Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Partia Demokratike akuzon prokurorinë dhe kryeministrin Edi Rama se po mbrojnë Agim Kajmakut, pas publikimit të demokratëve dje se kryebashkiaku i Vorës ka hesape të hapura me drejtësinë greke. Sekretari i Përgjithshëm, Gazmend Bardhi në një deklaratë botoi sot të tjera dokumente që sipas demokratëve provojnë se Jorgo Toto është Agim Kajmaku.
Dokumentet janë të dhënat e sistemit Tims ku shihet se Kajmaku ka qenë posedues i një pasaporte me numër: Z0148497. Kjo sipas PD, përkon me numrin unik të pasaportës së Jorgo Totos, gjatë administrimit të të dhënave në kohën që ka qenë i arrestuar në Greqi. Dje demokratët bënë publike dokumentet ku thuhej se Jorgo Toto, identitet për të cilin akuzohet se e ka mbajtur Kajmaku, është arrestuar në vitin 2003 në Janinë, pasi ka tentuar të blejë fidanë me 4500 euro false.
Dokumentet e botuara sot nga PD:
Deklarata e plotë e Gazmend Bardhit:
Shqiptarët panë dje me dokumente autentike se kandidati i Edi Ramës për Vorën, është një kriminel, që ka fallsifikuar Formularin e Dekriminalizimit, për të mbuluar të kaluarën e tij kriminale dhe për t’i shpëtuar ligjit. Shqiptarët u bënë dëshmitarë edhe të heshtjes që ka plllakosur mbi Edi Ramën, pasi iu zbulua edhe krimineli i dytë brenda një muaji. Edi Rama vazhdon të heshtë, duke bërë sikur nuk dëgjon dhe nuk shikon se pakti me krimin për të uzurpuar edhe pushtetin lokal po zbulohet çdo ditë para shqiptarëve me fakte e prova. Megjithëse vetë hesht, duke mos mbajtur asnjë përgjegjësi për kriminleët e propomovuar prej tij, Edi Rama e detyroi Agim Kajmakun dje të bëhej qesharak, duke u viktimizuar me histori emigracioni, që nuk kanë lidhje fare me të vërtetën e historisë së tij kriminale.
Partia Demokratike paraqiti dje 5 fakte.
Megjithëse provat janë publike, Edi Rama vazhdon të heshtë për t’i dhënë kohë strategjisë së tij prej burracaku, që nuk i mbron direkt kriminelët e vet në bashki, por përdor mercenarët në media për të thënë se Agimi Kajmaku nuk është Jorgo Toto, i arrestuar në Greqi. Me pseudo alibinë se Jorgo Toto i arrestuar në 2003-shin është një person tjetër dhe se emri është thjesht një rastësi me atë që ka përdorur dikur Agim Kajmaku,
Edi Rama synon të mashtrojë qytetarët, duke mbrojtur pushtetin e vet kriminal. E vërteta është ajo e deklaruar nga Partia Demokratike që dje. Jorgo Toto, i arrestuar në Greqi në vitin 2003, me masë arresti në burg, në fuqi, për kryerjen e një krimi, është ekzaktësisht Agim Kajmaku, kandidati i Edi Ramës për Vorën., megjithëse ai, në momentin e arrestimit, ka dhënë emra fallco për nënën dhe babin e tij.
Në vendimin e drejtësisë greke, të cilin ne e bëmë publik dje, Jorgo Toto paraqitet me amësi Parashivi dhe atësi Thanas. Kjo ka ndodhur, sepse në pasaportën e shtetasve shqiptarë nuk pasqyrohen të dhënat e atësisë dhe amësisë. Për këtë arsye, në procesverbalin e arrestimit, të dhënat për atësinë dhe amësinë, pasqyrohen ashtu siç deklarohen nga vetë i arrestuari.
Pavarësisht përpjekjes për të mashtruar autoritetet greke, në momentin e arrestimit Jorgo Toto ka patur me vete pasaportën e tij, e cila ka një numër unik identifikimi dhe e cila është regjistruar në vendimin për arrestimin e Jorgo Totos.
Në faqen 13 të këtij vendimi, të publikuar dje, thuhet se shtetasi i arrestuar për krimin që dënohet me jo më pak se 10 vjet burgim, është shtetasi shqiptar Jorgo Toto që posedon pasaportën me nr. Z 0148497.
Sipas rregullave në fuqi, kur një shtetas pajiset me pasaportë, të dhënat e tij hidhen menjëherë në sistemin shtetëror TIMS. Këtë dokument autentik ne e posedojmë dhe, nëpërmjet tij, provojmë në mënyrë të pakundërshtueshme se Agim Kajmaku i Bashkisë së Vorës është Jorgo Toto, i arrestuar në vitin 2003 në Greqi.
Sipas sistemit shtetëror TIMS, Agim Kajmaku (që është ekzaktësisht personi që shikoni në foto), kur ka patur emrin Jorgo Toto, i datëlindjes 06.07.1971, i biri i Imer dhe Maxhe, ka qenë posedues ekzaktësisht i pasaportës me Nr. Z 0148497. Kjo është një provë e pakontestueshme që Jorgo Toto i arrestuar në Greqi me pasaportën me nr. Z 0148497, është Jorgo Toto, që ju shikoni në foto, me pasaportën me nr. Z 0148497, dhe që sot mban emrin Agim Kajmaku.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Prokuroria e Përgjithshme i ka dërguar një kërkesë Partisë Demokratike, ku i kërkon çdo material që disponon për Agim Kajmakun, PD-ja akuzon...
TIRANË– Kryetari i Partisë Demokratike Lulzim Basha ka mbajtur një deklaratë për mediat pas dy takimeve zyrtare që pati ditën e sotme. Përpara gazetarëve B...
VLORË- Siç e do tradita, edhe në opozitë të rinjtë e Lëvizjes Rinore për Integrim janë mbledhur në Jalë, ku si çdo vit organizojnë kampingun ...
TIRANË– Merkato mediatike nuk ka të ndalur këtë verë.Ish-ministri i Drejtësisë, Ylli Manjani ka reaguar lidhur me largimin e dy gazetarëve, Adi Krasta dhe...
TIRANË– Mediat greke nuk e kanë mirëpritur faktin që kryeministri Edi Rama i ka quajtur kazan pasi publikuan lajmin se ai po kalonte disa pushime në Trikal...
KE- Zyrtarisht presidentja e ardhshme e Komisionit Europian, Ursula von der Leyen fillon këtë të martë me bisedimet për përzgjedhjen e kandidatëve që duan të ma...
TIRANË– Nënkryetari i Kuvendit Myslim Murrizi nuk e ka mbajtur dot veten përpara një qytetari që e ka krikuar në lidhje me një status që ka bërë. Teksa Mur...
TIRANË- Deputeti i Partisë Socialiste, Spartak Braho ka reaguar pas publikimit të sherrit që kishin pasur dy djemtë e tij në Durrës pak ditë më parë.Në një...
HIMARË- Në Jalë po mbahet kampi i LRI-së dhe të rinj e të reja do të zhvillojnë 5 ditë aktivitete sociale dhe politike. Kryetarja e Lëvizjes Socialiste për...
TIRANË- Pasi prej ditësh ka drejtuar publikisht akuza ndaj kryebashkiakut socialist të Vorës, dhe i ka kërkuar Prokurorisë nisjen e verifikimeve, Partia de...
