Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• SPAK zbarkon në Drejtorinë Vendore të Policisë së Elbasanit. • Struktura e Posaçme kundër Korrupsionit dhe Krimit të Organizuar ka dërguar në GJKKO një dosje tjetër lidhur me korrupsionin dhe shpërdorimin e detyrës. • GJKKO, sot, ka caktuar masat e sigurisë për 5 persona, 2 prej tyre oficerë të policisë gjyqësore që merrnin ryshfet. • Në pranga kanë përfunduar Çelnik Toska dhe Sefer Shuka, të cilët akuzohen se në bashkëpunim me Lulzim Hasën kanë marrë nga Lirian dhe Zene Targjani para për t'u kryer favore. • Sipas hetimeve të SPAK është mësuar se 2 OPGJ-të, lejonin kthimin e makinave të bllokuara tek qytetarët dhe për shërbimin e kryer merrnin 500 deri në 1 milion lekë për çdo automjet që kthenin. • Në masën e sigurisë "arrest me burg" është vendosur Lulzim Hasa, ndërsa detyrim paraqitjeje është caktuar për Safer Shukën, Lirian dhe Zenel Taragjinin. • Ky i fundit anëtar në këshillin bashkiak të Gramshit. • Ndërsa në "arrest shtëpie" është vendosur oficeri i policisë gjyqësore Çelnik Toska.
3 artikuj për këtë temë.
TIRANË- Ditën e sotme, u vunë në pranga dy inspektorë të Policisë në Elbasan dhe tre të tjerë pasi akuzohen korrupsion dhe ushtrim ndikimi të paligjshëm ndaj funksionarëve të drejtësisë. Mirëpo, sipas 'Oranews', këta persona nuk kanë pasur për qëllim tu marrin qytetarëve vetëm shuma financiare por edhe të mira material.
Gjatë hetimeve të kryera përmes përgjimeve ambientale dhe vëzhgimeve në teren, SPAK dhe Byroja Kombëtare e Hetimit, ka zbuluar se njëri nga inspektorët e policisë Elbasan, i ka marrë një qytetari dhe një viç të therur. Inspektori Çelnik Toska, i cili aktualisht është arrestuar në masën e sigurisë “arrest në shtëpie”. Toska në një rast është provuar se ka marrë nga Zenel Taragjini dhe babai i tij, Lirian Taragjini, një viç të theror.
Sasia e mishit është marrë në këmbim të lirimit të një automjeti, që ishte bllokuar nga policia e Elbasanit.
Sot, gjykata ka caktuar masën e sigurisë “arrest në shtëpi” për Çelnik Toskën, prokuroria e Posaçme SPAK, tashmë ka apeluar këtë vendim duke kërkuar caktimin e masës së “arrestit në burg, për punonjësin e policisë së Elbasanit./Dosja.al
SPAK mbyll hetimet për korrupsion, një arrest në burg, një arrest shtëpie dhe 3 detyrim paraqitje. "Arrest shtëpie" për oficerin e policisë gjyqësore në Elbasan, Çelnik Toska; detyrim paraqitje për oficerin e policisë gjyqësore në Elbasan, Sefer Shuka; Hetimet e SPAK për korrupsion, arrest në burg Lulzim Hasës, detyrim paraqitje për Lirian e Zenel Taragjinin
ELBASAN- 5 persona në Elbasan janë nën hetim nga Struktura e Posaçme kundër Korrupsionit dhe Krimit të Organizuar pasi akuzohen korrupsion dhe ushtrim ndikimi të paligjshëm ndaj funksionarëve të drejtësisë. Konkretisht, një oficer i policisë gjyqësore në Drejtorinë e Policisë Elbasan Ç.Toska është lënë në arrest shtëpie. Sipas njoftimit të lëshuar nga SPAK, edhe oficeri tjetër i policisë gjyqësore, S.Shuka është lënë në masën e detyrimit të paraqitjes. Ndërsa L.Hasa është lënë në masën arrest në burg, ndërsa Z.T. dhe L.T. janë lënë në detyrim paraqitje.
