Plagosja në Vorë, policia me reagim zyrtar: Tre personat e përfshirë në konflikt ndodhen në spital 15 Tetor, 19:0...
Hapja e grup-kapitullit të parë/ Gonzato: Integrimi të konsiderohet nga politika si prioritet kombëtar strategjik! Orban: Sh...
"Telefonova Ramën pas tërmetit!" Hapja e negociatave me BE-në për grup-kapitullin e parë, Varhelyi: Pa zgjerimin Europa...
Konferenca e dytë ndërqeveritare BE-Shqipëri/ Ministri i Jashtëm hungarez: Në krye të axhendës, përshpej...
• Pas humbjes së thellë në zgjedhjet lokale të 14 majit, Partia Demokratike (ajo e vulës) ka mbajtur mbledhjen e parë. • Pas takimit, kryetari i grupit parlamentar të PD-së, Gazment Bardhi tha se në mbledhje u diskutuan lidhur me procesin e riorganizimit të partisë. • Në fjalën e tij, deputeti i PD-së, Gazment Bardhi ka përcjellë një draft-propozim që lidhet me riorganizimin e partisë nga seksionet dhe deri tek zgjedhja e kryetarit. • Po ashtu theksoi se ka gati një platformë që synon të forcojë PD, e po ashtu sugjeron që të mos zhvillohen tani zgjedhjet për kreun e Partisë. • Gjithashtu shtoi se është i hapur për bashkëpunim me kolegët që mbështesin Sali Berishën, por theksoi se nuk duhet të vijnë me frymë përçarëse. • I pyetur nëse Tabaku ka pranuar pozicionin për të drejtuar PD, Bardhi tha se Tabaku është funksionarja më e lartë drejtuese e partisë, por shtoi se nuk do të jepte asnjë përgjigje për të. •Nga ana tjetër kërkesa e Kolegjit të degëve të kryetarëve është që procesi për kreun e PD të kryhet brenda 15 korrikut. •Ata argumentojnë se PD ka humbur kohë duke pritur ndërsa s’ka asnjë reflektim nga pala e Berishës, as pas rezultatit të 14 majit. • Lidhur me zgjedhjet për kreun e PD-së, komentoi edhe deputetja Dhurata Çupi ka deklaruar se grupi parlamentar duhet të ketë autoritetin politik vendimmarrës, por shtoi se zgjedhjet urgjente do të jenë vrastare për selinë blu. • Në takimin e sotëm, të zhvilluar në ambientet e Kryesisë së Kuvendit, u mblodhën 16 deputetë. • Nga takimi i sotëm munguan për shkak të një vizite në Maqedoni: Jorida Tabaku, Kreshnik Çollaku dhe Flutura Açka. Mungoi për shkak se i është bashkuar protestës në Borizanë, Merita Bakiu. • Enkelejd Alibeaj dhe Lulzim Basha munguan "pa arsye". • Nesër pas deputetëve, do mblidhet Kryesia e PD. • Nga deklaratat publike deri më tani, një grup (me pak deputetë) kërkojnë ndarjen me PD e Berishës; pjesa tjetër (më të shumtë me numër) kërkojnë bashkimin e 2 PD-ve dhe zgjedhje të reja për kreun e PD-së. • Nga ana tjetër, deri tani Berisha është gati për bashkim dhe për gatë, por ka një kusht, uniteti duhet të bëhet pa Lulzim Bashën dhe Enkelejd Alibeajn.
12 artikuj për këtë temë.
TIRANË-Kolegji i Kryetarëve të Partisë Demokratike deklaron hapur se është humbur një vit në pritje të bashkimit të partisë, por pa rezultat dhe sipas tyre, kjo ka ndikuar në dëmtimin dhe dobësimin e Partisë Demokratike.
Sipas Kolegjit, PD duhet pa asnjë vonesë të zgjedhë kryetarin e saj dhe të nisë organizimin dhe përzgjedhjen, të ekipeve që do ta drejtojnë këtë parti drejt zgjedhjeve të ardhshme. Ata sygjerojnë që procesi për zgjedhjen e kryetarit të pëfundojë brenda datës 15 Korrik 2023.
