Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Hedhja e kapeleve nga efektivët e Policisë së Shtetit është kthyer në një temë diskutimi në vend gjatë ditëve të fundit. • E gjitha nisi pasi gazetari Artan Hoxha bëri deklaratën e fortë në një emision televiziv ku deklaroi se 1 mijë e 200 efektivë policie kanë dorëzuar dorëheqjen dhe presin të largohen. • Ndërkohë që deklarata e tij u pasua nga kryedemokrati Sali Berisha, i cili në konferencën e tij të përjavshme me gazetarët u shpreh se 2500 efektivë duan të largohen nga puna për shkak të pagave e kushteve mizerabël. • Edhe pse nuk foli me numra, kryeministri Edi Rama ktheu përgjigje sot nga Dibra, duke u shprehur gjithçka që thuhet nga opozita është një mashtrim. • Mirëpo mohimi i Ramës u vu përballë një denoncimi me zë e figurë të një efektivi policie. • Klodian Xhaferri deklaroi se pagat e ulëta, mos marrja e dietave dhe shpërblimeve si dhe niveli i stresit janë ndër arsyet kryesore që punonjësit e policisë sapo përfundojnë stazhin 5-vjeçar pas përfundimit të akademisë japin dorëheqjen. Duke konfirmuar kështu trendin në ikje të kolegëve të tij. • Për këtë të fundit ka ardhur edhe një deklaratë zyrtare nga Policia e Shtetit. Sipas tyre nuk është aspak e vërtetë që gjatë muajve te fundit janë larguar 600 punonjës policie. • Po ashtu, ata pretendojnë se Policia e Shtetit, ndjek një politikë rinovimi të moshës së punonjësve të policisë dhe në këtë kuadër vit pas viti, kursantët e diplomuar emërohen në strukturën e Patrullës së Përgjithshme në të gjithë vendin. • Madje shtojnë se efektivët i kanë marrë të gjithë paratë për orët shtesë, por edhe dietat.
4 artikuj për këtë temë.
TIRANË- Kryeministri Edi Rama ka akuzuar mediat se po dezinformojnë qëllimisht qytetarët dhe se kërkojnë favore të jashtëligjshme. Reagimi i Ramës vjen pas lajmeve që qarkulluen ditën e djeshme në media pas deklaratës së një ish-efektivi të forcave të rendit të dhënë për Top Channel, i cili u shpreh se çdo ditë 7 punonjës largohen nga Policia. Në një postim në Twitter, Rama iu përgjigjet akuzave të largimit të shqiptarëve nga vendi dhe se banorët, të cilëve iu shemben shtëpitë nga tërmeti nuk kanë marrë akoma banesat e premtuara.
Numri një i qeverisë shtoi se përveç medias që dezinformon dhe kundërshtarët e tij politikë janë përditë të tërbuar dhe të dëshpëruar.
"700 mijë shqiptarë kanë ikur 12 vitet e fundit. 7 punonjës në ditë ikin nga policia. Tre vite pas tërmetit s’kanë shtëpi. Këta janë tituj lajmesh të rreme në ekrane private kombëtare që kanë një mision: Dizinformim e nxitje kundër qeverisë! Arsyeja? Duan favore të paligjshme", shkruan Rama.
POSTIMI I RAMËS:
“700 mijë shqiptarë kanë ikur 12 vitet e fundit”•“7 punonjës në ditë ikin nga policia”•”Tre vite pas tërmetit s’kanë shtëpi”.Këta janë tituj lajmesh të rreme në ekrane private kombëtare që kanë një mision: Dizinformim e nxitje kundër qeverisë!Arsyeja? Duan favore të paligjshme!
