Arrestimi i Metës/ Berisha: Persekutim politik. Kryemadhi: Nuk jam vënë në dijeni as për vete as për arrestimin e babait të fëmijëve të mi

Ilir Meta

TIRANË- Kreu i Partisë së Lirisë Ilir Meta ka reaguar për herë të parë pas arrestimit nga burgu. Me anë të një postimi në Facebook, Meta ka falenderuar anëtarët e Partisë së Lirisë për mbështetjen që i kanë dhënë deri më tani. Ndërkohë që ka theksuar se lufta e tyre nis një faqe të re me përballjen kundër një narkoshteti të instaluar brutalisht. 

Postimi i Plotë:

Falenderoj përzemërsisht të gjithë anëtarët e Partisë së Lirisë për mbështetjen e jashtëzakonshme që më kanë dhënë deri tani. Po kështu nga sot lufta jonë nis një faqe të re në përballjen pa asnjë kompromis me Narkoshtetin e instaluar brutalisht. Jam i bindur në fitoren e kauzave tona kombëtare dhe demokratike! Armiqtë e kombit tonë dhe demokracisë do u ngrijë e qeshura në buzë. Rrëmbimi im sot në mënyrën më banditeske tregon panikun e regjimit diktatorial nga ballafaqimi me të vërtetat. Ju siguroj se pas njohjes me vendimin e arrestimit tim ndihem më i fortë se kurrë dhe besoj edhe shumë në pafajësinë time të plotë. Ndihem krenar që jam rrëmbyer dhunshëm nga antishqiptarët dhe shqipfolësit vetëm për patriotizmin tim dhe mbrojtjen e interesave kombëtare.

Kreu i Partisë së Lirisë Ilir Meta është arrestuar ditën e sotme. Meta është vënë në pranga në orët e para të mesditës me urdhër të Prokurorisë së Posaçme. Pas arrestimit të Metës, Gjykata e Posaçme ka caktuar dhe masë sigurie detyrim paraqitje për ish-bashkëshorten Monika Kryemadhi. 

tedi blushi

TIRANË- Sekretari i Përgjithshëm i Partisë së Lirisë, Tedi Blushi ka folur për gazetarët jashtë ambienteve të drejtorisë së Policisë së Tiranës, ku pritet të mbërrijë kreu i PL-së, Ilir Meta pas arrestimit. 

Blushi e ka cilësuar arrestimin si akt terrorist të menduar. Ai tha se kjo do të marrë një përgjigje të pamëshirë, ndërsa i ka cilësuar pamjet e arrestimin si skena të pahijshme. 

“Kemi të bëjmë me një akt terrorist. Sigurisht të menduar. Kanë tentuar ta nxjerrin me forcë nga makina, persona të armatosur, terroristë pa u prezantuar. Do të marrin një përgjigje të pamëshirë. Asnjë akuzë nuk ekziston nga ato që fabrikon kjo strukturë terroriste në media. Përgjigjen këta terroristë, me në krye këtë fëlliqësirë do ta marrin. Kemi të bëjmë me një akt të mirëfilltë terrorist, nga Bin Ladeni i drejtësisë shqiptare Altin Dum Dumani. Ato skena janë të pahijshme dhe sigurisht do të marrin ndëshkimin e shqiptarëve të ndershëm e patriotë”, tha Blushi.

TIRANË- Ish-ambasadorja e BE në vendin tonë, Romana Vlahutin ka reaguar në lidhje me arrestimin e presidentit të Partisë së Lirisë, Ilir Meta. Për mes një reagimi në "X" Vlahutin shkruan se nuk ka të paprekëshmë ndërsa thekson se ky është një mësim i madh për të gjithë ata që duan që ligji dhe rendi të mbizotërojë.

Vlahutin shton se drejtësia mund të jetë e ngadaltë por do të shërbehet përfundimisht.

“Reforma në drejtësi me fuqi të plotë! Nuk ka të paprekshëm. Dhe një mësim i madh për të gjithë ata që duan që ligji dhe rendi të mbizotërojë: mos kini frikë. Drejtësia mund të jetë e ngadaltë, por do të shërbehet përfundimisht”, shkruan ish-ambasadorja.

