Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Misioni i OSBE-ODHIR ka nisur misionin vëzhgues në Shqipëri kur vetëm pak ditë na ndajnë nga nisja e fushatës elektorale për zgjedhjet lokale të 14 majit. • Në një konferencë për shtyp, shefja e Misionit të Vëzhguesve të OSBE-ODIHR për zgjedhjet vendore të 14 Majit, Audrey Glover, ka dalë sot para mediave për të prezantuar objektivat dhe mënyrën se si do të vëzhgohen zgjedhjet. • Pasi ka bërë me dije detajet teknike, ajo u është përgjigjur edhe pyetjeve të gazetarëve. • Sipas saj fokusi do të jetë tek përdorimi i administratës për fushatë, aplikacionin Aktivisti dhe rritja e rrogave dhe pensioneve nga kryeministrit Edi Rama. • Glover gjithashtu u pyet për mundësinë e takimit me Sali Berishën edhe pse ky i fundit është shpallur non-grata, por ajo u shpreh se do të takohet me këto që garon në zgjedhje, duke u bërë e para ndërkombëtare që shkon në zyrën e kryedemokrati që nga shpallja e tij non grata nga DASH. • Glover ka mbërritur në Tiranë prej disa ditësh dhe do të drejtojë ekipin me 324 vëzhgues për të monitoruar zgjedhjet vendore. Kjo është hera e pestë që ajo vjen në Shqipëri për të monitoruar procesin zgjedhor.
4 artikuj për këtë temë.
TIRANË- Shefja e misionit të vëzhguesve të OSBE/ODIHR, Audrey Glover ka zhvilluar një konferencë me mediat lidhur me punën e misionit për zgjedhjet lokaler të 14 majit. E pyetur për problematikat e raportuara në media sa i takon përdorimit të burimeve publike në fushatë zgjedhore në favor të qeverisë, Glover tha se kjo është një fushë të cilës do t’i kushtohet shumë rëndësi gjatë misionit të vëzhgimit pasi ishte identifikuar dhe nga misioni paraardhës.
PJESË NGA PRONONCIMI:
Edi Rama pak minuta më parë njoftoi rritjen e rrogave në Shqipëri, Kodi përcakton që ndalohet 4 muaj para zgjedhjeve, a mendoni se kemi një shkelje të ligjit zgjedhor?
Glover: Po i shohim këto zhvillime me shumë kujdes dhe do na duhet pak kohë që të shohim nëse përbëjnë shkelje të Kodit Zgjedhor dhe në çfarë mase.
Në vitin 2021 misioni kishte shumë vërejtje për të dhënat e qytetarëve dhe përdorimin e administrarës, kësaj herë po përdoret Aktivisti. A duket sikur janë injoruar këshillat e OSBE?
Glover: Do të shohim sa progres është bërë dhe nëse nuk ka pasur progres do e identifikojmë sërish.
TIRANË- Shefja e Misionit të Vëzhguesve të OSBE-ODIHR, Audrey Glover u pyet për mundësinë e takimit me kryedemokratin Sali Berisha, edhe pse ky i fundit është shpallur non-grata nga Departamenti Amerikan i Shtetit. Në konferencën e saj për mediat, Glover u shpreh se është e hapur të takojë këdo që merr pjesë në procesin zgjedhor.
A do të takoheni me zotin Sali Berisha, por nga hera e fundit ka ndryshuar që është shpallur non grata dhe ka humbur ligjërisht PD-në?
Glover: Jam e lumtur që të takojmë çdo individ që është i përfshirë në këtë proces zgjedhor.
Me deklaratën e saj, Glover bëhet e para ndërkombëtare që vjen në Shqipëri dhe shkon për të takuar kryedemokratin Sali Berisha, i cili është shpallur 'non grata' nga SHBA dhe nga Britania e Madhe, por të njëjtit vendim nuk i është bashkuar Bashkimi Europian, edhe pse Taulant Balla ka paralajmëruar se një masë e tillë do të merret shumë shpejt. Por deri më tani nuk ka asnjë njoftim zyrtar
TIRANË- Shefja e Misionit të Vëzhguesve të OSBE-ODIHR, Audrey Glover ka vendosur prioritetet në Tiranë, në prag të zgjedhjeve lokale të 14 majit. Sot në një konferencë për shtyp me mediat, Glover u shpreh se kjo është një fushë të cilës do t’i kushtohet shumë rëndësi gjatë misionit të vëzhgimit. Gjithashtu ka komentuar edhe situatën e opozitës dhe ndikimin që mund të ketë në rezultatin përfundimtar.
4 vite më parë e gjetët vendin në një krizë politike, sa ndikon situata e tanishme e opozitës në zgjedhje?
Glover: Nuk i krahasojmë dot zgjedhjet. Sapo kemi ardhur dhe mendoj që është shumë herët për të thënë se si do të jetë rezultati. Do i shohim me shumë kujdes zhvillimet dhe shpresojmë për më të mirën.
