Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
KORÇË- Pas dy muajsh hetime, finalizohet operacioni i koduar “Zereci”, i cili shkatërroi bandën kriminale me aktivitet në fushën e narkotikëve, trafikimit të të miturve dhe armëmbajtjes pa leje.
Në prangat e policisë kanë përfunduar shtatë persona, ndërsa një tjetër është shpallur në kërkim duke parandaluar kështu edhe trafikimin e një vajza të mitur në Greqi.
Të arrestuarit janë: Roland Luli, 33 vjeç, banues në Drithas, Maliq (i dënuar me burg përjetë në Greqi për vjedhje me armë), Mirel Fasho, 37 vjeç, banues në Kakaç, Maliq; Rezarta Memetllari 29 vjeçe, banuese në Kakaç, Maliq dhe Ermal Basho, 34 vjeç, banues në Petrushë, Pogradec; E.K, 26 vjeç, banues në Zerec, Maliq; O.M, 39 vjeç, banues në Zerec, Maliq; dhe Ç.F, 36 vjeç, banues në Kakaç, Maliq (i dënuar më parë për vjedhje) për veprën penale “Përkrahja e autorit të krimit.
Në kërkim është shpallur 28-vjeçari nga Shelcani i Elbasanit, i riu me iniciale L.P.
Grupi është zbuluar krejt rastësisht pasi po hetoheshin për trafik lëndësh narkotike. Gjatë hetimeve u zbulua se grupi në fjalë trafikonte edhe vajza të mitura drejt Greqisë.
Nga hetimet e kryera është provuar se Roland Luli, Mirel Fasho, Ermal Basho dhe Rezarta Memetllari kishin planifikuar të trafikonin për prostitucion drejt Greqisë një të mitur. Gjithashtu Luli, Fasho dhe 26-vjeçari me iniciale E.K., kultivonin kanabis në fshatit Zerec të Maliqit.
Gjatë operacionit për shkatërrimin e tyre, policia ka sekuestruar një pistoletë, një thikë e ngjashme me ato të ushtrisë, dy granata dore, kanbis; fishekë dhe para në lekë, dollar dhe euro.
NJOFTIMI I POLICISË:
Maliq
Finalizohet me sukses operacioni i koduar “Zereci”, i ndjekur me metoda speciale të hetimit, për goditjen e veprimtarisë kriminale në fushën e narkotikëve, trafikimit të të miturve dhe armëmbajtjes pa leje.
Parandalohet trafikimi i një shtetaseje të mitur në drejtim të Greqisë me qëllim shfrytëzimi për prostitucion.
Goditet edhe një tentativë e kultivimit të bimëve narkotike.
Arrestohen në flagrancë 7 shtetas, ndër ta pjesëtari i një organizate kriminale, me rrezikshmëri të lartë shoqërore, i dënuar më parë në Greqi.
Shpallet në kërkim edhe një shtetas tjetër.
Sekuestrohen armë zjarri dhe të ftohta, municione luftarake, granata dore, vlera monetare (lekë, dollarë euro), bimë narkotike të dyshuara Cannabis Sativa, një armë zjarri, një armë e ftohtë, granata dore.
Në vijim të punë për parandalimin, evidentimin dhe goditjen e veprimtarisë kriminale, në kuadër të procedimit penal të nisur 2 muaj më parë, ndjekur me metoda speciale hetimi, nga shërbimet e Komisariatit të Policisë Maliq, në bashkëpunim me Prokurorinë pranë Gjykatës së Shkallës së Parë Korçë, Drejtorinë e Forcës së Posaçme Operacionale në DPPSh dhe Sektorit për Rendin e Policimin në Komunitet në DVP-Korçë, u finalizua me sukses operacioni i koduar ”Zereci”, si rezultat i të cilit u ndaluan shtetasit:
• R.L, 33 vjeç, banues në Drithas, Maliq, (i dënuar më parë në Greqi për veprat penale “Vjedhja me dhunë”, “Vjedhja me armë”, vepra penale këto të kryera në kuadrin e organizatës kriminale);
• M.F, 37 vjeç, banues në Kakaç, Maliq;
• E.B, 34 vjeç, banues në Petrushë, Pogradec;
• R.M, 29 vjeçe, banuese në Kakaç, Maliq;
• E.K, 26 vjeç, banues në Zerec, Maliq;
• O.M, 39 vjeç, banues në Zerec, Maliq;
• Ç.F, 36 vjeç, banues në Kakaç, Maliq (i dënuar më parë për vjedhje) për veprën penale “Përkrahja e autorit të krimit”;
Si edhe u bë shpallja në kërkim e shtetasit:
• L.P, 28 vjeç, banues në Shelcan, Elbasan;
Nga hetimet e kryera është provuar se shtetasit R.L, M.F, E.B, R.M dhe L.P, kishin planifikuar të trafikonin për qëllim prostitucioni në drejtim të Greqisë një shtetase të mitur.
