Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Presidenti i Repubilkës Ilir Meta ka dekretuar shpalljen e dy ligjeve. Sipas një njoftimi nga Presidenca bëhet me dije se ligjet që janë dekretuar janë “Për statusin e Gjyqtarëve dhe Prokurorëve në Republikën e Shqipërisë” si dhe shpalljen e ligjit 54/2019 “Për nismën ligjvënëse të zgjedhësve në Republikën e Shqipërisë”.
Meta shkruan se ligjin për statusin e prokurorëve dhe gjygatarëve ka pritur dy vite, po ashtu ka pritur dhe ndryshimet që janë bërë nga Kuvendi, pasi kthimit që u bë nga vet ai. “Përpos këtyre plotësimeve ligjore, Presidenti i Republikës, konstatoi se ligjvënësi me ligjin nr. 48/2019 ka realizuar gjithashtu më shumë se 14 ndërhyrje të tjera në ligjin nr. 96/2016, me qëllim riparimin, përmirësimin, qartësimin dhe harmonizimin e dispozitave të ligjit nr.96/2016, në tërësinë e tij”, shkruhet në njoftimin e Presidencës.
Ndërkohë që po sot kreu i Shtetit shton se është miratuar dhe ligji “Për nismën ligjvënëse të zgjedhësve në Republikën e Shqipërisë”. Për këtë Meta thotë se ky ligj u krijon mundësi qytetarëve që të dërgojnë në Kuvend propozime të ligjeve për miratim.
NJOFTIMI I PLOTË
Institucioni i Presidentit të Republikës bën me dije se, Presidenti i Republikës në ushtrim të kompetencave të Tij, në mbështetje të nenit 84 dhe 93 të Kushtetutës, ka dekretuar me shpallje të 2 (dy ) ligjeve të miratuara nga Kuvendi i Shqipërisë, dhe konkretisht:
Me Dekretin nr.11249, datë 05.08.2019, Presidenti i Republikës ka miratuar; “Shpalljen e ligjit 48/2019 “Për disa shtesa dhe ndryshime në ligjin nr. 96/2016 “Për statusin e Gjyqtarëve dhe Prokurorëve në Republikën e Shqipërisë”
Realizimi i shtesave dhe ndryshimeve në këtë ligj janë argumentuar nga Kuvendi si të nevojshme në plotësim të vakumit të krijuar për shkak të Vendimit nr. 34, datë 10.04.2017 të Gjykatës Kushtetuese, që ka shfuqizuar si të papajtueshme me Kushtetutën disa dispozita të këtij ligji, dhe që kishin të bënin me: Papajtueshmërinë ambientale; Veprimtaritë e jashtme; Vlerësimin; Kategorizimet e disa prej shkeljeve disiplinore; Masat disiplinore plotësuese; Aksesin në dokumentacion gjatë procesit disiplinor; Pezullimi nga detyra; Veprimtari këto të lidhura me funksionin apo procesin disiplinor që zhvillohet ndaj gjyqtarëve dhe prokurorëve në Republikën e Shqipërisë, etj.
Përpos këtyre plotësimeve ligjore, Presidenti i Republikës, konstatoi se ligjvënësi me ligjin nr. 48/2019 ka realizuar gjithashtu më shumë se 14 ndërhyrje të tjera në ligjin nr. 96/2016, me qëllim riparimin, përmirësimin, qartësimin dhe harmonizimin e dispozitave të ligjit nr.96/2016, në tërësinë e tij.
Kjo tregon se, në momentin e miratimit të ligjit nr.96/2016, ky akt përveç se ka patur probleme antikushtetushmërie për të cilat ka folur Gjykata Kushtetuese, gjithashtu ka patur edhe mangësi të tjera të karakterit të teknikës legjislative, shprehje të pasakta, gabime në referime etj, që nëse do të ishte gjykuar në mënyrë të thelluar dhe jo të nxituar nga ekspertët vendas dhe ndërkombëtarë në momentin e hartimit të ligjit nr.96/2016 dhe miratimit nga Kuvendi i Shqipërisë, nuk do të ekzistonin.
Edhe pse Kuvendi i Shqipërisë ka realizuar ndryshimet e domosdoshme në ligjin nr. 96/2016 në një kohë të vonuar, konkretisht pas më shumë se 2-vjet nga momenti i vendimit të Gjykatës Kushtetuese (prill 2017), sërish Presidenti i Republikës i mirëpret këto ndryshime ligjore dhe për këto arsye me Dekretin nr.11249, datë 05.08.2019, ka vendosur shpalljen dhe miratimin e këtij ligji.
Presidenti i Republikës, nxit dhe inkurajon Këshillin e Lartë Gjyqësor dhe Këshillin e Lartë të Prokurorisë, apo organet e tjera të sistemit të drejtësisë që sipas përcaktimeve të ligjit nr.96/2016, datë 06.10.2016 “Për statusin e gjyqtarëve dhe prokurorëve në Republikën e Shqipërisë”, tashmë të ndryshuar të bëjnë çmos që i gjithë sistemi gjyqësor dhe ai i prokurorisë të funksionojnë në mënyrën e duhur.
