Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Partia Socialiste ka sjellë në Komisionin e Ligjeve, disa amendamente shtesë për ndryshimet në Kodin Zgjedhor. Propozimi i ri, sjell uljen e pragut elektoral për subjektet nga 3% në 1. Po ashtu, PS propozon ndryshimin e nenit 163 për shpërndarjen e mandateve. PS thotë se renditja e kandidatëve në lista, ndryshe nga sa ishte, do të sjellë një ndryshim të renditjes së kandidatëve, nëse emri në listë ka marrë një numër votash më të madh se herësi, por jo më shumë se 10 mijë të tilla. Një tjetër ndryshim i PS është edhe rirenditja e pjesës së parë të listës, bazuar mbi numrin e mandateve, ndërsa pjesa e dytë e listës, bazuar mbi votat preferenciale. Kështu, sipas socialistëve, pjesa e parë e listës, e njohur si “lista e kryetarit”, do të përkojë me numrin e mandateve, por do të rirenditet sipas votave preferenciale. Që do të thotë, se kandidati me më pak vota del në fundin e listës së parë që zgjidhet nga mandatet, e më pas rirenditet pjesa e poshtme e listës sipas votave preferenciale. Nëse pjesa e poshtme e listës, ka më shumë vota se herësi, atëherë kandidati thyen listën e kryetarit dhe i zë vendin kandidatit të fundit në këtë listë. PS gjithashtu propozon që kryetari i partisë, ose partitë e koalicionit, mund të regjistrohen në 4 zona zgjedhore në të njëjtën kohe, dhe në fund mund të zgjedhë me dëshirë, zonën ku do të marrë mandatin. Por siç e ka qartësuar edhe më herët, PS nuk tërhiqet nga ndalimi i koalicioneve të vjetra.
PROPOZIMI I PLOTË I PARTISË SOCIALISTE:
Në kuadër të procesit të dialogut me opozitën parlamentare dhe me synim garantimin e një konsensusi sa më të gjërë, Partia Socialiste ka paraqitur në Komisionin Parlamentar për çështjet Ligjore dhe Administratën Publike disa ndryshime në raport me amendamentet e saja fillestare që reflektojnë ndryshimet kushtetuese në Kodin Zgjedhor dhe synojnë një formulë kompromisi mes palëve.
PROPOZIMI I RI merr në konsideratë ULJEN nga 3% në 1%, TE PRAGUT që duhet të arrijnë subjektet zgjedhore për të përfituar nga shpërndarja e mandateve. Sipas formulimit të ri, fjalia e dytë e pikës 1 të nenit 162 ndryshohet si vijon: “Për zgjedhjet për Kuvendin, përjashtohen nga shpërndarja e mandateve subjektet zgjedhore që kanë më pak se 1% të votave të vlefshme në shkallë vendi”. Ky opsion është optimal dhe mund të konsiderohet si një prag natyral pasi është i përafërt me numrin e votave që i takon një mandati deputeti në Kuvendin e Shqipërisë.
NDRYSHIMI I DYTË i takon Nenit 163 që përcakton shpërndarjen e mandateve për kandidatët fitues të listës. Parashikohet që renditja e kandidatëve që përfitojnë mandat ndryshon nëse kandidati ka marrë një numër votash parapëlqyese më të madh se HERËSI që del nga pjestimi i numrit të votave të subjektit me numrin e mandateve të fituara nga subjekti sipas nenit 162 të këtij Kodi, por JO MË SHUMË SE 10,000 VOTA.
NDRYSHIMI I TRETË ka të bëjë me detyrimin për RI-RËNDITJEN E PJESËS SË PARË TË LISTËS që korespondon me mandatet e fituara ashtu sikurse ri-rënditjen e pjesës së dytë të listës, bazuar mbi rezultatin e votave preferenciale.
