LIVE UPDATES
LIVE UPDATES

Asambleja Parlamentare i thotë PO anëtarësimit në KiE, Osmani dhe Kurti: Ditë e madhe për Kosovën! (REAGIMET)

• Mbrëmjen e sotme, Asambleja Parlamentare e Këshillit të Europës ka votuar pro anëtarësimit të Kosovës në KiE. • Votimi kaloi me 131 vota pro, 29 kundër dhe 11 abstenime. • Menjëherë pas votimit ka reaguar kryeministri i Kossovës, Albin Kurti, i cili shprehet se sot është një ditë e madhe për vendin e tij. • Gjithashtu edhe presidentja Vjosa Osmani shkruan se ky është një hap i madh për Kosovën, ndërsa ka falenderuar të gjithë deputetët e pranishën në Asamblenë Parlamentare të KiE. • Reagime ka pasur edhe nga Shqipëria. • Ministri i Jashtëm, Igli Hasani thotë se ky është një hap vendimtar drejt rritjes së bashkëpunimit, stabilitetit dhe prosperitetit për popullin e Kosovës. • Lideri i opozitës, Sali Berisha e ka cilësuar këtë hap si një arritje historik për Kosovën dhe kombin. • Ai më tej në reagimin e tij shtoi se ky hap është realizimi i një ëndrre fisnike të madhe të presidentit Ibrahim Rugova. • Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.

11 artikuj për këtë temë.

1 MUAJ ME PARE

Votimi pro Kosovës në Asamblenë e KiE, Bardhi: Vlerësim për demokracinë e brendshme dhe paqen rajonale

Asambleja Parlamentare i thotë PO anëtarësimit në KiE,
foto ilustruese

TIRANË- Kreu i Grupit Parlamentar të PD-së, Gazment Bardhi ka shprehur urimet e tij për Kosovën në votimin e Asamblesë Parlamentare pro anëtarësimit të saj në Këshillin e Europës.

Bardhi shkruan se kjo nuk është vetëm një mundësi e jashtëzakonshme për Kosovën dhe proceset integruese të saj, por edhe një vlerësim për demokracinë e brendshme dhe paqen rajonale.

REAGIMI I PLOTË: 

Urime Kosovë!
Moment historik për Kosovën dhe popullin e saj që Asambleja Parlamentare e Këshillit të Europës votoi pro rekomandimit për anëtarësimin e Kosovës në KiE. Kjo nuk është vetëm një mundësi e jashtëzakonshme për Kosovën dhe proceset integruese të saj, por edhe një vlerësim për demokracinë e brendshme dhe paqen rajonale.

1 MUAJ ME PARE

Kosova një hap më afër anëtarësimit në KiE, vjen reagimi i parë nga Serbia: Ditë e turpshme

Asambleja Parlamentare i thotë PO anëtarësimit në KiE,
Daçiç

SERBI- Ministri i Punëve të Jashtme i Serbisë, Ivica Daçiç, tha se 16 prilli është “ditë e turpshme në Asamblenë Parlamentare të Këshillit të Evropës”, pasi shumica e deputetëve të saj e mbështetën anëtarësimin e Kosovës në këtë organizatë. Me 131 vota për, 29 kundër dhe 11 abstenime, Asambleja Parlamentare e mbështeti anëtarësimin e Kosovës në Këshillin e Evropës gjatë një seance plenare të martën në Strasburg.

Radiotelevizioni i Serbisë (RTS) e citoi Daçiçin të ketë thënë se Serbia do ta vazhdojë luftën e saj “me të gjitha forcat” në mënyrë që vendimi të mos miratohet në Komitetin e Ministrave më 16 maj.

“Ne do ta shohim vlerën e fjalës që bashkësia ndërkombëtare ia dha presidentit Aleksandar Vuçiq, se Kosova nuk do të pranohej në Këshillin e Evropës derisa ta themelojë Asociacionin e komunave me shumicë serbe. Ndryshe do të jetë gënjeshtër përsëri”, tha Daçiç.

