Atentat në Elbasan, Bekteshi u shpëton plumbave, Matishi mori hak për parakalimin me makinë

Vendi ku iu bë atentat Arben Bekteshit

ELBASAN- Sherri mes dy personave që degradoi në përgatitjen e një atentati ka nisur tre javë më parë. Mësohet se Ermal Matishi është përplasur me Arben Bekteshin për një parakalim me makinë në Elbasan. Dy të rinjtë kanë zbritur nga mjetet dhe kanë nisur një konflikt verbal që ka përfunduar në sherr me gurshte.

Por, Matishi nuk e ka lënë me aq. Ai është menduar, ka gjurmuar Bekteshin dhe këtë mbrëmje ka shkuar që t’i bëjë një atentat në lagjen ku ai rri në Elbasan. Matishi ka qëlluar shtatë herë me pistoletë në drejtim të Bekteshit, por ky i fundit u ka shpëtuar plubmave. Me ardhjen e policisë, 38-vjeçari ka hedhur armën dhe është larguar, ndërsa ‘shenjestra’ është shoqërua në polcii për tu marrë në pyetje.

Pamje nga vendngjarja

ELBASAN- 38-vjeçari Ermal Matishi që qëlloi me armë zjarri drejt të riut të identifikuar si Arben Bekteshi në Elbasan kishte shkuar të merrte hakun e një sherri të ndodhur pak ditë më parë. Mësohet se Ermal Matishi kishte gjurmuar Bekteshin dhe i ka zënë pritë në lagjen e tij pasditen e sotme. Matishi e ka pikasur Bekteshin dhe ka qëlluar shtatë herë drejt tij, por shënjestra u ka shpëtuar plumbave. Me ardhjen e policisë, Matishi ka hedhur armën dhe është larguar. Ai është shpallur në kërkim.

Pamje nga vendngjarja

ELBASAN- Policia ka publikuar të dhëna në lidhje me atentatin e ndodhur mbrëmjen e sotme në Elbasan. Mësohet se një konflikt verbal ka çuar në përdorimin e armës të 38-vjeçarit me iniciale E.M ndaj 30-vjeçarit me inicialet A.B. Fatmirësisht nga ngjarja nuk ka pasur të lënduar, ndërkohë që 38-vjeçari është larguar nga vendngjarja.  

Njoftimi i Policisë:

Elbasan/Informacion paraprak Në lagjen “Skënderbeg”, në Elbasan, për shkak të një konflikti të çastit, të ndodhur disa ditë më parë, midis shtetasve E. M. dhe A. B., shtetasi E. M., 38 vjeç, banues në Elbasan, rreth orës 20:00 të mbrëmjes së sotme ka qëlluar me armë zjarri pistoletë në drejtim të shtetasit A. B., 30 vjeç, banues në Elbasan, i cili ishte duke qarkulluar me automjetin e tij. Nga të shtënat nuk ka persona të lënduar.

Shërbimet e Policisë që ishin në patrullim kanë reaguar mënjeherë dhe janë vënë në ndjekje të autorit, i cili ka hedhur armën e zjarrit gjatë ndjekjes nga Policia dhe ka mundur të largohet. Forca të shumta të Policisë Elbasan, “Shqiponjat” dhe forca operacionale të DVP Elbasan kanë rrethuar zonën dhe vijon krehja e saj, për të bërë të mundur kapjen e autorit. Grupi hetimor, nën drejtimin e Prokurorisë pranë Gjykatës së Rrethit Gjyqësor Elbasan, po vijon veprimet, me qëllim zbardhjen e plotë të rrethanave të ngjarjes.

Pamje nga vendngjarja

ELBASAN- Dy persona janë konfliktuar me njëri-tjetrin pasditen e sotme në Elbasan. Mësohet se ngjarja ka ndodhur në lagjen Fushë-Mbret në Elbasan. Konkretisht konflikti ka ndodhur mes një personi që nuk është identifikuar ende dhe një tjetri që quhet Arben Bekteshi. Pas konfliktit njëri nga personat ka marrë një armën dhe ka tentuar të qëllojë Bekteshin, por pistoleta është bllokuar. Policia ka mbërritur në vendin e ngjarjes.