DEKLARATA E PLOTË:
Kolegji i Kryetarëve të Partisë Dmokratike, i mbledhur më 5 Qershor 2023, pasi e dëgjoi dhe e diskutoi, miratoi me unanimitet deklaratën si më poshtë:
Deklaratë e Kolegjit të Kryetarëve të Partisë Demokratike
Partia Demokratike që prej marsit 2022 ka bërë përpjekje të vazhdueshme, por pa rezultat për bashkimin e demokratëve,
- dorëheqja e kryetarit më qëllim për ti hapur rrugr ti hapur rrugë bashkimit, gjë që nuk ndodhi,
- kërkesa për organizimin e zgjedhjeve të përbashkëta të cilat u refuzuan,
- kërkesa për përzgjedhjen e kandidatëve në zgjedhjet e 14 majit që u refuzua dhe u vazhdua me procese të njëanshme,
- propozimin për daljen me një kandidat të përbashkët për zgjedhjet vendore të 14 majit duke pranuar kandidatët e primareve
Të gjitha këto përpjekje u refuzuan. Eshtë humbur një vit në pritje të bashkimit, por pa rezultat dhe kjo ka ndikuar në dëmtimin dhe dobësimin e Partisë Demokratike.
Drejtuesit e Partisë Demokratike nga seksionet, grupseksionet, kryetarët e degëve kanë punuar me vetmohim për të mos lejuar asimilimin Partisë Demokratike apo asgjesimin e saj. Ne jemi të vendosur që Partia Demokratike të vazhdojë të jetë një parti aleate e SHBA, Britanise se Madhe dhe BE, të shndërrohet në një alternativë dhe shpresē për shqiptarët në zgjedhjet e përgjithshme të vitit 2025.
Për këto arsye, çdo ditë e humbur nuk i shërben as Partisë Demokratike, as demokratëve. Partia Demokratike duhet pa asnjë vonesë të zgjedhë kryetarin e saj dhe të nisë organizimin dhe përzgjedhjen, të ekipeve që do ta drejtojnë këtë parti drejt zgjedhjeve të ardhshme. Partia Demokratike nuk mund të vazhdojë të qëndrojë më gjatë pa kryetar. PD ka humbur kohë në pritje, ndërkohë që nuk ka asnjë reflektim nga pala tjetër, as pas rezultatit të zgjedhjeve të 14 majit.
Procesi për zgjedhjen e kryetarit të pëfundojë brenda datës 15 Korrik 2023.
Nëse vazhdojmë të rrimë në pritje, ateherë kjo i shërben vetem projektit te kundërshtarëve tanë politikë. Nuk duhet humbur më asnjë ditë kohë për organizimin e PD, zgjedhjen e drejtuesve dhe shndërrimit të Partisë Demokratike në forcën politike që kërkojnë sot shqiptarët./Dosja.al
TIRANË- Kreu i grupit parlamentar i Partisë Demokratike Gazment Bardhi vijon prej më shumë se 1 ore diskutimet me krerëve te degëve. Raportohet se 5 krerë degësh kanë folur deri tani, që kërkojnë sa me shpejt zgjedhje për kryetarin, mes tyre Pëllumb Seferi dhe Mirilda Collaku me argumentin qe PD ka nevojë për kryetar dhe për dikë që të drejtojë, ‘anëtarët e PD na e kërkojnë’ që zgjedhjet të mbahen sa më shpejt.
Ditën e sotme, Bardhi u paraqiti deputetëve demokratë një propozim që organizmi i partisë të nisë nga seksioni dhe më pas të bëhen zgjedhjet për kryetar. Kjo fazë e riorganizimit që nis nga seksioni, grupseksionet apo degët, të bëhet në mënyrë që t’i hapet rrugë edhe një procesi bashkimi mes demokratëve./Dosja.al
TIRANË- Pas mbledhjes me deputetë të Partisë Demokratike në Kryesinë e Kuvendit, Gazment Bardhi po mban një tjetër takim pasditen e sotme. Në selinë e re të PD-së, Bardhi ka mbledhur krerët e degëve nëpër rrethe, për të vijuar me diskutimet lidhur me të ardhmen e Partisë Demokratike.