Një nga problematikat më të mëdha të zgjedhjeve është përdorimi i burimeve politike të PS për fushatën zgjedhore, duke shkelur edhe KQZ. Ndërkohë që edhe kryeministrit Edi Rama tha shpërblime për pensionistët, a po cënohen standartet e zgjedhjeve?
Glover: Në fakt në një raport që ka nxjerrë misioni i vlerësimit të nevojave është identifikuar kjo fushë si më me rëndësi për t'u vëzhguar. Do i kushtojmë shumë rëndësi.
TIRANË- Shefja e misionit të vëzhguesve të OSBE/ODIHR, Audrey Glover zhvilloi konferencën e parë për mediat në Shqipëri. Glover zbuloi se ODHIR, do të ketë një ekip afatgjatë për monitorimin e zgjedhjeve në vend, i cili përbëhet nga 13 ekspertë që do të qëndrojë para, gjatë dhe pas procesit zgjedhor në Shqipëri. Po ashtu, ajo lajmëroi se një raport do të dalë nga mesi i fushatës elektorale, që do të pasohet nga raporti final që do të publikohet 8 javë pas përfundimit të zgjedhjeve lokale.
"Do të lëmë faktet të flasim dhe do u kushtojmë vëmendje të veçantë: punës së administratës zgjedhore; impelementimin e rekomandimeve nga misionet e mëparshme; mjedisi zgjedhor dhe të fushatës për të parë nëse do të jetë efikase; pjesëmarrja e grave dhe ajo e minoriteteve. Do të shohim edhe pjesëmarrjen e personave me arftësi të kufizuara dhe në të gjithë procesin zgjedhor. Do të shohim edhe mediat sesi do e mbulojnë fushatën dhe nëse do të ndalohen në raportimin e lajmeve. Dhe në fund do të shohim edhe financimin e fushatave zgjedhore dhe zgjidhen e konflikteve,"-tha ajo ndër të tjera.
FJALA E PLOTË E GLOVER:
Do të kemi një ekip baze më 13 ekspertë, përfshin; një analist ligjor, për zgjedhjet, politik, mediash, pakicat kombëtare dhe një koordiantor, burimet njerëzore, sigurinë dhe financat. Dhe i fundit do të jetë edhe zëdhënësi im. Do të kemi së shpejti edhe 24 vëzhgues që do të informohen në Tiranë dhe do të ndahen në grupe dyshe. Do të kemi edhe ekspertë dhe monitoruesit afatshkurtër të zgjedhjeve. Ditën e zgjedhjeve do të kemi përfaqësues nga BE. Kemi ardhur pa asnjë ide paraprake dhe asnjë axhendë. Jemi këtu për të vëzhguar zgjedhjet duke parë performancën dhe duke e krahasuar me angazhimet që ka marrë Shqipëria. Të gjitha vendet e OSBE janë zgjedhur për të zbatuar rregullat e zgjedhjeve. Do të lëmë faktet të flasim dhe do u kushtojmë vëmendje të veçantë: punës së administratës zgjedhore; impelementimin e rekomandimeve nga misionet e mëparshme; mjedisi zgjedhor dhe të fushatës për të parë nëse do të jetë efikase; pjesëmarrja e grave dhe ajo e minoriteteve. Do të shohim edhe pjesëmarrjen e personave me arftësi të kufizuara dhe në të gjithë procesin zgjedhor. Do të shohim edhe mediat sesi do e mbulojnë fushatën dhe nëse do të ndalohen në raportimin e lajmeve. Dhe në fund do të shohim edhe financimin e fushatave zgjedhore dhe zgjidhen e konflikteve. E kemi thënë edhe shumë herë që zbatimi i ligjit është i rëndësishëm sa ligji vetë. Do nxjerrim një raport të ndërmjetën para zgjedhjeve dhe do të mbaj një deklaratë për shtyp pas zgjedhjeve. Do të kemi dhe një deklaratë me zgjetjet paraprake. Raporti final do të publikohet 8 javë pas zgjedhjeve dhe do të ketë edhe rekomandime për zgjedhjet e ardhshme. Roli ynë është që të shohim dhe të raportojmë. Nuk ndërhyjmë, nuk jem policia dhe as politikanë. Jemi profesionistë dhe nuk jemi të interesuar në rezultatin e zgjedhjeve pasi duam të sigurohemi se procesi është transparent. Duam: barazi, drejtësi, votim të fshehtë. Dhe si shtesë, na intereson që rezultatet e zgjedhjeve të nxirren dhe të shpallen në mënyrë korrekte. I takon politikanëve dhe qeverisë që të vendosin si do i përdorin rekomandimet tona. Jemi të interesuar që të kemi një mision transparent.
