Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
TIRANË– Jak (Jani) Prenga, i marrë peng para 11 ditësh në Kamëz, ka ndërruar jetë. Lajmi është konfirmuar nga Policia, e cila ka dhënë detaje nga operacioni “Resorti”, i cili u zhvillua ditën e djeshme në restorin “Golden” në Shijak. Sipas policisë, 49-vjeçari i rrëmbyer, si pasojë e goditjeve të marra dhe gjakderdhjes që ka pësuar prej tyre ka ndërruar jetë rrugës për në resortin e Altin Hajrit, aty ku edhe do mbahej peng. Por burime për Dosja.al bëjnë me dije se Prenga ka mbërritur i gjallë në resot, ndërsa pas torturave, 49-vjeçarin e kanë nxjerrë të pajetë nga “Golden”. Rrëmbyesit janë kujdesur për ta fshehur trupin e viktimës, ndërsa në zonën e Shijakut, Policia ka nisur punën për gjetjen e kufomës. Mësohet se rrëmbimi i Prengës është bërë me një “Range Rover” të bardhë, i cili rezulton i vjedhur nga një këngëtare e njohur. Automjeti u gjet i djegur në Shkallnur të Durrësit.
SHKAKU
Pengmarrja ka ndodhur si pasojë e një konflikti që një nga vëllezërit e viktimës ka pasur me pengmarrësit, si pasojë e prishjes së disa pazareve të drogës në Britaninë e Madhe. Dosja.al ka mësuar se Jak Prenga u torturua për vdekje për t’i bërë presion, vëllait të tij për të treguar se ku kishte dërguar 283 kg kokainë që ishte futur në portin e Anglisë. Duke bërë një përllogaritje lidhur me çmimin e shitjes së një grami kokainë në tregun britanik, vlera e lëndës narkotike nëse do të mund të tregtohej do të kapte vlerën e 12.735.000 paundëve.
Burime për Dosja.al bëjnë me dije se droga u fut nga një port i Anglisë, për të cilat kishte dalë garant se do t’i nxirrte një prej vëllezërve, i identifikuar si Astrit Prenga. Por diçka e tillë nuk ndodhi! Prenga kishte marrë kokainën dhe si pasojë e mungesës së drogës, grupi në Shqipëri i mori peng të vëllain, për ta detyruar që të tregonte. Bisedat mes personave në Shqipëri e Angli u përgjuan nga autoritet angleze, për të cilën ata bashkëpunuan me Policinë shqiptare. Kjo për shkak se grupi kriminal kishte qendër në Shijak. Në një moment, i vëllai i kërkon agresorëvë që t’i tregojnë se ç’kanë bërë më të vëllasin.
Misteri i vdekjes
Policia ka sekuestruar të gjitha kamerat e sigurisë që kanë filmuar pamje gjatë pengmarrjeës së Prengës, duke përfshirë edhe ato të “Golden”. 49-vjeçari është parë duke u tërhequr zvarrë për t’u futur në hotel, ende gjallë. Ndërsa Policia në njoftimin zyrtar tha se ai kishte ndërruar jetë rrugës teksa po shkonte për në vendin ku edhe do të mbahej peng më 17 janar. Një mospërputhje që ngre dyshime. Mos vallë pengmarrësit e kanë eliminiar Prengën pasi nuk kanë arritur në ujdi me të vëllain? Apo thjesht u ka dalë situata jashtë kontrollit? Mbetet për t’u zbuluar.
PARANDJENJA
Jak Prenga është një person pa precedentë penalë. Burime nga grupi hetimor bëjnë me dije për Dosja.al se ai ka pasur një tjetër emër vite më parë. Ai quhej Dodë Prenga, dhe e ka ndërruar atë në Jak e më pas në Jani në shtetin grek, për arsye që ende nuk dihen.
