëri rëndohet çdo ditë bilanci i COVID-19. Ditën e djeshme ministria e Shëndetësisë njoftoi se gjatë orëve të fundit kanë humbur jetën 3 pacientë të tjerë dhe janë konfirmuar 141 raste të reja. Por, sot është shënuar një tjetër viktimë tek Infektivi, pasi ka humbur jetën një mësues nga Mirdita. Ndërkohë, në spitalin “Shefqet Ndroqi” u hodh nga kati i tretë një 29-vjeçar i infektuar.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË- Qeveria e Gjermanisë ka ndryshuar rregullat për hyrjen e emigrantëve të huaj. Në një vendim qeveria federale gjermane njofton se partnerët e pamart...
TIRANË- Avokati i Emiliani Shullazit, Vladimir Meçi ka reaguar sërish sot në lidhje me vendimin e Drejtorisë së Burgjeve dhe Ministrisë së Drejtësis...
TIRANË– Ndërron jetë një mësues nga Mirdita, i cili ishte i infektuar me COVID-19. Mësohet se mësuesi Gjon Kola prej disa ditësh ishte i shtruar në spitali...
VLORË– Mbytet një 60-vjeçar në plazhin pranë Akademisë së Marinës në Vlorë. Mësohet se Luan Mezani nga Tirana ka ndërruar jetë rrugës për në spital....
KUÇOVË- Një 63-vjeçar ka rënë në pranga e Policisë në Kuçovë, pasi ka dhunuar bashkëshorten e tij. Në një postim për mediat, Policia l...
POGRADEC- Vijon operacioni “Perimetri”. Policia e Pogradecit ka arrestuar 38-vjeçarin nga Kukësi, me iniciale L.SH. Ai është arrestuar, pasi është kapur...
TIRANË- Banorët e zonës turistike të Drimadhes dhe të Dhërmiut shumë shpejt mund të ketë një furnizim më të mirë me ujë. Ministria e Infrastrukturës ka zhv...
TIRANË- Shefi i Urgjencës Kombëtare, Skënder Brataj ka deklaruar se po mendohet që të ashpërsohen më tej masat, sa i përket COVID-19. Brataj gjatë një inte...
SHKODËR- Policia Kufitare e Muriqanit ka arrestuar sot Elton Isufin, i cili ishte në kërkim nga drejtësia italiane. Në një njoftim për mediat, Policia njof...
TIRANË-Detaje të reja kanë dalë 29-vjeçari, i cili u hodh sot nga kati i tretë i spitalit COVID2. Mësohet se i riu me iniciale Xh.K kishte disa ditë...