Gjithashtu shtetasit R.L, M.F, E.K dhe O.M, në bashkëpunim me njëri-tjetrin, kanë kultivuar bimë të dyshuara Cannabis Sativa, në territorin e fshatit Zerec, Maliq, të cilat u asgjësuan gjatë operacionit dhe një pjesë u sekuestrua në cilësinë e provës material.
Gjatë këtij operacioni janë sekuestruar gjithashtu, 1 armë zjarri tip pistoletë, 1 armë e ftohtë (thikë) e ngjashme me ato të Forcave të Ushtrisë, 2 granata dore ofensive dhe difensive, një sasi fishekësh luftarakë, lënde e dyshuar narkotike Cannabis Sativa, një sasi lekësh, dollarësh dhe eurosh, si edhe një automjet tip “Benz”.
Materialet në ngarkim të tyre i kaluan Prokurorisë të Rrethit Gjyqësor Korçë për hetime të mëtejshme.
(k.m./dosja.al)
Tirana është boshatisur për ditët e pushimit. Cilën nga ritet e shenjta po ndiqni:
KAVAJË- Shkon në pesë numri i personave të arrestuar për sherrin mes bandave që shkaktoi vrasjen e një kalimtari dhe plagosjen e 7 personave dje në Kavajë....
TIRANË- Këto janë titujt kryesorë në mediet online më të rëndësishme në Shqipëri.(a.m/dosja.al)Tirana është boshatisur për ditët e pushimit. Cilën nga rite...
GJIROKASTËR- Shumë shtetas amerikanë kanë ngritur sipërmarrjen e tyre në Shqipëri në sektorë të ndryshëm. Brena Moran është një prej tyre. Ajo sapo ka hapu...
TIRANË- Saimir Visha, eksperti i monitorimit të reformës në drejtësi del kundër letrës së Presidentit Ilir Meta, i cili kërkoi KLGJ informacion për vakanca...
DURRËS- Porti i Durrësit ka gjetur një mënyrë për t’u ‘zhvatur’ paratë kamionëve që kalojnë nëpërmjet tij, i detyron të futen në një parkim me lekë.Ndërkoh...
TIRANË- Një makinë ka përfunduar brenda një lokali në Tiranë. Ngjarja ka ndodhur sot pasdite në rrugën e Dibrës në Famracinë 10 në Tiranë.Dosja.al mëson se...
KAVAJË– Banorët e qytetit të Kavajës kanë folur për Ramazan Hasanlliun, 50-vjeçarin që mbeti viktimë pas përplasjes së dy bandave.Një prej ban...
LIBRAZHD– Një vajzë 5-vjeçare është vetëhedhur nga ballkoni i katit të dytë të pallatit ku banonte.Ngjarja ka ndodhur në Librazhd. Dosja.al mëson se nëna...
KAVAJË– Familja Hasalliu ka hapur dyert e mortit pas vrasjes së të afërmit të tyre Ramazan Hasalliu. 50-vjeçari u vra paraditen e sotme pasi u ndodh...
KAVAJË– Dy vëllezërit Hyka që janë në kërkim nga policia për Far-Ëestin e Kavajës kishin lidhje me Partinë Demokratike. Siç vihet re nga ...
