Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Gjykata e Apelit të Posaçëm rrëzoi sot kërkesën e SPAK për caktimin e masës "arrest shtëpie" ndaj kreut të Partisë Demokratike Sali Berisha duke vendosur masën "detyrim paraqitje" dy herë në muaj. • Seanca, që drejtohet nga gjyqtari i posaçëm, Engert Pëllumbi, nisi pak pas orës 10:00 teksa në sallë ndodhej dhe avokati i kryedemokratit, Genc Gjokutaj. • Thuajse tre javë më parë, SPAK apeloi në Apelin e Posaçëm lirimin e kreut të PD-së Sali Berisha nga "arresti shtëpiak" dhe kërkoi rikthimin e masës. • Berisha është liruar nga masa "arrest shtëpie" më 27 nëntor 2024. • Avokati Genc Gjokutaj tha për mediat pas vendit të Apelit të GJKKO-së se janë ende të paqartë për këtë vendim. • Gjokutaj tha se kjo gjykatë nuk është më pak e kapur se Gjykata Kushtetuese. • Ai shtoi se ky vendim është zgjidhja më e keqe që i është dhënë ndonjëherë, se nuk ka zgjidhur asnjë problem. • Berisha e ka cilësuar masën si vendim pa asnjë bazë ligjore, ndërsa është shprehur se do ta respektojë vendimin. • Ai u shpreh se tashmë çështjen e ka dërguar edhe në gjykatën e Strasburgut.
9 artikuj për këtë temë.
TIRANË- Kryetari i Partisë Demokratike, Sali Berisha ka reaguar pasi Apeli i GJKKO-së, i caktoi masën "detyrim paraqitje" dhe rrëzoi ankimimin e SPAK për rikthimin e arrestit në shtëpi.
Berisha e ka cilësuar masën si vendim pa asnjë bazë ligjore dhe si përpjekje e SPAK "për të justifikuar veprat e tyre".
“Vendim pa asnjë bazë ligjore, pilulë elektorale për të pashpresin Edi Rama, përpjekje e dështuar e organizatës kriminale që quhet SKAPI i partisë për të justifikuar veprën e tyre”, tha Berisha.
I pyetur nëse do ta respektojë masën e vendosur ndaj tij, Berisha tha se po dhe u shpreh se tashmë çështjen e ka dërguar edhe në gjykatën e Strasburgut.
“Unë çështjen e kam në Strasburg, vendimin do e respektoj sepse çështja siç dihet është në gjykatën e Strasburgut dhe kjo i shtohet dosjes”, tha ai.
Gjykata e Apelit të Posaçëm rrëzoi sot kërkesën e SPAK për caktimin e masës "arrest shtëpie" ndaj kreut të Partisë Demokratike Sali Berisha duke vendosur masën "detyrim paraqitje" dy herë në muaj. Seanca, që u drejtua nga gjyqtari i posaçëm, Engert Pëllumbi, nisi pak pas orës 10:00 teksa në sallë ndodhej dhe avokati i kryedemokratit, Genc Gjokutaj.
Thuajse tre javë më parë, SPAK apeloi në Apelin e Posaçëm lirimin e kreut të PD-së Sali Berisha nga "arresti shtëpiak" dhe kërkoi rikthimin e masës. Berisha është liruar nga masa "arrest shtëpie" më 27 nëntor 2024. Ky vendim u mor nga gjyqtarja Flojera Davidhi. Avokati i kreut të PD-së, Genc Gjokutaj deklaroi atë ditë se ndaj Berishës nuk është caktuar asnjë masë tjetër sigurie. Ai shtoi po atë ditë se Prokuroria kërkoi që Berisha të qëndronte në "arrest shtëpie".
TIRANË- Deputetja e PD-së për Qarkun e Lezhës, Elda Hoti ka reaguar përmes një postimi në llogarinë e tij në "Facebook" në lidhje me vendimin e Gjykatës së Apelit të Posaçëm ndaj kreut të Partisë Demokratike, Sali Berisha. Apeli i GJKKO-së rrëzoi sot kërkesën e SPAK për caktimin e masës "arrest shtëpie" ndaj Berishës duke vendosur masën "detyrim paraqitje" dy herë në muaj.
