'20000 lega nën det, por me 4 ditë oksigjen'/ 5 turistët që shkuan për të parë Titanikun, zhduken pa asnjë gjurmë, në garë me kohën

Nëndetësja

Garde Bregdetare e Shteteve të Bashkuara, ka thënë se pesë personave që janë në nëndetësen e zhdukur në Oqeanin Atlantik, u ka mbetur oksigjen vetëm edhe për 40 orë. Nëndetësja e zhdukur i dërgon turistët në zonat e thella të Atlantikut për t’i parë pjesët e fundosura të Titanikut.

Kapiteni amerikan, Jamie Frederick, ka thënë se supozohet se në nisje, nëndetësja Titan mund të ketë pasur rezerva oksigjeni për 96 orë. Nëndetësja e ka humbur komunikimin me operatorët të dielën, kur ka qenë në zonën jugore të Njufaundllendit në Kanada.

Në nëndetëse janë miliarderi britanik, Hamish Harding dhe katër pasagjerë tjerë. Kompania OceanGate që mundëson këtë udhëtim, u kërkon pasagjerëve 250.000 dollarë për t’i parë nga afër pjesët e fundosura të anijes së famshme.

Pjesëmarrësit udhëtojnë rreth 595 kilometra me një anije të madhe, përmbi Titanik, dhe më pas e nisin një zhytje tetëorëshe me nëndetësen Titan, për të arritur në thellësi./VOA 

nëndetësja Titan

SHBA- Ndërsa ekipet e shpëtimit vazhdojnë të kërkojnë për anijen e zhdukur, ish-admirali Chris Parry i përshkroi pamjet "me të vërtetë shqetësuese". Eksperti paraqiti dy teori të mundshme për zhdukjen e papritur të nëndetëses, shkruajnë mediat e huaja.

“Nëse marrim parasysh kornizën kohore, është shumë shqetësuese”,- tha ai.

Sipas Parry-it ekziston mundësia që nëndetësja të jetë duke funksionuar, por ka humbur kontaktet me anijen e saj. Shqetësuese sipas tij është fakti që mund të ketë ndodhur një tragjedi dhe nëndetësja të ketë ngelur në rrënojat e Titanikut.

“Fillimisht mendoj se ka një opsion optimist që ose kanë humbur kontaktet me qendrën e kontrollit ose ka pasur një mosfunksionim, por nëndetësja vazhdon të funksionojë, por mesa duket nuk është në kontakt me anijen e saj amë. Së dyti gjithashtu është e mundur që të ketë ndodhur një tragjedi katastrofike dhe që nëndetësja të ngecë në rrënojat e Titanikut. Nuk e dimë ende përgjigjen”,- tha ai.

Ish-admirali përshkroi gjithashtu vështirësitë me të cilat përballen ekipet e shpëtimit.

"Ajo që ne dimë është se vendi i mbytjes është larg nga kudo. Objektet më të afërta të shpëtimit do të jenë në Bregun Lindor të SHBA. Është një operacion shumë i vështirë. Natyra aktuale e shtratit të detit është shumë e valëzuar. Vetë Titaniku shtrihet në një 'llogore'. Ka shumë mbeturina përreth, kështu që kërkimi me një nëndetëse tjetër do të jetë vërtet shumë i vështirë,"- shpjegoi ai.

Ndërkohë operacionet e kërkimit po vazhdojnë.

nëndetësja Titan

SHBA- Një operacion kërkim-shpëtimi është duke u zhvilluar në Atlantikun e Veriut pasi një nëndetëse që eksploronte rrënojat e Titanikut u zhduk të dielën. BBC raporton se anija kërkimore 'Polar Prince' humbi kontaktin me ekuipazhin e nëndetëses Titan një orë e 45 minuta pas zhytjes së saj. 

Cila është e reja në përpjekjet e shpëtimit?