— Edi Rama (@ediramaal) October 30, 2022
Ky reagim vjen pas një interviste të një ish-efektivi policie. Klodian Xhaferri tha për Top Channel se pagat e ulëta, mos marrja e dietave dhe shpërblimeve si dhe niveli i stresit janë ndër arsyet kryesore që punonjësit e policisë sapo përfundojnë stazhin 5-vjeçar pas përfundimit të akademisë japin dorëheqjen. Fillimisht dorëheqjet masive të efektivëve për shkak të kushteve të punës u denoncuan nga gazetari Artan Hoxha dhe u përforcuan nga kryedemokrati Sali Berisha. Vetë kryeministri Edi Rama, e ciloi një 'gënjeshtër të ligë' të kreut të opozitës.
TIRANË- Policia e Shtetit ka hedhur poshtë lajmet e publikuara dhe dëshminë e një ish-efektivi policie, i cili deklaronte se çdo ditë largohen 6 apo 7 efektivë nga strukturat e shtetit. Në një njoftim zyrtar, PSH shkruan se nuk është aspak e vërtetë që gjatë muajve te fundit janë larguar 600 punonjës policie. Sipas Policisë së Shtetit, në struktura po ndiqet rinovimi i moshës së punonjësve të policisë dhe në këtë kuadër vit pas viti në Akademinë e Sigurisë, kryejnë Kolegjin e Policisë 250 kursantë të cilët pas kryerjes së teorisë dhe praktikës në terren, e më pas emërohen në strukturën e Patrullës së Përgjithshme në të gjithë vendin. Në njoftim theksohet gjithashtu se pagat janë rritur dhe se dietat e orët shtesë u paguhen rregullisht.
Sqarim i Policisë së Shtetit:
Mbi lajmin e bërë publik në një nga televizionet kombëtare ku pretendohet se nga radhët e Policisë së Shtetit, kërkojnë të largohen çdo ditë 5 deri në 7 punonjës Policie të nivelit zbatues dhe se numri i punonjësve të Policisë së Shtetit është reduktuar për këtë shkak, sqarojmë opinonin publik se: Nuk është aspak e vërtetë që gjatë muajve te fundit janë larguar 600 punonjës policie. Policia e Shtetit, ndjek një politikë rinovimi të moshës së punonjësve të policisë dhe në këtë kuadër vit pas viti në Akademinë e Sigurisë, kryejnë Kolegjin e Policisë 250 kursantë të cilët pas kryerjes së teorisë dhe praktikës në terren, emërohen në strukturën e Patrullës së Përgjithshme në të gjithë vendin.
Me vendimin e fundit të qeverisë i cili ka hyrë në fuqi më 1 Tetor 2022, punonjësve të Policisë të nivelit bazë iu është rritur paga me 15%, ku të gjithë punonjësit e nivelit zbatues, efektet financiare i kanë përfituar menjëherë. Kërkojmë mirëkuptimin e medias, që para se të publikojë lajme që i përkasin punës së Policisë së Shtetit të kërkojë të dhëna zyrtare pranë strukturave përkatëse në Policinë e Shtetit, me qëllim informimin e saktë të opinionit publik. Gjithashtu sqarojmë opinonin publik se orët shtesë dhe dietat paguhen rregullisht sipas afateve që parashikon ligji dhe puna e Policisë së Shtetit matet dhe bazohet në statistika të cilat janë ligjore dhe aspak fiktive. Sigurojmë qytetarët se Policia e Shtetit është tërësisht e angazhuar dhe e vendosur për të luftuar paligjshmëritë, krimin në përgjithësi dhe krimin e organizuar në veçanti dhe në këtë kaudër, fton sërisht ata që të mbështesin akoma më shumë Policinë e cila punon e sakrifikon përditë për të krijuar një ambient sa më të sigurtë për qytetarët.
Ky reagim vjen pas një interviste të një ish-efektivi policie. Klodian Xhaferri tha sot për Top Channel se pagat e ulëta, mos marrja e dietave dhe shpërblimeve si dhe niveli i stresit janë ndër arsyet kryesore që punonjësit e policisë sapo përfundojnë stazhin 5-vjeçar pas përfundimit të akademisë japin dorëheqjen. Fillimisht dorëheqjet masive të efektivëve për shkak të kushteve të punës u denoncuan nga gazetari Artan Hoxha dhe u përforcuan nga kryedemokrati Sali Berisha. Vetë kryeministri Edi Rama, e ciloi një 'gënjeshtër të ligë'.