Në reagim Hoti shkruan se drejtësia vazhdon të funksionojë me dy standarde. Sipas saj hajdutët dhe të korruptuarit që kanë vjedhur miliona nga taksat e popullit lihen të lirë, mbrohen dhe fuqizohen, ndërsa ndaj atyre që guxojne të kundërshtojne regjimin, vendosen masa kufizuese dhe procese të stisura.
Hoti shkruan se SPAK dhe institucionet e tjera të drejtësisë, po përdoren si mjet për përndjekje politike, për të mbajtur pushtetin dhe për të izoluar çdo zë kritik. Sipas saj Berisha ka sfiduar të gjitha stuhitë politike dhe ka mbrojtur interesat e shqiptarëve. Ajo shtoi se Berisha ka nxjerrë në dritë aferat më të mëdha korruptive dhe se kjo është arsyeja pse sot po mundohen ta sulmojnë me çdo mënyrë.
Reagimi i plotë në Elda Hotit:
Drejtësia vazhdon të funksionojë me dy standarde. Hajdutët dhe të korruptuarit që kanë vjedhur miliona nga taksat e popullit lihen të lirë, mbrohen dhe fuqizohen, ndersa ndaj atyre që guxojne të kundërshtojne regjimin, vendosen masa kufizuese dhe procese të stisura. Nga njëra ane për Sali Berishën kerkohet detyrim paraqitjeje, ndërkohe që për Erion Veliaj për të cilin ekzistojnë prova të shumta për afera të mëdha, nuk merret asnjë masë kufizuese.
E gjithe kjo situatë i tregon popullit shqiptar atë që tashmë e dinë mirë, që SPAK dhe institucionet e tjera të drejtësise, po përdoren si mjet për përndjekje politike, për të mbajtur pushtetin dhe për të izoluar çdo ze kritik. Sali Berisha ka sfiduar të gjitha stuhitë politike dhe ka mbrojtur interesat e shqiptarëve. Sali Berisha ka qenë gjithmonë një zë i fortë, simbol i rezistencës kundër padrejtësive. Sali Berisha ka qenë zëri që ka nxjerrë në dritë aferat më të mëdha korruptive dhe lidhjet e pushtetit me krimin e organizuar.
Kjo është arsyeja pse sot po mundohen ta sulmojnë me çdo mënyrë, duke përdorur drejtësinë si një armë politike. Ata që sot mundohen ta sulmojnë, ta izolojnë me procese të stisura dhe akuza pa baza, e bejne se e dinë mirë se forca e tij buron nga mbështetja dhe besimi i shqiptarëve që kërkojnë liri, drejtësi dhe dinjitet. Përpjekjet për ta heshtur nuk janë gjë tjetër veçse dëshmi e ndikimit dhe rëndësisë së tij. Historia ka treguar që zërat e vërtetë nuk mund të mposhten dhe e vërteta gjithmonë triumfon, pavarësisht përpjekjeve për ta shtypur. Koha e llogaridhenies po vjen.
TIRANË- Nënkryetarin i Partisë Demokratik, Luçiano Boçi ka reaguar përmes një postimi në llogarinë e tij në "Facebook" në lidhje me vendimin e Gjykatës së Apelit të Posaçëm ndaj kreut të Partisë Demokratike, Sali Berisha. Apeli i GJKKO-së rrëzoi sot kërkesën e SPAK për caktimin e masës "arrest shtëpie" ndaj Berishës duke vendosur masën "detyrim paraqitje" dy herë në muaj.
Në reagimin e tij Boçi shkruan se drejtësia politike po përdor SPAK-un si kapak për krimet e Ramës. Sipas tij SPAK po përdoret si dajak për opozitën dhe po përdor GJKKO për ta çuar drejtësinë në K.O. Ai shtoi se drejtësia e pushtuar nga frika politike ndaj Sali Berishës e opozitës dhe e verbuar nga revanshi politik, është për një vend më destruktive se dhe vetë Kaosi. Boçi shkruan se ky vendim është diktuar në zyra politike dhe se drejtësia sot është “afërmendsh” aneksi zgjedhor i PS.
