Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• 11 shkurti është vetëm dy ditë larg dhe përgatitjet kanë nisur. Drejtori i Përgjithshëm i Policisë së Shtetit, Muhamet Rrumbullaku ka thirrur në një mbledhje të gjithë shefat e komisariateve të Tiranës. Paraprakisht raportohet se në terren pritet të jenë mbi 1500 efektivë policie, por në mbledhjen e zhvilluar nga Rrumbullaku do të jepen edhe të tjera poorsi. • Gatishmëria e efektivë të policisë pritet që të nisë që të premten pasdite, ndërsa mëngjesin e të shtunës, Tirana do të zgjohdet gjysmë e bllokuar. Të gjitha akset që të çojnë në bulevardin ‘Dëshmorët e Kombit’, ku dhe pritet të zhvillohet protesta, do të jenë të bllokuara. Kryeministria pritet të blindohet. • Nga ana tjetër, kryedemokrati Sali Berisha u ka dhënë dhe porositë e fundit demokratëve. Në një takim me banorët, Berisha u bëri thirrje të gjithë atyre që jetojnë në kryeqytet që të hapin dyert dhe që nesër banorët e rretheve të zbarkojnë në Tiranë. • Berisha dhe Sekretari i Përgjithshëm i PD-së, Flamur Noka thanë se një det me njerëz do të ‘derdhen’ në shesh për të kërkuar rrëzimin e kryeministrit. Deputeti i Partisë Demokratike Gazment Bardhi tha se do të marrë pjesë në pritestë. Ai tha se ka ftuar të gjithë grupin parlamentar që të bëhen bashkë e të dalin në shesh.
6 artikuj për këtë temë.
TIRANË- Një demokrat është shprehur se më 11 shkurt Opozita do ta 'varrosë' qeverinë. I pranishëm në një takim me kryedemokratin Sali Berisha, demokrati u shpreh se ka mbiemrin e njëjtë me kryeministrin Edi Rama, por që është lutur në çdo kishë e xhami për ta rrëzuar atë. Ai shtoi se Berisha është kthyer për ta shpëtuar vendin, njësoj si një vitet 90.
Pjesë nga fjala e demokratit:
Unë nuk kam lënë kishë e xhami pa u lutur për rrëzimin e Edi Ramës. Unë jam Përparim Rama. Unë lavdëroj të madhin Zot që atë gropën që ata kishin hapur për ne ranë vetë. Unë them se kjo do të jetë protesta më e bukur. Ne do të shkojmë për t’i hedhur nga një lopatë dhe se ai ka marrë fund. Nuk ka nevojë të përdorim asgjë. Juve jeni rikthyer për të shpëtuar kombin shqiptar si në vitet 90-të zoti Berisha
TIRANË- Kryedemokrati Sali Berisha ka paralajmëruar revolucion më 11 shkurt. Në një takim me banorët në Tiranë, Berisha u bëri tthirrje qytetarëve që jetojnë në Tiranë që të haoin shtëpitë e tyre për të pritur të gjithë ata që jetojnë në rrethe. Ai tha ndër të tjera se të shtunën, më 11 shkurt, kur dhe do të zhvillohet protesta, e gjithë Shqipëria do të marshojë drejt Tiranës.
Pjesë nga fjala e Berishës:
Këto orë që na kanë mbetur, duhet të trokasim në çdo derë, t’u japim fletëpalosje, t’u bëjmë ftesë, që të bashkohen në këtë revolucion. Nuk ka demokraci pa pluralizëm, ka vetëm një Shqipëri që është drejt shpërbërjes e agonisë. Në punën tuaj këto orë janë vendimtare për suksesin e protestës së 11 shkurtit. Dua të hapim dyert për të njohurit e farefisin që duan të vijnë nga rrethet një ditë para. Të shtunën Shqipëria vërshon e marshon drejt Tiranës. Tirana derdhet në rrugë
TIRANË- Deputeti i Partisë Demokratike Gazment Bardhi është shprehur se do të marrë pjesë në protestën e 11 shkurtit. I ftuar në "Opinion", Bardhi tha se vendimin e ka marrë duke u konsultuar me të gjithë kolegët. Ai shtoi se të gjithë anëtarët e grupit parmanetar do të marrin pjesë në këtë protestë. Sipas Bardhit, beteja e vetme e tyre është me kundërshtarin, kryeministrin Edi Rama.
“Po do shkoj në protestë. Vendimi është marrë i konsultuar me të gjithë kolegët. Të gjithë koleget e grupit parlamentar do marrin pjesë në protestë. Nuk kemi asnjë arsye për të qenë të ndarë në betejën me kundërshtarin”-tha Bardhi.
Opozita kërkon largimin e kryeministri Edi Rama. Protesta u thirr pas publikimit të dosjes së ish-agjentit të FBI-së, Charles McGonigal, dosje që zbuloi dhe takimet e ish-zyrtarit të lartë me kryeministrin Edi Rama.
TIRANË- Sekretari i Përgjithshëm i Partisë Demokratike Flamur Noka është shprehur se Tirana do të mbushet me njerëz më 11 shkurt, ditë kur Opozitë do të mbajë protestën ndërkombëtare. I ftuar në "Open", Noka tha se lumi i njerëzve që do të derdhet në shesh nuk janë parë kurrë më parë. Ai shtoi se mund të ketë edhe mosbindje civile.