Sot, pas mbledhjes me grupin, Bardhi zbardhi platofromën, tek e cila cilësohej si emergjente ndërprerja e menjëhershme e çdo sulmi, shpifje apo gjuhe urrejtje ndaj çdo anëtari të partisë apo cilido që mendon ndryshe. E po ashtu, një tjetër lëvizje që ai pret bashkimin e PD është ndërmarrja e tre hapave: Hapja e partisë dhe certifikimi i anëtarësisë aktuale; fillimi i procesit të zgjedhjeve në nivel seksioni, grupseksioni dhe dege; procesi i zgjedhjes së kryetarit të Partisë.
TIRANË- Për të ndryshuar situatën brenda Partisë Demokratike, grupi parlamentar, i kryesuar nga deputeti Gazment Bardhi ka dalë me një qëndrim zyrtar.
Në një prej pikave të qëndrimit të mbajtur, theksohet se është e nevojshme të krijohet një grup pune përbashkues që do të ndjekë hapat për certifikimin e anëtarësisë aktuale, zgjedhjet në nivel seksionesh dhe dege si dhe nisjen e procesit për zgjedhjen e kryetarit të ri të partisë.
Po ashtu, PD ka vendosur 3 hapa që sipas tyre do ndryshojë situatën;
- Hapi i parë: Hapja e partisë dhe certifikimi i anëtarsisë aktuale;
- Hapi i dytë: Fillimi i procesit të zgjedhjeve në nivel seksioni, grupseksioni dhe dege;
- Hapi i tretë : Procesi i zgjedhjes së kryetarit të Partisë.
Më tej, PD ka theksuar objektivat:
1. Ndasitë në mendime dhe qëndrime për çështje të ndryshme brenda Partisë Demokratike nuk duhet të shfokusojnë partinë nga misioni i saj për t’u bërë alternativë qeverisëse. Në këtë kuadër, është emergjente ndërprerja e menjëhershme e çdo sulmi, shpifje apo gjuhe urrejtje ndaj çdo anëtari të partisë apo cilido që mendon ndryshe.
2. Riorganizimi i Partisë Demokratike të Shqipërisë, me synim bashkimin e demokratëve, forcimin e partisë dhe ndërtimin e një partie moderne, gjithëpërfshirëse dhe që krijon besimin tek shumica e qytetarëve shqiptarë, duke angazhuar dhe afruar individë me reputacion dhe që i shërbejnë mbrojtjes së interesit publik.
3. Krijimin e një grupi pune përbashkues për ndjekjen dhe realizimin e procesit të riorganizimit.
4. Grupi i Punës që bën edhe drejtimin politik ngre grupe pune në nivel qarku për nisjen e një fushate ndërgjegjësuese në bazë me qëllim bashkimin mes demokratëve, si dhe fuqizimin dhe organizimin e partisë pa asnjë paragjykim dhe duke shmnagur cdo rrethanë apo faktor ndarës.
5. Grupi Parlamentar i Partisë Demokratike nuk mbështet asnjë proces organizimi të nxituar, të njanshëm, që nxit përçarjen dhe thellon ndasitë brenda Partisë Demokratike. Procesi duhet të synojë vetëm forcimin dhe eleminimin e debateve destruktive brenda partisë. Për këtë qëllim, duhet të tentohet ndihma, mbështetja dhe konsultimi me Partitë Popullore Europiane dhe partitë simotra.