Reagimi i plotë Luciano Boçit:
Për ata që ende çirren e besojnë se ka drejtësi në këtë vend të shpopulluar nga njerëzit dhe nga vlerat dhe ende nuk shohin batakun politik ku ajo noton, le të gjykojnë sot se çfarë domethënie ka vendimi i sotëm ndaj Sali Berishës.
Një drejtësi politike që përdor një SPAK për kapak për Ramën e krimet e tij, një SPAK si kajmak për vemjet e dala nga gjirizi sorosian e një SPAK si dajak për opozitën dhe që përdor GJKKO për ta çuar drejtësinë në K.O, është një Padrejtësi e padurueshme. Drejtësia e pushtuar nga frika politike ndaj Sali Berishës e opozitës dhe e verbuar nga revanshi politik, është për një vend më destruktive se dhe vetë Kaosi.
Njerëz mos besoni më vendimet e diktuara në zyra politike! Drejtësia sot është “afërmendsh” aneksi zgjedhor i PS. Bashkohuni me opozitën për të ndarë njëherë e mirë drejtësinë nga padrejtësia politike që sundon prej vitesh midis nesh!
TIRANË- Koordinator i Rajonit të Tiranës në PD, Klevis Balliu ka reaguar se fundmi për mes një postimi në llogarinë e tij në "Facebook" në lidhje me vendimin e Gjykatës së Apelit të Posaçëm ndaj kreut të Partisë Demokratike, Sali Berisha. Apeli i GJKKO-së rrëzoi sot kërkesën e SPAK për caktimin e masës "arrest shtëpie" ndaj Berishës duke vendosur masën "detyrim paraqitje" dy herë në muaj.
Në reagimin e tij Balliu shkruan se kur hetimet janë mbyllur nuk mundet të ketë masë ndaj askujt, por përfaqësuesut e SPAK vendosin masë ndaj liderit të opozitës, pavarësisht se hetimet janë mbyllur. Ai shtoi se ndaj kryebashkiakut, Erion Veliaj dhe kryeministrit, Edi Rama nuk ka asnjë masë, pavarësisht se hetimet ndaj tyre vazhdojnë. Sipas tij kjo vlen për të faktuar përfundimisht kapjen e drejtësisë nga pushteti i narkoshtetit.
Reagimi i plotë i Klevis Balliut:
Faleminderit që na vërtetoni akuzën të dashur SKAPISTE të Edvinit. Kur hetimet janë mbyllur nuk mundet të ketë masë ndaj askujt, por SKAPISTET e Ramës vendosin masë ndaj liderit të opozitës, pavarësisht se hetimet janë mbyllur.
Ndërkohe, per Veliajn dhe Ramën e për të gjithë hajdutët e pushtetit, nuk ka asnjë masë, pavarësisht se hetimet ndaj tyre vazhdojnë. Kjo vlen për të faktuar përfundimisht kapjen e drejtësisë nga pushteti i narkoshtetit.
TIRANË- Drejtuesi politik i PD-së për Qarkun e Tiranës, Belind Këlliçi ka reaguar së fundmi përmes një postimi në llogarinë e tij në "Facebook" në lidhje me vendimin e Gjykatës së Apelit të Posaçëm. Apeli i GJKKO-së rrëzoi sot kërkesën e SPAK për caktimin e masës "arrest shtëpie" ndaj kreut të Partisë Demokratike, Sali Berisha duke vendosur masën "detyrim paraqitje" dy herë në muaj.
Në reagimin e tij Këlliçi shkruan se ky është një vendim krejtësisht absurd dhe tërësisht politik. Sipas tij vendimi për detyrim paraqitje dy herë në muaj në këtë fazë të procesit, kur hetimet kanë përfunduar është afërmendsh një qokë politike për Narkoshtetin e parë në Europë. Ai shton se vendimin e sotëm për tu çmallur dy herë në muaj me Sali Berishën, regjimi tregoi se frika i ka hyrë në palcë.