Meta

Kreu i Partisë së Lirisë Ilir Meta është arrestuar ditën e sotme. Meta është vënë në pranga në orët e para të mesditës me urdhër të Prokurorisë së Posaçme. Pas arrestimit të Metës, Gjykata e Posaçme ka caktuar dhe masë sigurie detyrim paraqitje për ish-bashkëshorten Monika Kryemadhi. 

monika kryemadhi

TIRANË- Deputetja e PL-së dhe ish-bashkëshortja e Ilir Metës, Monika Kryemadhi ka reaguar lidhur me masat e caktuara ndaj tyre nga GJKKO. 

Kryemadhi thotë se nuk është vënë në dijeni mbi një vendim gjykatë që cakton masë sigurie ndaj saj dhe as për vendimin e arrestimit të babait të fëmijëve të tij.  

Ajo thotë se presekutimi nga drejtësia si armë ndaj kundërshtarit politik, si dhe gjyqi publik që po na bëhet, nuk ndalon opozitën në betejat pa kompromis për të mbrojtur interesin publik.

REAGIMI I PLOTË: 

Të dashur gazetarë për të cilët kam shumë respekt dhe që sot po raportoni lajme të servirura nga propaganda e qeverisë për sulmet e radhës të drejtësisë ndaj opozitës shqiptare.

Unë ende nuk kam marrë dijeni mbi një vendim gjykate që do të vendoste masa sigurie mbi mua apo babain e fëmijëve të mi.
Sapo të njoftohem për këto vendime të drejtësisë do të përgjigjem me të gjitha hapat ligjore dhe publike.

Persekutimi nga drejtësia si armë ndaj kundërshtarit politik, si dhe gjyqi publik që po na bëhet, nuk ndalon opozitën në betejat pa kompromis për të mbrojtur interesin publik.

Duke nisur nga Inceneratorët dhe der tek çdo betejë tjetër të drejtë që po luftojmë për shqiptarët.

tedi blushi

TIRANË- Pas arrestimit të kreut të Partisë së Lirisë, Ilir Metës, sekretari i Përgjithshëm i PL-së, Tedi Blushi ka mbërritur në Policinë e Tiranës. Blushi tha për gazetarët se ky akt i rëndë kriminal do të marri përgjigjen shembullore. 

“Kjo strukturë kriminale terroriste që guxoi të rrëmbente në mes të ditës ish-presidentin, ish-kryeministrin. Nuk e di ku ndodhet Meta tani dhe kjo tregon gjendje skandaloze. Për aktin e rëndë kriminal do të marrin përgjigjen shembullore.”, tha ai.

Metës iu vunë pranga pak çaste më herët, në zonë e Casa Italias në Tiranës, ndërsa pritet të dërgohen në Policinë e Tiranës.Ende nuk dihen akuzat që rëndojnë ndaj tij, ndërsa pritet një reagim zyrtar.

sali berisha

TIRANË- Në konferencën e kreut të PD-së, Sali Berishës me gazetarët, këta të fundit e kanë pyetur lidhur me arrestimin e kreut të PL-së, Ilir Metës. 

Berisha tha se çdo veprim ndaj Metës është politike. Ai tha se dhe kjo është bërë me urdhrat e Ramës, i cili sipas tij kërkon eleminimin politik dhe fizik të Metës.

"Çdo gjë ndaj tij është politike. Persekutimi politik i Ilir Metës është politik, politik dhe vetëm politik. Nuk kanë publikuar asnjë fakt, asnjë dokument, por kanë zbatuar urdhrat e Edi Ramës, i cili është përpjekur me të gjitha mënyrat për eliminimin politik, e ndoshta edhe fizik të Ilir Metës. Edi Rama është, siç denoncova edhe në herët e kaluara, i implikuar në zhdukje të personave në mënyrë ekstraligjore, antikushtetuese. Iu kam informuar unë këtu ju, se Dumani fle mbi një dosje në të cilën bisedohet për eliminimin e një politikani të afërt me Edi Ramën. E kuptoni se a do mund të guxonin bandat shtetërore të eliminonin një politikan të afërt me Edi Ramën, pa porosinë e Edi Ramës? Pra, Edi Rama është një me krimin.", tha Berisha.