QËNDRIM I GRUPIT PARLAMENTAR TË PARTISË DEMOKRATIKE
Duke analizuar me përgjegjësi maksimale rezultatin e zgjedhjeve të 14 Majit dhe pasojave që ka sjell ky rezultat për të ardhmen e Shqipërisë dhe interesin publik; Duke qenë të ndërgjegjshëm për atë që qytetarët shqiptarë dhe anëtarët e Partisë Demokratike në veçanti presin nga përfaqësuesit e tyre dhe nga Partia Demokratike;
Duke qenë përpara një qeverisje që ka minuar zgjedhjet e lira dhe të ndershme, përmes metodave të kundërligjshme, që mund të arrihen të kapërcehen vetëm përmes angazhimit të shumicës së heshtur të shqiptarëve që kanë humbur besimin tek politika;
Duke vijuar në të njëjtën linjë konstruktiviteti, që ka në themel vetëm interesin më të mirë të Partisë Demokratike dhe të Shqipërisë, sic është vepruar edhe me qëndrimet e Grupit Parlamentar të datave 22 Mars 2023, 16 Prill 2022, 31 Tetor 2022 apo 6 Mars 2023; Duke qëndruar të palëkundur në bindjen se partneriteti strategjik me Shtetet e Bashkuara të Amerikës, Britaninë e Madhe dhe vendet e Bashkimit Europian, është e vetmja rrugë për forcimin e Partisë Demokratike; Duke ripërsëritur apelin se lufta e brendshme në Partinë Demokratike dobëson opozitën dhe se situata kërkon që secili të tejkalojë interesin e vet ngushtësisht personal, për të ofruar dhe gjetur zgjidhje në interes të përbashkët të të gjithë opozitarëve dhe cdo qytetari të ndershëm që pret dhe kërkon ndryshimin në vend;
1. Ndasitë në mendime dhe qëndrime për çështje të ndryshme brenda Partisë Demokratike nuk duhet të shfokusojnë partinë nga misioni i saj për t’u bërë alternativë qeverisëse. Në këtë kuadër, është emergjente ndërprerja e menjëhershme e çdo sulmi, shpifje apo gjuhe urrejtje ndaj çdo anëtari të partisë apo cilido që mendon ndryshe.
2. Riorganizimi i Partisë Demokratike të Shqipërisë, me synim bashkimin e demokratëve, forcimin e partisë dhe ndërtimin e një partie moderne, gjithëpërfshirëse dhe që krijon besimin tek shumica e qytetarëve shqiptarë, duke angazhuar dhe afruar individë me reputacion dhe që i shërbejnë mbrojtjes së interesit publik.
3. Krijimin e një grupi pune përbashkues për ndjekjen dhe realizimin e procesit të riorganizimit, sipas një plani të qartë, transparent dhe gjithëpërfshirës, që ndjek këto hapa:
- Hapi i parë: Hapja e partisë dhe certifikimi i anëtarsisë aktuale;
- Hapi i dytë: Fillimi i procesit të zgjedhjeve në nivel seksioni, grupseksioni dhe dege;
- Hapi i tretë : Procesi i zgjedhjes së kryetarit të Partisë.
4. Grupi i Punës që bën edhe drejtimin politik ngre grupe pune në nivel qarku për nisjen e një fushate ndërgjegjësuese në bazë me qëllim bashkimin mes demokratëve, si dhe fuqizimin dhe organizimin e partisë pa asnjë paragjykim dhe duke shmnagur cdo rrethanë apo faktor ndarës.
5. Grupi Parlamentar i Partisë Demokratike nuk mbështet asnjë proces organizimi të nxituar, të njanshëm, që nxit përçarjen dhe thellon ndasitë brenda Partisë Demokratike. Procesi duhet të synojë vetëm forcimin dhe eleminimin e debateve destruktive brenda partisë. Për këtë qëllim, duhet të tentohet ndihma, mbështetja dhe konsultimi me Partitë Popullore Europiane dhe partitë simotra.
TIRANË- Rikthimi i Lulzim Bashës në botën politike e në PD ishte një nga çështjet që u pyet sot kreu i grupit parlamentar i PD-së, Gazment Bardhi. I pyetur se nëse rikthimi i Bashës është një kërcënim apo 'tmerr' për Berishën, Bardhi tha se nuk ishte ai personi që duhej pyetur.
PYETJE-PËRGJIGJE:
Pyetja- Rikthimi i Bashës ka tmerruar Berishën?