Reagimi i Belind Këlliçit:
I paska marrë malli për Berishën!!! Në një vendim krejtësisht absurd dhe tërësisht politik, sot Gjykata e Apelit të Posaçëm, vendosi të thërrasë dy herë në muaj Kryetarin e Opozitës dhe PD, Prof. Dr. Sali Berishën! Vendimi për detyrim paraqitje dy herë në muaj në këtë fazë të procesit, kur hetimet kanë përfunduar, është afërmendsh një qokë politike për Narkoshtetin e parë në Europë!
Regjimi në fakt nuk mund të jepte sërish vendim për arrest shtëpie pasi do ishte diskretitim, por edhe pa asnjë masë nuk mund ta linin Doktorin, pasi do ishte thjesht degjenerim! Megjithatë, me vendimin e sotëm për tu çmallur dy herë në muaj me Sali Berishën, regjimi tregoi se frika i ka hyrë në palcë! Nuk do jetë e vonë dita, kur Sali Berisha dhe PD ta fitojë bindshëm edhe këtë betejë.
TIRANË- Deputeti i PD-së, Agron Gjekmarkaj, e ka cilësuar vendim absurd caktimin e masës "detyrim paraqitje" për Sali Berishën. Përmes një postimi në "Facebook", Gjekmarkaj është shprehur se kjo është një tjetër përpjekje për tu bërë krah me mazhorancën për zgjedhjet e ardhshme.
Gjekmarakaj i ka konsideruar betejat e kryedemokratit një sfidë për të cilën shqiptarët do të dinë t'i japin përgjigjë më 11 Maj. Më tej, ai është shprehur se fitimi i betejave për Berishën është thjeshtë çështje kohë.
“Një tjetër vendim absurd i Gjykatës së Posaçme ndaj Sali Berishës. Një përpjekje e pafshehur për tu bërë krah dhe bllok i vetëm me mazhorancën për zgjedhjet e ardhshme! Shqiptarët do të dinë ti japin përgjigje me 11 Maj kësaj sfide. Historia bashkëkohore ka dëshmuar që fitimi i betejave për Sali Berishën është thjeshtë çështje kohë!, shkruan Agron Gjekmarkaj.
Gjykata e Apelit të posaçëm rrëzoi sot kërkesën e SPAK për caktimin e masës "arrest shtëpie" ndaj kreut të Partisë Demokratike Sali Berisha duke vendosur masën "detyrim paraqitje" dy herë në muaj.
TIRANA- Avokati i kreut të Partisë Demokratike, Sali Berisha, Genc Gjokutaj, tha për mediat pas vendit të Apelit të GJKKO-së se janë ende të paqartë për këtë vendim. Gjokutaj tha se kjo gjykatë nuk është më pak e kapur se Gjykata Kushtetuese. Ai shtoi se ky vendim është zgjidhja më e keqe që i është dhënë ndonjëherë, se nuk ka zgjidhur asnjë problem.
"Gjykata e Apelit e GJKKO vendosi zëvendësimin e masës. Ne jemi të paqartë për këtë vendim. Prokurori kërkonte vetëm që të merrej masa “arrest shtëpie”. Kjo gjykatë nuk është më pak e kapur se Gjykata Kushtetuese. Vijmë prapë në krye të herës te kjo histori. Vendimi nuk është zbardhur.
Ky vendim është zgjidhja më e keqe që i është dhënë ndonjëherë, se nuk ka zgjidhur asnjë problem. Prokuroria në mënyrë arbitrare është nisur nga qëllime politike të ditës, duke zhdukur konceptin e “arrestit në shtëpi”. Ky është vendim i çuditshëm, por duhet ta lexojmë këtë vendim. Gjykata doli nga objekti i gjykimit", tha Gjokutaj.