Kosova dhe Serbia arritën marrëveshje për Asociacionin më 2013 dhe më pas më 2015 mbi parimet për themelimin e tij, por Prishtina nuk e ka themeluar atë.

Kosova aplikoi për anëtarësim në Këshillin e Evropës në maj të vitit 2022 dhe bëri një hap përpara drejt anëtarësimit kur më 27 mars, Komisioni për Politikë dhe Demokraci i kësaj organizate e miratoi raportin e raportueses për Kosovën, Dora Bakoyannis, ku thuhet se Kosova i plotësoi kushtet për t'u bërë anëtare e plotë e kësaj organizate ndërkombëtare.

Këshilli i Evropës është një organizatë ndërkombëtare për të drejtat e njeriut, demokracinë dhe sundimin e ligjit në Evropë, me seli në Strasburg të Francës, e themeluar më 1949. Pjesë e tij janë 46 shtete, përfshirë 27 vende anëtare të Bashkimit Evropian dhe të gjitha vendet e rajonit.

Në dy raste, Serbia votoi kundër kërkesës së Kosovës për anëtarësim në Këshillin e Evropës, megjithëse asaj i kërkohet të mos e kundërshtojë anëtarësimin e vendit fqinj në asnjë organizatë ndërkombëtare në përputhje me Marrëveshjen Bazë që palët e arritën në dialogut e ndërmjetuar nga BE-ja në shkurt të vitit 2023.

BE-ja thotë se Marrëveshja Bazë është ligjërisht e detyruese për Kosovën dhe Serbinë. Por, zyrtarët e Beogradit kanë thënë vazhdimisht se nuk do t’i zbatojnë të gjitha pikat e marrëveshjes.

Marrë nga REL

1 MUAJ ME PARE

Iu dha drita jeshile në Asamblenë e KiE, Meta: Votë plotësisht e merituar, Kosova shembull i rajonit

Asambleja Parlamentare i thotë PO anëtarësimit në KiE,
votimi ne asamble

TIRANË- Kreu i Partisë së Lirisë, Ilir Meta ka uruar Kosovën për hapin e parë drejt anëtarësimit në Këshillin e Evropës. Meta shkruan se votimi në Asamblenë Parlamentare të KiE, ishte plotësisht e merituar.

Ai thotë se ishte çertifikim i arritjeve të shkëlqyera, që e kanë bërë Kosovën një shembull në rajon për demokracinë funksionale, sundimin e ligjit dhe respektimit të të drejtave të njeriut.

POSTIMI I METËS:

URIME KOSOVË!

Një vendim historik dhe ditë e madhe për Kosovën, vota në favor të aplikimit për t’u bashkuar me Këshillin e Europës.
Plotësisht e merituar dhe çertifikim i arritjeve të shkëlqyera, që e kanë bërë Kosovën një shembull në rajon për demokracinë funksionale, sundimin e ligjit dhe respektimit të të drejtave të njeriut, faktor paqeje dhe stabiliteti.

Faleminderit të gjithë deputetëve të Asamblesë Parlamentare të KiE që votuan sot pro anëtarësimit të Kosovës në Këshillin e Europës! Disa faqezinj u përpoqën ta pengojnë! Por dështuan, dhe prapë do të dështojnë!

1 MUAJ ME PARE

Edhe një hap tjetër pranë anëtarësimit në KiE, Rohde: Tani pesha e rëndë, Kosova duhet t’i bindë ministrat me veprime

Asambleja Parlamentare i thotë PO anëtarësimit në KiE,
Jorn Rohde

KOSOVË- Asambleja Parlamentare ka votuar PRO që Kosova të avancojë edhe më tej drejt anëtarësimit në Këshillin e Evropës. Në lidhje me këtë hap ka reaguar edhe ambasadori i Gjermanisë në Kosovë, Jorn Rohde.

