Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË- Fatbardh Kadilli, ish-deputet i Partisë Demokratike, njëherazi anëtar i Këshillit Kombëtar ka pranuar humbjen. Në një reagim në rrjetet sociale, Kadilli thotë se PD dështoi që të ngrinte frymëzimin në elektoratin gri dhe atë opozitar. Ai i kërkon kryesisë së PD që të mblidhet ndërsa bën Bashën përgjegjës për humbjen. Kadilli thotë se Basha duhet të largohet për të dhënë dorëheqjen njësoj siç ka bërë edhe lideri historik i PD, Sali Berisha.
POSTIMI I PLOTË I FATBARDH KADILI:
Sot demokratët dhe opozitarët në Shqipëri ndihen të trishtuar.
Partia jonë dështoi në krijimin e mekanizmave dhe të besimit popullor për t’u përballur me të keqen. Me makinerinë propagandistike, financiare dhe abuzuese të pushtetit.
Ne nuk arritëm ta frymëzojmë mbështetjen e gjerë opozitare, dhe as elektoratin gri, për t’i dhënë votës forcën dhe vlerën që ka në demokraci.
Ne nuk arritëm që të kapërcenim presionin, blerjet, makinacionet, joshjet dhe hilet e sistemit të ngritur nga ky pushtet.
Ne nuk arritëm t’a kthenim në frymë ndryshimi zhgënjimin popullor.
Si rrjedhojë jemi përballë këtij rezultati. Të cilin nuk e shmangim dot as me fajësim të njëri-tjetrit, as me taktika kalimtare, dhe as me demonizim të kundërshtarit.
Rezultati negativ është i pamohueshëm.
Të gjithë bashkë duhet të analizojmë mangësitë personale dhe kolektive në këtë humbje. Duke mos harruar: si në çdo skuadër, drejtuesi mban përgjegjësinë e humbjes, siç do të merrte edhe dafinat e fitores.
U bëj thirje demokratëve: ndërkohë që nxjerrin konkluzione, të përmbahen nga etiketimi i atyre që nuk na zgjodhën ne, që nuk menduan si ne, që nuk na panë ne si alternativë. Kërkimi i arsyeve të humbjes duhet filluar te vetja dhe te kundërshtari politik, asnjëherë te votuesi dhe zgjedhja e tij.
Ne duhet ta pranojmë se nuk kishim një propozim fitues për Shqipërinë. Alternativa jonë ishte vetëm kryetari i partisë, që u dëshmua përsëri e pamjaftueshme.
Duke ndjerë keqardhje dhe solidarizim të plotë me sakrificën e demokratëve dhe strukturave të partisë gjatë një opozite 8 vjeçare, jo pak here edhe të pabusull, kërkoj largimin e menjëhershëm nga funksionet drejtuese dhe dorëheqjen e Lulzim Bashës.
Jo vetëm për faktin se partia gjendet sot përballë humbjes së tretë, por më shumë se kaq, ky është një model që ka shterruar.
Me anë të këtij akti, ai jo vetëm njeh përgjëgjësitë për rezultatin, por edhe respekton një standard të vendosur në Partinë Demokratike nga paraardhësi dhe themeluesi i kësaj force, Sali Berisha.
I bëj thirrje Kryesisë të mblidhet sa më shpejt dhe të përcaktojë modalitetet e garës për lidershipin e ri. Nuk kemi kohë për të humbur. Përpara shqiptarëve kemi misionin për një opozitë të re!
Gjithashtu, shpall sot kandidimin për detyrën e Kryetarit të Partisë Demokratike.
Iu bëj thirrje të gjithë demokratëve të mos dorëzohen. Ne jemi parti e vlerave dhe forcës; trashëgimtare e Lëvizjes së Dhjetorit, besimtare e kredos: ‘e duam Shqipërinë si gjithë Evropa’.
Me këtë rast, si anëtar Kryesie dhe si Kandidat për Kryetar, u bëj thirrje numëruesve dhe vëzhguesve, që sot janë në krye të punës më të vështirë, mbrojtjes së vullnetit të mbështetësve të opozitës dhe çdo shqiptari, të bëjnë të gjitha përpjekjet për të numëruar dhe ruajtur çdo votë.
Nga sakrifica e tyre sot fillon ringritja nesër.
Iu bëj thirrje të gjithë demokratëve të mos dorëzohen.
Ne duhet të kthehemi te thelbi i misionit tonë, ringritja si parti e shpresës së shqiptarëve.
Ringritja fillon që sot.
(F.g/dosja.al)
Rama është propozuar për president nga disa deputetë socialiste, mendoni se:
TIRANË– Kryekomisionieri i Komisionit Qendror të Zgjedhjeve, Ilirjan Celibashi ka paralajmëruar hetime nga Prokuroria lidhur me votat e pavlefshme. Në një ...
TIRANË– Kreu i KQZ-së, Ilirjan Celibashi doli ditën e sotme në një konferencë për mediat, aty ku bëri të ditur se si po vijon ecuria e procesit të numërimi...
Përveç kamerave të sigurisë në zonë ku ndodhi vrasja e Pjerin Xhuvanit, gazetari Artan Hoxha tha se provë që do të zbardhë të vërtetën e kësaj ngjarje, m...
TIRANË– Kryeministri Edi Rama ka lajmëruar ditën e sotme se në orën 18:00 do të mblidhet në sheshin ‘Skëndërbej’ me mbështetësit e tij pas fitores.Tashmë n...
TIRANË– Kryetari i Partisë për Drejtësi, Integrim dhe Unitet, Shpëtim Idrizi ka shkuar me urgjencë në selinë blu për të takuar kryedemorkatin Lulzim Basha....
TIRANË– Presidenti Ilir Meta ka pranuar rezultatin e zgjedhjeve të 25 prillit duke e cilësuar si të përmbushur misionin e tij. Për herë të parë, u zb...
TIRANE– Besnik Mustafaj, personi kyç që hartoi listat e kandidatëve për deputetë të Partisë Demokratike, thotë se përgjegjësia për humbjen është e lideri...
TIRANË– Partia Demokratike e ka arritur një fitore në dy burgjet në Tiranë. Në Njësinë 9 në kryeqytet 2 qendrat e votimit në burgjet 302 dhe 313 i kanë dhë...