TIRANË- Çdo ditë 5 deri në 7 punonjës policie kërkojnë të heqin dorë nga uniforma blu. Kryesisht ata janë nga niveli bazë. Ndryshe nga çfarë deklaroi kryeministri Edi Rama sot, Top Channel raporton se vetëm gjatë muajve të fundit 600 punonjës policie të nivelit bazë janë larguar. Nga Dibra, kreu i qeverisë e cilësoi një gënjeshtër të ligë denoncimin e bërë më herët nga kryedemokrati Sali Berisha, i cili ka deklaruar se afro 2500 policë duan të largohen nga detyra.
"Të thuash që 2500 policë kanë ikur nga policia kanë dhënë dorëheqjen kjo është rrënë. Po një rrenë e ligë, jo rrenë për qejf,"- tha Rama, por një efektiv tregon tjetër panoramë brenda radhëve të Policisë së Shtetit.
Klodian Xhaferri thotë se pagat e ulëta, mos marrja e dietave dhe shpërblimeve si dhe niveli i stresit janë ndër arsyet kryesore që punonjësit e policisë sapo përfundojnë stazhin 5-vjeçar pas përfundimit të akademisë japin dorëheqjen. Në një intervistë për TopChannel, ai thotë se megjithëse e kishte pasion këtë profesion për të cilin u arsimua në Turqi dhe mori gradën nënkomisar pas 7 vitesh punë, dha dorëheqjen.
“Paguhesha 57 mijë lek. Patrulloja me makinën time dhe në ngjarje shkoja me makinën time. Në polici nuk merret për bazë terreni por statistikat. Nëse nuk i ke statistikat si ti kërkojnë do detyrohesh të gënjesh. Polici kur nuk gjen dot të drejtën e tij si mund ti japë të drejtë qytetarit. Eprori thotë do bëhet si them unë jo si thotë ligji,"- tha Klodian Xhaferri, ish-punonjës policie.
PESHKOPI- Lajmin për largimin e policëve nga detyra e ka komentuar ditën e sotme kryeministri Edi Rama. Ai u shpreh se e gjithë kjo që po thuhet nga opozita është një mashtrim.
Duke iu referuar zgjedhjeve vendore lokale te 14 majit 2023, Rama tha “taksirati jonë t’i mundim dhe një herë, mirë”.
'Le të dalin të thonë jo 22 milonë euro por 220 milionë euro i kushtoi kryeministri këtjij populli me avionin ndërkohë që e vërteta është që falë atij avioni promocional udhëtimet e mia kanë kushtuar më pak se gjysma e fondeve të kryeministrisë që as emrin nuk ia përmend dot se më vjen për të vjellë. Po e ndaloj këtu se do më sulmojnë sa të ikin kamerat këto të dyja që kam në krah se thonë flasim për pozitivitetin, punën, se pastaj këta të marrin fjalët ti cojnë. Këta të bëjnë ca të duan, do vijojmë të bëjmë atë që mundemi.
Tjetër gjë është të thuash do e hapim rrugën e Arbrit në verë e nuk është hapur se ka dalë problem gjeologjik i paparashikuar. Këto ndodhin rrugës, por ti nuk the një rrenë. Kurse ti thuash që 2500 policë kanë ikur nga policia kanë dhënë dorëheqjen kjo është rrënë. Po një rrenë e ligë, jo rrenë për qejf, dola për gjueti e vrava 7 derra sepse vlen nga konsiderimi i popullit një turmë që nuk meriton respekt e të dijë të vërtetën përvec se të kapet për hunde e të përodret për interesa personale. Normal që vijon e sot se është një pjesë e njerëzve që janë gati ta hanë rrenën e të përdoren me qejfin më të madh. Kur dhe bota e aleatët thonë boll, boll. Okej, ne këtu jemi do vijojmë punën e taksirati jonë t’i mundim dhe një herë mirë.'- tha Rama.
