Kaos/ Abazoviç sulmohet në një klub nate, sigurimi hedh gaz lotsjellës, Policia: Kryeministri është shëndosh e mirë

Dritan Abazoviç

MAL I ZI- Drejtoria e Policisë në Mal të Zi ka dalë me një njoftim zyrtar lidhur me incidentin mbrëmjen e djeshme në një klub nate në Budva, ku i pranishëm ishte edhe kryeministri Dritan Abazoviç dhe disa persona janë përfshirë në sherr. Sipas policisë, kreu i qeverisë malazeze është evakuuar në vend të sigurt në momentin që ka nisur sherri, ndërsa theksoi se Abazoviç nuk ka lidhje me ngjarjen. Policia njofton se personat e përfshirë në konflikt janë neutralizuar me një spraj jo të dëmshëm, shkruan Vijesti.

“Ai është larguar shëndoshë e mirë nga kjo ndërtesë, në prani të efektivëve të policisë të cilët janë angazhuar në sigurimin e tij personal, për arsye që nuk kanë të bëjnë me ngjarjen ku ka ndodhur cenimi i rendit dhe qetësisë publike nga disa persona në të njëjtin pallat, kur ka ndërhyrë sigurimi vendor Për këtë arsye ka pasur shkelje të rendit dhe qetësisë publike nga disa persona, për çka edhe punonjësit e policisë kanë ndërmarrë aktivitete në juridiksionin e tyre, kanë lëshuar një paralajmërim për këta persona dhe më pas një urdhër, të cilin e kanë shpërfillur dhe punonjësit e policisë kanë përdorur një sprej me efekt irritues ndaj tre personave”, thuhet në njoftimin e policisë.

Ata shtojnë se këta persona janë sjellë në objektet zyrtare të Departamentit të Sigurisë së Budvës, prej tyre janë mbledhur raporte për procesverbal dhe për ngjarjen është njoftuar prokurori në Prokurorinë Themelore të Shtetit në Kotorr.

“Të cilët pas këqyrjes së shkresave të lëndës kanë deklaruar se veprimet e këtyre personave nuk përmbajnë elemente të veprës penale për të cilën ndërmerret ndjekja sipas detyrës zyrtare, ndaj tyre do të bëhet kallëzim kundërvajtës për kundërvajtje nga Ligji për Rendin dhe Paqen”, thuhet në njoftimin e policisë. 

Momenti kur Abazoviç del nga klubi i natës

MAL I ZI- Kryeministri i Malit të Zi, Dritan Abazoviç u raportua se u sulmua në një klub nate në Budvë, por këtë e mohon portali CdM, i cili ka publikuar një video ku ai shihet duke dalë nga klubi i natës. Pas përleshjes, Policia e ka larguar Abazoviçin. 

Në video shihet disa persona duke dalë nga klubi i natës duke kollitur. Policia tha se ka përdorur sprej irritues, por vetëm kur Abazoviq ka dalë nga aty. Dëshmitarët okularë të ngjarjes i thanë CdM më herët se e kishin parë Policinë ta evakuoonte Abazoviçin dhe të ndalonte disa persona.

Kliko KËTU për të parë videon

Dritan Abazoviç

MAL I ZI- Dritan Abazoviç, kryeministri i Malit të Zi është sulmuar mbrëmjen e kaluar në një diskotekë në Budva, mëson 'Kurir'.

Sulm ndaj Abazoviç ndodhi gjatë performancës së Dino Merlin në diskotekën Top Hill, e cila ndodhet në majë të Toplishit në Budva.

Abazoviç ishte në shfaqjen e Merlinit, kur një nga vizitorët tentoi t'i afrohej dhe ta sulmonte. Ai e ka ofenduar e më pas tentoi që t'i afrohej. Sigurimi i kryeministrit teknik reagoi me shpejtësi.

Më pas u hodh gaz lotsjellës dhe Abazovic u evakuua. Ai është mirë dhe nuk është i lënduar. Aktualisht po vijojnë hetimet nga policia lokale, e cila po merr të gjitha masat për identifikimin dhe ndjekjen penale të pjesëmarrësve në sulm./Dosja.al