Rohdë shkruan se duke fituar zemrat dhe mendjet në Asamble Kosova fitoi pothuajse 80% të votave. Ai më tej shkruan se tani Kosova duhet t’i bindë ministrat me veprime.

“Duke fituar zemra dhe mendje në @PACE_Neëssot: Aplikimi për anëtarësim i Kosovës fitoi pothuajse 80% të votave. Tani vjen pesha e rëndë për të siguruar shumicën e nevojshme 2/3 në Komitetin e Ministrave në maj, Kosova duhet të bëjë atë që duhet për të bindur me meritë dhe veprime”, ka shkruar ai në “X”.

Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.

1 MUAJ ME PARE

Votimi në Asamblenë e KiE, Rama: Një hap historik sapo u hodh, Kosova mori çka i takonte!

Asambleja Parlamentare i thotë PO anëtarësimit në KiE,
foto ilustruese

TIRANË- Kryeministri Edi Rama ka reaguar pas votimit pro Kosovës në Asamblenë Parlamentare të Këshillit të Europës. Përmes një postimi në Facebook, Rama shprehet se sot është hedhur një hap historik.

Ai shkruan se Asambleja i dha Kosovës atë çka i takonte. Rama shkruan se Kosova është një gur i pamohueshëm dhe i pazëvendësueshëm që i mungon mozaikut europian të KiE. 

POSTIMI I PLOTË:

NJË HAP HISTORIK SAPO U HODH NË ASAMBLENË PARLAMENTARE TË KËSHILLIT TË EUROPËS PËR PRANIMIN E KOSOVËS SI ANËTAR I KOMUNITETIT TË SHTETEVE TË KiE

Urime, urime, urime nga zemra Kosovës dhe faleminderit të gjithë miqve e partnerëve në Asamblenë Parlamentare, që na mbështetën në hedhjen e këtij hapi të drejtë, i cili i dha Kosovës çka i takonte dhe i bëri nder vetë Këshillit të Europës
Tani hapi i fundit historik në maj, në Komitetin e Ministrave, ku të gjithë duhet të bëjnë të vetmen gjë të duhur:
VULOSJEN E KËTIJ ANËTARËSIMI pa të cilin mozaikut europian të Këshillit të Europës i mungon një gur i pamohueshëm dhe i pazëvendësueshëm

Forca KOSOVË

1 MUAJ ME PARE

"Shpresoj ta shoh anëtare në KiE", Viola von Cramon: Hap i rëndësishëm për Kosovën

Asambleja Parlamentare i thotë PO anëtarësimit në KiE,
viola von cramon

BRUKSEL -Ish-raportuesja për Kosovën në Parlamentin Europian, Viola von Cramon ka reaguar pas votimit të mbrëmjes së sotme në Asamblenë Parlamentare të Këshillit të Europës. 

Ajo e ka quajtur hap të rëndësishëm mbështetjen e Asamblesë Parlamentare të Këshillit të Europës për anëtarësimin e Kosovës në KiE.

Von Cramnon ka uruar Kosovën për këtë arritje teksa shpreson që së shpejti ta shoh si anëtare të plotë në Këshillin e Europës.

1 MUAJ ME PARE

Asambleja i hapi rrugë anëtarësimit në KiE, Osmani: Edhe një hap! Zëri i europianëve është dëgjuar

Asambleja Parlamentare i thotë PO anëtarësimit në KiE,
Osmani

KOSOVË- Presidentja e Kosovës, Vjosa Osmani ka reaguar në lidhje me vendimin e Asamblesë Parlamentare të Këshillit të Europës të cilët votuan për avancimin e vendit drejt anëtarësimit në KiE.

Përmes një reagimi në "x: Osmani ka falenderuar deputetët e Asamblesë. Osmani më tej shkruan se zëri i europianëve është dëgjuar! 

“Faleminderit të gjithëve deputetëve të Asamblesë Parlamentare të KiE që votuan pro Kosovës anëtarësimit të Kosovës në Këshillin e Europës sot! Një falënderim i madh për delegacionin tonë dhe të gjithë ata që mbështesin vazhdimisht popullin e Kosovës. Edhe një hap!”, shkruan Osmani.

Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.

1 MUAJ ME PARE

Kosova në Këshillin e Europës/ Berisha: Kjo është një arritje historike, është realizimi i një ëndrre fisnike

Asambleja Parlamentare i thotë PO anëtarësimit në KiE,
Berisha

TIRANË- Asambleja Parlamentare ka votuar PRO që Kosova të avancojë edhe më tej drejt anëtarësimit në Këshillin e Evropës. Në lidhje më këtë hap të rendësishëm ka reaguar kreu i PD-së, Sali Berisha. Berisha në reagimin e tij e ka cilësuar këtë hap si një arritje historik për Kosovën dhe kombin.

Ai më tej në reagimin e tij shtoi se ky hap është realizimi i një ëndrre fisnike të madhe të presidentit Ibrahim Rugova. Berisha tha se ky është realizimi i një ëndrre të mijëra e mijëra vajzave dhe djemve të Kosovës që ranë për t’u bërë të pavdekshëm për një Kosovë të lirë, të pavarur dhe evropiane.

Berisha: Të dashur qytetare dhe qytetarë, qëndrestare dhe qëndrestarë, misionare dhe misionare të shpresës, dinjitetit, lirisë së individit dhe shoqërisë shqiptare. Ju përshëndes me shumë mirënjohje, me shumë nderim, ju dhe oratorët tuaj.

Por sonte dua të përshëndes në emër tuaj dhe të PD, një ngjarje historike për Kosovën dhe kombin.
Sot, Asambleja Parlamentare e Këshillit të Europës votoi me mbi dy të tretat e të pranishmëve për Kosovën anëtare të Këshillit të Europës.

Për Kosovën e lirë dhe të pavarur.  Të dashur miq, kjo është një arritje historike, është realizimi i një ëndrre fisnike të madhe të presidentit Ibrahim Rugova. Realizimi i një ëndrre të mijëra e mijëra vajzave dhe djemve të Kosovës që ranë për t’u bërë të pavdekshëm për një Kosovë të lirë, të pavarur dhe evropiane.

Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.

1 MUAJ ME PARE

Asambleja i hapi rrugë anëtarësimit në KiE, Kurti: Një ditë e madhe për Kosovën! Miratim kumbues i rekordit të shtetit tonë për demokracinë

Asambleja Parlamentare i thotë PO anëtarësimit në KiE,
Kurti

KOSOVË- Asambleja Parlamentare ka votuar PRO që Kosova të avancojë edhe më tej drejt anëtarësimit në Këshillin e Evropës. Në lidhje më këtë hap të rendësishëm ka reaguar kryeministri i Kosovës, Albin Kurti. Kurti shkruan se kjo është një ditë e madhe për Kosovën.

“Një ditë e madhe për Kosovën, vota në favor të aplikimit tonë për t’u bashkuar me Këshillin e Evropës. Ky është një miratim kumbues i rekordit të shtetit tonë për të drejtat e njeriut, demokracinë dhe sundimin e ligjit, duke e sjellë Republikën e Kosovës një hap më afër anëtarësimit të plotë”, ka thënë Kurti.

Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.

1 MUAJ ME PARE

Asambleja i hapi rrugë anëtarësimit të Kosovës në KiE, Hasani: Një tjetër moment historik!

Asambleja Parlamentare i thotë PO anëtarësimit në KiE,
igli hasani

TIRANË- Ministri i Jashtëm, Igli Hasani ka reaguar pasi Asambleja Parlamentare e Këshillit të Europës i hapi rrugën anëtarësimit të Kosovës. 

Hasani shkruan se ky është një tjetër moment historik për Kosovën. Ai shprehet se është një hap vendimtar drejt rritjes së bashkëpunimit, stabilitetit dhe prosperitetit për popullin e Kosovës.

Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.

POSTIMI I PLOTË:

Një tjetër moment historik për Kosovën!

