Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Qeveria e Kosovës ka bërë me dije se me shumë gjasa, nesër do ketë takim Serbi-Kosovë në Bruksel. • Do vihen përballë kryeministri Albin Kurti dhe presidenti i Serbisë, Aleksandçr Vuçiç. • Kështu ka thënë më 19 nëntor, zëdhënësi i Qeverisë Përparim Kryeziu, duke shtuar se do ta njoftojnë publikun kur të konfirmohet ky takim. • Por koha është e kufizuar sepse më 21 nëntor fillon edhe implementohet gjoba për ata që nuk vendosin targat. • Pavarësisht se ende nuk është bërë publike agjenda, takimi pritet të përqendrohet në uljen e tensioneve mes dy vendeve. • Që nga 1 nëntori kur Qeveria e Kosovës ka nisur zbatimit të planit për riregjistrimin e makinave me targa të paligjshme serbe, tensionet mes Kosovës dhe Serbisë janë rritur. • Pas shtyrjes së përkohshme, Albin Kurti vendosi që të gjobisë me 150 euro, për të gjithë shoferët e makinave me targa ilegale serbe. • Plani i Qeverisë parashikon që të gjitha makinat me targa serbe të konvertohen në targa të Kosovës, deri më 21 prill të vitit 2023. • Shtetet e Bashkuara dhe Bashkimi Evropian vazhdimisht i kanë kërkuar Qeverisë që të mos nisë zbatimin e fazës së dytë nga 21 nëntori, por Kurti deri më tani është i vendosur, edhe pse është përballur më reagime të ashpra nga ndërkombëtarët.
2 artikuj për këtë temë.
PRISHTINË- Qeveria e Kosovës ka thënë se “me shumë gjasë” nesër do të ketë një takim në Bruksel mes kryeministrit të Kosovës, Albin Kurti dhe presidentit të Serbisë, Aleksandër Vuçiç. Lajmin e ka bërë me dije për Gazetën Ekspress zëdhënësi i Qeverisë, Përparim Kryeziu, i cili shtoi se do ta bëjnë të ditur edhe orën e takimit. Për këtë takim, zëdhënësi i Bashkimit Europian, Peter Stano tha se mund të ndodhë shumë shpejt. Por e vetmja gjë është se duhet të ndodhë para 21 nëntorit.
PRISHTINË- Vetëm 48 orë kanë mbetur deri më 21 nëntor – dita që Prishtina ka caktuar për fillimin e vendosjes së gjobave për ata që nuk riregjistrojnë targat dhe nuk i vendosin shenjat "RKS". Nëse ajo datë do të jetë ditë me trazira, apo nëse mund të arrihet ndonjë zgjidhje, askush nuk mund ta konfirmojë.
Frika nga përshkallëzimi në veri të Kosovës nuk ndalet për këtë arsye dhe mesazhe të tilla vijnë nga të gjitha anët: nga BE-ja, nga Beogradi në Prishtinë. Dje nga Brukseli kanë mbërritur ftesa për presidentin serb Aleksandër Vuçiç dhe kryeministrin e Kosovës, Albin Kurti për dialog.
"Ne i ftuam të dy në Bruksel për të gjetur një zgjidhje evropiane, një rrugëdalje evropiane nga situata aktuale, e cila është një nga më seriozet që nga viti 2013. Dhe ky është qëllimi. Ne i ftuam ata në Bruksel. Shpresojmë që ata të vijnë shumë shpejt, që ne ta zgjidhim çështjen, para 21 nëntorit dhe jo më pas," - tha zëdhënësi i BE-së, Peter Stano.
Takim për fundjavë?
Praktikisht kjo do të thotë se takimi mund të bëhet këtë fundjavë, nëse Vuçiç dhe Kurti pranojnë të përgjigjen. Presidenca serbe ka konfirmuar se Vuçiç ka marrë një ftesë, por se ende nuk dihet nëse dhe kur do të shkojë në atë takim.
Nga ana tjetër, akuzat vijnë nga Kurti dhe nga Estonia. Ai është, siç thotë ai, optimist, por drejton gishtin nga Beogradi me vlerësimin se është janë shkatërrues se çdo mundësi kompromisi. Në përgjithësi, gjithçka është e pavendosur, thirrja për dialog është bërë, nuk dihet se kur do të zhvillohet. Dyshohet se ka propozime për zgjidhjen e problemit të targave dhe se BE-ja po ndërmjetëson sërish, vetëm se këtë herë ka shpresa se do të ketë më shumë sukses se më parë.