“Pengmarrësit”
Gjatë operacionit të zhvilluar ditën e djeshme Policia ka ndaluar të dyshuarit kryesorë për ngjarjen. Bëhet fjalë për dy kushërinjtë Elton dhe Leonard Hajri, respektivisht 32 e 35 vjeç dhe babain e këtij të fundit, 64-vjeçarin Bajram. I ndaluar bashkë me ta është edhe 36-vjeçari Olsi Turja. Në kërkim është shpallur Altin Hajri. Mbi të ndaluarit rëndojnë akuzat e “rrëmbimit të personit”, “fshehja e kufomës”, “moskallëzim krimi” dhe “pengimi i zbardhjes të së vërtetës. Në to shtohet edhe “armëmbajtja pa leje”. Operacioni ka vijuar edhe qytetin e Kavajës ku është vënë në pranga një tjetër i afërm i familjes Hajri, me inicialet F.Xh.. Ndërkohë mësohet se gjashtë të tjerë, gjithashtu familjarë të fisit Hajri janë shpallur në kërkim, pasi dyshohet se mund të jenë implikuar në këtë krim. I arrestuari në Kavajë, me inicialet F.Xh., dyshohet se ka fshehur sendet e viktimës dhe ka ndihmuar në zhdukjen e trupit të tij.
REAGON SPAK
Disa orë pasi Policia e Shtetit dha informacionin zyrtar për pengmarrjen, një reagim i menjëherëshëm ka ardhur nga Prokuroria e Posaçme Anti-Korrupsion, e cila ka nisur hetimin pasuror për të arrestuarit e operacionit ‘Resort’. Burime pranë Prokurorisë së Posaçme, thanë për Dosja.al, se ka dyshime se paratë që djemtë e familjes Hajri përfitonin përmes trafikut të drogës në Angli, janë pastruar nëpër bizneset e Altin Hajrit në Shijak.
Pjesë e hetimit është edhe ‘kompleksi’ Golden, i ngjashëm me një ‘kështjellë’ në fund të Shijakut. Burimet shtuan gjithashtu, se ka disa vite, që bilancet e “Golden” tregojnë se ky biznes është me humbje, çka shton dyshimet se paratë e drogës janë pastruar në ndërtimin e këtij kompleksi
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Kavajë- Prokuroria e Kavajës ka mbyllur hetimet për vrasjen e 33-vjeçarit, Marius Ismailit, ngjarje kjo e ndodhur më 9 dhjetor të vitit të kaluar. Për kë...
TIRANË- Aktivistja Sevim Arbana, e cila është paditur për shpifje nga Kryeministri Edi Rama, shkruan se kjo është dita më e shënuar në jetën e saj.Në një ...
TIRANË- Gjykata e Tiranës ka rrëzuar kërkesën e Agim Kajmakut, ish-kryebashkiakut të Vorës për heqjen e masës së sigurisë “arrest me burg”. Mësohet se shka...
Kinë- Virusi vdekjeprurës në Kinë po merr përditë jetë njerëzish. Mësohet se 3 studentë shqiptarë që studjojnë Wuhani të Kinës, një nga vatrat e këtij koronavir...
Vlorë– Policia e Vlorës ka arrestuar dy persona Nexhip Xhafajn dhe Klevis Imerin, pasi një ditë më parë shkaktuan një aksident teksa drejtonin mjetet e tyre në ...
ELBASAN- Një magazinë në Elbasan është përfshirë nga flakët në lagjen “Shënkolli”. Sipas informacioneve,mësohet se flakët e para janë vënë re gjatë orëve të mbr...
TIRANË- Detaje të reja janë mësuar në lidhje me aksionin e policisë që është zhvilluar ditën e djeshme në Shijak, për të kapur autorët e pengmarrjes së Jan...
Emisioni “Uniko” nga Spartak Koka në Klan Plus sjell ekskluzivisht rrëfimin e vajzës së Enkeleda Çapokut, 39-vjeçares që u vra nga kunati i saj më...
Tiranë- Najada Como, shefe e Shërbimit Infektiv në QSUT gjatë emisionit Opinion ka treguar se koronavirusi është i rrezikshëm, pasi ka dhe një mutacion gjenetik...
Tiranë- Sizmiologu Rrapo Ormeni ka deklaruar se institucionet shqiptare duhet të mbajnë një sy hapur sa i takon gjendjes së tërmeteve. Në emisionin “360 gradë”...