Hetimi për këtë çështje ka nisur më datë 3 Nëntor 2022 dhe ka rezultuar se, sipas SPAK, oficerët e policisë gjyqësore Ç.Toska dhe S.Shuka, si dhe qytetari L.Hasa kanë marrë në disa rasre përfitime monetare dhe përfitime materiale nga Z.T. dhe L.T.
Hetimet paraprake për këtë procedim penal janë në vazhdim e sipër dhe ende nuk kanë përfunduar.
Njoftim për shtyp:
Prokuroria e Posaçme kundër Korrupsionit dhe Krimit të Organizuar mbi bazën e materialeve të referuara nga Prokuroria e Përgjithshme, ka regjistruar procedimi penal nr.187 datë 03.11.2022, për veprën penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, të parashikuara nga nenet 245/1 dhe 319/ç të Kodit Penal.Nga veprimet hetimore të kryera për këtë proçedim penal nga BKH, janë krijuar dyshime të arsyeshme të bazuara në prova se shtetasit Ç.T dhe S.SH në detyrën e Oficerit të Policisë Gjyqësore pranë Drejtorisë Vendore të Policisë Elbasan, si dhe shtetasi L.H, kanë marrë në disa raste nga shtetasit Z.T dhe I.T, përfitime monetare të parregullta, në shuma monetare si dhe përfitime të tjera materiale, për të kryer veprime të lidhura me detyrën dhe funksionin e tyre. Në kuadër të hetimeve paraprake të këtij proçedimi penal, me kërkesë të Prokurorisë së Posaçme kundër Korrupsionit dhe Krimit të Organizuar Tiranë, me vendimin me nr.45, datë 22.05.2023 të Gjykatës Posaçme e Shkallës së Parë për Korrupsionin dhe Krimin e Organizuar Tiranë, është vendosur:
– Caktimi i masës së sigurimit “Arrest në burg” të parashikuar nga neni 238 i Kodit të Procedurës Penale për personin nën hetim L.H, i dyshuar për veprën penale “Ushtrimi i ndikimit të paligjshëm ndaj personave që ushtrojnë funksione publike” të parashikuar nga neni 245/1, paragrafi 4 i Kodit Penal.
– Caktimi i masës së sigurimit “Arrest në shtëpi” të parashikuar nga neni 237 i Kodit të Procedurës Penale për personin nën hetim Ç.T, i dyshuar për veprën penale, “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, parashikuar nga neni 319/ç i Kodit Penal.
– Caktimi i masës së sigurimit “Detyrimi për tu paraqitur në policinë gjyqësore” të parashikuar nga neni 234 i Kodit të Procedurës Penale për personin nën hetim, Z.T, i dyshuar për veprën penale, “Korrupsioni aktiv i gjyqtarëve, prokurorëve dhe funksionarëve të tjerë të organeve të drejtësisë”, të parashikuar nga neni 319 i Kodit Penal.
– Caktimi i masës së sigurimit “Detyrimi për tu paraqitur në policinë gjyqësore ” të parashikuar nga neni 234 i Kodit të Procedurës Penale për personin nën hetim, S.Sh, i dyshuar për veprën penale, “Ushtrimi i ndikimit të paligjshëm ndaj personave që ushtrojnë funksione publike” të parashikuar nga neni 245/1 paragrafi 3 i Kodit Penal.
– Caktimi i masës së sigurimit “Detyrimi për tu paraqitur në policinë gjyqësore” të parashikuar nga neni 234 i Kodit të Procedurës Penale për personin nën hetim L.T, i dyshuar për veprën penale, “Ushtrimi i ndikimit të paligjshëm ndaj personave që ushtrojnë funksione publike” të parashikuar nga neni 245/1 paragrafi 2 i Kodit Penal.
Shërbimet e policisë gjyqësore të Drejtorisë së Policise Tiranë kanë ekzekutuar në datën 24.05.2023 masat e sigurimit personale të vendosur ndaj personave nën hetim të mësipërm. Hetimet paraprake për këtë proçedim penal janë në vazhdim e sipër dhe ende nuk kanë përfunduar.