"Lumin e njerëzve nuk ka shesh që i mban. Jemi duke nisur një revolucion. Nëse Rama nuk jep dorëheqjen nuk do të gjejë paqe as në Surrel. Nuk ka paqe. Do ta shohim çfarë do të ndodhë. 11 do jetë dita e parë e shpërthimit të revoltës. Të gjitha opsionet janë të hapura në tavolinë, edhe mosbindja civile. Nuk ka orar dhe afat, sipas ligjit ne vetëm njoftojmë nuk i kërkojmë leje askujt. Kemi sjellë demokracinë që mos të marrim leje kur protestojmë. Vetëm Rama, banda që quhet qeveri e Aldat e qeverisë, vetëm këta nuk kanë arsye për të protestuar, vetëm derrat e majmë të Rilindjes,"- tha Noka.
Opozita kërkon largimin e kryeministri Edi Rama. Protesta u thirr pas publikimit të dosjes së ish-agjentit të FBI-së, Charles McGonigal, dosje që zbuloi dhe takimet e ish-zyrtarit të lartë me kryeministrin Edi Rama.
TIRANË- Kryedemokrati Sali Berisha ka kërkuar që qytetarët të sulmojnë kryeministrin Edi Rama dhe kryebashkiakun Erion Veliaj me vezë dhe domate. Në një takim në selinë blu me banorët e degës 6, 7 dhe 16 të Tiranës, Berisha tha se Veliaj është një hajdut që vjedh paratë e shqiptarëve. Kreu i Partisë Demokratike tha se Veliaj hesht para çdo gjëje që ka lidhje me Iranin sepse është vetë i lidhur me ta. Ai tha se asnjë prej tyre nuk duhen lënë që të qarkullojnë lirshëm në rrugë.
Pjesë nga fjala e Berishës:
Shikoni çfarë ndodh. Sharra është ndërmarrja e tyre, 100% e Erion Veliajt dhe Edi Ramës. Kontrata thotë se plehrat do të depozitohen me 11 euro për ton, do të paguani ju, qytetarët për ti depozituar. Ai që nuk ka emër që s’meriton, një hajdut i neveritshëm, i pafytyrë, i pa turp, më falni për shprehjen, kalon rrugicave dhe u merr tek ndërmarrja e tij u merr 29 euro, që sipas kontratës u merren nëse digjen. Nuk digjet asnjë ton, depozitohen si 25 vite më parë dhe u taton ju, 29 euro. A lejohet ky njeri të qarkullojë nëpër Tiranë. A nuk është një hajdut i secili prej jush. A nuk është një hajdut i cili vjedh familjet në Tiranë. A nuk duhet gjuajtur me vezë, domate, kudo që kalon. Çfarë është ky, më thoni, çfarë na bëjnë këta ne. Kur vjen një hajdut në oborr dhe merr diçka, ikën me vrap, kurse ky kalon si hije me 30 policë rresht, kudo që të jetë, ky duhet gjuajtur vezë dhe domate. Këtij i duhet treguar vendi, nuk ka turp dhe cipë. Ku i çon paratë, i çon në Iran. Ta dini nga unë ju, i çon në Iran, të dalë të thotë jo. Ai holandezi që kanë gjetur në Holandë, ai ortak kryesor në këtë ndërmarrje ka një italian i cili është i lidhur këmbë e krye me ndërmarrjen shtetërore të Iranit. Kjo është historia. Kur flitet për Iranin ai nuk e çel gojën. Edi Rama, Erion Veliaj, Belinda Balluku, të gjithë janë të lidhur në krim. A kemi ne të ardhme në këtë mënyrë, nuk kemi ne të ardhme me këta. Sa të na rrëmbejnë të ardhmen tonë, le ti lëmë në të shkuarën e tyre. Sa ta kthejnë Shqipërinë në një vend të mallkuar, le ti mallkojë Shqipëria këta. Nuk kemi ne të ardhme kështu.
TIRANË- Drejtori i Përgjithshëm i Policisë së Shtetit, Muhamet Rrumbullaku ka thirrur në një mbledhje të gjithë shefat e komisariateve të Tiranës në prani të drejtuesve të departamenteve për të diskuar planin e masave për tubimin e 11 shkurtit që do të organizohet nga Opozita. Paraprakisht raportohet se në terren pritet të jenë mbi 1500 efektivë policie, por në mbledhjen e zhvilluar nga Rrumbullaku do të jepen edhe të tjera poorsi.
Gatishmëria e efektivë të policisë pritet që të nisë që të premten pasdite, ndërsa mëngjesin e të shtunës, Tirana do të zgjohdet gjysmë e bllokuar. Të gjitha akset që të çojnë në bulevardin ‘Dëshmorët e Kombit’, ku dhe pritet të zhvillohet protesta, do të jenë të bllokuara.
Masa pritet të merren dhe për Kryeministrinë, e cila është planifikuar të fortifikohet, siç ka ndodhur në protestat e kaluara. Opozita kërkon largimin e kryeministri Edi Rama. Protesta u thirr pas publikimit të dosjes së ish-agjentit të FBI-së, Charles McGonigal, dosje që zbuloi dhe takimet e ish-zyrtarit të lartë me kryeministrin Edi Rama.
Ç’ndodhi me dosjen e McGonigal?
Mbi një javë më parë, FBI arrestoi ish-zyrtarin e lartë të kësaj strukture, Charles McGonigal. Në dosje shkruhet e zeza mbi të bardhë se McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare. Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI. Rama mohon të ketë lidhje me akuzat e ngritura nga McGonigal, duke pretenduar se nuk ka dijeni për asgjë, por që nga momenti i publikimit të dosjes dhe deri më sot, lidhur me ngjarjen nuk ka pasur asnjë reagim nga Ambasada Amerikane. Ndryshe nga shumë herë, ambasadorja Yuri Kim ka zgjedhur që të heshtë./Dosja.al