Anija 'Princi Polar' mbërriti pranë vendndodhjes së mbytjes së Titanikut në Oqeanin Atlantik të dielën në mëngjes. Një postim në 'Facebook' nga një prej 5 turistët, Hamish Harding, i cili ishte në nëndetësen Titan, tha se ata prisnin të fillonin zhytjen në orën 04:00 me orën lokale. 

Nëndetësja me pesë persona "u fundos të dielën në mëngjes dhe ekuipazhi i Princit Polar humbi kontaktin me ta rreth një orë e 45 minuta pas zhytjes së anijes". Nëndetësja Titan mendohej të ishte afërsisht 900 milje (1450 km) nga bregu Cape Cod në atë kohë. Roja Bregdetare ka dërguar dy avionë C-130 Hercules për të kërkuar zhytësen në sipërfaqen e ujit dhe kërkimit i është bashkuar një avion kanadez C-130 dhe një aeroplan P8 i pajisur me aftësi sonar nënujore.

Kush ishte në bord?

Midis pesë personave në bordin e Titanit, deri më tani janë konfirmuar tre persona Hamish Harding , një biznesmen dhe eksplorues miliarder britanik 59-vjeçar dhe një biznesmen pakistanez Shahzada Dawood dhe djali i tij, Suleman Dawood.

Harding fillimisht njoftoi se do t'i bashkohej ekipit në qershor të vitit të kaluar dhe tha se ekuipazhi në anije përfshin "dy eksplorues legjendar, disa prej të cilëve kanë bërë mbi 30 zhytje në RMS Titanic që nga vitet 1980".

Eksploruesi francez Paul Henry Nargeolet gjithashtu mendohet të jetë në bord, sipas një postimi në Facebook nga zoti Harding para fillimit të zhytjes. Dyshohet se edhe Stockton Rush, shefi ekzekutiv i 'OceanGate' firma që qëndron pas zhytjes mendohet të jetë në anije.

Çfarë ishte duke bërë?

"OceanGate Expeditions" për 250,000 dollarë, u ofron turistëve një vend në ekspeditën e saj tetë ditore për të parë rrënojat e famshme, e cila ndodhet 3,800 metra (12,500 këmbë) nën sipërfaqen në fund të Atlantikut.

Vendi është rreth 600 km (370 milje) nga bregu i Newfoundland. Një zhytje e plotë në rrënoja, duke përfshirë zbritjen dhe ngjitjen, thuhet se zgjat tetë orë. Çdo ekspeditë zgjat tetë ditë sipas 'OceanGate' dhe çdo zhytje ka për qëllim të përfshijë një objektiv shkencor, duke përfshirë studimin e prishjes së rrënojave.

Çfarë dimë për Titanin?

Titan është një zhytëse e cila mban 5 persona, e ndërtuar për të zbritur në thellësi 4000 metra (2.5 milje).
Përveç marrjes së zhytësve në rrënojat e Titanikut, ai përdoret për studim dhe inspektim në terren, kërkime dhe mbledhje të të dhënave, prodhim filmash dhe mediash. Titan është "pajisur me sisteme më të avancuara ndriçimi dhe navigimi sonar plus pajisje video dhe fotografike 4K të montuara brenda dhe jashtë".

nëndetëse

SHBA- Një video e siguruar nga BBC tregon pamjet në brendësi të nëndetëses së kompanisë "OceanGate Titanic" e cila u zhduk pas një zhytjeje për të parë rrënojat e Titanik.

Në pamjet e publikuara shihet Stockton Rush, shefi ekzekutiv i OceanGate, i cili raportohet se është një nga pesë personat që ndodhej në anije. Rush ndodhet brenda nëndetëses dhe tregon se si kontrollohet ajo vetëm nga një pult kontrolli.

Ekipet e kërkimit amerikan dhe kanadez po punojë për të gjetur anijen, e cila humbi kontaktin vetëm një orë e 45 minuta pas një zhytjeje të dielën. Nëndetësja me turistë ishte dërguar me një mision për të identifikuar rrënojat e Titanikut.