Konkretisht, pjesa e parë e listës që përkon me numrin e mandateve të fituara ri-rënditet sipas rezultatit të votave preferenciale, pa cënuar parimin e kuotave gjinore. Kandidati me më pak vota preferenciale spostohet në vendin e fundit, brenda pjesës së parë të listës që korespondon me mandatet fituese. Më pas, kryhet ri-rënditja e pjesës së dytë të listës, bazuar mbi rezultatin e votave preferenciale. Nëse në pjesën e dytë të listës rezulton se një ose disa kandidat kanë numër votash më të lartë se herësi, përfitojnë mandat duke zëvendësuar kandidatin/tët e fundit në rënditje që do të përfitonin mandat sipas renditjes së pjesës së parë të listës, bazuar në votat që ka marrë secili prej tyre dhe kur ata kanë më pak vota preferenciale. Në këtë formë garantohet që kandidati i cili ngjitet nga pjesa e dytë e listës tek ajo fituese sposton poshtë dhe i zë vendin kandidatit që ka numrin më të vogël të votave preferenciale. Ky rregull nuk zbatohet nëse kandidati me më pak vota i përket gjinisë më pak të përfaqësuar. Në këtë rast zevendësimi kalon tek kandidati tjetër i renditur menjëherë më lart me numër votash deri në shterimin e listës sipas të njëjtave kritere.
NDRYSHIMI I KATËRT parashikohet në nenin 67, ku përcaktohet se KRYETARI I PARTISË GARUESE në zgjedhje kur ajo konkuron e vetme, OSE PARTISË UDHËHEQËSE TË KOALICIONIT kur garojnë disa parti sëbashku në një listë, MUND TË REGJISTROHET NJËKOHËSISHT DERI NË KATËR ZONA ZGJEDHORE. Në fazën e ndarjes së mandateve, lihet në vullnetin e tij/saj që të deklarojë në cilën zonë zgjedhore do të marrë mandatin duke hequr dorë nga zonat e tjera.
Të gjitha nenet e tjera të amendamenteve, përfshirë ato që kanë të bëjnë me përkufizimin për koalicionet mbeten të njëjta me propozimin fillestar të bërë publik nga Partia Socialiste dhe të depozituar në Kuvend.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Kryeministri Edi Rama në mbledhjen sotme mes dy qeverive ka deklaruar se Porti i Durrësit do shndërrohet defacto një port edhe për Kosovën. Ai thek...
TIRANE– Ditën e sotme po zhvillohet mbeldhja e përbashkët mes dy qeverive Kosovë-Shqipëri. Në këtë mbledhje janë të pranishëm Kryeministri Edi Rama së bashku me...
TIRANE- Në diskutimet e Komisionit të Ligjeve, deputetja Rudina Hajdari pyeti përfaqësuesin e Partisë Socialiste, Damian Gjiknuri, ku ndodhet propozimi i ri i P...
TIRANË-Kryeministri Edi Rama së bashku me kryeministrin e Kosovës, Avdullah Hoti kanë mbërritur në Pallatin e Kongreseve, për të marrë pjesë në mbledhjen e...
TIRANË- Mbërmjen e djeshme në emisionin “Opinion”, deputetja Rudina Hajdari pati një debat të nxehtë me gazetarin Baton Haxhiu. Haxhiu i tha se narracioni ...
TIRANË- Sot në Pallatin e Kongreseve qeveritë e Shqipërisë dhe Kosovës do të zhvillojnë një mbledhje të përbashkët. Ndërkohë është zbuluar edhe slogani do...
ELBASAN– Kreu i Partisë Demokratike Lulzim Basha ishte i pranishëm ditën e sotme në qytetin e Elbasanit prej nga ka kërkuar që të zbatohet urgjentisht plani me ...
TIRANE– Kodi i ri Penal është hartuar dhe pritet të dorëzohet në Kuvend, kështu është shprehur Ministrja e Drejtësisë, Etilda Gjonaj.Ky vendim është thënë nga v...
TIRANË– Kryeministri Edi Rama, ka adresuar akuzat nga opozita se gjatë qeverisjes së tij ka favorizuar një grup njerëzish që konsiderohen si “oligarkë”. Me...