TIRANA- Gjykata e Apelit të posaçëm rrëzoi sot kërkesën e SPAK për caktimin e masës "arrest shtëpie" ndaj kreut të Partisë Demokratike Sali Berisha duke vendosur masën "detyrim paraqitje" dy herë në muaj. Seanca, që drejtohet nga gjyqtari i posaçëm, Engert Pëllumbi, nisi pak pas orës 10:00 teksa në sallë ndodhej dhe avokati i kryedemokratit, Genc Gjokutaj.
Thuajse tre javë më parë, SPAK apeloi në Apelin e Posaçëm lirimin e kreut të PD-së Sali Berisha nga "arresti shtëpiak" dhe kërkoi rikthimin e masës. Berisha është liruar nga masa "arrest shtëpie" më 27 nëntor 2024. Ky vendim u mor nga gjyqtarja Flojera Davidhi. Avokati i kreut të PD-së, Genc Gjokutaj deklaroi atë ditë se ndaj Berishës nuk është caktuar asnjë masë tjetër sigurie. Ai shtoi po atë ditë se Prokuroria kërkoi që Berisha të qëndronte në "arrest shtëpie".
Më 30 dhjetor 2023 Gjykata e Posaçme njoftoi se e kishte vendosur masën arrest shtëpiak ndaj Berishës i cili është duke u hetuar së bashku me dhëndrin e tij Jamarbër Malltezi (aktualisht nën masën "arrest shtëpie") për çështjen e privatizimit të ish-kompleksit sportiv Partizani.
Më herët, Sali Berisha ka refuzuar masat e dhëna nga SPAK, atë të detyrimit të paraqitjes dhe të ndalimit të daljes jashtë shtetit, duke i konsideruar masat si antikushtetuese. Pas moszbatimit të këtyre masave, Struktura e Posaçme ashpërsoi masën e sigurisë për Berishën, duke e lënë në "arrest shtëpie".
Gjykata e Posaçme urdhëroi Berishën të mos largohet nga banesa e tij dhe të mos komunikojë me persona të tjerë përveç atyre që bashkëjetojnë me të në të njëjtën banesë, ndërsa për zbatimin e kësaj mase ngarkoi SPAK-un dhe shërbimet e policisë gjyqësore.
TIRANA- Apeli i GJKKO-së do të shqyrtojë sot ankimimin e SPAK, që kërkon rikthimin e kreut të Partisë Demokratike, Sali Berishës nën masën "arrest shtëpie". Mësohet se Apeli i Posaçëm do shqyrtojë kërkesën e Prokurorisë së Posaçme në orën 10:00.
Kreu i Partisë Demokratike, Sali Berisha është liruar nga masa "arrest shtëpie" më 27 nëntor 2024. Ky vendim u mor nga gjyqtarja Flojera Davidhi. Avokati i kreut të PD-së, Genc Gjokutaj deklaroi atë ditë se ndaj Berishës nuk është caktuar asnjë masë tjetër sigurie. Ai shtoi po atë ditë se Prokuroria kërkoi që Berisha të qëndronte në "arrest shtëpie".
Më 30 dhjetor 2023 Gjykata e Posaçme njoftoi se e kishte vendosur masën arrest shtëpiak ndaj Berishës i cili është duke u hetuar së bashku me dhëndrin e tij Jamarbër Malltezi (aktualisht nën masën "arrest shtëpie") për çështjen e privatizimit të ish-kompleksit sportiv Partizani.
Më herët, Sali Berisha ka refuzuar masat e dhëna nga SPAK, atë të detyrimit të paraqitjes dhe të ndalimit të daljes jashtë shtetit, duke i konsideruar masat si antikushtetuese. Pas moszbatimit të këtyre masave, Struktura e Posaçme ashpërsoi masën e sigurisë për Berishën, duke e lënë në "arrest shtëpie".
Gjykata e Posaçme urdhëroi Berishën të mos largohet nga banesa e tij dhe të mos komunikojë me persona të tjerë përveç atyre që bashkëjetojnë me të në të njëjtën banesë, ndërsa për zbatimin e kësaj mase ngarkoi SPAK-un dhe shërbimet e policisë gjyqësore.
