Goditet baza/ Motër e vëlla krijuan strofullën e prostitucionit në Astir, arrestohen 2 vajza, në kërkim administratori (EMRAT)

Nje nga vajzat e reklamuara

TIRANE- "Eden_massage_esthetic", është baza që është goditur sot nga Policia e Shtetit. Dosja mësoi se qendra e masazhit ndodhej në Tiranë dhe menaxhohej nga Kristina dhe Kristos Halili, të dy motër e vëlla. Ata punësonin vajza të reja, të cilat i përdornin për prostitucion duke u kamufluar si qendër që ofron shërbime masazhi.

Burime i thanë Dosja se pagesat përkundrejt seksit varionin nga 3-15 mijë lekë në varësi të "shërbimit" që ofronin punonjëset. Ato ushtronin prostitucionin ilegalisht ndërsa në pranga ka rënë vetëm një vajzë që shfrytëzohej për prostitucion. Në këtë qendër ofrohej edhe masazh suedez apo shërbime për heqjen e dhimbjeve të shpinës.

Prurjet e reja të qendrës reklamoheshin në Instagram, ku në vend të reklamimit tëe teknikave të masazhit, Eden reklamonte format trupore të punonjëseve./Dosja.al

Qender Masazhesh

TIRANË- Policia e Tiranës ka goditur një rast të shfrytëzimit të qendrave të masazheve për ushtrim prostitucioni. Si pasojë e këtij operacioni u arrestua Kristina Halili i cila rekrutonte vajzat dhe një prej vajzave që ishte punësuar. Kristina Halili është motra e administratorit të qendrës, Kristos Halili, i cili është shpallur në kërkim nga policia.

Pas këtij zbulimi, policia vuri në pranga Kristina Halilin dhe vajzën e cila ishte rekrutuar për të punuar në atë qendër masazhesh. Në cilësinë e provës materiale u sekuestruan 60 500 lekë të rinj, të dyshuara të përftuara nga kjo veprimtari e kundërligjshme.

Foto ilustruese

TIRANË- Dy vajza janë vënë në pranga pasi shpërdoruan një qendër masazhi për të ushtruar prostitucionin. Në vijim të veprimeve, u shpall në kërkim personi me inicialet K. H., 23 vjeç, banues në Tiranë, administrator i një qendre masazhesh. Gjatë kontrollit të ushtruar në qendrën e masazheve, në Unazë të Re, që menaxhohej nga 23-vjeçari, u konstatua se motra e tij K. H, shfrytëzonte për prostitucion, një punonjëse në këtë qendër. Në cilësinë e provës materiale u sekuestruan 60 500 lekë të rinj, të dyshuara të përftuara nga kjo veprimtari e kundërligjshme.

NJOFTIMI I POLICISË:

Evidentohet dhe goditet një rast tjetër i shfrytëzimit të qendrave të masazheve, për ushtrim të prostitucionit. vihen në pranga 2 shtetase, si dhe shpallet në kërkim administratori i kësaj qendre masazhesh. Sekuestrohet një shumë parash, e dyshuar e përiftuar nga kjo veprimtari e kundërligjshme. Specialistët e Seksionit për Hetimin e Trafiqeve të Paligjshme të DVP Tiranë, si rezultat i hetimeve të zhvilluara në bashkëpunim me Prokurorinë pranë Gjykatës së Rrethit Gjyqësor Tiranë, në kuadër të operacionit policor të koduar "Extra", arrestuan në flagrancë shtetaset:

- K. H., 28 vjeçe, banuese në Tiranë, për veprën penale "Shfrytëzimi i prostitucionit";
- D. L., 20 vjeçe, banuese në Tiranë, për veprën penale "Prostitucioni".

Gjithashtu, në vijim të veprimeve për këtë rast, u shpall në kërkim shtetasi K. H., 23 vjeç, banues në Tiranë, administrator i një qendre masazhesh. Vijon puna për kapjen e tij. Gjatë kontrollit të ushtruar në qendrën e masazheve, në Unazë të Re, që menaxhohej nga 23-vjeçari, u konstatua se shtetasja K. H. (motra e shtetasit K. H.), shfrytëzonte për prostitucion, një punonjëse në këtë qendër. Në cilësinë e provës materiale u sekuestruan 60 500 lekë të rinj, të dyshuara të përftuara nga kjo veprimtari e kundërligjshme. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.