Bardhi- Për këtë do duhet të pyesni aktorët që ju përmendi.
TIRANË- Kreu i grupit parlamentar i PD-së, Gazment Bardhi nuk e përjashtoi mundësinë që të ulet e të bisedojë me kryedemokratin Sali Berisha. I pyetur nëse takimi me Berishën është tejkalimi i vijës së tij të kuqe, ai tha se është takuar me Ramën, duke shtuar se me të partisë së tij ulet në çdo kohë që të flasë.
Pyetja: A jeni i gatshëm që të takoni ballë për ballë me Berishën? A është kjo vija e kuqe apo tejkalohet?
Bardhi: Unë jap përgjigje siç unë dua ta jap. Platforma do të jetë publike, nëse ka apo jo vija të kuqe, pyetjes tuaj i kam kthyer përgjigje më shumë se 1 herë publikisht. Nuk kam kompleks që të ulem me cilindo, kur jam ulur me kundërshtarin tim Ramën, nuk kam komplekts që të ulem me të partisë time. Na jepmi më shumë kohë për të normalizuar raportet me njëri-tjetrin./Dosja.al
TIRANË- Grupi parlamentar i Partisë Demokratike i drejtuar nga Gazmend Bardhi përmes një platforme propozoi nisjen e rioganizimit me synim bashkimin e demokratëve. Në fjalën e tij për mediat, Gazment Bardhi tha se është i hapur për një takim me ish kryeministrin Sali Berisha, për një bashkim të PD. I pyetur nëse Tabaku ka pranuar pozicionin për të drejtuar PD, Bardhi tha se Tabaku është funksionarja më e lartë drejtuese e partisë, por sërish shtoi se nuk do të flasë ai në vendin e saj.
PJESË NGA PRONONCIMI PËR MEDIAT:
Pse mungoi Alibeaj?
Gazment Bardhi: Nuk kam komunikuar me të. Më lejoni t'ju sqaroj se në mbledhjen e fundit ishte prezent.
E ka pranuar Tabaku propozimin tuaj?
Bardhi: Ka një detyrim statutor, ajo që unë di t’ju them është se funksionari më i lartë drejtues i partisë për momentin është Tabaku.
Berisha nuk iu njeh si kreun e gr.parlamentar, a pengon kjo?
Bardhi: Ajo që unë gjykoj se është e rëndësishme, është gjuha përçarëse dhe ndasitë. Për mua ky është rrezik për Shqipërinë. Grupi parlamentar po gjen dhe po punon zgjidhje, më pas secili bën zgjedhjen e tij.
Ka komunikim mes jush dhe deputetëve që mbështesin ata që mbështesin Berishën?
Bardhi: Unë kam patur dhe ruaj marrëdhënie korrekte dhe personale me të gjithë, a diskutojmë ne sa herë takohemi. Po, patjetër.
Përfshin platforma juaj një drejtim kolegjial?
Bardhi: Është e thjeshtë, synon një gjë të bashkojë PD. Do ta bëjmë publike shumë shpejt.
TIRANË- Kreu i grupit parlamentar i Partisë Demokratike, Gazment Bardhi doli në një deklaratë për mediat pas përfundimit të mbledhjes. Ai u shpreh se detyra e çdo përfaqësuesi është që të forcohet partia. Bardhi tha se kjo parti duhet të kthehet një alternativë qeverisëse për zgjedhjet e ardhshme.
‘Mbledhja për vlerësimin e situatës në PD. Është e vetmja trupë brenda PD-së që ka bërë thirrje për bashkim dhe mos përçarje në PD. Nuk paragjykoj asnjë vendim të PD-së. Kjo nuk është çështje as të njëanshme as me kokëfortësi. Duhet të që PD të bëhet forcë alternative qeverisëse për zgjedhjet ardhshme. Unë kam një detyrë dhe përgjegjësi për drejtimin e partisë. Emrat e kryesisë secili prej kolegëve tuaj është njohur me listën e anëtarëve të kryesisë. Alibeaj nuk ka qenë sot. Në mbledhjen e fundit ka qenë i pranishëm. Ka një detyrim statutor, ajo që unë di t’ju them është se funksionari më i lartë drejtues i partisë për momentin është Tabaku.’- tha Bardhi.