Rekomandimi i Asamblesë Parlamentare të Këshillit të Evropës për anëtarësimin e Kosovës është një njohje e progresit dhe potencialit të saj.

Është një hap vendimtar drejt rritjes së bashkëpunimit, stabilitetit dhe prosperitetit për popullin e Kosovës. Është një dëshmi e përkushtimit të Kosovës ndaj vlerave evropiane. Hapi tjetër: Komiteti i Ministrave

1 MUAJ ME PARE

Asambleja Parlamentare i thotë PO anëtarësimit të Kosovës në KiE

Asambleja Parlamentare i thotë PO anëtarësimit në KiE,
seanca

STRASBURG- Asambleja Parlamentare ka votuar PRO, Kosova drejt anëtarësimit në Këshillin e Europës. Paraprakisht, Asambleja i hodhi poshtë me rend amandamentet e propozuara nga Serbia. Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.

Po ditën e sotme, Komiteti për Çështje Politike dhe Demokraci në Këshillin e Europës i ka hedhur poshtë disa amandamente tjera që u propozuan nga delegacioni serb dhe disa deputetë italianë e një hungarez që themelimi i Asociacionit të komunave me shumicë serbe të bëhet kusht për anëtarësimin e Kosovës në KiE. Gjithashtu ditën e djeshme në Komitetin për Çështje Ligjore dhe të Drejta të Njeriut në Këshillin e Europës u votua unanimisht pro aplikimit të Kosovës për anëtarësim.

Kosova bëri një hap drejt anëtarësimit në Këshillin e Europës më 27 mars. Me gjithë votën kundër të Serbisë dhe dy vendeve të tjera, Komiteti për Politikë dhe Demokraci i KiE e miratoi raportin e raportueses për Kosovën, Dora Bakoyannis, i cili rekomandon se vendi ika plotësuar kushtet për t’u anëtarësuar plotësisht në Këshillin e Europës. Fjalën përfundimtare për anëtarësimin e Kosovës tashmë do ta japë Këshilli i Ministrave të Këshillit të Europës në maj.

kosove keshilli i europes vjosa osmani albin kurti

Sondazh

Poll

Nis fuqishëm protesta para Bashkisë Tiranë, qytetarët hedhin molotov para godinës

Nis fuqishëm protesta para Bashkisë Tiranë, qytetarët hedhin molotov para godinës

Të pranishëm në protestë, akti fisnik i qytetarëve, u japin ujë efektivëve të policisë

VIDEO-VIRALE/ Po fliste në Rrugën e Salës, demokrati 'kapet mat' nga gruaja

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta

Del VIDEOJA, Elia godet Princ Lekën: Familja ime të ka mbajtur me bukë

VIDEO/ Noka i jep Spiropalit pankartën, Ministrja ofrohet ta mbaj para fytyrës

Publikohen pamjet nga brenda bazës ajrore të Kuçovës, Komandanti: E gatshme për stërvitjen e trupave

Tempulli 2/ Me kanabis gati për shitje dhe shuma parash, arrestohen 4 të rinj në Tiranë

Dalin pamjet nga kasollja ku u vra 50-vjeçari në Durrës

Kontrabandonin ilaçe dhe telefona, arrestohen dy persona në Tiranë, sekuestrohen 47 iPhone

I vunë flakën eskavatorit me vlerë 150 mijë euro, arrestohen 2 autorët e ngjarjes

Reshjet e shiut dhe borës në vend, policia: Moderoni shpejtësinë e mos kryeni parakalime të gabuara

Kampioni Alvin Karaqi mes lotësh: Për besë u ndjeva si Gjergj Kastrioti kur mora flamurin

'Dokumentar horror'/ Berisha publikon pamjet: Do ju paraqes terrorin që Bajrajt ushtruan më 14 maj

Krimi në Bulqizë/ Fqinji: Po hante bukë në banesë kur erdhën dy makina!