Pas plotësimit dhe përmirësimit të ligjit, tashmë është detyrë dhe përgjegjësi e organeve respektive të zbatojnë me rigorozitet, jo vetëm ligjin nr. 96/2016, por gjithë kuadrin kushtetues dhe ligjor të paketës në reformën e sistemit të drejtësisë, për të bërë të mundur që vendi ynë të ketë gjyqtarë dhe prokurorë të ndershëm dhe të përgjegjshëm, të aftë profesionalisht, të cilët duhet të pranohen, emërohen, dhe të zhvillojnë karrierën e tyre brenda sistemit të drejtësisë, bazuar mbi një sistem vlerësimi dhe promovimi që bazohet në meritë, profesionalizëm dhe përgjegjshmëri.
Organet respektive nuk duhet të tolerojnë asnjë sjellje apo fenomen negativ brenda sistemit të drejtësisë dhe duhet të marrin sa më shpejt të gjitha masat e nevojshme që sistemi gjyqësor të jetë funksional dhe në shërbim të qytetarëve. Çdo veprim i magjistratit që cenon figurën e gjyqtarit dhe prokurorit në sistemin e drejtësisë shqiptare, duhet të verifikohet, hetohet dhe gjykohet në përputhje me standartet kushtetuese dhe sipas kërkesave rigoroze të ligjit.
Presidenti i Republikës gjithshtu me Dekretin nr. 11250, datë 05.08.2019, ka miratuar “Shpalljen e ligjit 54/2019 “Për nismën ligjvënëse të zgjedhësve në Republikën e Shqipërisë”. Ky ligj u krijon mundësi qytetarëve që të dërgojnë në Kuvend propozime të ligjeve për miratim.
Ky ligj ka për qëllim të rregullojë procedurën e detajuar mbi ndërmarrjen e nismave ligjvënëse popullore nga 20 mijë shtetas me të drejtë vote, duke filluar nga momenti i regjistrimit të nismës, deri në paraqitjen e tyre në Kuvendin e Shqipërisë për shqyrtim dhe miratim. Ky rregullim me ligj është i domosdoshëm për shkak të zhvillimeve për rritjen e të drejtave të pjesëmarrjes së qytetarëve në qeverisjen e vendit.
Në këto kushte, promovimi i nismës ligjvënëse popullore, si pjesë e institucioneve kushtetuese të demokracisë së drejtpërdrejtë, është vlerësuar si një nevojë e domosdoshme nga Presidenti i Republikës, dhe për këtë arërsye me Dekretin nr. 11250, datë 05.08.2019, ai ka miratuar shpalljen e ligjit nr. 54/2019.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Partia Demokratike ka denoncuar një ngjarje të rëndë të ndodhur në banesën e nënkryetarit të Bashkisë Kamëz. Sipas Partisë Demokratike në banesën e...
TIRANË- Partia Demokatike ka reaguar në lidhje me 13 tetorin që sipas dekretit të Presidentit duhet të jetë një datë për mbajtjen e zgjedhjeve loakle. PD n...
KRUJE– Kryetari i PD, Lulzim Basha, shprehu vendosmërinë e opozitës për t’i shkuar deri në fund betejës për zgjedhje të lira e të ndershme, duke kryer det...
TIRANË- Në bazë të ligjit të zgjedhjeve, sot është afati i fundit për regjistrimin e partive në zgjedhje. Edhe pse KQZ, nuk ka marrë asnjë veprim për zgjed...
TIRANË- Sot është afati i fundit për regjistrimin e partive politike për zgjedhjet e 13 tetorit. Pas LSI-së një tjetër parti opozitare ka dërguar kërkesën ...
TIRANË- Partia Lëvizja Socialiste për Integrim, ka dorëzuar sot kërkesën nën Komisionin Qendror të Zgjedhjeve për zgjedhjet e 13 tetorit 2019.Kjo kërkesë e...
Tiranë- Xhelal Mziu, kryebashkiaku në ikje ka deklaruar i prerë se nuk do të lirojë zyrën e tij në Bashkinë e Kamzës.Edhe pse gjykata njohu socialistin Rakip Su...
TIRANË- Kryeministri Edi Rama ka publikuar sot rezultatet e platformës së Bashkëqeverisjes më qytetarët, ku shkruan se tashmë ajo nuk është më vetëm një sl...
Delvinë- Ditën e sotme është konstituuar Këshilli Bashkiak i Delvinës dhe është betuar kryebashkiakja e re, Majlinda Qilimi. Mësohet se gjithë ceremonia është z...
Tiranë- Kreu i PD-së Lulzim Basha ka deklaruar se në vend duhet të zhvillohen zgjedhje të lira dhe ndershme. Kryedemokrati nënvizon se zgjidhja e krizës kalon n...