Ai theksoi se PD duhet të të bashkohet dhe se duhet të ndalet gjuha përçarëse.
“Unë nuk paragjykoj asnjë njeri. Detyra e të gjithëve është forcimi i partisë demokratike dhe bëra e PD forcë qeverisëse në zgjedhjet e ardhshme. Nëse do të vijojmë me proceset përçarë do të ishte një gabim historik”, shtoi ai./Dosja.al
TIRANË- Ditën e sotme kreu i grupit parlamentar i Partisë Demokratike, Gazment Bardhi mblodhi deputetët në një mbledhje. Mirëpo, jo të gjithë deputetët morën pjesë. Ja kush mungoi dhe arsyet që kishin secili:
Mungojnë për shkak të një vizite në Maqedoni
-Jorida Tabaku
-Kreshnik Çollaku
-Flutura Açka
Mungon për shkak se i është bashkuar protestës në Borizanë
-Merita Bakiu
Ndërsa Enkelejd Alibeaj dhe Lulzim Basha munguan duke mos dhënë asnjë arsye.
Bardhi ka propozuar një platformë bashkimi mes demorkatëve. Në mbledhjen e grupit parlamentar të kësaj force politike, Bardhi ka propozuar organizimin e partisë nga seksioni e lartë. Ai është shprehur se duhet të bëhen përpjekje për të bashkuar demokratët nëpërmjet procesi organizimi./Dosja.al
TIRANË- Vazhdojnë diskutimet brenda grupit të Partisë Demokratike. Në mbledhjen e grupit parlamentar, Gazment Bardhi u paraqiti deputetëve demokratë një propozim. Për të, aktualisht PD, nuk duhet që të fokusohet tani në zgjedhjen e kreu të ri të PD-së. E po ashtu, propozon që organizmi i partisë të nisë nga seksioni dhe më pas të bëhen zgjedhjet për kryetar. Kjo fazë e riorganizimit që nis nga seksioni, grupseksionet, degët etj, të bëhet në mënyrë që t’i hapet rrugë edhe një procesi bashkimi mes demokratëve.
TIRANË- Zbardhen diskutimet e para brenda mbledhjes së grupit parlamentar të Partisë Demokratike. Në fjalën e saj brenda mbledhjes, deputetja Dhurata Çupi është shprehur se në drejtimin e partisë duhet të vijnë Jorida Tabaku ose Gazment Bardhi.
Po ashtu, ajo shtoi se në PD duhet të zhvillohet zgjedhjet dhe se duhet të drejtohen po nga Tabaku dhe Gazment Bardhi.
“Është ky grup që ka mbajtur PD. Jam dakord me platformën e sugjeruar nga Bardhi. Sugjeroj që partia të drejtohet nga Tabaku dhe Bardhi. Duhet të afrojmë sa më shumë personalitete në parti. Zgjedhjet urgjente do të jenë vrastare,”- është shprehur më tej Çupi.
TIRANË- Nis mbledhja e deputetëve të Partisë Demokratike e thirrur nga Gazment Bardhi. Nga të dhënat e deritanishme bëhet me dije se takimi po zhvillohet në Kryesinë e Kuvendit, ndërsa janë mësuar edhe emrat e deputetëve të pranishëm. Deputetët që po marrin pjesë janë në takim janë: Arbi Agalliu, Qani Xhafa, Dhurata Çupi, Helidon Bushati, Ferdinand Xhaferri, Bledjon Nallbati, Zheni Gjergji, Lefter Gështenja, Saimir Korreshi, Andia Ulliri, Ramadan Likaj, Gazment Bardhi, Flamur Hoxha dhe Dash Sula.
Ndërsa vihet re se mungojnë: Enkelejd Alibeaj; Lulzim Basha; Orjela Nebiaj; Jorida Tabaku; Kreshnik Çollaku dhe Flutura Açka.