Dosja "Gjici"/ Zv.kryetari i bashkisë së Kukësit shkon në SPAK

Newsroom 11 |XAMA: LAJMI I FUNDIT FAKE QË PASHË, ISHTE PËR MUA

Newsroom 11 |XAMA: KËSHILLË QYTETARËVE- MOS LEXONI VETËM NJË BURIM

Newsroom 11 | XAMA: GAZETARËT NUK SHKRUAJNË ME EMËR, KJO S'ËSHTË ETIKE

Xama në Newsroom: Lajmet e rreme përhapin panik! Më akuzuan se kisha marrë para për një shkrim

Muka në Newsroom: Në Shqipëri ka portale gjobaxhie, u bëjnë shantazh njerëzve

Xama në Newsroom: Fake News shpërndahet më shumë në Facebook e Tik Tok! Gazetarët të shkruajnë emrin

Newsroom 11 |Kush prodhon lajme të rreme në Shqipëri

Newsroom 10 |SENJA: NE S'REAGOJMË NDAJ GJUHËS SË URREJTJES

Newsroom 10 |HAZIZAJ: 'ÇOHU ENVER', PJESË E GJUHËS SË URREJTJES

Newsroom 10 | HAZIZAJ KEMI MARRËVESHJE PËR TË MBROJTUR 'VIKTIMAT'

Newsroom 10 |HAZIZAJ: GJUHA E URREJTJES KA SHKAKTUAR DHE KRIME

Newsroom 10 |GAZETARI: GJUHA E URREJTJES, PJESË E SHOQËRISË

Newsroom 10 |HAZIZAJ: GJUHA E URREJTJES, E FRIKSHME NË SHQIPËRI

Vidhnin në banesa duke përdorur çelësa të klonuar, vihet në pranga 1 person,nje tjeter në kërkim

Newsroom 10 |GJUHA E URREJTJES PËRDORET NGA POLITIKA, AMA TË KONTROLLOJË GJUHËN E URREJTJES

Newsroom 10 | HAZIZAJ: STEREOTIPET NXISIN GJUHËN E URREJTJES

Newsroom 10 | HAZIZAJ: GJUHA E URREJTJES LUFTOHET ME EDUKIM

Newsroom 10 | Gjuha e urrejtjes në media, si dhe kush e shpërndan?

Ndryshimet në PS/ Gjiknuri: S'është fundi, por fillimi i diçkaje të re.

Inceneratorët/ S’kam dhënë asnjë kontratë pa garë, ato janë publike!

Ndihet 'i shitur' nga Rama? Gjiknuri: Nuk ndjej braktisje, kam komunikim me të prej 20 vitesh

Klosi: Kemi primare reformimin e partisë, PS synon mandatin e katërt

U shkarkua si Sekretar i Përgjithshëm, Gjiknuri: PS edhe kur fiton, refekton!

Digjet shtëpia në Shkodër, në banesë ndodhej një i moshuar, përfundon në spital

Vazhdon përplasja në PD! Basha kërkon mbledhjen e Komisionit të Etikës për të, Bardhi: Shenjë humbje

Vrasja e Jetmirës/ Autori u dënua me 28 vite burg, nëna e viktimës: Duhet dënim përjetë!

Newsroom 9 | Kallanxhi: Threads? S`besoj se do zgjasë shumë

Newsroom 9 | Eksperti i IT: Mos merrni për bazë asgjë thuhet në rrjet

Newsroom 9 | Gazetarja: po ndodhin vrasje nga tik tok

Newsroom 9 | Eksperti i IT: Fake News dallohet vetëm po të jemi kritikë

Newsroom 9 | Kallanxhi: Shqiptarët besojnë gjithçka shohin në rrjet

Newsroom 9 | Eksperti i IT, Tomi Kallanxhi: Tik Tok ka "fake news" sepse s'ka censurë

Newsroom 9 | Gazetarja: Shqipëria do kohë të përshtatet me Tik Tok

Newsroom 9| Eksperti i IT: Çdo rrjet është i përkohshëm, duhet të kujdesemi për vlerat